IPL મેચ અને રીટા.

સૌજન્યઃ ફેસબુક મિત્ર

Rita Thakkar

ગઈકાલે સાંજે રીટા અને પ્રદીપ 👫 IPL ની મેચ જોઈ રહ્યા હતા.

પાંચ મિનિટ પછી…

રીટા: કયા દેશ સામે રમાય છે આ મેચ?

પ્રદીપ: આ IPL છે ડોબી, એમાં દેશ ના હોય…જુદી જુદી ટીમો છે જો..

રીટા: ઓહો…ભલે, ભલે..
હું કપડાં પરથી ધ્યાન રાખીશ. લાલ પેન્ટ ને ધોળાં પેન્ટ વાળી ટીમ..😝😝

હાય હાય…આ તો વિરાટ કોહલી છે કે??

પ્રદીપ: હા..તો??

રીટા: કંઈ નહીં..
એની આંખો તો જો…કેટલી જોરદાર છે બોસ્સ..!!
દાઢીમાં તો એટલો મસ્ત હેન્ડસમ લાગે છે ને..
સાચું કહું પ્રદીપ આણે તો બોલીવુડમાં જવાનું હતું.
ઓલી મિસ વર્લ્ડ ઐશ્વર્યા રાય સાથે તો શું જામત જોડી.. અહહહહા્હા..

પ્રદીપ: બસ કરો માતાજી…એ પૈણી ગયો છે પેલી અનુષ્કા શર્મા જોડે..!

રીટા: હા જોઈ મેં..
કાળી બંડી ને ભૂરી ચડ્ડી પહેરીને આવી ગઈ છે..
જરાય સારી નથી લાગતી..એના કરતાં તો હું સારી દેખાઉં છું….પણ..
ઐશ્વર્યા એટલે ઐશ્વર્યા..
વિરાટ સાથે એ હોત તો વાત જ અલગ હોત..

હાય હાય જ પ્રદીપ જો તો..
આ વિરાટ કોહલીએ તો પાંચ જ મિનિટમાં ત્રણ કેચ પકડ્યા.. ત્રણ જણાને ફટાફટ પેવેલિયન ભેગા પાછા મોકલી દીધા.

પ્રદીપ: મારી મા…ચૂપ થા..હમજણ ના પડે તો બોલ બોલ ના કર. એક જ કેચ થયો છે હજુ..અને એની એક્શન રિપ્લે બતાવે છે.

રીટા: એવું ? 🤔🤔

જો જો પ્રદીપ આ અમ્પાયર હેલીકોપ્ટર બોલાવે છે… કોઈ ઈન્જર્ડ થયું લાગે છે.

પ્રદીપ: ડોબીઈઈઈ..
એને ફ્રી હીટ કહેવાય.

રીટા: કેમ જોનારા મફતમાં જોવા આયા છે તો ફ્રી હીટ??
સ્ટેડિયમમાં કોકને વાગી જાય તો એનો બાપો જવાબદારી લેશે??

પ્રદીપ: હે ભગવાન..
નો બોલ હતો એટલે એક બોલ એક્સ્ટ્રા મળ્યો એમ વાત છે.

રીટા: નો બોલ??
કેવી વાત કરે છે?? મે જોયું ને બોલ તો હતો.
બોલરે બોલ નાખ્યો અને પેલાએ બેટ ઘૂમાવી ફટકારી દીધો’તો.!

પ્રદીપ: સારું એવું રાખ .
પણ થોડીક વાર ચૂપ રહે.

રીટા: જોને આ અમ્પાયર..
તૈ ઉભો ઉભો મને આંય લાઈનો મારે છે.
છેક તૈ થી હાય કહે છે મને..

પ્રદીપ: એ બાય નો ઈશારો છે હાય નો નહીં.
તને લાઈનો મારે છે હુહ…

રીટા: કેમ બાય?
મેચ પતી ગઈ?

પ્રદીપ: ના હજુ અડતાલીસ બોલ બાકી છે. અને છન્નુ રન કરવાના છે.

રીટા: તો તો જીતી જ જશે..
એકદમ આસાન છે…એક બોલમાં બે રન..
ગલીના છોકરાવને મોકલીએ તો યે કરી નાખે.

પ્રદીપે કંટાળી ને રીમોટ હાથમાં લઈને ટીવી ઓલવી કાઢ્યું.

રીટા: લાય રીમોટ..
મારે જોધા અકબર જોવાનું છે અત્યારે..

પ્રદીપ: કેટલી વાર જોયું?? હજીય સમજણ નથી પડતી એમાં? કોણ હતી જોધા ખબર છે?

રીટા: (ખીજાઈને) તારી મા હતી..
હવે પીકચર પૂરું થાય ત્યાં સુધી માં એક શબ્દ ય બોલયો છે તો મારા જેવી ખરાબ કોઈ નથી .. હાંઆઆઆ..

🤐🤐🤐🤐🤐😜😜😜😜😜😜