About

નામ :   પ્રવીણકાંત

જન્મ :   ૧૫ સપ્ટેમબર ૧૯૩૯ સુરત, ગુજરાત

પિતાશ્રી : મગનલાલ ઘેલાભાઈ શાસ્ત્રી.  (૧૯૦૨-૧૯૮૬)

માતુશ્રી ; નાનીગૌરી  (૧૯૦૫-૧૯૭૬)

મોટીબહેન : ભાનુમતિ.

જીવન સંગિની-હોમ મિનીસ્ટર-બૉસ – યોગિની

પુત્ર : કર્મેશ           પુત્રી : દિપ્તી

અભ્યાસ  : B.Sc.  ૧૯૬૨ સાર્વજનિક કૉલેજ ઓફ સાયન્સ સુરત.

વ્યવસાય   નિવૃત્ત R & D Analyst . BASF

 

૧૯૫૭-૫૮. શાળા જીવનનું છેલ્લું વર્ષ – કૉલેજનું પહેલું વર્ષ.  

હાઈસ્કુલના છેલ્લા વર્ષમા લખાયલી મારી  પહેલી વાર્તા ‘પાગલની પ્રેયસીઓ’  મુંબઈથી પ્રગટ થતા માસિક  ‘નવવિધાન’મા પ્રગટ થઈ. ફોટા સાથે છપાયલી વાર્તા. જે મળે તેને વંચાવી. ખુબ ફુલાયો. બીજી વાર્તા ‘વિલ’ વાચકોને ખુબ ગમી. ત્રીજી ‘રાહતના રાહે’ને ૧૫ રૂપિયાનો પુરસ્કાર પણ મળ્યો. સીલસિલો ચાલુ રહ્યો. પછી તો ‘સ્ટ્રોબેરીનો પ્રસાદ’, ‘દહિંવડાના શુકન’,  ‘સાભાર પરત’, ‘ ભુરુ કવર’. અત્ર તત્ર પ્રગટ થતા રહ્યા…. વાર્તાના વ્યસને ઈન્ટરસાયન્સનું વર્ષ બગાડ્યું. વ્યસનને તિલાંજલી આપી. માત્ર લખવાનુંજ નહિ;  વર્તમાન પત્રો સિવાય બીજું વાંચવાનું પણ બંધ કર્યું. સંપૂર્ણ સાહિત્ય સન્યાસ.

ટ્યુશન કરીને ભણ્યો હતો. B.Sc  થયા પછી છ માસ શિક્ષકની નોકરી અને ૧૯૬૮ સુધી બરોડા રેયોન લેબોરેટરીમાં કામ કર્યું. એમ્પોયમેન્ટ વાઊચર મળતાં ૧૯૬૮માં ભારત છોડી લંડન ગયો. ત્યાં મનની ચળ હાથમાં પહોંચી. એક એકાંકીનું સર્જન થયું.

‘જુલીના ચક્કરમા’….. ભજવાયુંયે ખરું.

૧૯૭૦મા અમેરિકા.

ડોલરના સરવાળા બાદબાકીના સમતોલનમા, આંખે નતો ગુજરાતી વાંચ્યું કે હાથે ન તો ગુજરાતી લખ્યું….જાણે આડત્રીસ વર્ષનો માનસિક અંધકારયુગ!  અડધી સદીના નામાંકિત વિદ્વાન  સર્જકો અને તેમના સર્જનથી તદ્દન અજાણ.

૨૦૦૯માં લગભગ સિત્તેરની ઉમ્મરે નિવૃત્ત થયો. નિવૃત્તિની પ્રવૃત્તિ તરીકે વાંચન માટે Iselin New Jersey ના ‘ગુજરાત દર્પણ‘  પુસ્તકાલયમાં સભ્ય થયો. તંત્રીશ્રી સુભાષભાઈ શાહનો પરિચય થયો. એમના પ્રોત્સાહનથી લખવાનું શરૂ કર્યું. વર્ષો પછી કલમ પકડી. પહેલી વાર્તા ‘સ્પેસ‘ ગુજરાત દર્પણમાં પ્રગટ થઈ. એજ રીતે ‘તિરંગા ઈન ન્યુજર્સી’ના શ્રી નિતીનભાઈ ગુર્જરે મારા સુસુપ્તમનને જાગૃત કર્યું. જીવન સંગિની યોગિનીએ જરૂરી સહકાર આપ્યો. ગુજરાતી લેખનના ઉદ્યાનમાં મારી પાનખરની ઋતુમાં એક પીળું બદામી પલ્લવ પાંગર્યું…. નવોદિત… તરીકે પુનર્જન્મ થયો     

 હું  …પ્રવીણ શાસ્ત્રી.   સ્વજનોમા લેખક કહેવાયો. માત્ર લેખક…. જેઓ લખે તે બધાજ લેખક કહેવાતા હોય તો હું પણ લેખક.   જો પાંચ વર્ષનું બાળક કક્કો લખે તો તે પણ લેખક  . એજ રીતે હું પણ લેખક જ ને!…..  સાહિત્યકારોના સાહિત્યિક શબ્દોમાં  નહિ , પણ શેરીઓમાં કે ઘરના સોફા પર બેસીને વાતોમાં બોલાતી આડંબર વગરની બોલીમા,  કાલ્પનિક ઘટનાઓની વાત લખતો થયો. સાહિત્ય શબ્દ મારાથી ઊંચકી ન શકાય એટલો વજનદાર છે. હું સાહિત્યકાર નથીજ. આજુબાજુના જીવનના રંગ-તર્ંગોને મારી રીતે મુલવીને કાલ્પનિક રૂપાંતરિત વાતો લખું છું.

મારી એક વાર્તા, વાર્તાનું સીમાંકન ચૂકીને નવલકથા બની ગઈ.

પ્રાપ્તિસ્થાન

In the US:

Yogini Shastri

6 Saveria Court

Howell NJ 07731 USA

shastripravinkant@yahoo.com

$10

In India:

Mahesh Bhatt

Bhrahmin Falia

Jalalpore Navsari 396421 India

maheshg.bhatt@yahoo.com

Rs. 125

બ્લોગ જગતમાં અને કોમ્પુટર ટેક્નોલોજીમાં અટવાઉં છું. પૌત્રી જીના મદદ અને માર્ગદર્શન માટે સમય ફાળવે છે. મારી પ્રસિધ્ધ થયેલી વાર્તાઓ આપને માટે માટે આ બ્લોગ દ્વારા રજુ કરું છું. મારા બ્લોગ પર પધારવા બદલ આપનો ખૂબ ખૂબ આભાર.  આપનો પ્રતિભાવ મારે માટે હંમેશા આદરનીય રહેશે.