કાવ્ય ગુંજન ૪

 

 

 

Image

સુરેન્દ્ર ગાંધી
મે ૧૧, ૨૦૧૪ ના આગામી ‘મધર્સ ડે’ ની શ્રધ્ધાંજલી.

સરી રહેલા સમયને પળભર ખમવું પડશે
છે માતૃવંદના દિન, મારી સાથે એને ય નમવું પડશે

કરુણામૂર્તિને આંગણે, કઠણાઈ કદી ન આવે
પરોણાગતનાં પારખાં, લાચારી નવ કોઈ કરાવે

સદાય હસતો રહે વાત્સલ્યમય ચહેરો
હોય જેને રામનું રખોળું, કરે ભૈરવ એનો પહેરો

કસોટી નવ થાયે જેના પ્રેમ તણી
કથીરનો કાયા કલ્પ કરે, માતૃત્વ તણો પારસમણી

બને બેચેની બાવરી, રહે અળગો દુખનો સથવારો
સ્વર્ગાધિક છે જેના ચરણસ્પર્શતણો ઓવારો.

 

Image 

Rachana Upaadhyay 1
આવું શું કામ કરું?

ખુદના હોવાનું વિસ્મય લઇ ફર્યા કરું
પછી ખભે ભાર હોવાની ફિકર કરું

રેતી પર દરિયાનાં મોજાંથી ચાસ કરું
કશુંએ ના ઉગવાની પછી ફરિયાદ કરું

હું મારામાં જ સર્વને ગોત્યાં કરું
ત્યાં જ ખુદ થી ખુદાને ખોયાં કરું

ઉપર ચઢવાની લાયમાં રહ્યા કરું
છે સાપ સીડીની રમત એ ભૂલ્યાં કરું

અંકાયેલ ગલીઓની જ સફર કરું
શબ્દોની નવી “રચના”ની ઉમ્મીદ કરું.

 

Image

હીંચકો * રમણીક અગ્રાવત

સાંજે હીંચકો ખાલી ન રહે
આખી સાંજ હીંચકો ઝૂલ્યા કરે
બાપાને આવતાં જુએ કે
બાજુમાંથી ખસી પત્ની ઘરમાં વળે
ધીમેકથી બાપા ગોઠવાય બાજુમાં
વાતો અને હીંચકો ધીરે ધીરે ચગે.
બાપા ઘણીવાર ટોકેઃ
આમ હીંચકા ખાતો વાંચતો ન હો તો,
આંખો વહેલી બગડશે.
ચશ્મા તો આવ્યા જ.
એક સાંજે બાપા ચશ્મા, દાંતનું ચોગઠું ને
લાકડી મૂકી બહુ આઘેરાક નીકળી ગયા…

હીંચકાને એક ઠેલે વીતે મહિનો
બીજે ઠેલે વળે વરસ, વરસો.
હીંચકામાં ઉમેરાયો દીકરાના પગનો ઠેલો
આપણે પગ વાળી નિરાંતમાં ઝૂલીએ…

હમણાંથી દીકરાને હીંચતો મેલી હુંય
સાંજે સાંજે ચાલવાને રવાડે ચડ્યો છું…

 

2 responses to “કાવ્ય ગુંજન ૪

  1. pravinshastri May 6, 2014 at 10:18 PM

    Thanks Gandi Saheb

    Like

  2. mdgandhi21, ઊ.શ.આ. May 6, 2014 at 9:18 PM

    બહુ સુંદર કાવ્યો છે.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: