રિવર્સલ પ્રકરણ ૩૭

રિવર્સલ પ્રકરણ ૩૭

Couple

 

‘જય શ્રી કૃષ્ણ, બાપા. ગુડ મોર્નિંગ.’

‘માયા બેટી, જૈ શ્રી કૃષ્ણ. આજે શું થયું? હજુ તો સવારના પાંચ જ વાગ્યા છે. આટલી વહેલી કેમ ઉઠી ગઈ?’

‘બાપા, તમારા કુંવરજી મને બધી વાત કરવા માટે અખાડા કરતા હતા, એટલે મેં વિચાર્યું કે તમે રોઝી સાથે અખાડામાં, આઈ મીન જીમમાં ચાલ્યા જાવ તે પહેલાં મુદ્દાની વાત જાણી લઉં. બે મિનિટમાં તમારે માટે નાસ્તો અને ચા તૈયાર થાય એટલે આપણે બન્ને આજે સાથે બ્રેકફાસ્ટ કરીએ.

જીમ પછી તમ તમારે તમારા સ્કેડ્યુઅલ પ્રમાણે રોઝીમ્મા સાથે જે વીગન નાસ્તો કરી લેજો. ચાલો વાતની શરૂઆત બેઝમેન્ટથી  કરો. તમે કાંઈ ફિટનેસ સ્ટૂડિયોની વાત કરતા હતા તે વળી કઈ બલા છે?’

‘મને એમ કે વિનોદે તને બધી વાત સમજાવી જ છે. જો શાંતિથી સાંભળ, અને સમજ. અમે ઇન્ડિયા ગયા હતા ત્યારે ત્યાં યોગ, અહીં ના લોકો યોગા કહે છે તે એક વૈશ્વિક વાત બની ગઈ હતી. આપણે તો ઈન્ડિયન. “ઘરકી મુર્ઘી દાલ બરાબર” પણ આજે વર્ષોથી આપણા ભારતના યોગાસનને આધુનિક યુરોપ અને અમેરિકાએ વ્યવહારમાં અપનાવવાનું શરૂ કર્યું હતું. રોઝીએ વર્ષો પહેલાં યોગ, આસનોની અમેરિકાના સેન્ટરમાં ટ્રેનિંગ લીધી હતી. અમે ઈન્ડિયામાં શ્રી શ્રી રવિશંકરજીના શિબિરમાં ભાગ લીધો હતો. અને ત્રણ દિવસ બીજી જગ્યાએ પતંજલી યોગાના વિડીયો કોર્ષમાં પણ ઘણી માહિતી મેળવી હતી.’

‘ત્યારે જ અમે નક્કી કર્યું હતું કે અમેરિકા જઈને પ્રાણાયામ અને વયસ્કોથી થઈ શકે એવા સામાન્ય હળવા આસનોનો ની ક્લબ શરૂ કરવી. આપણા દેશી જુવાન ડોસા-ડોસીઓને ફરીથી યંગ બનાવવાના છે. એમનું આયુષ્ય દશ વર્ષ પાછું ઠેલાય એ અભિગમ કેળવાય એવું કરવાનું છે. દિવસે સવારે ૯ થી ૧૨ સૂધીમાં ત્રણ બેચને પ્રાણાયામ અને સુદર્શનક્રિયાના લેશન અને સ્વિમિંગ પૂલમાં એક્વા એક્ષર્સાઈઝનો પ્રોગ્રામ સેટઅપ થઈ ગયો છે. રાત્રે લાઈન ડેન્સિંગ અને ઢોલ સાથે ભાંગરા ડિસ્કોનો પ્રોગ્રામ જેનાથી કેલરી બળે. આ બધું તારે જ શીખવાનું છે અને સંભાળવાનું છે. આને માટે પણ ઘણાં કપલ્સ નોંધાઈ ગયા છે.’

‘અને મેઇન ફ્લોર પર?’

‘મેઈન ફ્લોર પર વિનોદની ઓફિસ થશે. આપણે ત્યાંનું બેઝમેન્ટ નાનું પડે છે. મોટી ઓફિસ. એમાં વિનોદ મોના અને લીસા ઉપરાંત થોડા સી.પી.એ હાયર કરવાનો છે. એનો સ્ટાફ કદાચ પંદરથી વીશ એમ્પ્લોઈનો હશે. એને ઘરની નજીક પણ “હાંભળો છો”ની બુમ દર દશ મિનિટે નથી સાંભળવી એટલે આ પ્લાન કર્યો છે.’

‘ઓહ માઈ, આ તો જાણે સાઈનિંગ ઈન્ડિયા જેવો ભવ્ય પ્રોગ્રામ છે. ઓફિસની ઉપરના ફ્લોરના એપાર્ટમેન્ટનું શું?’

‘હા એ એપાર્ટમેન્ટમાં રોઝીનું રેસિડન્સ અને કોર્પોરેશનની ઓફિસ રહેશે.’

‘માયા બેટી વાતમાં સમજ પડે છે?’

‘થોડું થોડું સમજાય છે. બાપા આપના સુપુત્ર કહે છે તેમાં પાર્શિયલ ટ્રુથ તો એકસેપ્ટ કરવું પડે હોં.’

‘વિચ ટ્રુથ?’

‘જવા દો ને બાપા!’

‘તો પણ? તું મારા દીકરાના ભાગ્યે જ ગુણગાન ગાતી હોય એટલે પૂછું છું.’

‘વાત એમ છે કે મને કોઈ વાત ના સમજાય કે સમજતાં વાર લાગે એટલે મારી બર્થ પ્લેસને બદનામ કરે. બાપા તમને તો ખબર છે કે વાત વાતમાં મને બારડોલી બ્રેઈન કહે છે.’

‘એ તો માત્ર તને ચિઢવવા જ કહેતો હશે! બારડોલીના ઈતિહાસમાં એવું કશું જ નથી કે ત્યાંની પ્રજાના બ્રેઈનમાં કંઈ ડિફેક્ટ હોય. એણે તો બારડોલી જોયું પણ નથી. આજે તો બારડોલી ચાર લાખની વસ્તી ધરાવતું મોટું શહેર છે. સરદાર વલ્લભભાઈ એ અસહકાર અને સત્યાગ્રહથી બારડોલીને આખી દુનિયામાં જાણીતું કર્યું હતું. બારડોલીના ખેડુતોની ખુમારી તો અલગ પ્રકારની જ હતી.’

‘પણ બાપા મારા અને તમારા દીકરાના બધા જ વિચારો જૂદા પડે. માત્ર એક વાત સાચી કે આઈ લવ હિમ એન્ડ હી લવ્સ મી.’

‘ચાલો બાપા, તમારા રાજકુંવર ઊઠે તે પહેલાં  બધી વાત જલ્દી પૂરી કરો. જરા મને સમજ પડે એમ વાત કરજો. બેઝમેન્ટમાં તમે કહો છો તેમ યોગા અને ડોસાડિસ્કો, સ્વિમિંગપૂલમાં ઉભા રહીને કસરત કરવાની, મેઇન ફ્લોર પર વિનોદ પટેલની ઓફિસ અને માળ પર રોઝીનો ફ્લેટ. આટલી સમજ તો પડી. હવે આમાં વિઠ્ઠલ પટેલનું શું?’

‘આમાં વિઠ્ઠલ પટેલનું કંઈ જ નહીં.’

‘તો પછી આ બધા ધખારા, દોડધામ શા માટે?’

‘આ દોડધામ માયા અને વિનોદ પટેલ માટે.’

‘આમાં  માયા એટલે કે હું ક્યાંથી આવી?’

‘આખો સંસાર જ એક માયા છે ને?’

‘બાપા તમારા દીકરાની સ્ટાઈલને મારો ગોલી; સીધી વાત કરો. મારે માટે શાની દોડધામ?

‘ખરેખર તો વિનોદના બિઝનેશનું જ તારા નામે ઇન્વેસ્ટમેન્ટ છે. એક કોર્પોરેશનની રચના કરી છે. એના ત્રણ પાર્ટનર, રોઝી, ડોક્ટર અંકલ, અને માયા પટેલ.’

‘રોઝી એનું મકાન કોર્પોરેશનને વેચી દે છે. પછી એ કોર્પોરેશન પોતાનો સિનિયર હેલ્થ ક્લબનો બિઝનેશ બેઝમેન્ટમાં ચલાવે છે. મેઈનફ્લોર વિનોદ પટેલને ભાડે આપે છે. વિનોદ પટેલ કોર્પોરેશનને ભાડું આપે છે. માળપરનો ભાગ રોઝીનું રેસિડન્સ બને છે અને રોઝી પણ કોર્પોરેશન ને ભાડું આપે છે. કોર્પોરેશનમાં રોઝીના ૪૦% માયાના ૩૦% અને ડોક્ટર અંકલના ૩૦%નું રોકાણ અને પાર્ટનરશીપ છે. રોઝી સીઈઓ અને પ્રેસીડન્ટ બનશે, તમે બન્ને વાઈસ પ્રેસિડન્ટ અને બોર્ડ ઓફ ડિરેક્ટર તરીકે રહેશો.’

‘ઓહ માય ગૉડ. આતો  બધું કોમ્પ્લીકેટેડ છે. પૈસાભાર સમજ પડતી નથી. ન સમજ પડે તેને અનામતમાં બારડોલી  મોકલી આપે એવો ઘાટ છે. પણ બાપા આમાં તમારું સ્થાન ક્યાં?’

‘કશે યે નહીં. હું તો તમારા કોર્પોરેશનનો એક સામાન્ય નોકર. તું મારી બૉસ. રોઝી મારી બૉસ. ડોક્ટર શરદ અંકલ મારા બોસ. ત્રણ બૉસના ટ્રાયંગલના સેન્ટરમાં આપનો સૌનો નમ્ર સેવક વિઠ્ઠલ પટેલ. RMS Inc. નો માનદ સેક્ર્ટરી.’

‘આજે સવારે આપણા એટર્ની આપણે ત્યાં સવારે આવશે બધા પેપર્સ પર સહી સિક્કા થશે. અને તે પછી. બધા સાથે લંચ માટે જઈશું. તે પહેલાં રોઝી આપણે ત્યાં મુવ થશે. એની પાસે શું રેન્ટ લેવું તે એને કહી દેજે. એ આપણું કિચન શેર કરશે અને એને ફાવતી રીતે રાંધી ખાશે. હું તો એઝ યુઝવલ માયા બોસ અને રોઝી બોસની કૃપાથી જે જે મળશે તે આરોગતો રહીશ. મારી વાત હવે તો સમજાય છેને?’

‘હંમ…..તમે જેમ જેમ પત્તા ખોલો છો તેમ તેમ બધું સમજાતું જાય છે. ઓકે! બાપા રોઝી કયા રૂમમાં સૂવાની છે?’

‘ઓફ કૉર્સ મારા રૂમમાં જ. બીજે ક્યાં જાય?’

‘હેંએએએએએ ………અમારી નજર સામે એ તમારા રૂમમાં?…….બાપા છેક આવું?’

‘કેમ શું વાંધો છે?’

‘મોટા વાંધા છે. મારા પપ્પા મમ્મી આવે અને જૂએ તો કેવું ખરાબ લાગે? મને ખબર છે કે તમે દિવસના તો મોટે ભાગે સાથેને સાથે જ હોવ છો. રાત્રે પણ મોડે સૂધી એના પડખામાં હોવ છો. પણ મારા ઘરમાં મારી નજર સામે? ના બાપા ના હોંઓ….!!!’

‘પણ મેં ક્યાં એમ કહ્યું છે કે અમે બન્ને રૂમ શેર કરીશું! રોઝી મારા રૂમમાં રહેશે અને હું આપણા ગેસ્ટરૂમમાં મૂવ થવાનો છું. સામ સામે રૂમ છે. એની ફૂલ પ્રાઈવસી જળવાશે. મોટો રૂમ છે. એટેચ્ડ ફૂલ બાથરૂમ છે. વર્કિગ ઓફિસ ડેસ્ક છે.’

‘હા બાપા આ વાત બરાબર છે.’

‘શું રેન્ટ લેશે? એ તો તું  જે માંગે તે આપવા તૈયાર છે.’

‘બાપા, આ કાંઇ માયા કે વિઠ્ઠલ પટેલની મોટેલ નથી. આ ખાનદાન પટેલનું ઘર છે. જ્યાં સુધી નવું મકાન તૈયાર ના થાય ત્યાં સૂધી તમારી ગર્લફ્રેન્ડ રોઝી ભલે આપણી મહેમાન તરીકે રહે. નો રેન્ટ. સમજ્યા? આપણે ત્યાં તમારી ચાઈલ્ડહૂડ ટાઈમની સ્કુલ મૉનીટર મંગળીદેવી લાંબો સમય આપણે ત્યાં ગેસ્ટ તરીકે જ રહ્યા હતાને? એ તો તમારા પ્રોજેક્ટમાં બીઝી રહેશે.  એને ભાવતી ફાવતી રસોઈ હું જ બનાવી આપીશ.’

‘બાપા હું ગમે તેવી હોઈશ પણ ……પણ બાપા આઈ લવ યુ.  આઈ હેવ હાઈ રિગાર્ડસ ફોર યુ.

અરે આ વાંકી વળીને શું કરે છે?’

‘બાપા તમારી ચરણરજ લઈને મારે માથે ચડાઉં છું. મારા બાપા આખા જગમાં સૌથી મહાન છે. યુનિક છે. બાપા મને આશીર્વાદ આપો.’

‘ગોડ બ્લેસ યુ માય ચાઈલ્ડ.’

‘બાપા તમ તમારે હવે તમારા જીમમાં જાવ. હું જાણે જાગી જ નથી એમ મારા બેડમાં જાઉં છું.  તમે મને આ બધી વાત કરી છે એ તમારા દીકરાને ના કહેતા. મારે એની વલે કરવી છે. પ્લીઝ તમે અમારી વાતમાં હાથ ઊંચા જ રાખજો.’

૦૦૦

‘હની, માય સ્વીટ ડાર્લિંગ માયા, ઈટ્સ ઓલ રેડી સેવન ઓ ક્લોક ક્યારે ઉઠશે? હમણાં રોઝી આવશે, ત્યાર પછી થોડા વિઝિટર્સ આવવાના છે. પ્લીઝ વે’ક અપ. મારે તને ઘણી વાત કરવાની છે. તેં ગઈ કાલે રાત્રે મને મારી રીતે વાત કરવાનો મોકો જ ન આપ્યો. હવે તને કોઈ પણ શરત વગર વાત કહેવી પડશે. જરા જાગી જા.’

‘પ્લીઝ, લેટમી સ્લીપ. મને કોઈ વાતમાં ઈન્ટરેસ્ટ નથી. મને ઊંઘ આવે છે. આજે બેડમાંથી ઉભા જ નથી થવું.’

‘પણ આ વાત તો ખાસ કરવી પડે એવી જ છે. તારે ઈમ્પોર્ટન્ટ ડોક્યુમેન્ટ પર સહીઓ કરવાની છે.’

‘ડિવૉર્સના પેપર્સ છે?’

‘ના ના હની, ડિવૉર્સના નથી.’

‘બસ તો પછી મારે કંઈ જાણવું નથી. ડિવૉર્સના હોય તો તમારા એટર્નીને કહેજો બેડરૂમમાં આવીને મારી પાસે સમ્મતિની સહીઓ લઈ જાય. પ્લીઝ લેટમી સ્લીપ.’

‘પ્લીઝ આજે ખરેખર મોડું થઈગયું છે. એટર્ની આવે તે પહેલાં મારે એક ક્લાયંટ સાથે મિટિંગ છે. બ્રેકફાસ્ટ ક્યારે તૈયાર કરશે…! મને એમ કે બ્રેકફાસ્ટ સમયે વાત કરીશ.’

‘તમ તમારે બહાર બ્રેકફાસ્ટ કરી આવો. બર્ગરકિંગ, મેગ્ડોનાલ્ડ, આઈ હોપ, યુ હોપ, જ્યાં કૂદકા ભુસ્કા મારીને જે ડફોળવું હોય તે દબાવીને જે ધંધા પતાવવાના હોય તે પતાવો. આઈ ડોન્ટ કેર. ગઈ કાલે તમારું માથું દુખતું હતું. આજે મારું દુખે છે.’

‘પણ મારે તને વાત કરવાની છે.’

‘મારે નથી સાંભળવી. વાત કરવાની હતી તો કાલે રાત્રે કેમ ના કરી?’

‘કાલે મને એમ કે હું જરા… આપણે…યુ નો વ્હોટ આઈ મીન….પછી તો વાત કરવાનો જ હતો ને?’

‘યુ મીન રાત્રે તમારો દહાડો ન વળ્યો એટલે વાત ઊડી ગઈ એમને! ઘર સંસારની વાતમાં પણ મારી સાથે જાતજાતની સોદાબાજી!’

‘ના હની, મને એમ કે…..’

‘મને એમ કે, મને એમ કે શું?’

‘મને એમ કે આ ઘર સંસારની વાત નથી આતો  બિઝનેસની વાત છે. તારા બિઝનેસની તારા લાભની વાત છે.’

‘મારે કોઈ લાભ નથી જોઈતો. હું કોઈ પેપર પર સાઈન નથી કરવાની. તમે રૂમની બહાર જાવ.’

‘મને બહુ ઊતાવળ છે. સારું હું જાતે જ બ્રેકફાસ્ટ બનાવી દઈશ.’

‘ભલે મારે માટે પણ બનાવજો. હું મન થશે ત્યારે ઉઠીને ખાઈ લઈશ.’

‘પ્લીઝ તું જ બનાવી આપને? મને ક્યાં એવું આવડે છે?’

‘નો, આઈ હેવ એ હૅડૅક. બોડી પેઈન. આઈ નીડ સમ મસાજ. મને ઠીક લાગે તો ઉઠીને બનાવીશ.’

‘તને મારા જેવું જ બોડી પૅઈન છે કે તારા જેવું?’

‘લગભગ તમારા જેવું જ …….’

‘હેં તને પણ મારા જેવું જ પેઈન થાય ખરું? એ તો મેં આ જે જ જાણ્યું.’

‘તમારી જેમ રોજ રોજ દુખાવો ના થાય; પણ અમારું યે શરીર છે. કોઈક  વાર તો અમને પણ સેવાની જરૂર પડે. તમારા બધા મહેમાન આવે તે પહેલાં જરા મસાજ કરી આપો. પછી કોફી બનાવો.’

‘ઑકે ઓકે ઓકે ……ચાહે કોઈ મુઝે જંગલી કહે….યાહૂઊઊઊ….’

‘એઈ એઈ એઈ…..તમે કેમ શર્ટ કાઢવા માડ્યું? ખોરી દાનત વાળા પાસે મારે મસાજ નથી કરાવવો. ચાલો શર્ટ પહેરો. બ્રેક્ફાસ્ટ તૈયાર જ છે. હમણાં રોઝી આવશે. આપણે સાથે ગોટા અને કોફીનો બ્રેકફાસ્ટ લઈશું. બ્રેકફાસ્ટ સાથે આપણે બિઝનેસની વાતો કરીએ. કેમ મોં બગડી ગયું? કેમ શું થયું ? ફૂગ્ગામાંની હવા નીકળી ગઈ. નો મોર યાહૂ.’

[ક્રમશઃ]

(ગુજરાત દર્પણ મે ૨૦૧૬ )

Advertisements

1 ટીકા (+add yours?)

  1. aataawaani
    મે 02, 2016 @ 09:52:53

    પ્રવીન્કાંત શાસ્ત્રીની વાર્તા એટલે રસ આવ્યઆજ કરે અધુરી મુકવાનું મન નો થાય હો .

    Liked by 1 person

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

Enter your email address to follow this blog and receive notifications of new posts by email.

Join 1,141 other followers

Please Enter your email address to follow this blog and receive notifications of new posts by email.

Join 1,141 other followers

%d bloggers like this: