ભીંતર ના વ્હેણ – પ્રકરણ;૨૮

ભીંતર ના વ્હેણ – પ્રકરણ;૨૮

લેખકઃ સુરેંદ્ર ગાંધી

કન્યાકુમારીને તો સુખી દાંપત્યજીવનનો અનુભવ નહોતો

પણ એ એક અનુભવી નારી હતી. પુરુષોને હથેળી માં

રમાડવા એ એને માટે રમત વાત હતી.વળી રમકડાં

જેવા પુરુષોની ક્યાં ખોટ હોય છે? રાખનાં નહીં તો

કાચી માટીના બનેલા હશે, એ રમકડાંઓ. એમને રામ તો

 નહીં પણ કોઈ રમા જરૂર રમતા રાખી શકે છે.

કન્યાકુમારીએ હોમ મિનિસ્ટરના પર્સનલ આસિસ્ટન્ટ ના

પાસવૉર્ડનો સદુપયોગ કરવાનો વિચાર કર્યો. કમ્પ્યુટર સાથે

એને બારમો ચન્દ્રમા તો નહોતો પણ કદાચ સાવકું સગપણ

હતું. એણે ઇઝરાયેલી ઇન્ટેલિજન્સ ના ડિરેક્ટર નો

અનલિસ્ટેડ ખાનગી ફોન નંબર ડાયરીમાં થી શોધી કાઢ્યો

અને ફોન જોડ્યો. કન્યાકુમારી સાવચેત રહેવામાં માનતી હતી.

ડાયરીમાં લખેલા નામોની સાથે ભળતા ફોન નંબર નોંધ્યા હતા.

પ્રત્યેક નામ સાથે સંકળાયેલો નંબર શોધવાની એક ચાવી હતી.

જેને કન્યાકુમારીએ પોતાની યાદદાસ્તમાં કાયમ કરી લીધી હતી.

પરિણામે ડાયરી ગેરવલ્લે જાય તો બહુ નાહવા નિચોવવાનું ન રહે!

 જો નામ સાથે સંકળાયેલો નંબર જોડવામાં આવે તો એ ખોટો

 નીકળે અને વાત ત્યાં ની ત્યાં અટકી જાય. ઇઝરાયેલી

ઇન્ટેલિજન્સ ના ડિરેક્ટર ની વ્યવસ્થા પણ વિશિષ્ટ હતી.

કન્યાકુમારી અનલિસ્ટેડ નંબર જોડે અને જયારે આન્સરિંગ

મશીન ચાલુ થાય ત્યરે સાંકેતિક સંદેશો મોકલે.ત્યારબાદ

એક કાગળ ઉપર મોકલવાની માહિતી લખીને એ કાગળ

અમુક ચોક્કસ પોસ્ટ બોક્સ ના સરનામે રવાના કરે.

કન્યાકુમારીની અલ્પ સેવાની હમ્મેશા કદર

થતી અને એના સ્વિસ બેન્ક એકાઉન્ટ માં પૈસા જમા

થઇ જતા. આવા જાણભેદુઓના લીધે તો કેટલાય

લંકાદહન થયા હશે! દશ માથાવાળા રાવણની લંકા

પણ એમાંથી ક્યાં અપવાદ હતી!તો પછી એક માથાવાળા

સામાન્ય માનવીની શી વિસાત! કદાચ આમજ રામાયણ ની

રિમેઇક યેન કેન પ્રકારેણ ચાલુ રાખવાનો આ પ્રયત્ન

હોય તો નવાઈ નહીં! જોસેફ, પરિક્ષિત,વિનાયક અને

દિવાકર બપોર પછી ત્રિશૂળના કોન્ફરન્સ રૂમમાં ભેગા થયા.

આઝાદ ઈમ્પોર્ટસમાંથી મેળવવામાં આવેલી બાતમીની

છણાવટ થઇ. તારણ એવું નીકળ્યું કે પીટર ઉર્ફે કાલિપ્રસાદ

અને ઔડ્રી મેન્ડીઝનું રહેઠાણ એક જ હતું. એક્સપ્રેસ

ઇન્ટરનેશનલ કુરિયર સર્વિસમાંથી મળેલી નામાવલીનું

સંશોધન હાથ ધરવામાં આવ્યું.કુરિયર સર્વિસ ઉપર

દેખરેખ રાખવાનું નક્કી થયું. પોસ્ટ બોક્સ જનરલ

પોસ્ટ ઓફિસ ના સરનામે હતું, એની પણ દેખરેખ

રાખવાનું નક્કી થયું.

ભીંતરના વ્હેણ પ્રકરણ ૨૭

                                       પ્રકરણ ૨૭

ડોક્ટર લાખાણી અને એમના બે ડોક્ટર મિત્રોની બેઠક એક જ 

ટેબલ પર હતી. એક હતા ડો. સુકુમારન અને બીજા હતા 

ડો.મિનોચર વાડિયા.ડો.સુકુમારનનો ચિંતાગ્રસ્ત ચહેરો, 

ડો.લાખાણી ની નજ઼રબહાર ન રહ્યો. ડો.લાખાણીએ વાતાવરણ માં 

હળવાશ લાવવા માટે મજાક કરવાનો પ્રયત્ન કર્યો પણ ક્ષણિક 

આઘાપાછા થઇ ગયેલા વાદળોએ ડો.સુકુમારનના ચહેરાને આવરી 

લીધો.ડો.લાખાણીને મામલો ગંભીર લાગ્યો. વાત કઢાવવાની ઈચ્છા 

બળવત્તર બને તે પહેલા શમાવી. ડો. મિનોચર વાડિયા એ પણ 

ડો. સુકુમારનને આનંદમાં લાવવાના પ્રયત્નો કર્યા, જેમાં તેમને પણ 

નિષ્ફ્ળતા મળી. ડો. સુકુમારન મિત્રોની બિરાદરીના કદરદાન હતા 

પણ વાતાવરણમાં ઝાઝો ફેર ન પડ્યો. થોડીક આડીઅવળી વાતોને 

અંતે ડો. સુકુમારનને લાગ્યું કે વાતનો ઘટસ્ફોટ કરવામાં કોઈ નુકશાન 

નથી એટલે એમણે વાત છેડી. બે દિવસ પહેલા અણુકેન્દ્રનો એક ઓફિસર 

ઉલ્ટી અને પાતળા પાણી જેવા ઝાડાની ફરિયાદ લઇને એમની 

ઓફિસમાં આવ્યો હતો. એમણે દર્દીનું શરીર તપાસ્યું અને આખા 

શરીર પર ચાંદા નજર આવ્યા. ડો. સુકુમારન રેડિએશન સિકનેસનું 

નિદાન તો ચોક્સસાઈપૂર્વક ન કરી શક્યા પણ એમણે દર્દીનું બ્લડ 

લેબોરેટરીમાં મોકલી આપ્યું. આજે સવારે જ બ્લડ રિપોર્ટ મળ્યો 

અને એમની ધારણા સાચી પડી. એમણે તાબડતોબ દર્દી સનત 

હિરાવતની ઓફિસ માં ફોન જોડ્યો પણ હિરાવતના સાથીદારે

 જણાવ્યા પ્રમાણે ગઈ કાલથી હિરાવત ગેરહાજર હતો. 

ડો. સુકુમારન ચિંતાતુર હતા કારણકે તેઓ હિરાવતની માંદગીની 

ગંભીરતા સમજતા હતા. એમણે હિરાવતના ઘરનો ફોન નંબર 

મેળવીને હિરાવતને  તાબડતોબ મળવા આવવા જણાવ્યું.

હિરાવત સાથેની વાતચીત પરથી  એમણે એવું તો ચોક્કસ 

લાગ્યુંકે હિરાવતની માંદગી ઉત્તરોત્તર વધી રહી છે. એ બપોર 

સુધીમાં ડો. સુકુમારનને મળવા આવવાનો હતો પણ નિયત 

સમય વીતી ગયા બાદ પણ આવ્યો નહીં. ડો.સુકુમારન વધુ 

ચિંતાતુર બન્યા.

                        એમણે ગૌતમ દીવાનને સઘળી હકીકત જણાવી. 

ગૌતમ દીવાન પણ પરિસ્થિતિની ગંભીરતા સમજતા હતા એમણે 

પરિક્ષિતને ફોન જોડ્યો. પરિક્ષિત માધવન સાથે એની ઓફિસમાં 

ચર્ચાવિચારણા કરી રહ્યો હતો. પરિક્ષિતે માધવનના ફોનનું 

સ્પીકર ઓન કર્યું અને ગૌતમ દીવાને સનત હિરાવતની સઘળી 

હકીકત જણાવી. પરિક્ષિતે જણાવ્યું કે તત્રીશુલ હિરાવતની 

તપાસ કરશે. અણુકેન્દ્ર્મા આ બાબત વિશે ચુપકીદી જાળવવાનું 

નક્કી થયું કારણકે રેડિએશન સિકનેસ એક જીવલેણ બીમારી છે. 

છતાં અણુકેન્દ્રના ખૂણે ખાંચરે રેડિએશન લેવલ ચેક કરવામાં આવ્યું 

અને હિરાવત જ્યાં કામ કરતો હતો તે વિભાગમાં અને શીપીંગ 

ડિપાર્ટમેન્ટમાં રેડિએશનનું પ્રમાણ વધુ જણાયું. અણુકેન્દ્રના 

રીએક્ટરમાં કોઈ ખામી નહોતી. બે સ્ટાફ મેમ્બરના બેજમાં 

રેડિએશનનું  પ્રમાણ વધુ હતું; એક બેજ શીપીંગ ક્લાર્ક નો હતો 

અને બીજો  સાફસૂફી કરનારનો હતો. આદેશ પ્રમાણે બન્ને જણ 

રેડિએશન સિકનેસ ના શિકાર બન્યા હતા. બેઉં ને અણુકેન્દ્ર્મા 

અલાયદા રુમમાં રાખવામાં આવ્યા હતા. આ રુમ આવા 

દર્દીઓની સારવાર માટે સુસજ્જ હતા. ડો. સુકુમારન એક 

નિષ્ણાત હોવાથી દર્દીઓની સારવારમાં કોઈ કચાશ અસંભવ હતી.

                             ડો. સુકુમારનને એક જ ચિંતા હતી.રેડિએશનના

 ફેલાવા માટે  રેડિયો એક્ટિવ પદાર્થ હોવો જરૂરી છે. હાલના 

સંજોગોમાં એ પદાર્થ વિશે કોઈ માહિતી નહોતી. કોણે. ક્યારે 

અને કેવી રીતે રેડિયો એક્ટિવ પદાર્થ મેળવ્યો? મેળવીને શું કર્યું? 

શું કરવા ધાર્યું હશે? જાનહાની કેવી રીતે અટકાવવી? ડો. વાડિયા 

અને લાખાણી ડો.સુકુમારનની વાત સાંભળીને ક્ષણભર અવાચક 

બની ગયા.મામલાની ગંભીરતાનું ધુમ્મ્સ છરીથી કાપી શકાય એટલું 

ગાઢ હતું. ડો. લાખાણી ત્રિશૂળની કામગીરીથી વાકેફ હતા.એમણે 

ડો. સુકુમારનને ખાત્રી આપી કે ત્રિશૂળ  આ મામલાનો ઉકેલ લાવશે. 

સામાન્યતઃ વ્યગ્ર અને વ્યાકુળ હાલતમાં નિષ્ક્રિયતા પ્રવેશે છે છતાંય

ખાવાપીવાનું સક્રિય અને અકબંધ રહે છે. ત્રણેય મિત્રોએ પેટપુજાની 

વિધિમાં મન પરોવ્યું.જોસેફ અને વિનાયક આઝાદ ઈમ્પોર્ટસ ઉપર 

અણધાર્યો છાપો મારવાની તૈયારીમાં પડ્યા. રાતના બે વાગ્યાનો 

સમય નક્કી થયો હતો. બંને પાસે રાતના અંધકારમાં પણ જોઈ 

શકાય તેવા નાઈટ વિઝન ચશ્મા હતા. ફોટા લેવા માટે વિવિધ 

પ્રકારના કેમેરા હતા. ઇલેક્ટ્રોનિક એલાર્મ સિસ્ટમને નિઃષ્ક્રિય 

કરવાના સાધનો હતા. સાયલેન્સર ચઢાવેલી રિવોલ્વર અને છરા 

પણ હતા. કોઈ પણ અણધારી પરિસ્થિતિનો સામનો કરવા માટે 

તેઓ સુસજ્જ હતા. એમની સાથે ત્રિશૂળના બીજા બે ઓફિસરો 

પણ હતા જેમનું કામ હતું, આઝાદ ઈમ્પોર્ટસ ની આસપાસ ધ્યાન 

રાખવાનું. જો કોઈ અણધારી ઘટના બને તો જોસેફ અને વિનાયક ને 

ખબતદાર કરવાના અને જરૂર પડ્યે બનતી સહાય કરવાની.

                                     જોસેફ અને વિનાયક એમના બે સાથીદારો સહિત 

મધરાતે આઝાદ ઈમ્પોર્ટસની મુલાકાતે આવ્યા. રસ્તો નિર્જન તો નહોતો 

પણ અવરજવર નહિવત હતી. જોસેફ અને વિનાયક મકાનના પાછળના 

ભાગમાં ગયા. પાછલા દરવાજેથી દાખલ થવાનો એમનો પ્લાન હતો. 

વીસ મિનિટમાં એમણે બધા એલાર્મ નિષ્ક્રિય કર્યા અને દરવાજો 

ખોલીને અંદર  ગયા. દરવાજો બંધ કર્યો, નાઈટ વિઝન ચશ્માને 

કારણે એમને બધું સ્પષ્ટ દેખાતું હતું.,લાઈટના પ્રકાશની જરૂર 

નહોતી. મકાનના  આગલા ભાગમાં શોરૂમમાં ભાતભાતની 

ચીજો ગોઠવેલી હતી. પાછળનો ભાગ વખાર તરીકે વપરાતો હતો. 

વખારમાં બે લોખંડ ની ફાઈલ કેબિનેટો હતી. એના તાળા 

આસાનીથી ખુલી ગયા.એક પછી એક ફાઈલ કાઢીને તપાસી 

અને પાછી જેમ હતી તેમ ગોઠવી દીધી. ફાઇલોમાંથી  

હિસાબકિતાબની વિગતો સિવાય ખાસ કઈં જાણકારી ન મળી. 

ફક્ત એક ડાયરી તપાસવાની બાકી હતી.ડાયરીના પાના ફેરવતા 

એક પોસ્ટ ઓફિસ બોક્સ નું સરનામું મળ્યું. કાલિપ્રસાદના 

રહેઠાણની બાતમી મળી. એક્સપ્રેસ  ઇન્ટરનેશનલ કુરિયર 

સર્વિસ માટે દર અઠવાડિયે ડિલિવર કરવાના પેકેટનું લિસ્ટ મળ્યું 

પણ કોઈ પેકેટ હાથમાં ન આવ્યું. કુરિયર સર્વિસનું સરનામું 

વિનાયકે પોતાની નોટબુકમાં ટપકાવી લીધું.તપાસમાં બે કલાક 

વીતી ગયા. બધું વ્યવસ્થિત ગોઠવીને બંને બહાર નીકળ્યા, 

દરવાજો બંધ કર્યો અને એમના સાથીદારો સાથે ત્રિશૂળનો 

રસ્તો પકડ્યો.

                          દુકાનમાં એક ઇન્ફ્રારેડ મુવી કેમેરા હતો જેમાં 

રેકોર્ડિંગ થતું અને બધા સિગ્નલ એક ડિજિટલ સોફ્ટવેર પ્રોગ્રામમાં 

ડાઉનલોડ થતા. પ્રોગ્રામ રન કરીને મોનિટર પર રેકોર્ડ થયેલું ચલચિત્ર 

આસાનીથી જોઈ શકાય. જોસેફ અને વિનાયકે નાઈટ વિઝન ચશ્મા 

ચઢાવ્યા હોવાને કારણે એમને અજવાળાની જરૂર નહોતી. 

વળી એમણે પોશાક પણ કાળો જ પહેર્યો હોવાથી ઇન્ફ્રારેડ 

કેમેરામાં ઓળાઓ ઝડપાયા પણ સ્પષ્ટ નહોતા. આઝાદ 

ઈમ્પોર્ટસના સંચાલકોને એટલી તો ખબર પડી જશે કે 

એમના આંગણે કોઈક વણનોતર્યા મહેમાન પધાર્યા હતા.

                     જોસેફ અને એના સાથીઓ ત્રિશૂળની 

ઓફિસમાં પહોંચ્યા અને બધો સામાન યથાવત  પરત કરીને 

આરામ કરવા પોતપોતાને ઘરે ગયા. બપોર પછી મળવાનું 

નક્કી થયું હતું. જતા પહેલા જોસેફ પરિક્ષિતને બધો અહેવાલ 

આપવા માંગતો હતો પણ પરીક્ષિત હજુ આવ્યો ન હતો. 

જ્યારથી આ અણધારી પરિસ્થિતિ સર્જાઈ હતી ત્યારથી 

ત્રિશૂળની ચેતનામાં જબરદસ્ત વધારો થયો હતો અને 

સમયનું સાનિધ્ય સરી ગયું હતું. નિત્યક્રમ પ્રમાણે દિવસરાત 

ચાલ્યા કરતા પણ ત્રિશૂળ ને માટે એનું કઈં મહત્વ નહોતું. 

સ્ટાફના બધાજ માણસો શક્ય તેટલી કામગીરી બજાવી , 

ક્ષણિક વિશ્રામ બાદ પાછા કાર્યરત બની જતા. શિસ્તપાલન 

અને લયબદ્ધ વલણ એમને ગળથુથીમાં જ પીવડાવવામાં 

આવતું, તેથી કાર્યદક્ષતા જળવાઈ રહેતી.

                          પરિક્ષિત પણ મહદ અંશે ત્રિશુળમાં જ 

જોવા મળતો. જવાબદારીભર્યું અને અગત્યનું કામ 

ભલભલાને થકવી નાખે છે. લાંબા દિવસ બાદ મોડી 

રાતે એ ઘરે જતો. વામન અને વિશ્વનાથને પણ આ 

દિનચર્યા કોઠે પડી ગઈ હતી. ઉર્વશીનું સ્મિત, 

પરીક્ષિતની શ્રમિત દિનચર્યા બાદ આવકારવા  માટે 

હમ્મેશા તૈયાર રહેતું. ઉર્વશીને જોતા જ એ પ્રફુલ્લિત 

બની જતો. ઉર્વશી પણ જવાબદારીભર્યું કામ કરતી 

હોવાથી સારો એવો સમય ઘરની બહાર જ રહેતી. 

છતાંય બેઉં  ની આવક સધ્ધર હોવાને લીધે ઘરની 

સારસંભાળ માટે એક વિશ્વાસુ યુગલની ગોઠવણ વર્ષો 

પહેલા થઇ હતી. ઘર ની માવજત એકનાથ કરતો. ખરીદી, 

લોન્ડ્રી, બાગકામ અને એવું કેટલુંય .એની પત્ની જાનકીનું 

સામ્રાજ્ય રસોઈઘરમાં હતું.એ રોજિંદા ભોજનમાં સરળતાથી 

વૈવિધ્ય ભેળવતી. તે ઉપરાંત વાર તહેવારે ભાતભાતના 

પકવાન અને મિષ્ટાન્ન પણ ઉત્સાહપૂર્વક બનાવતી. 

ભગવાને એકનાથ અને જાનકીની શેર માટીની ખોટ પુરી 

કરી નહોતી એટલે શુભાંગી અને અનુરાગ માં માતૃવાત્સલ્યના 

ઝરણાંને જાનકીએ વળી દીધું હતું. નોકર ચાકર તરીકે નહીં 

પણ કુટુંબના સભ્યો તરીકે એમની ગણના થતી. છતાંય 

સામાન્ય રીતે જેમ બંને છે તેમ ઘર ચલાવવાની જવાબદારી 

ઉર્વશીને શિરે હતી.

                   પરિક્ષિત અને ઉર્વશીના દામ્પત્યજીવનની એક 

વણલખી સમજ હતી; એકબીજાને અનુકૂળ અને અનુરાગી 

વર્તન અપનાવવું. એમની વિચારસરણીમાં સામ્ય તો નહોતું 

પણ સંવેદનશીલતા હતી. ક્યારેક ઉપસ્થિત થતા મતભેદો 

મૉટે ભાગે તો વિગ્રહવિહોણા  જ રહેતા. એનું મુખ્ય કારણ 

એ હતું કે, પરસ્પર પ્રત્યેની અનુકંપા, એકમેકનો આદર અને 

સંઘર્ષોમાં હારજીત નો અભાવ. વળી અસીમ સ્નેહભાવ, 

કોઈ પણ આધિ વ્યાધિ કે ઉપાધિ માં એમની જીવનનૌકાને 

સ્થિર કરવામાં સહાયભૂત થતો. લગ્નનું અનુસંધાન છે, દામ્પત્ય 

જીવન અને એની સફળતા માટે નિરંતર માવજત અનિવાર્ય છે. 

બેદરકારી, પ્રત્યક્ષ અથવા પરોક્ષ અવગણના, અવહેલના, 

અનાદર અને એવા તો કૈંક દુષણો દાંપત્યજીવનને સુકવી 

નાખે. મન વચન અને કર્મનો નિખાલસ વિનિમય યુગલને 

સજાગ અને સચેત રાખે છે,કદરદાન બનાવે છે. સક્રિય રાખે છે. 

એ ઉપરાંત દામ્પત્યજીવન રગશિયા ગાડા સમાન ન બની 

જાય એટલા માટે એની માવજત કરવા માટે 

અવારનવાર અણધાર્યા અને આશ્ચર્યકારક 

નવનિર્માણ આવશ્યક છે. પરિક્ષિત અને 

ઉર્વશી આદર્શ દંપતી કે સર્વાંગસંપૂર્ણ નહોતા 

પણ એમનો સંસાર હર્યો ભર્યો હતો અને સંતોષની 

સુરખીઓ સદૈવ લહેરાતી. 

ભીંતર ના વ્હેણ

                                       પ્રકરણ ૨૭

ડોક્ટર લાખાણી અને એમના બે ડોક્ટર મિત્રોની બેઠક એક જ 

ટેબલ પર હતી. એક હતા ડો. સુકુમારન અને બીજા હતા 

ડો.મિનોચર વાડિયા.ડો.સુકુમારનનો ચિંતાગ્રસ્ત ચહેરો, 

ડો.લાખાણી ની નજ઼રબહાર ન રહ્યો. ડો.લાખાણીએ વાતાવરણ માં 

હળવાશ લાવવા માટે મજાક કરવાનો પ્રયત્ન કર્યો પણ ક્ષણિક 

આઘાપાછા થઇ ગયેલા વાદળોએ ડો.સુકુમારનના ચહેરાને આવરી 

લીધો.ડો.લાખાણીને મામલો ગંભીર લાગ્યો. વાત કઢાવવાની ઈચ્છા 

બળવત્તર બને તે પહેલા શમાવી. ડો. મિનોચર વાડિયા એ પણ 

ડો. સુકુમારનને આનંદમાં લાવવાના પ્રયત્નો કર્યા, જેમાં તેમને પણ 

નિષ્ફ્ળતા મળી. ડો. સુકુમારન મિત્રોની બિરાદરીના કદરદાન હતા 

પણ વાતાવરણમાં ઝાઝો ફેર ન પડ્યો. થોડીક આડીઅવળી વાતોને 

અંતે ડો. સુકુમારનને લાગ્યું કે વાતનો ઘટસ્ફોટ કરવામાં કોઈ નુકશાન 

નથી એટલે એમણે વાત છેડી. બે દિવસ પહેલા અણુકેન્દ્રનો એક ઓફિસર 

ઉલ્ટી અને પાતળા પાણી જેવા ઝાડાની ફરિયાદ લઇને એમની 

ઓફિસમાં આવ્યો હતો. એમણે દર્દીનું શરીર તપાસ્યું અને આખા 

શરીર પર ચાંદા નજર આવ્યા. ડો. સુકુમારન રેડિએશન સિકનેસનું 

નિદાન તો ચોક્સસાઈપૂર્વક ન કરી શક્યા પણ એમણે દર્દીનું બ્લડ 

લેબોરેટરીમાં મોકલી આપ્યું. આજે સવારે જ બ્લડ રિપોર્ટ મળ્યો 

અને એમની ધારણા સાચી પડી. એમણે તાબડતોબ દર્દી સનત 

હિરાવતની ઓફિસ માં ફોન જોડ્યો પણ હિરાવતના સાથીદારે

 જણાવ્યા પ્રમાણે ગઈ કાલથી હિરાવત ગેરહાજર હતો. 

ડો. સુકુમારન ચિંતાતુર હતા કારણકે તેઓ હિરાવતની માંદગીની 

ગંભીરતા સમજતા હતા. એમણે હિરાવતના ઘરનો ફોન નંબર 

મેળવીને હિરાવતને  તાબડતોબ મળવા આવવા જણાવ્યું.

હિરાવત સાથેની વાતચીત પરથી  એમણે એવું તો ચોક્કસ 

લાગ્યુંકે હિરાવતની માંદગી ઉત્તરોત્તર વધી રહી છે. એ બપોર 

સુધીમાં ડો. સુકુમારનને મળવા આવવાનો હતો પણ નિયત 

સમય વીતી ગયા બાદ પણ આવ્યો નહીં. ડો.સુકુમારન વધુ 

ચિંતાતુર બન્યા.

                        એમણે ગૌતમ દીવાનને સઘળી હકીકત જણાવી. 

ગૌતમ દીવાન પણ પરિસ્થિતિની ગંભીરતા સમજતા હતા એમણે 

પરિક્ષિતને ફોન જોડ્યો. પરિક્ષિત માધવન સાથે એની ઓફિસમાં 

ચર્ચાવિચારણા કરી રહ્યો હતો. પરિક્ષિતે માધવનના ફોનનું 

સ્પીકર ઓન કર્યું અને ગૌતમ દીવાને સનત હિરાવતની સઘળી 

હકીકત જણાવી. પરિક્ષિતે જણાવ્યું કે તત્રીશુલ હિરાવતની 

તપાસ કરશે. અણુકેન્દ્ર્મા આ બાબત વિશે ચુપકીદી જાળવવાનું 

નક્કી થયું કારણકે રેડિએશન સિકનેસ એક જીવલેણ બીમારી છે. 

છતાં અણુકેન્દ્રના ખૂણે ખાંચરે રેડિએશન લેવલ ચેક કરવામાં આવ્યું 

અને હિરાવત જ્યાં કામ કરતો હતો તે વિભાગમાં અને શીપીંગ 

ડિપાર્ટમેન્ટમાં રેડિએશનનું પ્રમાણ વધુ જણાયું. અણુકેન્દ્રના 

રીએક્ટરમાં કોઈ ખામી નહોતી. બે સ્ટાફ મેમ્બરના બેજમાં 

રેડિએશનનું  પ્રમાણ વધુ હતું; એક બેજ શીપીંગ ક્લાર્ક નો હતો 

અને બીજો  સાફસૂફી કરનારનો હતો. આદેશ પ્રમાણે બન્ને જણ 

રેડિએશન સિકનેસ ના શિકાર બન્યા હતા. બેઉં ને અણુકેન્દ્ર્મા 

અલાયદા રુમમાં રાખવામાં આવ્યા હતા. આ રુમ આવા 

દર્દીઓની સારવાર માટે સુસજ્જ હતા. ડો. સુકુમારન એક 

નિષ્ણાત હોવાથી દર્દીઓની સારવારમાં કોઈ કચાશ અસંભવ હતી.

                             ડો. સુકુમારનને એક જ ચિંતા હતી.રેડિએશનના

 ફેલાવા માટે  રેડિયો એક્ટિવ પદાર્થ હોવો જરૂરી છે. હાલના 

સંજોગોમાં એ પદાર્થ વિશે કોઈ માહિતી નહોતી. કોણે. ક્યારે 

અને કેવી રીતે રેડિયો એક્ટિવ પદાર્થ મેળવ્યો? મેળવીને શું કર્યું? 

શું કરવા ધાર્યું હશે? જાનહાની કેવી રીતે અટકાવવી? ડો. વાડિયા 

અને લાખાણી ડો.સુકુમારનની વાત સાંભળીને ક્ષણભર અવાચક 

બની ગયા.મામલાની ગંભીરતાનું ધુમ્મ્સ છરીથી કાપી શકાય એટલું 

ગાઢ હતું. ડો. લાખાણી ત્રિશૂળની કામગીરીથી વાકેફ હતા.એમણે 

ડો. સુકુમારનને ખાત્રી આપી કે ત્રિશૂળ  આ મામલાનો ઉકેલ લાવશે. 

સામાન્યતઃ વ્યગ્ર અને વ્યાકુળ હાલતમાં નિષ્ક્રિયતા પ્રવેશે છે છતાંય

ખાવાપીવાનું સક્રિય અને અકબંધ રહે છે. ત્રણેય મિત્રોએ પેટપુજાની 

વિધિમાં મન પરોવ્યું.જોસેફ અને વિનાયક આઝાદ ઈમ્પોર્ટસ ઉપર 

અણધાર્યો છાપો મારવાની તૈયારીમાં પડ્યા. રાતના બે વાગ્યાનો 

સમય નક્કી થયો હતો. બંને પાસે રાતના અંધકારમાં પણ જોઈ 

શકાય તેવા નાઈટ વિઝન ચશ્મા હતા. ફોટા લેવા માટે વિવિધ 

પ્રકારના કેમેરા હતા. ઇલેક્ટ્રોનિક એલાર્મ સિસ્ટમને નિઃષ્ક્રિય 

કરવાના સાધનો હતા. સાયલેન્સર ચઢાવેલી રિવોલ્વર અને છરા 

પણ હતા. કોઈ પણ અણધારી પરિસ્થિતિનો સામનો કરવા માટે 

તેઓ સુસજ્જ હતા. એમની સાથે ત્રિશૂળના બીજા બે ઓફિસરો 

પણ હતા જેમનું કામ હતું, આઝાદ ઈમ્પોર્ટસ ની આસપાસ ધ્યાન 

રાખવાનું. જો કોઈ અણધારી ઘટના બને તો જોસેફ અને વિનાયક ને 

ખબતદાર કરવાના અને જરૂર પડ્યે બનતી સહાય કરવાની.

                                     જોસેફ અને વિનાયક એમના બે સાથીદારો સહિત 

મધરાતે આઝાદ ઈમ્પોર્ટસની મુલાકાતે આવ્યા. રસ્તો નિર્જન તો નહોતો 

પણ અવરજવર નહિવત હતી. જોસેફ અને વિનાયક મકાનના પાછળના 

ભાગમાં ગયા. પાછલા દરવાજેથી દાખલ થવાનો એમનો પ્લાન હતો. 

વીસ મિનિટમાં એમણે બધા એલાર્મ નિષ્ક્રિય કર્યા અને દરવાજો 

ખોલીને અંદર  ગયા. દરવાજો બંધ કર્યો, નાઈટ વિઝન ચશ્માને 

કારણે એમને બધું સ્પષ્ટ દેખાતું હતું.,લાઈટના પ્રકાશની જરૂર 

નહોતી. મકાનના  આગલા ભાગમાં શોરૂમમાં ભાતભાતની 

ચીજો ગોઠવેલી હતી. પાછળનો ભાગ વખાર તરીકે વપરાતો હતો. 

વખારમાં બે લોખંડ ની ફાઈલ કેબિનેટો હતી. એના તાળા 

આસાનીથી ખુલી ગયા.એક પછી એક ફાઈલ કાઢીને તપાસી 

અને પાછી જેમ હતી તેમ ગોઠવી દીધી. ફાઇલોમાંથી  

હિસાબકિતાબની વિગતો સિવાય ખાસ કઈં જાણકારી ન મળી. 

ફક્ત એક ડાયરી તપાસવાની બાકી હતી.ડાયરીના પાના ફેરવતા 

એક પોસ્ટ ઓફિસ બોક્સ નું સરનામું મળ્યું. કાલિપ્રસાદના 

રહેઠાણની બાતમી મળી. એક્સપ્રેસ  ઇન્ટરનેશનલ કુરિયર 

સર્વિસ માટે દર અઠવાડિયે ડિલિવર કરવાના પેકેટનું લિસ્ટ મળ્યું 

પણ કોઈ પેકેટ હાથમાં ન આવ્યું. કુરિયર સર્વિસનું સરનામું 

વિનાયકે પોતાની નોટબુકમાં ટપકાવી લીધું.તપાસમાં બે કલાક 

વીતી ગયા. બધું વ્યવસ્થિત ગોઠવીને બંને બહાર નીકળ્યા, 

દરવાજો બંધ કર્યો અને એમના સાથીદારો સાથે ત્રિશૂળનો 

રસ્તો પકડ્યો.

                          દુકાનમાં એક ઇન્ફ્રારેડ મુવી કેમેરા હતો જેમાં 

રેકોર્ડિંગ થતું અને બધા સિગ્નલ એક ડિજિટલ સોફ્ટવેર પ્રોગ્રામમાં 

ડાઉનલોડ થતા. પ્રોગ્રામ રન કરીને મોનિટર પર રેકોર્ડ થયેલું ચલચિત્ર 

આસાનીથી જોઈ શકાય. જોસેફ અને વિનાયકે નાઈટ વિઝન ચશ્મા 

ચઢાવ્યા હોવાને કારણે એમને અજવાળાની જરૂર નહોતી. 

વળી એમણે પોશાક પણ કાળો જ પહેર્યો હોવાથી ઇન્ફ્રારેડ 

કેમેરામાં ઓળાઓ ઝડપાયા પણ સ્પષ્ટ નહોતા. આઝાદ 

ઈમ્પોર્ટસના સંચાલકોને એટલી તો ખબર પડી જશે કે 

એમના આંગણે કોઈક વણનોતર્યા મહેમાન પધાર્યા હતા.

                     જોસેફ અને એના સાથીઓ ત્રિશૂળની 

ઓફિસમાં પહોંચ્યા અને બધો સામાન યથાવત  પરત કરીને 

આરામ કરવા પોતપોતાને ઘરે ગયા. બપોર પછી મળવાનું 

નક્કી થયું હતું. જતા પહેલા જોસેફ પરિક્ષિતને બધો અહેવાલ 

આપવા માંગતો હતો પણ પરીક્ષિત હજુ આવ્યો ન હતો. 

જ્યારથી આ અણધારી પરિસ્થિતિ સર્જાઈ હતી ત્યારથી 

ત્રિશૂળની ચેતનામાં જબરદસ્ત વધારો થયો હતો અને 

સમયનું સાનિધ્ય સરી ગયું હતું. નિત્યક્રમ પ્રમાણે દિવસરાત 

ચાલ્યા કરતા પણ ત્રિશૂળ ને માટે એનું કઈં મહત્વ નહોતું. 

સ્ટાફના બધાજ માણસો શક્ય તેટલી કામગીરી બજાવી , 

ક્ષણિક વિશ્રામ બાદ પાછા કાર્યરત બની જતા. શિસ્તપાલન 

અને લયબદ્ધ વલણ એમને ગળથુથીમાં જ પીવડાવવામાં 

આવતું, તેથી કાર્યદક્ષતા જળવાઈ રહેતી.

                          પરિક્ષિત પણ મહદ અંશે ત્રિશુળમાં જ 

જોવા મળતો. જવાબદારીભર્યું અને અગત્યનું કામ 

ભલભલાને થકવી નાખે છે. લાંબા દિવસ બાદ મોડી 

રાતે એ ઘરે જતો. વામન અને વિશ્વનાથને પણ આ 

દિનચર્યા કોઠે પડી ગઈ હતી. ઉર્વશીનું સ્મિત, 

પરીક્ષિતની શ્રમિત દિનચર્યા બાદ આવકારવા  માટે 

હમ્મેશા તૈયાર રહેતું. ઉર્વશીને જોતા જ એ પ્રફુલ્લિત 

બની જતો. ઉર્વશી પણ જવાબદારીભર્યું કામ કરતી 

હોવાથી સારો એવો સમય ઘરની બહાર જ રહેતી. 

છતાંય બેઉં  ની આવક સધ્ધર હોવાને લીધે ઘરની 

સારસંભાળ માટે એક વિશ્વાસુ યુગલની ગોઠવણ વર્ષો 

પહેલા થઇ હતી. ઘર ની માવજત એકનાથ કરતો. ખરીદી, 

લોન્ડ્રી, બાગકામ અને એવું કેટલુંય .એની પત્ની જાનકીનું 

સામ્રાજ્ય રસોઈઘરમાં હતું.એ રોજિંદા ભોજનમાં સરળતાથી 

વૈવિધ્ય ભેળવતી. તે ઉપરાંત વાર તહેવારે ભાતભાતના 

પકવાન અને મિષ્ટાન્ન પણ ઉત્સાહપૂર્વક બનાવતી. 

ભગવાને એકનાથ અને જાનકીની શેર માટીની ખોટ પુરી 

કરી નહોતી એટલે શુભાંગી અને અનુરાગ માં માતૃવાત્સલ્યના 

ઝરણાંને જાનકીએ વળી દીધું હતું. નોકર ચાકર તરીકે નહીં 

પણ કુટુંબના સભ્યો તરીકે એમની ગણના થતી. છતાંય 

સામાન્ય રીતે જેમ બંને છે તેમ ઘર ચલાવવાની જવાબદારી 

ઉર્વશીને શિરે હતી.

                   પરિક્ષિત અને ઉર્વશીના દામ્પત્યજીવનની એક 

વણલખી સમજ હતી; એકબીજાને અનુકૂળ અને અનુરાગી 

વર્તન અપનાવવું. એમની વિચારસરણીમાં સામ્ય તો નહોતું 

પણ સંવેદનશીલતા હતી. ક્યારેક ઉપસ્થિત થતા મતભેદો 

મૉટે ભાગે તો વિગ્રહવિહોણા  જ રહેતા. એનું મુખ્ય કારણ 

એ હતું કે, પરસ્પર પ્રત્યેની અનુકંપા, એકમેકનો આદર અને 

સંઘર્ષોમાં હારજીત નો અભાવ. વળી અસીમ સ્નેહભાવ, 

કોઈ પણ આધિ વ્યાધિ કે ઉપાધિ માં એમની જીવનનૌકાને 

સ્થિર કરવામાં સહાયભૂત થતો. લગ્નનું અનુસંધાન છે, દામ્પત્ય 

જીવન અને એની સફળતા માટે નિરંતર માવજત અનિવાર્ય છે. 

બેદરકારી, પ્રત્યક્ષ અથવા પરોક્ષ અવગણના, અવહેલના, 

અનાદર અને એવા તો કૈંક દુષણો દાંપત્યજીવનને સુકવી 

નાખે. મન વચન અને કર્મનો નિખાલસ વિનિમય યુગલને 

સજાગ અને સચેત રાખે છે,કદરદાન બનાવે છે. સક્રિય રાખે છે. 

એ ઉપરાંત દામ્પત્યજીવન રગશિયા ગાડા સમાન ન બની 

જાય એટલા માટે એની માવજત કરવા માટે 

અવારનવાર અણધાર્યા અને આશ્ચર્યકારક 

નવનિર્માણ આવશ્યક છે. પરિક્ષિત અને 

ઉર્વશી આદર્શ દંપતી કે સર્વાંગસંપૂર્ણ નહોતા 

પણ એમનો સંસાર હર્યો ભર્યો હતો અને સંતોષની 

સુરખીઓ સદૈવ લહેરાતી. 

ભીંતરના વ્હેણ પ્રકરણ ૨૬

                            પ્રકરણ  26   

 કુરેશી માટે એક મુસીબત ખડી  થઇ ગઈ. યુરેનિયમ નું શું કરવું? 

બજારમાં વેચવા નીકળે તો ગ્રાહકો તો ઘણા મળી રહે પણ એમાં 

જોખમ મોટું હતું.ઘણી વાર વિચાર કર્યા પછી એણે ચીની જાસૂસી 

ખાતાની સલાહ અને સહાય માંગવાનો નિર્ણય કર્યો. આમેય ચીની

જાસૂસી ખાતું ઇન્ડિયા નું હમદર્દ ન’તું. એટલે વાત ખાનગી જ 

રહેવાની હતી.અલબત્ત, કુરેશી એન્રીચડ યુરેનિયમ પાણીના 

ભાવે તો નહોતો જ વેચવાનો. કુરેશીને એ પણ ખાતરી હતી 

કે ચીની જાસૂસી ખાતાને પણ સગવડ સાચવી લેતા  આવડતું

 હતું. કુરેશી પણ શેષ જીવન  સુખચેન માં વિતાવવા માંગતો 

હતો. એટલું જ નહીં પણ જરૂર પડ્યે આતંકવાદને ઉશ્કેરવા 

માટે પોતાની ધનસંપત્તિનો ઉપયોગ કરવા ઉત્સુક અને આતુર 

હતો. કોણે કહ્યું કે ધનવાન આરબ રાજ્યો જ છૂટ થી પૈસા વેરીને 

ઇસ્લામી ધર્મઝનૂનને સળગતું રાખી શકે છે! કુરેશી નો પ્લાન 

કઈં દૂરંદેશી ભર્યો તો ન હતો પણ વ્યવહારુ હતો. પોતાના 

પૈસા ખર્ચીને એ સમૃદ્ધ આરબ રાજ્યો ની વિરુદ્ધ અસંતોષ 

ના બીજ વાવી શકે, ત્યાંની પ્રજામાં લોકશાહી નો પ્રચાર 

કરી શકે. મુઠ્ઠીભર શેખ, અમીરો અને સુલતાનોના આસન 

ડોલાવે અને તેનાથી ધનવાન આરબ રાજ્યો માટે અસહ્ય 

પરિસ્થિતિ સર્જાય. કુરેશી આવા રાજ્યકર્તાઓની વ્હારે 

ધાય અને એમની સલ્તનત અને અમીરાત બચાવે અને 

આભારની લાગણી પ્રદર્શિત કરવા માટે આરબ રાજ્યો 

એને  સારો જેવો શિરપાવ પણ આપે.

                     કુરેશી અન્ય તકસાધુઓ જેવો જ હતો. 

અંગત સ્વાર્થના સાધકો અને તકસાધુઓ આતંકવાદ , 

નેતૃત્વ, ધર્મપ્રચાર અને કોમવાદ જેવા કઈંક મ્હોરાંઓ 

પહેરીને અનાદિકાળથી લોકોને હોળીનું નાળિયેર 

બનાવતા રહ્યા છે અને રહેશે., જ્યાં સુધી લોકોના 

દ્ર્ષ્ટિબિંદુઓ અને દ્રષ્ટિકોણ ઉપર સદીઓથી જામી 

ગયેલા પૂર્વગ્રહના પડ નહીં ઉખડે. એટલું યાદ રહે કે 

તકસાધુઓના  પંથમાં ભેદભાવ નથી, તેઓ વિશ્વવ્યાપી 

છે.સમગ્ર વિશ્વના રાજકીય, સામાજિક, આર્થિક 

ધાર્મિક તેમજ નૈતિક ક્ષેત્રોમાં હાજરાહજૂર છે.

                            ત્રિશૂળની સર્વેલન્સ ટિમ ના બે સદસ્યો 

“પ્રભુ કૃપા” પર અવતર્યા. 

ફ્લેટ ૨-B  અને ૨-D જમણી બાજુએ હતા. લિફ્ટના બે 

પડખે દાદરા હતા. ડાબે  પડખે નીચે જવાનો અને 

જમણે પડખે દાદરો ઉપર જતો. પરસાળમાં એક ટ્યુબ 

લાઈટ હતી અને એના ફિક્સચર માં ફ્લેટ ૨-D  ની 

અવરજવર પર નજર રાખી શકે એવા મોશન ડિટેક્ટર 

સેન્સર ઓપરેટેડ કેમેરા ફિટ કરવામાં આવ્યા. 

કેમેરામાં ઝડપાયેલા દ્રશ્યો ફોન લાઈન મારફતે ત્રિશૂળ 

ના કમ્પ્યુટરમાં ડાઉનલોડ કરવાની વ્યવસ્થા થઇ ગઈ. 

જાળ બિછાવી તો ખરી પણ સપડાશે કોણ?

            વાહીદ કુરેશીની ઓફિસમાંથી બહાર નીકળ્યો. 

વઝીર આરામ કરવા માટે એના આવાસ તરફ વળ્યો. 

વાહિદે અસ્વસ્થતા દૂર કરવા હાઈકમિશન ની બહાર 

દરિયાકિનારે જવાનો નિર્ણય કર્યો.અદતમુજબ એ 

ચારેકોર સાવધાનીભરી નજર નાખતો હતો. રસ્તાની 

સામેની બાજુએ રેસકોર્સ ના દરવાજા પાસે એક 

સેન્ડવિચ વેચનારને જોયો. વહીદનું કુતુહલ સળવળ્યું. 

જો કે આ કઈં નવું નહોતું.આવા દુકાનદારો તો શહેરમાં 

કીડીયારાની જેમ ઉભરાતા હતા.નગરપાલિકા અને 

પોલીસખાતાની મહેરબાની આ કીડીયારાને ફોલી ખાતી. 

એમનું શોષણ કરતી;પરંતુ રૃશ્વતખોર હાથીઓને મણ 

આપનાર આ કીડીયારાઓને કણ આપતો જ રહે છે. 

એક પરોપજીવી જીવન ઘટમાળની સાંકળના આ 

મણકાઓ એનો સબળ પુરાવોછે.

          વાહીદ રસ્તો ઓળંગીને સેન્ડવિચ વેચનાર તરફ 

વળ્યો. સેન્ડવિચ વેચનારે વહીદને હાઈકમિશનમાંથી 

બહાર નીકળતો જોઈને એનો ફોટો  લઈને ત્રિશૂળ  

પર મોકલ્યો. તરત જ જવાબમાં  ત્રિશૂળ તરફથી 

વાહીદ વિશેની બાતમી અને સાવધાની રાખવાની 

સૂચના મળી. વાહિદે સેન્ડવિચનો ઓર્ડર આપ્યો. 

ત્રિશૂળ ના સેન્ડવિચ વેચનારે સેન્ડવિચ ઉપર 

કલોરલહાઇડ્રેટથી ભરપૂર ચટણી લગાડી. ક્લોરલહાઇડ્રેટ 

સ્વાદ, ગંધ અને વાસ વગરની ઘેન ની દવા છે. એટલે 

કાવતરાની ગંધ આવવાની શક્યતા નહોતી.વાહીદ 

સેન્ડવિચ ખાતા ખાતા ઔપચારિક વાતોએ વળગ્યો. 

સેન્ડવિચ પુરી થવા આવી એટલે એને એક પાણીની 

બોટલ ખરીદી.પાણીમાં પણ એજ ઘેન ની દવા હતી. 

વાહીદ પોણી બોટલ ગટગટાવી ગયોઅને દરિયા તરફ 

વળ્યો. દશેક ડગલાં મંદ ચાલ્યો હશે અને એની આંખે 

અંધારા આવ્યા.દ્રષ્ટિ ઝાંખી થઇ. અચાનક પગ લથડ્યો 

અને મામલો બિચકી જાય એ પહેલા ત્રિશુલના ઓફિસરે 

વાહિદની  સહાય કરી અને રેસકોર્સની દીવાલ પાછળ દોર્યો.

જતાવતા લોકોની નજર ન પડે તેમ સુવાડ્યો.

ત્યારબાદ ત્રિશૂલને ફોન કર્યો અને કહ્યું કે ” ગ્રાહક સેન્ડવિચ 

ખાઈને ઘસઘસાટ ઊંઘી રહ્યો છે.” અડધા કલાકમાં ત્રિશૂળ ની 

એમ્બ્યુલન્સ આવી અને વહીદને લઇ ગઈ.

            આર્થર રોડ હોસ્પિટલના કોમ્પ્લેક્સમાં એક જૂનું મકાન 

હતું જ્યાં રક્તપિત્ત એટલે લેપ્રસી જેવા કુષ્ટ રોગોથી પીડાતા 

દર્દીઓની સારવાર કરવામાં આવતી. ઘણા વખતથી આ 

રોગનો ફેલાવો અટક્યો હતો, નાબૂદ તો નહોતો થયો પણ 

આવા રોગોની સારવાર માટે નાસિક નજીક એક આરોગ્યધામ 

સ્થાપવામાં આવ્યું હતું.અહીં રોગીઓના ઉપચાર અને ઉદ્ધાર 

માટેની સવલતો હતી.કલંક સમાન ગણાતા આ રોગના 

કમનસીબ દર્દીઓને સ્વાવલંબી અને ઉદ્યમી બનાવવાના 

પ્રયત્નોને સફળતા મળી હતી.જો કે જુનવાણી અને રૂઢિચુસ્ત માન્યતાઓને  લીધે આવા દર્દીઓ અછૂત જેવી હાલતમાં 

જીવતા. શારીરિક અને માનસિક રોગોનો ઈલાજ સફળતાથી 

કરનાર ડોકટરો પણ પારંપારિક માન્યતાઓનો કોઈ ઈલાજ 

કરી શકે એમ નહોતા. બહારથી જૂનું લાગતું આર્થરરોડ 

હોસ્પિટલ નું મકાન અંદરથી અદ્યતન સુવિધાઓ ધરાવતું 

હતું. વિવિધ લેબોરેટરીઓ, ઓપરેશન થીએટર અને એવી 

તો કૈંક સગવડો હતી. ત્રિશુલના વપરાશને અનુરૂપ આ મકાન 

અસ્તિત્વમાં નહોતું. સરકારી દસ્તાવેજો માં મકાન તોડી 

નાખ્યાની નોંધ હતી.

      એમ્બ્યુલન્સ વહીદને લઈને સીધી આર્થર રોડ હોસ્પિટલ માં 

પહોંચી ગઈ.ડોક્ટર યશવંત લાખાણીએ વહીદને તાબડતોબ 

ઓપરેશન થિએટરમાં લઇ જવાની સૂચના આપી. વ્યવસાયે 

એનેસ્થિસિઓલોજીસ્ટ ડોક્ટર લાખાણી બેભાન માણસ 

પાસેથી બાતમી કઢાવવામાં અજોડ હતા. જાતજાતના 

ઔષધો અને રસાયણો વાપરીને બેભાન માણસ ના 

મગજનો ખૂણેખૂણો ખૂંદી વળે અને બાતમી કઢાવે. 

કેમિકલ્સની માત્રા હળવી હોય તો પેલો માણસ ભાનમાં 

આવે ત્યારે એની યાદદાસ્ત, તાજેતરમાં બનેલા બનાવો 

વિશે બેખબર હોય છે. વિકલ્પે જો બાતમી કઢાવવા 

માટે વપરાયેલા કેમિકલ્સ ખતરનાક હોય તો યાદદાસ્ત 

હ્મ્મેશ માટે જતી રહે. આમેય આવા ભુલા ભટકેલાઓનો 

ક્યાં તોટો છે! એકનો વધારો થાય એટલુંજ.

                              ડો.લાખાણીએ કસબ અજમાવ્યો અને 

વાહીદની વાચા  ફૂટી નીકળી. કુરેશી, ખતીજા, વઝીર, 

કાલિપ્રસાદ અને પીટર નામોનો ઉલ્લેખ થયો. એ પણ 

જાણવા મળ્યું કે કુરેશી કોઈક ખતરનાક યોજના ઘડી રહતો.

અણુકેન્દ્રના કાફલાને કેવી રીતે ખોરંભે ચડાવવામાં આવ્યો 

તેની અક્ષરઃશ માહિતી  મળી. વાહિદે ખાત્રીપૂર્વક જણાવ્યું 

કે એનરિચ્ડ યુરેનિયમ અણુકેન્દ્રની કારમાં બાંગ્લાદેશ 

હાઈકમિશન ના કબજા માં સલામત હતું. પરીક્ષિતને આ 

માહિતી પહોંચાડવામાં આવી. કુરેશી અને ખતીજાના 

નામો સિવાય બીજું કઈં નવું જાણવા ન મળ્યું.

          ગૌતમ દીવાનના  કહેવા પ્રમાણે એનરિચ્ડ યુરેનિયમ 

અણુકેન્દ્રની  કારમાં તો નહોતું. પરીક્ષિતની મૂંઝવણ અપાર

 હતી. ક્યાં હશે એનરિચ્ડ યુરેનિયમ? પરીક્ષિતની સેક્રેટરીએ 

સ્ટાફ મિટિંગની યાદ દેવડાવી અને જણાવ્યું કે બધા 

ઓફિસરો આવી ગયા હતા. પરીક્ષિત મિટિંગ રૂમમાં 

પ્રવેશ્યો. અત્યારસુધી બનેલા બનાવો અને હકીકત ની 

સમીક્ષા કરી અને સલાહસૂચનો આવકાર્યા.

          કુરેશી અને ખતીજા વિશે શક્ય તેટલી માહિતી 

મેળવવાનું નક્કી થયું. વાહીદ, વઝીર, કાલિપ્રસાદ અને 

પીટર ની હિલચાલ ઉપર નજર રાખવાનું પણ નક્કી થયું. 

આઝાદ ઈમ્પોર્ટસ પર છાપો મારવાની દરખાસ્ત મંજુર થઇ. 

બાંગ્લાદેશ હાઈકમિશનની ફોન લાઈન પરનો સંદેશ 

વ્યવહાર આંતરવા માટે કોર્ટની મંજૂરી પણ મેળવી લેવી, 

એવું નક્કી થયું.એનરિચ્ડ યુરેનિયમની ભાળ મેળવવા 

માટે કોઈ નક્કર સૂચનો ન ઉદભવ્યા.અંતે એમ નક્કી 

થયું કે કુરેશી અથવા પીટર પાસેથી બાતમી કઢાવવી. 

પરીક્ષિતે સંમતિસૂચક વલણ તો અપનાવ્યું પણ 

એનરિચ્ડ યુરેનિયમ નો પ્રશ્ન એક વણથંભ્યા દાવાનળની 

જેમ સળગતો રહ્યો. ત્રણ દિવસની મુદતમાં આ બધી 

કાર્યવાહી પુરી કરવાનો આદેશ આપ્યો અને મિટિંગ 

બરખાસ્ત કરી.

          પરીક્ષિત પોતાની ઓફિસ માં પાછો ફર્યો. 

એનરિચ્ડ યુરેનિયમનો પ્રશ્ન પડછાયાની જેમ જ પીછો 

કરતો હતો. એનું મન એક વૈજ્ઞાનિકની ઢબે નિરાકરણ 

કરવા લલચાયું. હકીકતોની  હારમાળાના મણકા 

વેરણછેરણ પડ્યા હતા. હકીકત એ હતીકે યુરેનિયમ 

લાપત્તા છે.હકીકત એ હતી કે એક ભયંકર ષડ્યંત્રનો 

અમલ થશે, હકીકત એ હતી કે વિના વિલંબે બધા 

પ્રશ્નોનું નિરાકરણ નહીં થાય તો ભયાનક પરિણામો 

નિશ્ચિત હતા. પરીક્ષિતની હૈયાસૂઝ સતેજ થઇ. હકીકતો 

ની હારમાળાના વેરાયેલા મણકાઓને એકત્રિત કરવા 

જ રહ્યા. મણકા પરોવવા માટે દોરો ક્યાંથી લાવવો? 

દોરાનો વિચાર કરતા એમ લાગ્યું કે  કદાચ ભુલથાપ 

આપવા માટે તો આ મણકાઓને વેરવામાં નહીં 

આવ્યા હોય ને! આંધળે બહેરું તો નહીં કૂટાતું હોય ને!  

ખોટી દિશામાં આંગળી ચીંધીને કોઈ ભરમાવે છે કે શું? 

શંકાના વાદળો ઘેરાયા, ઘનિષ્ઠ થયા અને પરીક્ષિતની 

ભીંતર વસેલું વૈજ્ઞાનિક અસ્તિત્વ આ શંકાનું સમાધાન 

કરવા ઉતાવળું અને ઉત્સુક થયું.

                         ડો. લાખાણી કામ પતાવીને આર્થરરોડ 

હોસ્પિટલમાંથી નીકળ્યા. સાંજના ઇન્ડિયન મેડિકલ 

એસોસિએશન ની મિટિંગ માં હાજરી આપવાની હતી. 

મિટિંગ તો  દર  મહિને નિયમિત યોજવામાં આવતી 

પણ એમની હાજરી નિયમિતપણે અનિયમિત રહેતી. 

આજની મિટિંગ એક મોટી ફાર્માસ્યુટિકલ કંપનીના 

સૌજન્યને આભારી હતી. તાજેતરમાં જ બંધાયેલા 

ઝંકાર નામના હોલ માં આયોજન કરવામાં આવ્યું હતું. 

હોલ અદ્યતન સગવડો ધરાવતો હતો એટલુંજ નહીં પણ, 

પાર્કિંગની પળોજણને પહોંચી વળવાનો પ્રબંધ પણ  

કરવામાં આવેલો હતો. હોલનું દૈનિક ભાડું તો કોઈ 

રાજકીય નેતાની કુલ સત્તાવાર અને બિનસત્તાવાર 

આવકથી પણ વધારે હતું. સામાન્યતઃ આવી મીટીંગોમાં 

શિષ્ટાચારનો રિવાજ હોય છે અને ક્યારેક બીજા  આચરણ પણ થતા રહે છે.                         

ભીંતર ના વ્હેણ

                            પ્રકરણ  26   

 કુરેશી માટે એક મુસીબત ખડી  થઇ ગઈ. યુરેનિયમ નું શું કરવું? 

બજારમાં વેચવા નીકળે તો ગ્રાહકો તો ઘણા મળી રહે પણ એમાં 

જોખમ મોટું હતું.ઘણી વાર વિચાર કર્યા પછી એણે ચીની જાસૂસી 

ખાતાની સલાહ અને સહાય માંગવાનો નિર્ણય કર્યો. આમેય ચીની

જાસૂસી ખાતું ઇન્ડિયા નું હમદર્દ ન’તું. એટલે વાત ખાનગી જ 

રહેવાની હતી.અલબત્ત, કુરેશી એન્રીચડ યુરેનિયમ પાણીના 

ભાવે તો નહોતો જ વેચવાનો. કુરેશીને એ પણ ખાતરી હતી 

કે ચીની જાસૂસી ખાતાને પણ સગવડ સાચવી લેતા  આવડતું

 હતું. કુરેશી પણ શેષ જીવન  સુખચેન માં વિતાવવા માંગતો 

હતો. એટલું જ નહીં પણ જરૂર પડ્યે આતંકવાદને ઉશ્કેરવા 

માટે પોતાની ધનસંપત્તિનો ઉપયોગ કરવા ઉત્સુક અને આતુર 

હતો. કોણે કહ્યું કે ધનવાન આરબ રાજ્યો જ છૂટ થી પૈસા વેરીને 

ઇસ્લામી ધર્મઝનૂનને સળગતું રાખી શકે છે! કુરેશી નો પ્લાન 

કઈં દૂરંદેશી ભર્યો તો ન હતો પણ વ્યવહારુ હતો. પોતાના 

પૈસા ખર્ચીને એ સમૃદ્ધ આરબ રાજ્યો ની વિરુદ્ધ અસંતોષ 

ના બીજ વાવી શકે, ત્યાંની પ્રજામાં લોકશાહી નો પ્રચાર 

કરી શકે. મુઠ્ઠીભર શેખ, અમીરો અને સુલતાનોના આસન 

ડોલાવે અને તેનાથી ધનવાન આરબ રાજ્યો માટે અસહ્ય 

પરિસ્થિતિ સર્જાય. કુરેશી આવા રાજ્યકર્તાઓની વ્હારે 

ધાય અને એમની સલ્તનત અને અમીરાત બચાવે અને 

આભારની લાગણી પ્રદર્શિત કરવા માટે આરબ રાજ્યો 

એને  સારો જેવો શિરપાવ પણ આપે.

                     કુરેશી અન્ય તકસાધુઓ જેવો જ હતો. 

અંગત સ્વાર્થના સાધકો અને તકસાધુઓ આતંકવાદ , 

નેતૃત્વ, ધર્મપ્રચાર અને કોમવાદ જેવા કઈંક મ્હોરાંઓ 

પહેરીને અનાદિકાળથી લોકોને હોળીનું નાળિયેર 

બનાવતા રહ્યા છે અને રહેશે., જ્યાં સુધી લોકોના 

દ્ર્ષ્ટિબિંદુઓ અને દ્રષ્ટિકોણ ઉપર સદીઓથી જામી 

ગયેલા પૂર્વગ્રહના પડ નહીં ઉખડે. એટલું યાદ રહે કે 

તકસાધુઓના  પંથમાં ભેદભાવ નથી, તેઓ વિશ્વવ્યાપી 

છે.સમગ્ર વિશ્વના રાજકીય, સામાજિક, આર્થિક 

ધાર્મિક તેમજ નૈતિક ક્ષેત્રોમાં હાજરાહજૂર છે.

                            ત્રિશૂળની સર્વેલન્સ ટિમ ના બે સદસ્યો 

“પ્રભુ કૃપા” પર અવતર્યા. 

ફ્લેટ ૨-B  અને ૨-D જમણી બાજુએ હતા. લિફ્ટના બે 

પડખે દાદરા હતા. ડાબે  પડખે નીચે જવાનો અને 

જમણે પડખે દાદરો ઉપર જતો. પરસાળમાં એક ટ્યુબ 

લાઈટ હતી અને એના ફિક્સચર માં ફ્લેટ ૨-D  ની 

અવરજવર પર નજર રાખી શકે એવા મોશન ડિટેક્ટર 

સેન્સર ઓપરેટેડ કેમેરા ફિટ કરવામાં આવ્યા. 

કેમેરામાં ઝડપાયેલા દ્રશ્યો ફોન લાઈન મારફતે ત્રિશૂળ 

ના કમ્પ્યુટરમાં ડાઉનલોડ કરવાની વ્યવસ્થા થઇ ગઈ. 

જાળ બિછાવી તો ખરી પણ સપડાશે કોણ?

            વાહીદ કુરેશીની ઓફિસમાંથી બહાર નીકળ્યો. 

વઝીર આરામ કરવા માટે એના આવાસ તરફ વળ્યો. 

વાહિદે અસ્વસ્થતા દૂર કરવા હાઈકમિશન ની બહાર 

દરિયાકિનારે જવાનો નિર્ણય કર્યો.અદતમુજબ એ 

ચારેકોર સાવધાનીભરી નજર નાખતો હતો. રસ્તાની 

સામેની બાજુએ રેસકોર્સ ના દરવાજા પાસે એક 

સેન્ડવિચ વેચનારને જોયો. વહીદનું કુતુહલ સળવળ્યું. 

જો કે આ કઈં નવું નહોતું.આવા દુકાનદારો તો શહેરમાં 

કીડીયારાની જેમ ઉભરાતા હતા.નગરપાલિકા અને 

પોલીસખાતાની મહેરબાની આ કીડીયારાને ફોલી ખાતી. 

એમનું શોષણ કરતી;પરંતુ રૃશ્વતખોર હાથીઓને મણ 

આપનાર આ કીડીયારાઓને કણ આપતો જ રહે છે. 

એક પરોપજીવી જીવન ઘટમાળની સાંકળના આ 

મણકાઓ એનો સબળ પુરાવોછે.

          વાહીદ રસ્તો ઓળંગીને સેન્ડવિચ વેચનાર તરફ 

વળ્યો. સેન્ડવિચ વેચનારે વહીદને હાઈકમિશનમાંથી 

બહાર નીકળતો જોઈને એનો ફોટો  લઈને ત્રિશૂળ  

પર મોકલ્યો. તરત જ જવાબમાં  ત્રિશૂળ તરફથી 

વાહીદ વિશેની બાતમી અને સાવધાની રાખવાની 

સૂચના મળી. વાહિદે સેન્ડવિચનો ઓર્ડર આપ્યો. 

ત્રિશૂળ ના સેન્ડવિચ વેચનારે સેન્ડવિચ ઉપર 

કલોરલહાઇડ્રેટથી ભરપૂર ચટણી લગાડી. ક્લોરલહાઇડ્રેટ 

સ્વાદ, ગંધ અને વાસ વગરની ઘેન ની દવા છે. એટલે 

કાવતરાની ગંધ આવવાની શક્યતા નહોતી.વાહીદ 

સેન્ડવિચ ખાતા ખાતા ઔપચારિક વાતોએ વળગ્યો. 

સેન્ડવિચ પુરી થવા આવી એટલે એને એક પાણીની 

બોટલ ખરીદી.પાણીમાં પણ એજ ઘેન ની દવા હતી. 

વાહીદ પોણી બોટલ ગટગટાવી ગયોઅને દરિયા તરફ 

વળ્યો. દશેક ડગલાં મંદ ચાલ્યો હશે અને એની આંખે 

અંધારા આવ્યા.દ્રષ્ટિ ઝાંખી થઇ. અચાનક પગ લથડ્યો 

અને મામલો બિચકી જાય એ પહેલા ત્રિશુલના ઓફિસરે 

વાહિદની  સહાય કરી અને રેસકોર્સની દીવાલ પાછળ દોર્યો.

જતાવતા લોકોની નજર ન પડે તેમ સુવાડ્યો.

ત્યારબાદ ત્રિશૂલને ફોન કર્યો અને કહ્યું કે ” ગ્રાહક સેન્ડવિચ 

ખાઈને ઘસઘસાટ ઊંઘી રહ્યો છે.” અડધા કલાકમાં ત્રિશૂળ ની 

એમ્બ્યુલન્સ આવી અને વહીદને લઇ ગઈ.

            આર્થર રોડ હોસ્પિટલના કોમ્પ્લેક્સમાં એક જૂનું મકાન 

હતું જ્યાં રક્તપિત્ત એટલે લેપ્રસી જેવા કુષ્ટ રોગોથી પીડાતા 

દર્દીઓની સારવાર કરવામાં આવતી. ઘણા વખતથી આ 

રોગનો ફેલાવો અટક્યો હતો, નાબૂદ તો નહોતો થયો પણ 

આવા રોગોની સારવાર માટે નાસિક નજીક એક આરોગ્યધામ 

સ્થાપવામાં આવ્યું હતું.અહીં રોગીઓના ઉપચાર અને ઉદ્ધાર 

માટેની સવલતો હતી.કલંક સમાન ગણાતા આ રોગના 

કમનસીબ દર્દીઓને સ્વાવલંબી અને ઉદ્યમી બનાવવાના 

પ્રયત્નોને સફળતા મળી હતી.જો કે જુનવાણી અને રૂઢિચુસ્ત માન્યતાઓને  લીધે આવા દર્દીઓ અછૂત જેવી હાલતમાં 

જીવતા. શારીરિક અને માનસિક રોગોનો ઈલાજ સફળતાથી 

કરનાર ડોકટરો પણ પારંપારિક માન્યતાઓનો કોઈ ઈલાજ 

કરી શકે એમ નહોતા. બહારથી જૂનું લાગતું આર્થરરોડ 

હોસ્પિટલ નું મકાન અંદરથી અદ્યતન સુવિધાઓ ધરાવતું 

હતું. વિવિધ લેબોરેટરીઓ, ઓપરેશન થીએટર અને એવી 

તો કૈંક સગવડો હતી. ત્રિશુલના વપરાશને અનુરૂપ આ મકાન 

અસ્તિત્વમાં નહોતું. સરકારી દસ્તાવેજો માં મકાન તોડી 

નાખ્યાની નોંધ હતી.

      એમ્બ્યુલન્સ વહીદને લઈને સીધી આર્થર રોડ હોસ્પિટલ માં 

પહોંચી ગઈ.ડોક્ટર યશવંત લાખાણીએ વહીદને તાબડતોબ 

ઓપરેશન થિએટરમાં લઇ જવાની સૂચના આપી. વ્યવસાયે 

એનેસ્થિસિઓલોજીસ્ટ ડોક્ટર લાખાણી બેભાન માણસ 

પાસેથી બાતમી કઢાવવામાં અજોડ હતા. જાતજાતના 

ઔષધો અને રસાયણો વાપરીને બેભાન માણસ ના 

મગજનો ખૂણેખૂણો ખૂંદી વળે અને બાતમી કઢાવે. 

કેમિકલ્સની માત્રા હળવી હોય તો પેલો માણસ ભાનમાં 

આવે ત્યારે એની યાદદાસ્ત, તાજેતરમાં બનેલા બનાવો 

વિશે બેખબર હોય છે. વિકલ્પે જો બાતમી કઢાવવા 

માટે વપરાયેલા કેમિકલ્સ ખતરનાક હોય તો યાદદાસ્ત 

હ્મ્મેશ માટે જતી રહે. આમેય આવા ભુલા ભટકેલાઓનો 

ક્યાં તોટો છે! એકનો વધારો થાય એટલુંજ.

                              ડો.લાખાણીએ કસબ અજમાવ્યો અને 

વાહીદની વાચા  ફૂટી નીકળી. કુરેશી, ખતીજા, વઝીર, 

કાલિપ્રસાદ અને પીટર નામોનો ઉલ્લેખ થયો. એ પણ 

જાણવા મળ્યું કે કુરેશી કોઈક ખતરનાક યોજના ઘડી રહતો.

અણુકેન્દ્રના કાફલાને કેવી રીતે ખોરંભે ચડાવવામાં આવ્યો 

તેની અક્ષરઃશ માહિતી  મળી. વાહિદે ખાત્રીપૂર્વક જણાવ્યું 

કે એનરિચ્ડ યુરેનિયમ અણુકેન્દ્રની કારમાં બાંગ્લાદેશ 

હાઈકમિશન ના કબજા માં સલામત હતું. પરીક્ષિતને આ 

માહિતી પહોંચાડવામાં આવી. કુરેશી અને ખતીજાના 

નામો સિવાય બીજું કઈં નવું જાણવા ન મળ્યું.

          ગૌતમ દીવાનના  કહેવા પ્રમાણે એનરિચ્ડ યુરેનિયમ 

અણુકેન્દ્રની  કારમાં તો નહોતું. પરીક્ષિતની મૂંઝવણ અપાર

 હતી. ક્યાં હશે એનરિચ્ડ યુરેનિયમ? પરીક્ષિતની સેક્રેટરીએ 

સ્ટાફ મિટિંગની યાદ દેવડાવી અને જણાવ્યું કે બધા 

ઓફિસરો આવી ગયા હતા. પરીક્ષિત મિટિંગ રૂમમાં 

પ્રવેશ્યો. અત્યારસુધી બનેલા બનાવો અને હકીકત ની 

સમીક્ષા કરી અને સલાહસૂચનો આવકાર્યા.

          કુરેશી અને ખતીજા વિશે શક્ય તેટલી માહિતી 

મેળવવાનું નક્કી થયું. વાહીદ, વઝીર, કાલિપ્રસાદ અને 

પીટર ની હિલચાલ ઉપર નજર રાખવાનું પણ નક્કી થયું. 

આઝાદ ઈમ્પોર્ટસ પર છાપો મારવાની દરખાસ્ત મંજુર થઇ. 

બાંગ્લાદેશ હાઈકમિશનની ફોન લાઈન પરનો સંદેશ 

વ્યવહાર આંતરવા માટે કોર્ટની મંજૂરી પણ મેળવી લેવી, 

એવું નક્કી થયું.એનરિચ્ડ યુરેનિયમની ભાળ મેળવવા 

માટે કોઈ નક્કર સૂચનો ન ઉદભવ્યા.અંતે એમ નક્કી 

થયું કે કુરેશી અથવા પીટર પાસેથી બાતમી કઢાવવી. 

પરીક્ષિતે સંમતિસૂચક વલણ તો અપનાવ્યું પણ 

એનરિચ્ડ યુરેનિયમ નો પ્રશ્ન એક વણથંભ્યા દાવાનળની 

જેમ સળગતો રહ્યો. ત્રણ દિવસની મુદતમાં આ બધી 

કાર્યવાહી પુરી કરવાનો આદેશ આપ્યો અને મિટિંગ 

બરખાસ્ત કરી.

          પરીક્ષિત પોતાની ઓફિસ માં પાછો ફર્યો. 

એનરિચ્ડ યુરેનિયમનો પ્રશ્ન પડછાયાની જેમ જ પીછો 

કરતો હતો. એનું મન એક વૈજ્ઞાનિકની ઢબે નિરાકરણ 

કરવા લલચાયું. હકીકતોની  હારમાળાના મણકા 

વેરણછેરણ પડ્યા હતા. હકીકત એ હતીકે યુરેનિયમ 

લાપત્તા છે.હકીકત એ હતી કે એક ભયંકર ષડ્યંત્રનો 

અમલ થશે, હકીકત એ હતી કે વિના વિલંબે બધા 

પ્રશ્નોનું નિરાકરણ નહીં થાય તો ભયાનક પરિણામો 

નિશ્ચિત હતા. પરીક્ષિતની હૈયાસૂઝ સતેજ થઇ. હકીકતો 

ની હારમાળાના વેરાયેલા મણકાઓને એકત્રિત કરવા 

જ રહ્યા. મણકા પરોવવા માટે દોરો ક્યાંથી લાવવો? 

દોરાનો વિચાર કરતા એમ લાગ્યું કે  કદાચ ભુલથાપ 

આપવા માટે તો આ મણકાઓને વેરવામાં નહીં 

આવ્યા હોય ને! આંધળે બહેરું તો નહીં કૂટાતું હોય ને!  

ખોટી દિશામાં આંગળી ચીંધીને કોઈ ભરમાવે છે કે શું? 

શંકાના વાદળો ઘેરાયા, ઘનિષ્ઠ થયા અને પરીક્ષિતની 

ભીંતર વસેલું વૈજ્ઞાનિક અસ્તિત્વ આ શંકાનું સમાધાન 

કરવા ઉતાવળું અને ઉત્સુક થયું.

                         ડો. લાખાણી કામ પતાવીને આર્થરરોડ 

હોસ્પિટલમાંથી નીકળ્યા. સાંજના ઇન્ડિયન મેડિકલ 

એસોસિએશન ની મિટિંગ માં હાજરી આપવાની હતી. 

મિટિંગ તો  દર  મહિને નિયમિત યોજવામાં આવતી 

પણ એમની હાજરી નિયમિતપણે અનિયમિત રહેતી. 

આજની મિટિંગ એક મોટી ફાર્માસ્યુટિકલ કંપનીના 

સૌજન્યને આભારી હતી. તાજેતરમાં જ બંધાયેલા 

ઝંકાર નામના હોલ માં આયોજન કરવામાં આવ્યું હતું. 

હોલ અદ્યતન સગવડો ધરાવતો હતો એટલુંજ નહીં પણ, 

પાર્કિંગની પળોજણને પહોંચી વળવાનો પ્રબંધ પણ  

કરવામાં આવેલો હતો. હોલનું દૈનિક ભાડું તો કોઈ 

રાજકીય નેતાની કુલ સત્તાવાર અને બિનસત્તાવાર 

આવકથી પણ વધારે હતું. સામાન્યતઃ આવી મીટીંગોમાં 

શિષ્ટાચારનો રિવાજ હોય છે અને ક્યારેક બીજા  આચરણ પણ થતા રહે છે.                         

ભીંતર ના વ્હેણ   પ્રકરણ ૨૫  

S.Gandhi

Surendra ga

ભીંતર ના વ્હેણ

પ્રકરણ ૨૫

શૈલજા પુણ્યાર્થી ઉર્ફે કન્યાકુમારી, હોમ મિનિસ્ટર કુશળ અગ્રસેનની

ચાલચલગતથી સારી રીતે માહિતગાર હતી.અગ્રસેનનો  પર્સનલ

આસિસ્ટન્ટ પણ કન્યાકુમારીના કામણ નો પ્રસાદ પામી ચુક્યો હતો.

આ ખુશનસીબીનો પ્રવાહ અસખલ્લીત વહેતો રાખવા માટે,

બદલામાં તે કન્યાકુમારીને અવનવી બાતમી આપતો.બેઉં એકમેકની

સગવડ સાચવી લેતા. પરસાડીયો ભગત બાતમીની દક્ષિણ આપીને

કૃપાળુ કામિનીને નિરંતર પ્રસન્ન રાખતો.કન્યાકુમારી અને પર્સનલ

આસિસ્ટન્ટ કોઈ વાર હોટેલના રૂમમાં તો કોઈસિનેમાગૃહ માં,

તો કોઈ વાર બાગબગીચામાં મળતા. બેઉં વચ્ચે થતી વાતોમાંથી

તો એક મહાકાવ્ય રચાય! કન્યાકુમારી સરકારી બાબતો વિશે

ખુબ જાણતી હતી. આજે ત્રિશૂળ અને એના સંચાલક પરીક્ષિત

વિશે જાણવા મળ્યું. અણછાજતા કુતૂહલને  છતાંય વશમાં રાખ્યું.

વળી કોઈક નવા કમ્પ્યુટર પ્રોગ્રામની પણ વાત થઇ. કન્યાકુમારીની

અધીરાઈની પારાશીશી પરાકાષ્ઠાએ પહોંચી. છતાંય નિર્લેપ ભાવે

વાતવાતમાં એણે પર્સનલ અસિસ્ટન્ટનો પાસવર્ડ મેળવી લીધો.

હોટેલના રૂમમાં માદકતા મહેકી અને ઉપાસક પર્સનલ અસિસ્ટન્ટનું

ખોળિયું કામાગ્નિની જ્વાળામાં લપેટાઈને ધનભાગ્ય બન્યું.

અણુકેન્દ્રનો સિનિયર ઓફિસર સનત હિરાવત,

એના સહકાર્યકરો માટે એક સંદિગ્ધ સમસ્યા હતો;કમ્પ્યૂર્ટો જ

મિલનસાર. એની જીવનચર્યા વિશે કોઈ નક્કર બાતમી ઉપલબ્ધ

નહોતી. વાયકા હતી કે સૈકાઓ પૂર્વે એના યહૂદી વડવાઓ વ્યાપાર

વાણિજ્ય અર્થે અહીં ઠરીઠામ થયા હતા. હજુ પણ એમની શાખ

અકબન્ધ હતી. જો કે સાપ ગયા પછીના રહી ગયેલા લિસોટા જેવી.

સમયની સાથે કદમ મિલાવીને યહૂદીઓ સમાજમાં ભળી ગયા હતા.

વ્યાપારની સાથે સાથે વૈજ્ઞાનિક ક્ષેત્રે પણ મોખરે રહીને એક અવ્વ્લ

દરજ્જો પ્રાપ્ત કર્યો. સનત, ઇન્સ્ટીટ્યુટ ઓફ એટોમિક રિસર્ચનો

સ્નાતક હતો. એની પ્રમાણિકતા અને વફાદારી પ્રસંશનીય હતી.

અણુકેન્દ્ર્મા બનાવવામાં આવતા રેડીઓ એક્ટિવ પદાર્થોની

અવરજવર અને ઇન્વેન્ટરીની જવાબદારી સનત સંભાળતો હતો.

છેલ્લા બે વર્ષથી એક ઇઝરાયેલી જૂથના સંપર્કમાં ઘણી અનિચ્છા

સાથરે હતો. એમની બળજબરીથી ભરમાઈને સનતે ન કરવા જેવા

કામો કર્યા હતા. થોડાક વખત પહેલા એમના કહેવાથી જ એણે પુણે

જનાર અણુકેન્દ્રના કાફલાની તૈયારીમાં ભાંજઘડ ઉભી કરી હતી.

છેલ્લી ઘડીએ એણે કાફલાના સુપરવાઈઝરને  જણાવ્યું હતું કે

એન્રીચડ યુરેનિયમ ની ડિલિવરીમાં વિલંબ થયો છે; એક નાની

ટેક્નિકલ મુશ્કેલીના લીધે. સુપરવાઈઝર અન્ય કામોમાં રોકાયેલ

હોવાથી એણે સનત ને એન્રીચડ યુરેનિયમ ની કામગીરી સાંભળી

લેવાની ભલામણ કરી. સનત ને મોકો મળી ગયો અને એણે એક

ખાલી સિલિન્ડર અણુકેન્દ્રની કાર ની સેઇફ માં મૂકીને તાળું માર્યું.

બે દિવસ સુધી યુરેનિયમ એની ઓફિસમાં પડી રહ્યું.બીજે દિવસે

સાફસૂફી કરનાર માણસ કચરાની સાથે એન્રીચડ યુરેનિયમ પણ

લઇ ગયો. એકાંતમાં જઈને એ માણસે યુરેનિયમને એક સુરક્ષિત

ડબ્બામાં ભર્યું અને એક પોસ્ટ ઓફિસ બોક્સ ના સરનામે

રવાના કર્યું.

મ્યાનમારના જંગલમાં એક અદ્યતન પ્રયોગ

થઇ થયો હતો. ચાઈનીઝ એરફોર્સ ની  મદદથી ચીની બનાવટનું

એક પાયલોટ વિહોણું વિમાન, એટલે કે ડ્રોન પાંખો ફફડાવીને

ગગનવિહારી થયું. ડ્રોનનો સંચાલક એક રિમોટ કન્ટ્રોલથી ફ્લા

ઈટનું નિયમન કરતો હતો. ડ્રોન પાસે એણે જાતજાતની અંગકસરતો

કરાવી ડ્રોન ફંગોળાયું, ખાબક્યું, આંખના પલકારામાં એકદમ ઊંચે

ચઢે અને ઘડીકમાં સાવ જમીનને લગોલગ ઉડે.અડધા કલાકની

ખેલકૂદ પુરી થઇ અને ડ્રોન સહીસલામત પાછું ફર્યું. પ્રેક્ષકગણમાં

કુરેશી પણ શામેલ હતો.એ ડ્રોનની  કામગીરીથી પ્રભાવિત અને

પ્રસન્ન થયો.ભવિષ્યમાં ડ્રોન નો ઉપયોગ કરવાની યોજના

એણે મનોમન ઘડી કાઢી.

ચાઈનીઝ સરકારના જાસૂસીખાતાએ આ પ્રયોગને

ખાનગી રાખવા માટે જ મ્યાનમાર ની પસંદગી કરી હતી.

મ્યાનમારની સરકાર એક અંધારી આલમ ના બેતાજ

બાદશાહ જેવી હતી. નિયંત્રણોના બોજથી દબાયેલી સામાન્ય

પ્રજા મરવાને વાંકે જીવતી હોય એવું લાગે.અવાજ ઉઠાવનારના

હાલ બુરા થતા હતા. છેલ્લા થોડાક વર્ષોથી ઇઝરાયલી

એજન્સી “મોસાદ” ના કવચમાં તિરાડો પડી હતી. મોસાદના

બંડખોર અને અસંતોષી ઓફિસરો અને ચીની જાસુસીખાતા

વચ્ચે સંપર્ક અને સંબંધના મંડાણ થયા હતા. બેઉં નું  ધ્યેય એકજ

હતું.  કોમવાદ અને ધર્મઝનૂનની જ્વાળાઓમાં ઘી હોમવાનું.

ચાઈના સશક્ત ઇન્ડિયા ને સાંખી લેવા તૈયાર નહોતું અને

ઈઝરાયેલને સશક્ત ઇસ્લામી રાષ્ટ્રો પ્રત્યે અણગમો હતો.

દુશમનના દુશમન સાથે મિત્રાચારીની આ નીતિ એમને

મનવાંછિત ફળ પ્રદાન કરશે, એવી ગણતરી હતી. રાજનીતિની

વિચિત્રતા અને અસંગતતાનો પર પામવાનું સહેલું નથી.ભલભલા

કુશળ અને દૂરંદેશીઓ પણ એનો તાગ પામવામાં અસફળતાને

વર્યા છે. સામ્યવાદી, મૂડીવાદી અને સમાજવાદી આદર્શોના

આસક્ત સિધ્ધાન્તવાદીઓને પણ તકવાદીઓ  પરાજિત કરે છે.

એટલે જ તકવાદની તોલે કોઈ વાદ ન આવે.

સનત  હિરાવત નિયત સમયે કામકાજ

પતાવીને અણુકેન્દ્રની બસમાં ચેમ્બુર પહોંચ્યો. ત્યાંથી એણે જેકબ

સર્કલ ની બસ પકડી. સનત ની  બાજુમાં એક માણસ બેઠો. આમતેમ

નજર ફેરવીને જોયું અને સંકેત મુજબ નક્કી થયેલું વાક્ય બોલ્યો. ” હમ સાથ સાથ હૈ.” જવાબમાં સનત બોલ્યો કે ” યે રાસ્તે  હૈ

પ્યારકે ચલના સંભલ સંભલ કે.”  સંપર્ક સાધવા માટે આવા

સાંકેતિક સંદેશાઓ  જરૂરી હતા. ઉપરાંત “સબ સલામત”

ની સંજ્ઞા માટે પણ આવશ્યક હતા. જો કોઈ ભય હોય કે

ગરબડ હોય તો સનત મૌન રહે. બેઉં પોતપોતાના બસ સ્ટોપ

પર ઉતરી જાય. સંપર્ક સાધવા માટે આવા સંદેશાઓની એક

યાદી બનાવવામાં આવી હતી. દર અઠવાડિયે સંદેશ બદલાય.

લાગતા વળગળાઓને એક ખાનગી કુરિયર સર્વિસ ” એક્સપ્રેસ

ઇન્ટરનેશનલ” મારફત આ યાદી પહોંચાડવામાં આવતી.એ

કુરિયર નું સરનામું પણ માત્ર નામ પૂરતું હતું. મહમ્મ્દ અલી રોડ

પર ભીંડી બજારના એક જરીપુરાણા મકાનમાં એની નાની

અમસ્તી ઓફિસ હતી.

હરિહરન ની કામગીરી સાચે જ અસરકારક નીવડી.

વાહીદ અને વઝીરે તાજી રંગાયેલી  ટ્રક માં અણુકેન્દ્રની નાદુરસ્ત

કાર ને  ચઢાવી. સિરાજને પૈસા ચુક્વ્યાને બાંગ્લાદેશ હાઈકમિશનનો

રસ્તો લીધો. ટ્રકમાં છુપાયેલી કારની પ્રત્યેક હિલચાલ ઉપર ત્રિશૂળ

ની નજર હતી. કાર શહેરની ગલીકૂંચીઓમાં થઇ ને બાંગ્લાદેશ

હાઈકમિશન ના કમ્પાઉન્ડ માં પ્રવેશી. રેસકોર્સ ના દરવાજે ઉભેલા

વિનાયક ભંડારીના સાથીદારે પણ આ ટ્રક ની નોંધ લીધી અને

ત્રિશુળને ફોન કરીને એ જાણકારી આપી.

વાહીદ અને વઝીર ટ્રક પાર્ક કરીને કુરેશીને

મળવા હાઈકમિશનની ઓફિસ માં પ્રવેશ્યા. કુરેશી વહેલી સવારેજ

મ્યાનમાર થી પાછો ફર્યો હતો. વાહીદ અને વઝીરે કુરેશીને

અત્યારસુધી બનેલા બનાવો ની જાણ કરી. વાહીદના મનનું

સમાધાન નહોતું થયું. અણુકેન્દ્રના ડ્રાઈવર ને જીવતો રહેવા

દઈને ભૂલ કરી હતી. કુરેશીએ એ પણ જાણી લીધું કે  પીટરની

ભલામણથી ડ્રાઈવર ખતીજાના કબજામાં હતો. કુરેશીને

ડ્રાઈવર પ્રત્યે અનુકંપા ઉદભવી. નક્કી ખતીજાની  વાસના-ઉપાસના ની પુર્ણાહુતી બાદ  ડ્રાઈવર ની આહુતિ આપવામાં

આવશે. અને એ ડ્રાઈવર એક જીવતી જાગતી લાશ બની જશે.

કુરેશી ઈર્ષાળુ નહોતો પણ ખતીજાની અન્ય પુરુષો સાથેની હવસ-હોળી પસંદ નહોતી. ખતીજા સતી સાવિત્રી નહોતી જ અને કુરેશી

પણ ફરિશ્તો નહોતો. કુરેશી એવા કાચના મકાનમાં રહેતો હતો કે

જ્યાંથી બીજાઓ પર પથ્થર ફેંકવાનું મુનાસીબ નહોતું. છતાંય

એના હિસાબે સ્વભાવજન્ય ભ્રમરવૃત્તિ પુરુષો પૂરતી મર્યાદિત હતી

કારણ કે સ્ત્રીઓને તો સ્વેચ્છાએ ચારિત્ર્યભ્રષ્ટ થવાની પણ સ્વંતંત્રતા

નહોતી. તો પણ કોઈ પાશવી પુરુષની બળજબરીથી લૂંટાયેલી સ્ત્રીને

કુલટા, બદચલન,કલંકિની અને એવા તો કાઈં કેટલાય ખિતાબ એનાયત

થતા! ગમે એટલું રગદોળાયેલું હોય , કથળી ગયું હોય, અને મેલું થયું હોય,

પણ પુરુષનું ચારિત્ર્ય અકબંધ જ રહે છે. એને ઊની આંચ પણ ન આવે!

સર્જનહારે પણ કેસરિયા જ કર્યા હશે! પુરુષો તરફ પક્ષપાતી વલણ

અપનાવ્યું અને સ્ત્રીઓને અન્યાય કર્યો હોય, એમ લાગેછે.સ્ત્રીઓના

ક્રોધાગ્નિની જ્વાળા ભભૂકી ઉઠશે ત્યારે સર્જનહારને પણ ભસ્મીભૂત

કરતા અચકાશે નહીં, કેવો વિરોધાભાસ છે! દૈવી શક્તિ તરીકે પૂજનીય,

દૈદિપ્યમાન અને ઉચ્ચ આસને  બિરાજનારી નાર અધોગતિ પણ પામે છે.

સ્વાર્થસાઘુ પુરુષોની આ પ્રપંચી ચાલ હશે કે શું? કોઈ પણ પ્રકારે નારીત્વ

ઉપર પ્રભુત્વ સ્થાપવાનો આ બેહુદો પ્રયાસ તો નથી ને!નારી ને અબળા

કહેનારાઓ આમ કરીને પોતાની  નબળાઈનો ઢાંકપિછોડો તો નથી કરતા ને !કદાચ નારી નિર્માણના રહસ્યની, પ્રયોજનની અણસમજ આવી વર્તણુક

માટે જવાબદાર તો નહીં પણ કારણભૂત હોય!

ભીંતર ના વ્હેણ પ્રકરણ ૨૪

S.Gandhi

સુરેંદ્ર ગાંધી

ભીંતર ના વ્હેણ પ્રકરણ ૨૪

વહી ગયેલી વાર્તા

પરિક્ષિત વિદ્વંસ એક ઉચ્ચ કક્ષાનો વૈજ્ઞાનિક, દિવાકર

માધવન સંચાલિત "ન્યુ કેસરી" (ન્યુરો સેન્સરી કેમિકલ રિસર્ચ)

નામની ભારત સરકારની અજ્ઞાત રીતે કામગિરી બજાવતી

સંસ્થામાં જોડાય છે. ઉર્વશી ચિદમ્બરમ સાથેનો સમાગમ

લગ્નમાં પરિણમે છે. "ન્યુ કેસરી જેવી જ અન્ય સંસ્થા

"ત્રિશૂળ" ના અધ્યક્ષ ભાસ્કર ચૌહાણને ગંભીર અકસ્માત નડે

છે. પરીક્ષિતને ભાસ્કર ચૌહાણની જવાબદારી સોંપવામાં આવે

છે. અણુકેન્દ્ર્માથી રવાના થયેલ એન્રીચડ યુરેનિયમનો કાફલો

ખોરંભે છડી જાય છે. આંતરરાષ્ટ્રીય હિત ધરાવતી સંસ્થાઓ અને

વ્યક્તિઓ ભારતનું અહિત કરવાની પેરવી કરે છે. પરિક્ષિતના

નેજા હેઠળ "ત્રિશૂળ" એન્રીચડ યુરેનિયમની ભાળ મેળવવા

કટિબદ્ધ થાય છે.

વિદેશીઓની વિસ્તૃત જાળ

અને આંતરિક પ્રપંચને લીધે કોકડું વધુ ગૂંચવાયછે. હાથવેંતમાં

જણાતો ઉકેલ ઝાંઝવાના જળ જેવો વેગળો જ રહે છે.પરિક્ષિત

ધીરજથી ખંતપૂર્વક ઉકેલ લાવવા પ્રયત્નશીલ રહે છે. અનાયાસે

મામલો અંગત બની ગયો અને મ્યાનમાર, રંગુનને બારણે ટકોરા

પડે છે.

પ્રકરણ ૨૪

બાંગ્લાદેશ હાઈકમિશન, એક બહુ જુનાતો નહીં પણ પાકટ

વયના મકાનમાં, હાજી અલી વિસ્તારમાં મહાલક્ષ્મી રેસકોર્સની

સામેની બાજુએ વસ્યું હતું. સુરક્ષા માટે મકાનને ફરતી આઠ ફૂટ

ઊંચી દીવાલ હતી.એમાં એક લોખંડી દરવાજો હતો. રાબેતા

મુજબ બાંગ્લાદેશના પહેરેદારોની નિરંતર દેખભાળ અવરજવરનું

નિયંત્રણ કરતી. મકાનના ભોંયતળિયામાં હાઈકમિશનના

 

વાહનોના પાર્કિંગની વ્યવસ્થા કરવામાં આવી હતી.એની ઉપર બે

માળમાં ઓફિસો અને એની ઉપરના ચાર માળમાં હાઈકમિશનર

અને એના રસાલાનો નિવાસ હતો. સત્તાવાર પરવાનગી કરતા

વધારે માણસો અહીં રહેતા હતા. ભારત સરકાર એ બાબતે

હાઈકમિશનરનું ધ્યાન અવારનવાર દોર્યા કરતી, પણ જે દેશ

પોતાની જ વસ્તી ગણતરી ચોક્સાઈથી નથી કરી શકતો એ જાણ

હોવાથી પોતાનો વાળ વાંકો નહીં થાય; એ માન્યતાને આધારે

બાંગ્લાદેશ હાઈકમિશન આંખ આડા કાન કર્યા કરતું.

વહેલી સવારથી મોટર સાઇકલ-સવાર

વિનાયક ભંડારી, બાંગ્લાદેશના હાઈકમિશનના મકાનનું

ઝીણવટથી અવલોકન કરી રહ્યો હતો. વાહનોની અવરજવર માટે

જે મુખ્ય રસ્તો હતો તેમાંમાણસોની આવ-જા કરવા માટે એક

નાનો દરવાજો હતો. વિનાયકે જોયું કે સામેની બાજુએ

રેસકોર્સના દરવાજા બહાર અડ્ડો જમાવીને હાઈકમિશનના

મકાન ઉપર સંપૂર્ણ નજર રાખી શકાય એમ હતું. રેસકોર્સના

સંચાલકને ભંડારીએ પોતાની ઓળખ આપીને એક ખુબ જ

અગત્યની કામગીરી બજાવવા માટે રેસકોર્સના દરવાજા પાસે એક

સેન્ડવિચ વેચવાની રેંકડી ગોઠવવાની રજા માંગી અને સહકારની

આશા વ્યક્ત કરી. સંચાલક તરફથી નિર્વિઘ્ને પરવાનગી મળતા

જ ભંડારીએ તરત જ ત્રિશૂળમાં ફોન કરીને એક ઓફિસરને

સાધનસામગ્રીની ગોઠવણ કરીને રેંકડી લઈને રેસકોર્સના દરવાજે

હાજર થવા જણાવ્યું. બપોર પહેલાતો ત્રિશૂળનો માણસ

માલસામાન સાથે હાજર થયો અને સેન્ડવિચનું વેચાણ ચાલુ થઇ

ગયું.

આવી જાસૂસી દેખરેખ માટે બે

માણસો જરૂરી હોય. જરૂર પડે તો એક માણસ કોઈકનો પીછો

કરે તો બીજો મામલો સંભાળી શકે અને દેખરેખમાં વિક્ષેપ ન

પડે. દિવસના પૂર્વાર્ધ દરમ્યાન કઇં ખાસ ન નીપજ્યું.બાંગ્લાદેશ

હાઈકમિશનમાં થતી વાતજ્વર આછીપાતળી રહી. મોટાભાગના

 

તો વિદેશીઓ હતા, જેમાં કશું શકમંદ ન જણાયું. વિનાયક અને

એનો સાથીદાર સાવધાનીપર શિથિલતા ન આવી જાય, તેની

ખાસ તકેદારી રાખતા રહ્યા. હતોત્સાહની મંદીમાં ઘેરાઈને દેવાળું

ફૂંકવાનું એમને માટે અનુચિત હતું. કદાચ એટલે જ સિગરેટ ફૂંક્યા

કરતા હતા.

છેક નમતા પહોરે એમની

તપસ્યા ફળી. હાઈકમિશનનો લોખંડી દરવાજો ખુલ્યો અને એક

ડિપ્લોમેટિક લાઇસન્સવાળી કાર બહાર નીકળી. ડ્રાઈવર

શિવાયની બારીઓના કાચ ટીન્ટેડ હોવાથી કારના પેસેન્જર્સ

દેખાય તેમ નહોતું. વિનાયક ભંડારી હળવેકથી મોટરસાઇકલ

ચાલુ કરીને વાહનોની વચ્ચે સરક્યો અને હાઈકમિશનની કારને

સલામત અંતરે રહીને અનુસરતો રહ્યો. ભંડારીના સાથીદારે

ત્રિશૂળ માં ફોન કરીને આ બાબતની જાણ કરી. પરિક્ષિતને

અહેવાલ મળ્યો અને એણે તરત જ ત્રિશુલમાંથી એક

મોટરસાઇકલ સવારને રવાના કર્યો. પ્લાન એવો હતોકે આ

મોટરસાઇકલ સવાર વોંકોટોકીથી ત્રિશૂળની સ્પેશિયલ ફ્રીક્વન્સી

ઉપર વિનાયક ના સતત સંપર્કમાં રહે અને કારની પ્રગતિથી

માહિતગાર બને. અમુક અંતરે વિનાયક ખસી જાય અને એની

જગ્યાએ ત્રિશૂળનો બીજો માણસ પીછો ચાલુ રાખે. વળી પાછી

થોડા સમયબાદ અદલાબદલી થાય અને પીછો ચાલુ રહે. પીછો

થઇ રહ્યો છે, એવી શંકા પણ હાઈકમિશનના ડ્રાઈવરને ન થાય,

એ ખુબ જરૂરી હતું; કારણકે રે પણ એટલો જ સાવધ હોઈ શકે.

જયારે હાઈકમિશનની કાર

વરસોવા પહોંચી ત્યારે વિનાયક પીછો કરી રહ્યો હતો. પ્રભુકૃપા

બિલ્ડિંગના ગેઇટ પાસે કાર અટકી અને ચોકીદારે દરવાજો

ખોલ્યો, કાર કમ્પાઉંન્ડમાં દાખલ થઇ. મકાનના દરવાજા બહાર

મોટરસાઇકલ પાર્ક કરીને વિનાયક ચોકીદારને મળ્યો અને

પૂછપરછ કરી. ચોકીદારનાકહેવા પ્રમાણે એ કાર ફ્લેટ નમ્બર ૨-

D માં રહેતા બંકિમ બૅનરજીના ફ્લેટની દેખરેખ રાખવા માટે

 

આવી હતી કારણ કે છેલ્લા ત્રણ વર્ષથી બંકિમ બૅનરજી કુવૈતમાં

રહેતો હતો અને એની સગી અમીના અવારનવાર આવીને

સાફસૂફી કરાવતી હતી. ચોકીદારના હાથમાં સો રૂપિયાની નોટ

પકડાવીને વિનાયકે તાકીદ કરીકે આ પૂછપરછની જાણ કોઈને ન

થવી જોઈએ. ચોકીદારે વિનાયકને નચિંત રહેવા જણાવ્યું.

વિનાયકે મોટરસાઇકલ થોડેક દૂર રસ્તાની સામી બાજુએ પાર્ક

કરી કે જ્યાંથી એ બરાબર નજર રાખી શકે.

 

સિરાજ સમયસર કારખાને પહોંચી

ગયો હતો. ટ્રક્નું રંગકામ શરૂ થયું. ત્યારબાદ સિરાજ એની

ઓફિસમાં હતો. થોડીક વાર પછી ફોન સુરીલા અવાજમાં

રણક્યો; કારણકે સિરાજને જુના મીઠી ઘંટડીનો રણકારવાળા

ફોન ગમતા. નવા ફોન નો રણકાર સાંભળીને કોઈ કર્કશ બેસૂરા

રાગમાં કોઈક દર્દભર્યું ગીત ગાતું હોય એવો એહસાસ સિરાજને

થતો. કાલિપ્રસાદનો અવાજ સાંભળીને સિરાજના કાન સરવા

થયા. કાલિપ્રસાદે જણાવ્યું કે અનિવાર્ય સંજોગોને લીધે ટ્રક નો

કબજૉ લેવા આવી શકાય એમ ન હતું. વધુમાં એ પણ ઉમેર્યું કે

એના માણસો પૈસા ચૂકવીને ટ્રક અને કાર નો કબજૉ લેવા

આવશે. સિરાજને કોઈ વાંધો ન હતો અને બપોર સુધીમાં કામ

પતી જશે તેમ જણાવ્યું.

સિરાજના કારખાનેથી થોડેક દૂર

પીટર, વાહીદ અને વઝીરને મળ્યો અને રંગકામની ચુકવણીના

પૈસા આપ્યા. ટ્રકમાં અણુકેન્દ્રની કાર ચઢાવીને બાંગ્લાદેશ

હાઈકમિશનમાં પહોંચાડવાની યાદ દેવડાવી. પીટર "આઝાદ

ઈમ્પોર્ટસ" પાસે બનેલા બનાવોથી ચિંતિત હતો. એનો સંશય દ્રઢ

થઇ રહ્યો હતો કે એની હિલચાલ પર દેખરેખ રાખવામાં આવી

રહી છે. સાવચેતી ખાતર એણે ટ્રક થી દૂર રહેવાનું નક્કી કર્યું.

આમ તો પીટર જમાનાનો ખાધેલ તકવાદી ખેલાડી હતો. એણે

મ્હાત કરવાનું અઘરું હતું. સ્વભાવે એ શંકાશીલ નહોતો અને

 

અસાવધ પણ નહોતો. શંકા અને સાવધાનીમાં સગપણ હોય તો

કેવું! એકમેક વગર બન્ને અધૂરા! શંકાશીલ સાવધાનીથી ચાલે

અને સાવધાની શંકાનું નિવારણ અવશ્ય માંગે. વળી પીટરની

મહેચ્છા હતી કે આ કામ નિર્વિઘ્ને પર પડે પછી સુરા અને

સુંદરીઓના સાનિધ્યમાં સુખચેનથી જીવન વિતાવવું.

વિનાયક નો સાથી પણ થોડા

વખત માં પ્રભુકૃપા પાસે પહોંચ્યો.વિનાયકની તપસ્યાનો અંત

આવે તે પહેલા એણે ત્રિશૂળને ફોન કરીને વર્તમાન પરિસ્થિતિનો

અહેવાલ આપ્યો. પરીક્ષિતને વાકેફ કરવામાં આવ્યો. પરિક્ષિત ની

સૂચના અનુસાર હાઈકમિશનની કાર પ્રભુકૃપાથી પ્રસ્થાન કરે

ત્યારબાદ વિનાયકે ફ્લેટ ૨- D ની તપાસ કરવી. અને એના

સાથીદારે કારની સાથે રહેવું. બે કલાક બાદ બાંગ્લાદેશની કાર

પ્રભુક્રુપામા થી નીકળી અને હાજી અલી ની દિશામાં રવાના થઇ.

વિનાયક નો સાથીદાર સાવચેતી થી કારને અનુસર્યો. વિનાયક

પ્રભુકૃપા ના ચોકીદારને મળ્યો, પોતાની ઓળખ આપી અને એને

મૌન સેવવાની ચેતવણી આપી. વિનાયક ફ્લેટ ૨-D ના

તાળાનુંનિરીક્ષણ કરી રહ્યો હતો. સુરક્ષા માટે સિક્યુરિટી એલાર્મ

હતું. સહું પ્રથમ એણે સિક્યુરિટી એલાર્મ ને નિષ્ફ્ળ બનાવ્યું.

થોડીવાર રાહ જોઈ અને સબસલામત લાગ્યા બાદ એક ચાવીનો

ઝુમખો કાઢીને ત્રણ ચાવીઓ પસંદ કરી. પહેલી ચાવી થી તાળું

ખુલ્યું. થોડી વાર થોભીને વિનાયક ફ્લેટ માં પ્રવેશ્યો, હાજરી નું

એલાન કર્યું.

અંદરની રૂમમાં થી એક અવાજ

આવ્યો.વિનાયક અવાજની દિશામાં સાવધાનીથી હાથમાં

તાકેલી બંદૂક સાથે વળ્યો. બેઉં વચ્ચે ઓળખની આપ-લે થઇ.

ડ્રાઈવરે વિનાયકને ખતીજા વિષે જણાવ્યું, ખાસતો એની

હવસવૃત્તિ બાબત, વિનાયક એકાગ્રતાથી દરેક માહિતીની

માનસિક નોંધ લેતો રહ્યો. ખતીજા ની હાઈટ, બાંધો, દેખાવ

ઇત્યાદિ એક ડાયરીમાં લખી અને ડાયરી ખિસ્સામાં મૂકી. હાલ

 

પૂરતું તો એણે ડ્રાઈવરને કૈં ન કરવાનું સૂચન કર્યું. ફ્લેટ નું

ઝીણવટભર્યું નિરીક્ષણ કર્યા પછી પણ કૈં ખાસ જાણવા ન મળ્યું.

અંતે નક્કી કર્યું કે ફ્લેટમાં થતી અવરજવર ઉપર કેમેરા દ્વારા

નજર રાખવી. ત્રિશૂળ માં ફોન કરીને સર્વેલન્સ ટીમને

કામગીરીનો અહેવાલ આપ્યો.ટિમ ના લીડરે ચોવીસ કલાકની

અંદર છુપા કેમેરા ગોઠવી આપવાની બાહેંધરી આપી. પરિક્ષિત

સમક્ષ આ પ્લાન રજૂ થયો.એની સંમતિ જરૂરી હતી. અને કોર્ટ

પાસેથી કાયદેસરની પરવાનગી મેળવવાની જવાબદરી પણ એની

જ હતી. પરિક્ષિતે અણુકેન્દ્રના ડ્રાઈવર સાથે વાત કરી અને

હિંમત અને ધીરજથી કામ લેવા બદલ ડ્રાઇવરનો આભાર માન્યો.

વધુમાં એ પણ જણાવ્યું કે એ ડ્રાઇવરના કુટુંબીજનોને એની

કુશળતા ના સમાચાર પહોંચાડશે.

પરિક્ષિતે માધવનની

ઓફિસ નો નંબર જોડ્યો અને મુલાકાતનો સમય માંગ્યો.

માધવને એને તરત જ આવવા જણાવ્યું. થોડીકવારમાં પરિક્ષિત

માધવન ને મળ્યો. અત્યારસુધી થયેલી પ્રગતિનો અહેવાલ

આપ્યો. માધવન એની ટેવ પ્રમાણે નિર્લેપભાવે ધ્યાનથી સાંભળી

રહ્યો હતો. પરિક્ષિત પણ વર્ષો ના અનુભવને લીધે માધવનની

ટેવ થી ટેવાયેલો હતો.જો કે હવે એને માધવનના મગજમાં શું

ચાલી રહ્યું છે , એનોય અણસાર આવતો. અંતમાં તારવણ એવું

નીકળ્યું કે બાંગ્લાદેશ હાઈકમિશનની દેખરેખ ચાલુ રાખવી.

ઔડ્રી, પીટર અને પ્રભુકૃપા ની સર્વેલન્સ ચાલુ રાખવી. વાહીદ

અને વઝીર ઉપર પણ નજર રાખવી. ઉર્વશીનો બનાવેલો

કમ્પ્યુટર પ્રોગ્રામ પણ કાર્યરત થઇ ગયો હતો. જાળ પથરાઈ હતી

…કોણ, ક્યારે અને કેવી રીતે ફસાશે?

ભીંતર ના વ્હેણ પ્રકરણ ૨૩

S.Gandhi

સુરેંદ્ર ગાંધી

ભીંતર ના વ્હેણ પ્રકરણ ૨૩

 

નિયત કાર્યક્રમ પ્રમાણે એક વિમાન ઉડ્યું અને દશ

હજાર ફૂટની ઊંચાઈએ પહોંચ્યું.નિષ્ણાતોએ વારાંગનાની

આરાધના કરી એટલે કે એક્ટિવેટ કરી. ત્રીસ સેકન્ડ માં

વારાંગનાએ વિમાનનું સંચાલન કરવા માંડ્યું અને દશ મિનિટમાં

સહી સલામત રીતે જમીન પર ઉતાર્યું. પરિક્ષિત આ કામગીરીથી

પ્રભાવિત થયો. વારાંગનાના ગુણદોષનું સરવૈયુંકાઢવામાં આવ્યું.

વારાંગનાની આણ એની આસપાસના એકસો માઈલના વર્તુળ

પૂરતી મર્યાદિત હતી. વારાંગનાની નારીસહજ, લાક્ષણિક સર્જક

અને સંહારશક્તિને વ્યાપક બનાવવાનો પ્રસ્તાવ પરિક્ષિતે રજૂ

કર્યો. વિચારવિનિમયને અંતે બે વિકલ્પોએ આકાર લીધો. એક

વિકલ્પ એ હતો કે એક જમ્બો જેટમાં વસવાટ કરતી વારાંગનાની

અસરકારકતા વિસ્તૃત બને. જમ્બો જેટ માં વિહરતી વારાંગના,

કોઈ પણ વિમાન નો શિકાર કરી, એન મ્હાત કરી શકે. એવું

આયોજન અસંભવ નહોતું. બીજો વિકલ્પ હતો, વારાંગનાનો

સેટેલાઇટ સાથે મેળાપ કરાવવાનો. સેટેલાઇટ વારાંગનાની

શક્તિના રીલે સ્ટેશનનું કામ કરે અને પોઝિશન ગાઈડન્સ

સિસ્ટમની મદદથી કોઈ પણ ઉડતા વિમાનનું સંચાલન કબ્જે

કરે. એક મહિનાના ગાળામાં બેમાંથી એક વિકલ્પને કાર્યસિદ્ધ

કરવાના ઠરાવને બહાલી મળી. પરિક્ષિત ત્રિશૂળની જે અદ્યતન

નૌકામાં એલિફન્ટા આવ્યો હતો , તેમાંજ પાછો ફર્યો.

 

નૈષધ હાંસોટી છેલ્લા કેટલાક સમયથી ચિંતાતુર

હતો.ઇન્ડિયન ઇન્ટેલિજન્સ એજન્સી, આઈ.આઈ.એ.નો

ખાનગી સન્દેશ વ્યવહાર સલામત ન'તો રહ્યો. ખુબ જ

અગત્યનીસેન્સિટિવ અને સઁરક્ષણાત્મક બાતમીઓ અવારનવાર

ઇન્ડિયાનું હીટ કરનાર આતંકીઓ ને સાંપડતી અને એના માઠા

પરિણામ આવતા.

 

નૈષધ અને ઉર્વશીની તાજેતરમાં દિલ્હીમાં થયેલી મુલાકાત

પછી નૈષધ ભાસ્કર ચૌહાણ ને મળવા મુંબઈ આવ્યો હતો.

ભાસ્કર ચૌહાણનેઅકસ્માતમાં થયેલી ઈજાઓ હજુ માવજત

માંગતી હતી. પ્રભુકૃપાથી કે આત્મબળથી એણે પોતાની સારવાર

માં સક્રિય ભાગ લીધો હતો. ભાસ્કર ચૌહાણનું પ્રોત્સાહિત,

આશાવાદી અને નીડરતાભર્યું વલણ ફરી એક વાર સાબિત કરી

ગયું કે દર્દીનું સહકારી અને આશાવાદી વલણ ક્વોલીટીસભર

તબીબી માવજત જેટ્લુજ અસરકારક હોય છે. પરિણામે

ભાસ્કરને હોસ્પિટલના રુમમાં હરવાફરવાની, બેસવા ઉઠવાની

છૂટ મળી હતી. ભાસ્કરે નૈષધને ઉમળકાભેર આવકાર્યો. અને

નૈષધ પણ ભાવથી ભેટ્યો. પરસ્પર લાગણીભરી આપ-લે taim

થઇ. પરંતુ ઔપચારિકતા માં ટાઈમ બરબાદ કરવાનું બેમાંથી

કોઈના સ્વભાવને અનુરૂપ નહોતું.

નૈષધે મુદ્દાની વાત પર આવતા

જણાવ્યુકે આઈ.આઈ.એ. નો ખાનગી સંદેશ વ્યવહાર

સહીસલામત નહોતો. કોણ, ક્યાંથી, કેવી રીતે આ બધી

બાતમીઓ મેળવી શકેછે, તે જાણવું અત્યન્ત જરૂરી હતું. એટલુંજ

નહીં પણ જાણભેદુની પહોંચ અને પથરાયેલી જાળનો સફળતાથી

નાશ વરવાનો હતો. આ કામગીરી ખુબજ ચીવટથી અને ખાનગી

રીતે કરવાની હતી. રાજનેતાઓ જેવા હવનમાં હાડકા

નાખનારને આ બાબત વિશે જરૂરથી વધારે માહિતી નહીં

આપવાનું નક્કી થયું. વાંદરાઓ જેમ ઘા ને રુઝાવા ન દે તેમ

આવા કહેવાતા લોકનેતાઓ પોતાની લોકપ્રિયતા વધારવા માટે

આ બાબતનો અંગત લાભ ન ઉઠાવે, તો એમની કોખ લાજે!

ભાસ્કર અને નૈષધનું મુખ્ય કામ હતું, ઇન્ટેલિજન્સ અને બાતમી

એકઠી કરવી, એનું પદ્ધતિસર વર્ગીકરણ કરવું અને એના

આધારે યોગ્ય પગલાં લેવા.

ઉર્વશીને પણ ભાસ્કર ચૌહાણે અગાઉથી નૈષધ

હાંસોટી મુલાકાતે આવે ત્યારે હાજર રહેવાની ભલામણ કરી

હતી. ઉર્વશી એના કામમાં થી ફુરસદ મેળવીને આવી પહોંચી.

ઉર્વશીની કમ્પ્યુટર નિપુણતાથી ભાસ્કર અને

નૈષધ માહિતગાર હોવાને કારણે એનો લાભ લેવાનું નક્કી કર્યું

હતું.

ઉર્વશીએ નૈષધની સમસ્યાના સોલ્યુશનની યોજના પણ ઘડી

રાખી હતી. ઉર્વશીએ એક વિચક્ષણ પ્રસ્તાવ રજૂ કર્યો. એણે એક

નવી કમ્પ્યુટર લેન્ગવેજ બનાવી હતી. આ ભાષા શરૂઆતમાં

અસંગત લાગે પણ એની રચના પાછળનું રહસ્ય સમજાય

એટલે એની ખૂબી, ખાસિયતો અને સર્વોપરિતાનો ભેદ પામી

શકાય! ઉર્વશીએ એક અભિમન્યુનો ચકરાવો બનાવ્યો હતો. અને

એ ભંડારને ખોલવાની ચાવી એણે ભંડારમાંજ ભેળવી દીધી

હતી. એ ચાવીને ઓળખવાનું અને પ્રાપ્ત કરવાનું અશક્ય અને

અસંભવ હતું. ચાવીનું વર્તુળાકાર ખોળિયું એવું હતું કે ભલભલા

કમ્પ્યુટર હેકર્સ પણ હારી જાય. અને ગમે એટલી માથાકૂટ કરે

પણ એ ચાવીનો સાક્ષાત્કાર ન કરી શકે. વર્તુળમાં આદિ અને અંત

ન હોય. આવી અનાદિ અને અનંત ચાવીનીશોધમાં ભટકનારા

ખરેખર ભટકી જશે એની ઉર્વશીને સંપૂર્ણ ખાત્રી હતી. આ

ચાવીની ઓળખ નૈષધ, દિવાકર પરિક્ષિત અને ઉર્વશી સિવાય

બીજા કોઈને નહીં આપવામાં આવે. ઉપરાંત અનધિકૃત

પૂછપરછ કનારાઓની એટલે કે કમ્પ્યુટર હેકર્સની અને કમ્પ્યુટર

ઓપરેટર્સ ની સંપૂર્ણ બાતમી એક વખત સિસ્ટમ માં દાખલકર્યા

પછી ડીલીટ કે નાબૂદ કરવાનો કોઈ ઉપાય નહોતો. કોણ ક્યારે

અને ક્યાંથી આ તિજોરી પર છાપો મારે છે, એ જાણવા મળે

એટલે બાકીનું કામ સહેલું થઇ જાય. નૈષધ અને ભાસ્કર ના

ઉર્વશી પ્રત્યેના સન્માનમાં અઢળક વધારો થયો.ઉર્વશીને આ

યોજના જેમ બને તેમ જલ્દી અમલમાં મુકવાની ભલામણ થઇ.

“પ્રવીણ શાસ્ત્રીની અધુરી વાર્તા – ૨” ગુજરાત દર્પણ

New photo 1

“પ્રવીણ શાસ્ત્રીની અધુરી વાર્તા – ૨”

ગુજરાત દર્પણ

૮ માર્ચ એટલે ‘વુમંસ ડે’, વુડબ્રીજ સીનીયર એસોસિયેશનના વુમંસ લીંગના નેજા હેઠળ, કો-ઓર્ડીનેટર શ્રીમતિ ભગવતી શાહ સાથે અનસુયાબહેન અમીન અને તેમની ટીમે “ગોલ્ડન એરા ડે કેર”માં સાંજના પાંચ વાગ્યાથી એક સોસિયલ ડિબેટનો પ્રગ્રામ યોજેલ.

આ પ્રોગ્રામમાં પચાસ જેટલી બહેનોએ ભાગ લીધો હતો. મુખ્ય મહેમાત તરીકે સુશ્રી રમાબેન મુકુંદભાઈ ઠાકર હતાં. સાથે “અકિલા”ના પ્રતિનિધિ દિપ્તીબેન જાની, ‘ગુજરાત ટાઈમ્સ” ના પ્રતિનિધિ સૈલુબેન દેસાઈ તથા ટીવી એશિયા તરફથી મદનભાઈ ખાસ પધાર્યા હતાં. બ્રાહ્મણ સમાજ ઓફ યુંએસએના લીનાબેન ભટ્ટ, સ્વજનના મીનાબેન શાહ અને અન્ય સંસ્થાની બહેનો હાજર રહી હતી.

 

આ સભામાં ચર્ચા માટે પ્રવીણ શાસ્ત્રીની નીચેની અધુરી વાર્તાનું પઠન કરવામાં આવેલ હતું.

૦૦૦૦૦૦૦૦૦૦૦૦૦૦

પ્રવીણ શાસ્ત્રીની અધૂરી વાર્તા

‘લીના હવે કેમ છે?’

‘ડોક્ટર, શરીરનું પુછો છો, કે મનનું? મનથી તો હું મરી જ ચૂકી છું.’

‘અત્યારે તો શરીરનું જ પુછું છું? આર યુ ઓલ રાઈટ?’

‘ડોક્ટર કાર્તિક, શા માટે મને બચાવી? મરવા દેવી હતી ને?’

‘એ મારી જોબ હતી, મારી જગ્યાએ તને ન ઓળખતો કોઈ આલતુ ફાલતુ ડોક્ટર હોત તો તે પણ તને બચાવતે. ફરગેટ ઈટ, ડોક્ટર તો શું, તારા જેવી જ કોઈ પ્રેક્ટિશનર નર્સ હોત તો તેણે પણ એ જ કર્યું હોત, સોરી, તને મરતાં ન આવડ્યું એટલે તું જીવી ગઈ. ભગવાને તને જીવાડી છે. હવે જીવવું એ તારે માટે ફરજીયાત છે.’ ડોકટર કાર્તિકે હસતાં હસતાં લીનાને કહ્યું. ‘યુ મસ્ટ લીવ. યુ હેવ નો ચોઈસ. ધેર ઈઝ ઓન્લી વન લાઈફ ટુ લીવ.’

‘પણ કેવી રીતે જીવુ? શા માટે જીવું?’

આ સંવાદ એક જાણીતી હોસ્પિટલના ઇમર્જંન્સી રૂમમાં થયો હતો.

[હવે આપણે લીનાના સવાલનો જવાબ શોધવાનો છે. તે પહેલાં આપણે લીના અને તેની વાત જાણી લઈએ. આ પણ પ્રવીણ શાસ્ત્રીની એક અધુરી વાર્તા છે. આપણા સમાજની જ આ વાત વાર્તા બનીને આપણી સામે આવી છે. તો આપણે સમજીએ કે વાત શું છે.]

લીના આ જ હોસ્પિટલમાં નર્સ તરીકે કામ કરતી હતી. ડોક્ટર કાર્તિક ER ડોક્ટર હતા. બન્ને એક બીજાને પ્રોફેશનલી ઓળખતા હતા, લીનાએ કોઈ દવાનો ઓવર ડૉઝ લઈને આત્મહત્યા કરવાનો પ્રયાસ કર્યો હતૉ પણ તરત સારવાર મળતાં બચી ગઈ.

[ચાલો આપણે લીનાની આપવીતિ એને મોઢે જ સાંભળીયે.]

મારું નામ લીના. મનિષ અમારો પાડોસી. નાનપણથી જ અમે સાથે રમેલા અને મોટા થયેલા. હું નીચી અને વજનમાં હોવું જોઈએ તે કરતાં વધારે વજનની શ્યામળી. સીધી સાદી મણીબેન. મનિષ હેંડસમ અને રંગીલો.

મારા ભાઈ ભાભી અહિ અમેરિકામાં ડોક્ટર છે. મેં ભાઈની સલાહથી ઈન્ડિયામાં નર્સિંગનો કોર્ષ કર્યો હતો. ભાઈએ મારી પેટિશન ફાઈલ કરી હતી. મારો પાડોસી મનિષ કોઈ બીજી છોકરી સાથે હરતો ફરતો હતો. મને અમેરિકાના વીઝા મળ્યા. અમે પાડોસીના પરિવાર સાથે બેઠા હતા. મેં હસવામાં પુછ્યું; ‘મનિષ અમેરિકા આવવું છે? જો મારી સાથે લગ્ન કરે તો તને અમેરિકા લઈ જાઉં

 

માનશો નહિ, એણે તરત કહ્યું ચાલ કાલે કોર્ટમાં જઈને લગ્ન રજીસ્ટર કરાવી લઈએ.’

 

મેં પુછ્યું આર યુ સિરિયસતારી ગર્લ ફ્રેંડનું શું

 

‘ના ના, એ કાંઈ મારી કાયમની ગર્લ ફ્રેંડ નથી. ખાલી દોસ્ત જ. એવી દોસ્ત તો મને અમેરિકામાં ઘણી મળી રહેશે. મિસિસ મનિષ તો તું જ.’

 

હા જોક ન્હતો કરતો. મને તો ગમતો હતો. મને તો બગાસું ખાતાં પતાસુ મળી ગયું. અમારા બન્ને પરિવારની પણ સહમતી હતી. સાદાઈથી આર્યસમાજની રીતે અમારા લગ્ન થઈ ગયા. અમે અમેરિકા આવી ગયા. મને મારા ભાઈની ઓળખાણથી નર્સની નોકરી મળી ગઈ. મનિષ પણ એક ઓફિસની નોકરીમાં ગોઠવાઈ ગયો. અમારો સંસાર સુખી હતો. એ સ્વભાવથી રમુજી હતો. ઓફિસમાં પણ ઘણી છોકરીઓ એની મિત્ર હતી. મને એનો વાંધો ન હતો. હોસ્પિટલમાં હું પણ ઘણાં પુરુષો સાથે કામ કરતી જ હતી.

 

હું એક દીકરીની મા બની. મારે કોઈક વાર દશ દશ કે બાર બાર કલાકની શિફ્ટ આવતી. હું મારી જોબ પર હોઉં ત્યારે મનિષ મારી દીકરીની સારી કાળજી રાખતો. અમે સુખી હતા. પણ મારા નસીબમાં સુખ કાયમનું હતું.

 

દીકરી મેડિકલ કોલેજમાં ગઈ અને ડોર્મમાં રહેતી થઈ. મારી જોબમાં મારી જવાબદારી વધતી ગઈ. ટેન્શન પ્રેસર પણ વધારે રહેતું. મેનાપોઝનો સમય હતો. મારી સહશયનની ઈચ્છાઓ મરી પરવારી હતી. મનિષની માંગણીઓ વધતી હતી. હું અનિચ્છાએ પણ બને તેટલો સહકાર આપતી. પણ હું હવે હું બાવીસની હતી. બાવીસનો ઉન્માદ નહતો. હું બાવનની હતી.

 

મનિષને મિડલાઈફ ક્રાઈસિસે બહેકાવ્યો. છાનોમાનો પોર્ન મૂવી જોતો થયો. પછી મારી હાજરીમાં જોતો થયો. મારી જાણ બહાર પ્રોસ્ટીટયૂટ પાસે જવાનું શરૂ કર્યું. મને ખબર પડી. એણે માફીઓ માંગી. દીકરીના સોગન ખાધા. થોડો સમય સારો ગયો. એક દિવસ ખબર પડી કે ઓફિસની કોઈ છોકરી સાથેના લફરામાં એણે નોકરી ગુમાવી. ફરી પાછું સોરી. અને ફરી ચક્ર ચાલું થયું. એ નફ્ફટ થઈ ગયો. હવે એને મારામાં રસ નહતો. ગોરી ચામડીનું વ્યસન લાગ્યું હતું.  મેં ડિવૉર્સની ધમકી પણ આપી. એણે ફરી માફી માંગી.

 

દીકરીનું મેડિકલનું છેલ્લું વર્ષ હતું. મારે નોકરી કરવી પડે એમ હતી. એની પાસે નોકરી હતી. મારી દીકરીને બાપના ચારિત્ર્યની ખબર હતી. દીકરીને મનિષને માટે માન અને પ્રેમ હતો.

 

અત્યારે મારી દીકરી બે વીકનું વેકેશન લઈને આવી છે. ગયા અઠવાડિયે ગુન્ડા જેવા બે માણસો અને એક પંદર વર્ષની છોકરી એક વિડિયોની કોપી લઈને આવ્યા. જેમાં પંદર વર્ષની સગીર છોકરી સાથે મનિષનો વિકૃત વિડિયો હતો. છોકરીએ એને ફસાવ્યો હતો. એઓ પાંચ લાખ ડોલર માંગતા હતા. ક્યાં તો પાંચ લાખ ડોલર ક્યાં તો પોલીસ. સગીર સાથે રેપનો કેશ અને લાઈફ સેન્ટન્સ. ક્યાં તો કાયમની બ્લેક મેઈલિંગની સતામણી. દીકરીએ બાપની વાત જાણી. કહે કે આપણે પોલીસને ખબર આપીએ ભલે પાપા જીવનભર માટે જેલમાં જાય. તું ડિવૉસ લઈ લે. મને સમજાયું નહિ કે શું કરું. આખરે એ મારો પતિ હતો. નાનપણથી જ મને પ્રેમ હતો. દારુ અને ડ્રગનું એડિક્શન હોય છે એમ સેક્સનું પણ એડિક્શન હોય છે. બીલ કોસ્બીને હતું. બીલ ક્લિંટનને હતું. આસારામ અને એના દિકરાને હતું. એવું જ મારા મનિષને છે.

 

          બાપ-દીકરી બહાર ગયાં હતાં. બસ મેં મરવા માટે મને અનુકૂળ આવતી દવાનો લેથલ ડોઝ લઈ લીધો. પણ દીકરી ઘરે જલ્દી આવી ગઈ. એણે મને હોસ્પિટલમાં દાખલ કરી. હું મરી શકી. બચી ગઈ.

 

હવે ડોક્ટર કાર્તિક કહે છે કે મારે જીવવું પડશે. પણ મારો સવાલ છે શા માટે? મારે જીવવું તો કોને માટે?  કેવી રીતે?  છે તમારી પાસે જવાબ?  જો તમે મારી જગ્યાએ હો તો શું કરો?

 

*****

બહેનો ચાલો સવાલોના જવાબ લીનાને આપીએ. એને જીવવાનો રસ્તો બતાવીએ. અમેરિકા છે. અમેરિકન કલ્ચર માટેના જે જવાબો હોય તે અમેરિકામાં રહેલા ભારતીય સમાજને લાગુ પડી શકે? એક ગંભીર વિષય છે.

 

જવાબો આપી અધુરી વાર્તા પૂરી કરીએ.

 

૦૦૦૦૦૦

 

સમયના અભાવે બહેનોને ચર્ચાનો જવાબ “ગુજરાત દર્પણ” પર મોકલવાનું કહેવામાં આવ્યું હતું. ઘણી બહેનોના જવાબ મળેલા. લગભગ દરેક બહેનો પ્રતિભાવ ‘આપઘાત તો ન જ કરવો જોઈએ અને જે ગુનો કરે છે, દાંપત્ય જીવનમાં દગો કરે છે તેને શિક્ષા થવી જ જોઈએ’ તે મુજબના હતાં. સ્થળ મર્યાદાને કારણે ચર્ચાની બધી વિગતોનો સમાવેશ નથી થયો પણ ત્રણ બહેનોના જવાબો અત્રે પ્રસિદ્ધ કરેલ છે. એમાં લેખક શ્રી પ્રવીણ શાસ્ત્રીને વાર્તા પુર્તી માટે શ્રી ઈલાબેન રમેશ શાહ

[૭૩૨ – ૮૪૧ – ૦૭૯૧] નો “દીકરી સાથેનો સંવાદ” ગમ્યો છે.

 

ઈલા બહેનને વાર્તા પુર્તી માટે ધન્યવાદ.

તો હવે આગળવાંચો –

 

‘મોમ હવે રડવાનું નથી. ભગવાને તને મારે માટે બચાવી લીધી છે. તારા પ્રેમ અને સપોર્ટ તો મારી જીંદગીના બે હાથ છે. લીનાનો હાથ પકડી એ બાજુમાં બેસી ગઈ. મમ્મી એક વાત પુછું?  તેં આત્મહત્યાનો નિર્ણય લેતાં પહેલાં સહેજ પણ વિચાર ન કર્યો! તું આટલી ભણેલી , ગણેલી ખૂબ જ આત્મવિશ્વાસ ધરાવતી, કે જે બીજા માટે આદર્શરૂપ બને છે, અને તે આવો ક્ષણિક આવેશમાં આપઘાતનો નિર્ણય લીધો?

 

હું માનું છું કે ડેડીની ભૂલ છે. હું એ પણ માનું છું કે તને આઘાત લાગ્યો છે કે આ વાતની દીકરીને ખવર પડી ગઈ. હવે હું એને શું મોઢું બતાવીશ! મમ્મી તું ભૂલી ગઈ કે હું પણ મેડિકલ ડોક્ટર છું; અને આવી વાત મારાથી વધારે કોણ સારીરીતે સમજી શકશે. આપણે બન્ને એકબીજા સાથે અને એકબીજા માટે જીવવાનું છે. મમ્મી એક ખાસ વાત; અત્યાર સુધીની આખી જીંદગી તું મારા અને ડેદી માટે જીવી. હવે તારે તારા માટે  પણ જીવવાનું છે. જો એને એના કર્મોની સજા મળીજ ગઈ ને? આ ઉમ્મરે ડેડીએ સમાજમાં ઈજ્જત અને માન બન્ને ગુમાવ્યા. વધુમાં બાકીની જીંદગી જેલમાં જ ગુજારશે.’

 

‘મમ્મી, હવે હું તારી સાથે જ છું. મને પણ તારી જેમ ડેડી એટલાજ વ્હાલા હતા; પણ એમના પોતે કરેલા દાંપત્ય જીવનના દ્રોહની સજા ભોગવવી જ જોઈએ. હવે આ વખતે તારી વારંવારની માફી નહિ મળે – બરાબરને. !’

 

‘ચાલ જલ્દી જલ્દી સ્વસ્થ બની જા. આપણે બન્ને સાથે મળીને આગળની સફર ખૂબ જ સમજદારીથી વિતાવીશું; અને આપને સમાજમાં આ રીતે સહન કરતી બીજી સ્રીઓને જાગૃત કરવાની છે. સજા કરવાના બહાદુર નિર્ણય લેવા  માટે તૈયાર કરીએ.’

 

‘લીના હવે કેમ છે?’ ડોક્ટર કાર્તિક એમનો રાઉન્ડ પુરો કરી ફરી મળવા આવ્યા. કાર્તિકે લીનાના ચહેરા ઉપર સહેજ સ્મિત જોયું. ‘મને લાગે છે કે તને તારા પ્રશ્નોનો જવાબ મળી ગયો’

 

‘હા ડોક્ટર, આ મારી દીકરી મીલીએ મને જાગૃત કરી. મારી  આંખો પરથી લાગણીની પટ્તીઓ ખોલી નાંખીને મને વાસ્તવિક દુનિયામાં લઈ આવી. હવે હું મારા ભવિષ્યને સાફ જોઈ શકું છું. મારો આત્મહત્યાનો નિર્ણય ખોટો હતો. હવે હું સમાજની મારા જેવી પિડિત સ્ત્રીઓને જાગૃત કરવા માટે જીવીશ. મારી દીકરી સાથે મારી આ નવી સફર મને દુર લઈ જશે.

૦૦૦૦૦૦૦૦૦

 

ઈંદિરાબેન પારેખ (૭૩૨-૨૮3-૩૫૬૭) નો પ્રતિભાવઃ

 

સૌપ્રથમ તો આવી ડિબેટ શરૂ કરનાર ભગવતીબેનને ખૂબ ખૂબ ધન્યવાદ આપું છું. ઘણાં પોતાના જીવનમાં આવેલ ચઢાણ અને ઉતારને  ન જીરવી શકતાં જીવનનો અંત આણવાનો નાદાનીયતભર્યો પ્રયાસ કર્યો. પણ આપણા શાસ્ત્રોક્ત પ્રમાણે જન્મ અને મરણ ની લગામ પરમાત્માએ પોતાના હાથમાં રાખી છે.

 

આ વાર્તામાં લીનાના નસીબમાં મરવાનું નથી લખ્યું અને એ બચી ગઈ. હવે જ્યારે એ બચી ગઈ છે તો નારીશક્તિને ઉજાગર કરવાનો તેને સંપૂર્ણ અવસર પ્રાપ્ત થયો છે. સંસારમાં નારીશક્તિના અમાપ દાખલાઓ જોવા મળે છે.

 

સંસારમાં નાસીપાસ થયેલી બહેનોએ પોતાના જીવનની હવે પછીની કારકિર્દિ ઉપરથી સચોટ દાખલો મળે એવા પ્રયત્નો કરવા જોઈએ. પોતાના સંતાન, પોતાની દીકરી જે મેડિકલનો છેલ્લા વર્ષનો અભ્યાસ કરે છે તેના જીવનમાં એક તેજ બિંદુ બનીને સાથ સહકારથી પ્રોત્સાહિત કરવી જોઈએ.

 

અને શા માટે જીવવું, તો તેના જવાબમાં સમાજમાં દાખલા રૂઓઅ બનવા – પોતાના સંતાન માટેના જીવનને ઉજાગર કરવા જો જીવીએ છીએ તો પોતાના “સ્વયંના જીવન”, હવે પછીનું શેષ જીવન ઉત્સાહ પૂર્વક જીવી લેવું જોઈએ.

 

આધ્યાત્મિક રીતે વિચારીયે તો ચોર્યાસીલાખ ફેરા બાદ પૂર્વજન્મના મહાપૂન્ય યોગે પરમાત્માએ માનવ પદવી આપી છે. તો આ પદવીને એળે કેમ જવા દેવાય. આથાના ઉધ્ધારમાટે દેવોને પણ મનુષ્ય જન્મ લેવો પડે છે. તો મારા ખ્યાલથી કોઈએ આ ભવનો ફેરોઅફળ જવાદેવાની ભૂલ ન કરતાં, જાગૃતતા કેળવવી જોઈએ. કદાચ મોક્ષ પ્રાપ્ત કરી શકીયે કે ન કરી શકીયે પણ સદ્ગતી પ્રાપ્ત કરવાના પ્રયત્નો તો જરૂર કરી શકીએ. તો હવે પચીનું બાકીનું જીવન જ્ઞાની પુરુષોના સાનિદ્ગ્યમાં આત્માને ઉંચાઈ ઉં લઈ જવાના પ્રયત્નો જરૂર કરવા જોઈએ.

 

***

          એક અજ્ઞાત બહેનનો પ્રતિભાવઃ

 

મારા મત મુજબ મનિષને સજા થવી જ જોઈએ. તેને બચાવવા પાંચ લાખ ડોલર તો શું પણ પાંચ ડોલર પણ ખર્ચવા જોઈએ નહિ. એક ઐયાસી જીવન માટે ભર્યાભાદરા કુતુંબને નષ્ટ કરતો આ પ્રયાસ સમાજને બોધ આપે છે.

 

આજે મને જૂની ‘મધર ઈન્ડિયા” મૂવીની યાદ આવે છે. નરગીસ પોતાના જ દીકરાને ગામની જ દીકરીને બે ઈજ્જત કરવાના ગુના માટે જાતે દીકરા ઉપર બંદૂકની ગોળી મારી, મારી નાંખે છે. તેમ લીનાએ પણ પોતાના પતી મનીષની સજા માટે સહેજેય દયા રાખ્યા વગર કોર્ટ જે સજા કરે તે મંજૂર રાખી તેને જેલમાં જ મોકલવો જોઈએ. કુટુંબ માટે લીનાએ જે ભોગ આપ્યો છે; રો જે રોજ ૧૨ થી ૧૬ કલાક કામ કરીને કુટુંબને સાચવવું અને સાથે સાથે પોતાની જેમજ  ડોક્ટર બનાવવાની ઈચ્છા છે અને તે માટે દિવસ રાત કામ કરે છે.

 

આ વાર્તા બીજી એક રીતે બોધ દાયક બને છે. મનુષ્ય એક સામાજિક પ્રાણી છે. તે બે ટંક ખાવા મળે તેનાથી સંતોષ પામતો નથી. સમાજમાં રહેલા માનવીઓ હંમેશા સામાન્ય રીતેગૃહસ્થીના નિયમોને જાળવતા હોય છે. પણ દરેક પુરુષ સંયમી પણ હોતા નથી. સ્ત્રીઓને માથે બેવડી જવાબ દારી હોય છે.  એક ઘરને સાચવવાનું અને બીજું એટલું જ મહત્વનું વરને સાચવવાનું. બહેનોએ ખાસ કામ અને ઘરની સાથે પરસ્પરના પ્રેમને પણ એટલો જ જીવંત રાખવો જોઈએ.

 

હવે જ્યારે મનીષે લીનાને મનથી ખુબ જ દુઃખ આપ્યું છે; જેને લીધે તે અમેરિકા આવ્યો તે પણ તે ભૂલી ગયો છે. લીનાએ તેને સાચવ્યો છે. પોતે થાકીને પણ પતિ અને દીકરી માટે ભોજન સાથે સર્વ કામની જવાબદારી તે નિષ્ઠાપૂર્વક નિભાવે છે. તેવા સંજોગોમાં મનિષે તેને બને તે કામમાં મદદ કરી તેને લાગણીથી તરબદર કરવી જોઈએ. તેના કરતાં તે તદ્દન ખોટું જ આચરણ કરે છે. એટલે સમાજમાં આવા કિસ્સા ન બને તે માટે હવે તેને જેલમાં મોકલી તેની દીકરીના ભવિષ્યને બચાવવું જોઈએ.

 

          મારું એક સૂચન છે.  જો આ ડિબેટનો સમય થોડો વધુ રાખી, આ સવાલ જવાબની ચર્ચા તે જ સમયે આવેલ બધી જ બહેનોની હાજરીમાં થાય તો આખી ડિબેટ જીવંત લાગશે.

ભીંતર ના વ્હેણ પ્રકરણ  ૨૨ 

S.Gandhi

સુરેંદ્ર ગાંધી

ભીંતર ના વ્હેણ – પ્રકરણ  ૨૨

પેલો માણસ હજુ બસસ્ટોપ પર જ ઉભો હતો. પીટર એના ઘર તરફ પાછો ફર્યો. હવે એની અવલોકન-શક્તિની માત્રા વધી ગઈ. પ્રત્યેક અવરજવર, હિલચાલની સાથે  સાથે દરેક ચહેરાને સ્મૃતિપટ પર અંકિત કરતો રહ્યો. પીટર ઘર થી થોડેક દૂર હતો. ઔડ્રી મકાનમાંથી નીકળી અને સ્ટેશન નો રસ્તો પકડ્યો. પીટર ઔડ્રી નું ધ્યાન ન દોરાય તેમ એક પાનવાળાની દુકાનની ઓથે ઉભો રહી ગયો. પીટરની નજર ચારે તરફ ફરી રહી હતી. એણે જોયું કે અચાનક એક માણસ રસ્તાની સામેની બાજુના મકાનમાંથી બહાર આવ્યો અને ઔડ્રી ની સમાન્તર ચાલવા લાગ્યો. પીટર પણ બે ક્ષણો પછી ઔડ્રીને અનુસર્યો. ઔડ્રી કોળીવાડા સ્ટેશને પહોંચી અને નિયમાનુસાર ટ્રેઈન  પકડી. પીટરે જોયું કે પેલો માણસ સ્ટેશન પર જ હતો અને સેલફોન પર વાત કરી રહ્યો હતો. પીટરને તરત જ ખ્યાલ આવી ગયો કે ઔડ્રી  પર નજર રાખવામાં આવી રહી છે.પીટર મુસીબતમાં મુકાયો. . એણે ઝડપથી નિર્ણય કર્યો. હાલ તો પેલા માણસની દેખરેખ રાખવાનું એને વધુ યોગ્ય લાગ્યું. કારણકે  ઔડ્રી ગાડી માં થી ઉતરીને અણુકેન્દ્ર જવાની હતી. બસમાં સ્ટાફ સિવાય બીજા કોઈ જઈ ન શકે એટલે કોઈ પીછો કરનાર બસને અનુસરે તો પણ અણુકેન્દ્ર સુધી જ જઈ શકે અને વાત ત્યાં અટકી જાય.

 

           પેલો માણસ આઝાદ ઈમ્પોર્ટસ ના રસ્તા તરફ વળ્યો. પીટર સાવધાનીથી એનો પીછો કરતો રહ્યો. બસસ્ટોપ પર ઉભેલો માણસ પણ  ચાલ્યો અને રસ્તાની સામેની બાજુએ ચાલી રહેલા માણસ સાથે જોડાયો. હવે પીટરને નિંસંદેહ ખાતરી થઇ કે ઔડ્રી અને કાલિપ્રસાદ પર નજર રાખવામાં આવી રહી છે. બસસ્ટોપ પરથી ચાલનાર માણસે પણ જોયું કે એક દાઢીવાળો માણસ થોડુંક અંતર રાખીને એના સાથીદારને અનુસરી રહ્યો હતો. તરત જ એના અંતરપટ પર ઝબકારો થયો!થોડાક સમય પહેલાજ એણે એક દાઢીવાળા માણસને આઝાદ ઈમ્પોર્ટસ પાસેથી  પસાર  થતા જોયો હતો. અને હવે આ દાઢીવાળો એના સાથીદાર ને અનુસરી રહ્યો હતો. અચાનક દાઢીવાળાનો રાફડો ફાટી નીકળ્યો કે શું? પીટર જોગાનુંજોગમા માનતો નહોતો. વાસ્તવમાં હકીકત એ હતી કે કોઈક દાઢીવાળો એમની ઉપર ચાંપતી નજર રાખી હર્યો હતો. આ બાબત પર બેમાંના એકે  એના સાથીદાર નું ધ્યાન દોર્યું. આ સમસ્યાનો ઉકેલ લાવવા બેઉં સંમત થયા. અલબત્ત પીટરને તો એનો ખ્યાલ જ ક્યાંથી આવે?

 

                    ત્રિશૂળ ના બેઉં માણસોને લાગ્યું કે પીટર ક્યાં જાય છે  અને શું કરે છે, એ જાણવું વધારે અગત્યનું છે. કોણ એના સાથીદારો છે અને એમની જાળ ક્યાં સુધી ફેલાંઆયલી છે, એના પર ધ્યાન કેન્દ્રિત કરવાનું નક્કી કર્યું. ત્રિશૂળ ની તાલીમ અનુસાર બેઉંએ નક્કી કર્યું કે પીટર ને અસાવધ રાખવો. કોઈ રીતે ચોંકાવવોનહીં.નચિંત શત્રુનો આત્મવિશ્વાસ એમની બેદરકારીનું કારણ બને છે. બેદરકાર શત્રુને મહાત કરવો સહેલો હોય છે. જોસેફને ફોન ઉપર પરિસ્થિતિનો અહેવાલ આપ્યો.જોસેફને તરત જ ખ્યાલ આવી ગયો કે પીટર એના માણસો નો પીછો કરી રહ્યો હતો.જોસેફની સૂચના પ્રમાણે એના માણસો આઝાદ ઈમ્પોર્ટસ ની દુકાન માં કૈંક ખરીદવાને બહાને પ્રવેશ્યા. દુકાનદારે તેમને આવકાર્યા.જોસેફ ના માણસો પૈકી ના એકે, દુકાનદારને કાલિપ્રસાદનો ફોટો બતાવ્યો અને પૂછપરછ કરી. દુકાનદારે જણાવ્યું કે ફોટામાંની વ્યક્તિને એ જાણતો નહોતો. બીજા માણસે જણાવ્યું કે ગઈ કાલે આ શકમંદ શખ્સ બપોર પછી આ દુકાનમાં પ્રવેશ્યો હતોઅને દુકાન બંધ થઇ ત્યાં સુધી એ બહાર નહોતો આવ્યો.દુકાનદારે જણાવ્યું કે બપોરે બીજો માણસ કાઉન્ટર સંભાળતો હતો, એટલે સ્વાભાવિક છે કે એની ગેરહાજરીમાં બનેલા બનાવોથી એ અજ્ઞાત હતો. વધુ માહિતી જોઈતી હોય તો બપોર પછી આવવાનું સૂચવ્યું.

 

પીટર છુપાઈને દુકાન પર નજર રાખી રહ્યો હતો. અલ્પ સમય બાદ એણે જોસેફના સાથીદારોને દુકાનમાંથી બહાર નીકળતા જોયા. પીટરને નહીં જોવાથી જોસેફના સાથીદારોને આશ્ચર્ય ન થયું. એમણે જોસેફ નો સંપર્ક સાધીને દુકાનદાર સાથે થયેલ સંવાદ ની માહિતી આપી. જોસેફની ધારણા સફળ થઇ, અને પીટરને સાંકેતિક સંદેશો મોકલકામાં આવ્યો કે દુકાનમાં થતી અવરજવર પર કેહનપતિ નજર રાખવામાં આવી રહી છે. જોસેફે એના સાથીઓને દુકાનની આસપાસ ફરતા રહેવા લણાવ્યું. પીટર ની માન્યતા હતી કે આમ છડે ચોક નજર રાખવાથી પીટર દુકાનથી દૂર રહેશે અને કોઈ પગલું તો અવશ્ય ભરશે જ, અને થયું પણ એવું જ. પીટર સ્યજન કારખાના તરફ વળ્યો. રસ્તે જતા જતા એણે ટ્રક છોડાવવાની મનોમન યોજના ઘડી કાઢી. અણુકેન્દ્રની કારને ટ્રક ના ટ્રેઇલરમાં ચઢાવીને કુરેશીને હવાલે કરવાનો ઈરાદો વધુ સબળ બન્યો.

                       વાહીદ અને વઝીર પણ સિરાજને કારખાને જવા નીકળ્યા.વાહિદની સહનકશીલ માનસ બળવો પોકારી રહ્યું હતું. ટ્રકના રંગકામમાં થયેલ વિલંબ અનિવાર્ય હતો પણ અસ્વીકાર્ય હતો. વાહિદની ઈચ્છા તો જોસેફ અને એના સાથીદાર ડ્રાઈવરનો વધ કરવાની જ હતી. પણ કાલિપ્રસાદ ઉર્ફે પીટરની વિરુદ્ધ જવાની હિંમત નહોતો કરી શક્યો. વાહિદનો સેલફોન સળવળ્યો અને એ પીટરનો અવાજ સાંભળીને સહેજ અચંબો પામ્યો.કારણકે સેલફોન નો ઉપયોગ અત્યંત તાકીદ ની પરિસ્થિતિમાં જ કરવાના આદેશનું ચુસ્ત પાલન થતું હતું. એટલે વાહિદે ગળું સંકેત મુજબ ગળું ખોંખારીને જણાવ્યું કે એ સાંભળવા માટે તૈયાર હતો. પીટરે જણાવ્યું કે કાલિપ્રસાદનો પીછો થતો હતો એટલે કાલિપ્રસાદ ટ્રકનો કબ્જો લેવા નહીં આવે. પીટર વહીદને રંગકામના પૈસા આપવા આવી રહ્યો હતો. વાહીદ અને વઝીર ટ્રક નો કબ્જો લઈને  અને અણુકેન્દ્રની કારને ટ્રકમાં ચઢાવીને બાંગ્લાદેશના હાઈકમિશનનો રસ્તો પકડશે, કાલિપ્રસાદ સિરાજ સાથે ફોન પર વાત કરીને બધું સમજાવી દેશે.પીટર સિરાજના કારખાનાંથી થોડેક દૂર વહીદને મળીને   સિરાજને ચૂકવવાના પૈસા સુપ્રત કરશે.

                     જોસેફ પણ વહેલી સવારે સિરાજના કારખાને જવા નીકળ્યો. ત્રિશૂળના એક ઇલેક્ટ્રોનિક સર્વેલન્સ ના નિષ્ણાત હરિહરનને ફોન કરીને એની સાધનસામગ્રી સાથે સિરાજના કારખાને મળવાની ગોઠવણ કરી હતી. હરિહરન નિયત સમય કરતા વહેલો પહોંચી ગયો. સિરાજના કારખાને બજાવવાની કામગીરીની જાણકારી એને મળી ચુકી હોવાથી સમયનો સદુપયોગ કરવા એ કારખાનાની પાછળના ભાગમાં ખડકાયેલી અણુકેન્દ્રની કાર તરફ ગયો. કોઈની નજરે ચઢ્યા વગર એ કારમાં પ્રવેશ્યો અને સિગરેટ લાઇટર ની જગ્યાએ એક ટ્રાન્સ્પોન્ડર લગાવીને ચકાસણી કરી. સલામતી ખાતર એક બીજું વાઈપર જેવું જ ટ્રાન્સ્પોન્ડર વાઇપરની જગ્યાએ લગાવ્યું.કારની પ્રત્યેક હિલચાલ પર ત્રિશૂળની નજર રહે એવો પ્રબંધ થઇ ગયો.હરિહરન  ચુપકીદીથી બહાર આવ્યો અને જોસેફને આવતો જોઈને એના પગલાં જોસેફ તરફ વળ્યાં. જોસેફને કાર માં ગોઠવેલા ટ્રાન્સ્પોન્ડર ની માહિતી આપી અને બદલામાં શાબાશી મેળવી લીધી.બેઉં ત્યાંથી ત્રિશૂળ ના હેડક્વાર્ટર જવા રવાના થયા. જોસેફ બને ત્યાં સુધી વાહીદ, વઝીર કે પીટરની નજરે ચઢવા નહોતો માંગતો.

                  પરીક્ષિત મોડી રાત્રે ઘરે ગયો હતો અને સવારે ઓફિસે વહેલા પહોંચવાનું હતું એટલે વામન અને વિશ્વનાથને પણ વહેલા બોલાવ્યા હતા. ઓફિસનું કામ આટોપીને પરીક્ષિતને ત્રિશૂળ ની પ્રયોગશાળામાં જવાનું હતું. એક બહુ જ અગત્યના પ્રોજેક્ટની કામગીરીનીપ્રગતિનો અહૅવાલ લેવાનો હતો.

                 ત્રિશૂળના કમ્પ્યુટર નિષ્ણાતો, અન્ય વૈજ્ઞાનિકો અને ઇન્ડિયન એરફોર્સ ના ચુનંદા કાર્યકરોના સહકારથી એક ગાઈડન્સ સિસ્ટમ બનાવવામાં આવી હતી; જેનું નામ હતું  “વારાંગના.” કમ્પ્યુટર નિષ્ણાતોએ એને કાલ્પનિક પણ સચોટ  નારીસહજ વ્યક્તિત્વ અર્પણ કર્યું હતું. વારાંગના વાતો કરતી, લાગણીઓ વ્યક્ત કરતી. વારાંગના એક ખુબ જ શક્તિશાળી, તેજ અને  અદ્યતન  કમ્પ્યુટર હતું. કોઈ પણ સમસ્યાનો ઉકેલ લાવવામાં એનું સામર્થ્ય અજોડ હતું. વારાંગનાના અસ્તિત્વની ઊડતી અફવાઓને સાહજીકતાથી નકારવામાં આવતી. વારાંગનામાં યજમાનવૃત્તિનો અભાવ હતો. પરિણામે આંગણે આવનાર અભ્યાગત હેકર્સને કાઢી મુકવામાં આવતા. વારાંગનાની સોળે કળાએ ખીલેલી કામગીરી, અણછાજતા અડપલાં અને છેડતી કરનારાઓને પણ આકર્ષતી; છતાંય વારાંગનાની ચારિત્ર્ય શુદ્ધિ હજુ સુધી અકબંધ હતી.

             ત્રિશૂળ ની પ્રયોગશાળા  એલિફન્ટાની ગુફાઓમાં સુરક્ષિત હતી. ડુંગરાઓની ઓથે એક નાનું એરપોર્ટ હતું.સેટેલાઇટ જેવા આકાશી જાસૂસોની નજરે ચઢે તો પણ કોઈ ખાસ લાક્ષણિકતાના અભાવે બહુ ધ્યાન ખેંચાય  તેમ ન હતું.

                    રામાયણમાં સીતામૈયા ના હરણથી ભરાયેલી હરણફાળ સદીઓ બાદ પણ સક્રિય હતી. હરણની સીતા નહોતી થઇ. હરણ ઉપાસક રાવણવૃત્તિ ફક્ત નારીઓ પૂરતી જ મર્યાદિત નહોતી. સ્થાવર અને જંગમ ચીજોનું હરણ કરનાર રાવણોનું પોત નિરંતર પ્રકાશતુ જ રહ્યું છે ને! વાતવાતમાં રામચંદ્રજી જેવા આદર્શ આત્માને તકલીફ આપવાનું શોભાસ્પદ નથી.વારાંગના આવા રાવણોને ખાળવા, પરાજિત કરવા શક્તિમાન હતી.દશ હઝાર ફૂટ ઊંચે ઉડનાર વિમાનને પાવરફુલ ઈલેક્ટ્રો-મેગ્નેટિક વેઇવ થી પાંગળું બનાવીને સંચાલનનો દોરીસંચાર હસ્તગત કરી લે , એવી એની શક્તિ હતી. વારાંગનાનો શિકાર બનેલા વિમાનનું ભાવિ , વારાંગનાના હાથ માં હતું.એ ધારે તો તારે અને ધારે તો મારે! નારિત્વને અનુરૂપ જ વર્તણુક! રાવણવૃત્તિનો નાશ કરવા માટે અધીરી બનેલી વારાંગના જયારે મન થાય ત્યારે વિજયાદશમી ઉજવે!

 

ભીંતર ના વ્હેણ પ્રકરણ:૨૧

S.Gandhi

સુરેંદ્ર ગાંધી

ભીંતર ના વ્હેણ પ્રકરણ:૨૧

ગૌતમ દીવાને અણુકેન્દ્રના સમગ્ર સ્ટાફની ફાઈલો સાથે પોતાના સિકયુરિટી

ઓફિસરને હાજર થવા જણાવ્યું. સિકયુરિટી ઓફિસર તન્વીર વાધવા ની કારકિર્દીની શરૂઆત થઇ હતી, સી.બી.આઈ.માં. એની કાર્યદક્ષતા

અને નિપુણતાને કારણે સફળતાનાં સોપાન સર કરીને એણે નામના મેળવી હતી.

પદ્ધતિસર કામગીરી બજાવનાર  તન્વીર ઘણીવાર ગૂંચવણભર્યા મામલાઓના

નિરાકરણમાં અંતરનો સાદ પણ સાંભળતો. તન્વીર અને પરીક્ષિત

એકબીજાથી અપરિચિત હતા. ગૌતમે એમની ઓળખાણ કરાવી. તન્વીર

મુદ્દાની વાત પર આવ્યો. એણે સ્ટાફની ફાઈલો ખુબ ઝીણવટથી તપાસી

હતી. પ્રત્યેક વ્યક્તિની હિલચાલનો હિસાબ તપાસ્યો હતો.પરંતુ કોઈ

સંશયાત્મક બાતમી મળી નહોતી. તન્વીરના માનવા પ્રમાણે યુરેનિયમના

કાફલાની વિગતો ગૌતમ દિવાનની ઓફિસમાથી જ ચોરાઈ હતી. છેલ્લા

પંદર દિવસની ગૌતમની ઓફિસના સર્વેલન્સ કેમેરામાં ઝડપાયેલી ટેઈપ

અને એક વિડિઓ મોનિટર પણ એ સાથે લાવ્યો હતો.

ગૌતમની ઓફિસમાં ગોઠવાયેલો કેમેરા મોશન ડિટેક્ટર સેન્સર

દ્વારા સંચાલિત હોવાથી કોઈ

પણ પ્રકારની હલચલ થાય એટલે તત્ક્ષણ સક્રિય બનતો. એમાં તારીખ

અને સમય ની નોંધણી પણ આપોઆપ જ થતી.

ગૌતમના મુલાકાતીઓની યાદી સાથે ઓફિસમાં થયેલી

 

અવરજવરનો તાળો મેળવાયો. અન્ય કર્મચારીઓની અવરજવર પણ

ધ્યાનમાં લેવાઈ. એકાએક તન્વીરે ટેઈપ સ્થગિત કરી. ઔડ્રી સાંજના

સમયે ગૌતમની ઓફિસમાં દાખલ થઇ હતી.સ્લો મોશનમાં ટેઈપ

આગળ ચલાવી. એ ફાઈલ કેબિનેટમાંથી એક દસ્તાવેજ કાઢતી હતી.

બીજી ફ્રેઇમમાં ઔડ્રી  દસ્તાવેજની ફેક્સ મશીનમાં કોપી કરતી દેખાઈ.

દસ્તાવેજ કેબિનેટમાં પાછો મુક્યો બનાવેલી કોપીને ઔડ્રી એ  પોતાના

બ્લાઉઝ માં સુરક્ષિત કરી કારણકે નારીના વક્ષઃસ્થળની આમન્યા હજુ

જાળવવામાં  આવતી હતી.  એનો જાહેરમાં મર્યાદાભંગ અપવાદરૂપેજ  થતો.

ઔડ્રી  નું ડાબું પડખું દસ્તાવેજને આવરી રહ્યું હોવાથી ક્લોઝ અપ માં વધુ

ઘટસ્ફોટ ન થયો. પરંતુ પાછી મુકાયેલી ફાઈલ ક્લોઝ અપ માં સ્પષ્ટ દેખાતી હતી.

ફાઈલનો ક્રમાંક લેબલ પર સ્પષ્ટ હતો. ક્રમાંકની યાદી માં નોંધ્યા મુજબ  ફાઈલમાં

યુરેનિયમ કાફલાની વિગતો હતી. તન્વીરે બાકીની ટેઈપ નું નિરીક્ષણ પૂરું કર્યું:જેમાં

કૈં વાંધાજનક નહોતું.

પરીક્ષિત ગૌતમની ઓફિસેથી નીકળીને સીધો પોતાની ઓફિસે

ગયો અને ત્રિશૂળના ઉચ્ચ અધિકારીઓની એક તાકીદની મિટિંગ બોલાવી.

અત્યારસુધી પ્રાપ્ત  થયેલી બાતમીનો તાળો  મેળવાયો. હવે  પછી  લેવાના પગલાંની

વિચારણા થઇ. સર્વાનુમતે ઠરાવવામાં અવ્યુકે ઔડ્રી ઉપર સાવધાનીપૂર્વક નજર રાખવી;

એને કોઈ પણ જાતનો એ બાબતનો અણસાર ન આવવો જોઈએ. સાથે સાથે એ પણ

નક્કી કરાયું કે જોસેફ અને એના સાથીદારે સિરાજના કારખાનામાં રંગાઈ  રહેલી ટ્રકનો

કબ્જો લેવા આવનાર ગ્રાહક ઉપર પણ ચાંપતી નજર રાખવી.મુખ્ય આશય હતો

ચુપકીદીથી માહિતી એકત્ર કરવાનો. કોઈ પણ જાતની કાયદેસરની કાર્યવાહી ન

બજાવવાથી અસાવધ શકમંદ વ્યક્તિઓની પહોંચ, લાગવગ કેટલી  વિસ્તૃત છે એનો

અંદાજ લગાવી શકાય.અંતે યોગ્ય સમયે સમગ્ર

ષડયંત્રનો પર્દાફર્શ કરવો. મિટિંગ પતાવી અને પરીક્ષિતે માધવન અને

પ્રાઈમ મિનિસ્ટરને બધો અહેવાલ આપ્યો.

 

પરીક્ષિતનો ખાનગી ફોન રણક્યો. ચારુદત્ત ઉર્ફે ઝફરનો અવાજ સાંભળીને

પરીક્ષિત ના કાન સરવા થયા. ચારુદત્ત ની બાતમીએ એને વધુ ચોંકાવ્યો.

ચારુદત્તના જણાવ્યા મુજબ સુલેહશાંતીના કરારનામા ઉપર સહીસિક્કા

થવાના દિવસે , કોઈક કાવત્રાબાજ જૂથ એકત્રિત થયેલા નેતાઓની હત્યા

કરશે. એવી બિનસત્તાવાર બાતમી એની જાણમાં આવી હતી.

આ વિરોધી જૂથને ટેકો આપનાર કોણ છે એની તાત્કાલિક શોધ

કરવાની ભલામણ કરી. પરીક્ષિતે બનતો પ્રયત્ન કરવાની ખાત્રી

આપીને ફોન મુક્યો. પરીક્ષિતના ચિંતિત  ચહેરાની રેખાઓ વધુ સખ્ત થઇ.કરારનામાની

તારીખ નક્કી થઇ ગઈ હતી; બે મહિનાનો ગાળો હતો. ક્ષણભર માટે પરીક્ષિતને અધીરાઈ

આવી ગઈ. શું સમયની દોડ એને મ્હાત તો નહીં કરે ને? એ પણ પ્રતીત થયું કે

બાંગ્લાદેશના હાઈ કમિશન ઉપર બારીકાઈભરી નજર રાખવી.

કદાચ આ ગૂંચવણનો ઉકેલ ત્યાંથી મળી આવે.

 

ત્રિશૂળના કાર્યકરો માટે આવી પરિસ્થિતિઓ નવી નહોતી. પરીક્ષિતે

ત્રિશૂળ ના એક અનુભવી  અફસર વિનાયક ભંડારીને બોલાવીને બાંગ્લાદેશ

હાઈ કમિશનનો મામલો સોંપ્યો. એ પણ તાકીદ કરી કે આ કામગીરીનો

અહેવાલ એના સિવાય બીજા કોઈને પણ આપવનો નહીં. વિનાયક

અનુભવની એરણ ઉપર ટિપાઈ ટિપાઈ ને ઘડાયો હતો.

વિનાયકનું ભણતર શાળાઓમાં નહીં પણ શેરીઓમાં થયું હતું.

પરિણામે એનામાં એક પ્રકારની હૈયાસૂઝ, ચાલાકી, અને સાવધાનીનો

સંગમ થયો હતો. એક જાસૂસ તરીકે વિનાયકે અનન્ય કામગીરી બજાવી હતી.

ભાસ્કર ચૌહાણ ની નજરે ચઢ્યો ત્યારથી ત્રિશૂળ નો હિસ્સો બની ગયો હતો.

એટલે પરીક્ષિતને ખાત્રી આ કામ માટે વિનાયક સુયોગ્ય હતો.

વિનાયક પણ પરીક્ષિતનો વિશ્વાસ સંપાદન કરવાની તક ઝડપી લેવા ઉત્સુક હતો.

આ બાજુ જોસેફ એ દુકાનના વિચારોમાં ડૂબી ગયો હતો. ઘરે પહોંચ્યા

પછી પણ એ દુકાનના વિચારોને ખંખેરી ન શક્યો. દુકાનનું નામ હતું

આઝાદ ઈમ્પોર્ટસ;અને એ નામ એના મનઃચક્ષુઓ સમક્ષ તરવરી રહ્યું હતું.

સત્તાવાર બાતમીને આધારે તો એનું  અસ્તિત્વ ક્યારનું આથમી ગયું હતું.

કોણજાણે કેમ પણ દુકાન રહસ્યમય લાગી. એણે ઊંડી તપાસ કરવાની

મનોમન નોંધ કરી. એમ પણ નક્કી કર્યું કે એ સ્વયં આઝાદ ઈમ્પોર્ટસ ની

મુલાકાતે જશે. જો તપાસમાંથી નવું કશું જાણવા મળે તો પરીક્ષિતને વાત

કરવી.

પીટર સવારે ઉઠ્યો અને પ્રાતઃકર્મોથી  પરવારીને આઝાદ

ઈમ્પોર્ટસ જવા નીકળ્યો. પીટર એક તાલીમબદ્ધ સાવધ માણસ હતો.

પીટર દુકાનથી થોડેક જ દૂર હતો ને એણે દુકાનમાં જતા પહેલા આસપાસના

વિસ્તારમાં એક લટાર મારવાનો વિચાર કર્યો. દુકાનમાં પ્રવેશ્યા વગર  દુકાનની આસપાસ ચારે તરફ સાહજિક પણ સાવધાનીથી

અવલોકન કર્યું. રસ્તાની સામેની બાજુએ બસસ્ટોપ પર ત્રણ

માણસો લાઈનમાં ઉભા હતા.

માણસોની સાધારણ અવરજવર અવિરત ચાલુ હતી.

પેલા ત્રણ માણસોમાંથી એક જરાક અજુગતો લાગ્યો.

એ માણસની વ્યાપક નજર આખા વિસ્તારને આવરી રહી હતી. થોડેક દૂર

જઈને રસ્તો ઓળંગીને પીટર સામી બાજુએ ગયો અને પાછો વળ્યો.એક બસ આવી.

રાબેતામુજબ પેસેન્જરોની ચઢઉતર થઇ અને બસ રસ્તે પડી. પીટર બસસ્ટોપ

પાસેથી પસાર થયો ત્યારે પેલો સશકમંદ માણસ ત્યાંજ ઉભો હતો! પીટરના

મગજના ચક્રો ગતિમાન થયા. બે શક્યતાઓ લાગી; એક તો બસ,એવ્યક્તિને જ્યાં

જવું હશે ત્યાં નહીં જતી હોય અને બીજી એ કે આ માણસે કોઈ પ્રકારની દેખરેખ

રાખવા માટે અહીં અડ્ડો જમાવ્યો હોય! પીટરના મગજમાં પ્રશ્નોની હારમાળા ચાલુ થઇ.

કોની હિલચાલ? કોની દેખરેખ? શા માટે? એને

તાલાવેલી થઇ. આ વાતનો નિવેડો લાવવાનો નિર્ણય કર્યો.થોડુંક ચાલીને

એક રેસ્ટોરન્ટ માં જઈને  બસસ્ટોપ પર નજર રાખી શકાય એવી ખુરશી

પર બેઠો. ચાનાસ્તો ઓર્ડર કર્યો. નાસ્તો પત્યો તો ય પેલો માણસ ત્યાં જ

અડીખમ હતો! પીટર આગલા દિવસનો તાળો મેળવી રહ્યો હતો. કદાચ

કાલિપ્રસાદ નો પીછો કોઈ કરતું હોય? એનો સંશય દ્રઢ થયો કારણકે

કાલિપ્રસાદ દુકાન માં જઈને પીટર બનીને નીકળેલો. હાલ પૂરતું કાલિપ્રસાદને

પ્રગટ ન કરવાનો નિર્ણય લઈને પીટર બિલ ચૂકવીને બહાર નીકળ્યો.

 

 

 

 

ભીંતર ના વ્હેણ પ્રકરણ: ૨૦

S.Gandhi

સુરેંદ્ર ગાંધી

ભીંતર ના વ્હેણ

પ્રકરણ: ૨૦

પરીક્ષિત મુંબઈ એરપોર્ટથી સીધો ઘરે ગયો. મોડી રાત નો સમય હતો. ઉર્વશી ઓફિસ નું કામ પતાવીને

છાપું વાંચતી હતી. શુભાંગી અને અનુરાગ એમના રૂમ માં હતા. ઉર્વશીને જોતાં જ પરીક્ષિત ના થાકેલા

ચેહેરા પર ઉલ્લાસ ઉમટ્યો. ઉર્વશી એની પ્રેરણા હતી , એનો વિસામો હતી. એનું સર્વસ્વ હતી. ઉર્વશી ના

હૃદય માં પણ પરીક્ષિત માટે આવીજ લાગણીઓનું

ઝરણું અસ્ખલિત વહેતુ હતું. મનમેળ ના સંવેદન ને જ  આ નાજુક લાગણીઓની વેલનું પોષણ થાય છે. અને એની સતત માવજત પણ અનિવાર્ય છે, ઉર્વશીના

આવકારી સ્મિતમા આલિંગન કરતા પણ વધુ આત્મીયતા હોવા છતાં પરીક્ષિતના બાહુપાશ ની કેદ ઉર્વશીએ સહર્ષ સ્વીકારી.શારીરિક હાવભાવની ભાષામાં જે આપલે થઇ એને વાચા આપવાની દુષ્ટતા બેમાંથી

કોઈએ ન કરી. એકમેકના સ્પર્શનું માદ્કતાવિહોણું

માધુર્ય પણ એટલુંજ માર્મિક હતું. ઉર્વશી પરીક્ષિત ના કામ વિષે ક્યારેય પૂછપરછ ન કરતી. એને ખબર હતી કે પરીક્ષિત ની કામગીરી ગંભીર પ્રકાર ની હતી, અને જાહેર ચર્ચા નો વિષય નહોતી. એનાથી અજ્ઞાત રહેવું ઉર્વશીના હિતમાં હતું. અને ઉર્વશીની સલામતી માટે જરૂરી હતું. ન કરે નારાયણ અને

ઉર્વશી આતંકવાદનો ભોગ બને તો બળજબરીથી આતંકવાદીઓ એની પાસેથી કોઈ બાતમી કઢાવી શકે. એ શક્યતાનું નિવારણ ઘણું જ અગત્યનું હતું. ઉર્વશી એવી કોઈ પણ શતરંજ નું પ્યાદું બને એ ઉભય ને

મંજુર નહોતું. આધિનતાનો  અસ્વીકાર  કરનારને

પણ નિંદ્રાધીન થયા ના ચાલે. નિંદ્રા આગળ નમતું

જોખવું જ પડે.પોપચાંનાં વજનથી નિંદ્રાનું ત્રાજવું ભારે થયું અને હળવેકથી બંને શયનાધીન થયા.

 

હકીકતમાં ઉર્વશી પણ બે દિવસ પહેલાજ દિલ્હી થી  પછી ફરી હતી. એના પ્રસ્તાવને મંજૂરી મળશે એમ એનું મન કહેતું હતું. એકાદ પ્રસંગ એવો ઝંખતી હતી, જેમાં પોતાનો કસબ અનેકાર્યદક્ષતા પ્રદર્ષિત કરવાનો મોકો નળે.

 

અનિવાર્ય લેખાતી નિર્દોષ જાનહાની અટકે અને કાળા કરતૂતોના કરનાર ને મ્હાતકરવામાં આવે. એની વ્યૂહરચના એક નવોજ આકાર લઇ રહી હતી. ઉર્વશીના

મગજ માં. એ માનતી કે ઘણીવાર ગૂંચવણભર્યા

મામલાઓનો ઉકેલ સરળ હોય છે. સાવ દેખીતું અને વાસ્તવિક આયોજન પણ એટલુંજ અસરકારક નીવડે કારણકે એમાં નવીનતા ન હોય.

યુક્તિ પ્રયુક્તિઓ ન હોય અને છતાંય અણધારેલું હોયઉર્વશીએ જે સાપ  બનાવ્યો હતો એનું નામ હતું

“વિશેષ નાગ”. એ નાગ ની ફેણમાં જ એની વિશેષતા હતી. ફેણ ઘેન ના રસાયણ થી અથવા ઘાતક ઝેર  થી સજ્જ કરી શકાય એવી હતી. સાપ નું સંચાલન રિમોટ કંટ્રોલ દ્વારા એક ટ્રક માંથી થાય. સાપ ની નજરમાં જે આવે તે બધું ટ્રક માં ગોઠવેલા ટીવી મોનિટર પર સ્પષ્ટ દેખાય. સાપ ની આંખોમાં ઝૂમ, વાઈડ એન્ગલ અને ટેલિફોટો લેન્સ  ધરાવતા

પાવરફુલ  કેમેરા ગોઠવ્યા હતા. કોઈ પણ ચીજ વસ્તુ  ઝીણવટપૂર્વક જોઈ શકાય. ક્લોઝ સર્કિટ ટીવી

ટેક્નિકનો પુરેપુરો ઉપયોગ કરવામાં આવ્યો હતો. ટ્રક પણ બહુરૂપી હતી. પ્રસંગોચિત વાઘા ધારણ કરે. બોલબેરિંગની ગોઠવણી થી ચુપકીદીથી સરકતા સાપ નો રંગ પણ જરૂર પ્રમાણે બદલી શકાય તેવો હતો. લીલોતરી કે ભેખડ માં આસાનીથી ભળી જાય. સાપના  વિશિષ્ટ  બંધારણ ને કારણે એની પકડ કેભીંસમાં જે સપડાય, તેના અંગ

ઉપાંગો સજા ન રહે, નિષ્ક્રિય બની જાય. વર્ષોની

મહેનત  બાદ સાપ સર્જન ની સાધના પુરી થઇ હતી.

આ બાજુ  જોસેફ નો સાથીદાર કાલિપ્રસાદનો પીછો કરીને  કોલિવાડા  વિસ્તાર માં આવ્યો. કાલિપ્રસાદ ટેક્ષીમાં થી ઉતર્યો અને એક દુકાનમાં પ્રવેશ્યો. જોસેફ નો સાથી પણ ટેક્સી છોડીને એક સામાન્ય રાહદારીની જેમ દુકાન તરફ

ગયો.કૈંક ખરીદવાનું યાદ આવ્યું હોય તેમ જયારે એ

દુકાનમાં પ્રવેશ્યો ત્યારે સામેથી એક દાઢીમૂછવાળા ને દુકાનમાં થી બહાર જતા જોયો. દુકાનમાં બીજા ઘરાક પણ હતા પણ કાલિપ્રસાદ જ નહોતો! વિમાસણ

ખડી થઇ. કાલિપ્રસાદ ગયો ક્યાં?  એ અકળાયો. એક ત્રિશુલ ના અફસર માટે આ અણછાજતું ગણાય. એણે તરત જ જોસેફ નો સંપર્ક કર્યો અને અહેવાલ આપ્યોજોસેફને તરત જ ખ્યાલ આવ્યો કે દુકાનમાં અવશ્ય કોઈ ભેદ છે.જોસેફે એના સાથીદારને હિંમત આપી

અને નવી કામગીરી સોંપી; દુકાનમાં ચાલી રહેલી

અવરજવર ઉપર નજર રાખવાની, સેલફોનથી દુકાનમાં આવતા-જતા લોકોના ફોટા પાડીને ત્રિશુળને મોકલવાની. દુકાનનું નામ સાથીદારે ત્રિશુળને મોકલ્યું અને થોડીવારમાં જવાબ પણ આવી ગયો કે એ નામની દુકાન તો વર્ષો થી  બંધ હતી. તો પછી આ કોની દુકાન અને કઈ દુકાન?

 

હોમમિનિસ્ટર કુશળ અગ્રસેન ના આવાસમાં એક

અસાધારણ ઘટના બની. વાત કરતા કરતા પરસેવો

થતો હતો.કુશળના ચીંતિત ચહેરાની ભૌગોલિક રચના માં ફેરફાર થયા.કપાળ પર કરચલીની કુંપળોમાં ફણગા ફૂટ્યા. એમણેદબાયેલા સ્વરમાં ફોન કરનાર

વ્યક્તિને હવે પછી  ક્યારેય એમના નિવાસસ્થાને ફોન ન કરવાની તાકીદ કરી. શૈલજા પુણ્યાર્થી પણ એમ ગાંજી જાય એવી ન હતી. એણે અગ્રસેન ને કહ્યું કે કાચના મહેલમાં રહેનારને પથ્થરબાજી કરવાનું પરવડે નહીં. શૈલજાએ પાણીચું પરખાવ્યું. પ્રાઈમ મિનિસ્ટર ને આજે મોડી સાંજે મળવા  આવનાર વ્યક્તિ ની માહિતી એને મળવી જ જોઈએ. અને જો તેમ નહીં થાય તો કુશળ ની પ્રતિષ્ઠાને હાનિ થશે.

 

શૈલજા પુણ્યાર્થી કન્યાકુમારી તરીકે પ્રખ્યાત હતી. એ નામ ધારણ કરવા પાછળ રહસ્ય હતું. વૈમનસ્ય. નિર્દોષ પારેવા જેવીશૈલજાને આંગણે યૌવન ના પગલાં થયાન થયા ત્યાં તો પાશવી પારધીઓએ પારેવડાંને પીંખીનાખ્યું.શૈલજા નું શીલ ખરડાયું. કૌમાર્યવસ્થા ની

કુણાશ પર કઠોર કામવાસનાએ સ્થાપેલ વર્ચસ્વથી એરીઢી થઇ ગઈ હતી.હવસખોરોની હોળીમાં  હોમાયેલીશૈલજામાંથી કન્યાકુમારીનો  જન્મ થયો હતો. આમતો એને પુરુષો પ્રત્યે ઘૃણા નહોતી, પણ એમની

પાશવીવૃત્તિઓની એ સખ્ત વિરોધી હતી. શૈલજા એ

પણ જાણતી હતી કે પાશવી નરાધમ પુરુષો કરતા

સદાચારી પુરુષોની સંખ્યા વધારે હતી. કન્યાકુમારીની કામવાસનાની સાધના અશ્લીલતાના અખાડાઓમાં પરિપક્વ થઇ હતી.  ખજુરાહોના શિલ્પની શિખામણ ના સથવારે નિપુણ બની હોવા છતાં,સ્વાનુભવના શિક્ષણની તોલે કોઈ જ ન આવે.શૈલજા સ્વયંને એક અનુભવી અને આકર્ષક નગરવધુ માનતી હતી. આપણા

પૂર્વજોની દુરંદેશી પણ કમાલ ની હતી. એક સુંદર કન્યા ને મેળવવા માટે રામાયણ કે મહાભારત ના  મંડાણ ન થાય એટલે એવી કન્યા ને સાર્વજનિક નગરવધૂનું બિરુદ અર્પણ કર્યું. આવી નગરવધુ કોઈ ની ન થાય, પણ બધા

એના થવા માટે તલસે અને  આશ્વાસન મેળવે કે ખેર, જે પોતાને ન મળી એ બીજા કોઈને ય ન મળી!ઘાસના પૂળા પર બેઠેલા શ્વાન! કન્યાકુમારી પૈસાપાત્ર પ્રતિષ્ઠિતો

અને પહોંચેલા પોલિટિશિયનોની માનીતી હતી. અને તેમને પહોંચીવળે તેવીહતી.સરકારી વહીવટી તંત્રના માળખામાં મિનિસ્ટર  દીઠ પોર્ટફોલિયો હોય છે અને કોઈ વીરલાઓ એકથી વધુ ખાતાં સંભાળે! શૈલજા આવા  મિનિસ્ટરોની મિનિસ્ટર હતી!

કુશળ અગ્રસેન એક અનુભવી, વિચક્ષણ અને વિદ્વાન રાજ્યકર્તા તરીકેપ્રખ્યાત હતો. સરદાર પટેલ જેવી

કુનેહ એનામાં હતી. સ્વતંત્ર દેશ ના વિકાસની સાથે સાથે સંકુચિત પ્રાંતવાદ, રાજકીય, આર્થિક અને

સામાજિક ગુંડાગીરીનો સડો પણ વિકસ્યો. વિદેશથી આઉટસોર્સ થયેલ રોજગારીથી દેશમાં આબાદી ની સાથે બીજા ઘણા અનિચ્છીય આગમન થયા. આતંકવાદના આગમન સાથે કુસંપ ના બીજ રોપાયા અને રાજકારણ કુસ્તીનો અખાડો બની ગયું.

દેશનું વિભાજન થાય તે પહેલા કુશળ અગ્રસેન સત્તા પર આવ્યો. એણે સ્વતંત્ર કાશ્મીરની માંગણી કરનારાઓને જાહેર માં એવી રીતે ખુલ્લા પાડયા કે એમની

લાગવગ ઘટી ગઈ. કાશ્મીરનો આર્થિક વિકાસ થયો. લાંબા સમયથી ચાલી રહેલા કાશ્મીરના ઝઘડાનો અંત આવ્યો. શક્તિશાળી ઇન્ડિયન આર્મીએ કાશ્મીર પર વર્ચસ્વ સ્થાપ્યું અને સરહદને સુરક્ષિત બનાવી

પરિણામે કાશ્મીર ભારતનું એક સાવધાન અને

સુરક્ષિત સ્ટેટ બન્યું.

 

જુના ઝઘડાઓનું નિરાકરણ કરવા કુશળ અગ્રસેન

હંમેશા તૈયાર રહેતો, પણ બહારના કોઈ પણ દેશ ની ડખલ વગર. ખાસ કરીને પશ્ચિમી દેશો કે જેમની

ડિવાઇડ એન્ડ રુલ ની પ્રથાએ અત્યારસુધી હરેક  પ્રશ્નને  સળગતો જ રાખ્યો હતો. બીજી શરત એ હતી કે આતંકવાદને ભારત ક્યારેય નમતું નહીં જોખે.

ખરેખર એણે આતંકવાદીઓને નમાલા અને નકામા બનાવી દીધા. આર્થિક ઉન્નતીએ લોકોમાં નવી આત્મશ્રદ્ધા જગાવી. લોકોને આતંકવાદની પોકળતા નો અહેસાસ થયો. એમને ખાતરી થઇ કે શારીરિક, માનસિક અને આર્થિક સુખચેન પ્રાપ્ત કરવા માટે આતંકવાદ

નિષ્ફ્ળ ગયો છે. આતંકવાદ આથમ્યો. સમજુતીભર્યું નિરાકરણ જયારે થાય ત્યારે પણ અવિભાજ્ય કાશ્મીર પર ભારતનું વર્ચસ્વ રહેશે. એ નિઃશંક છે. ટૂંક સમયમાં આખો પ્રદેશ પૃથ્વીનું સ્વર્ગ તો ન બની શક્યો, પણ

નર્ક તો ન જ રહ્યો. સુખચેન ની સુંવાળપ અનુભવ્યા

પછી કોને પણ સારાસાર નો ખ્યાલ આવ્યો. કોમવાદ

નાબૂદ થયો. પહેલીવાર દેશમાં અપૂર્વ એકતા નો ઉદય થયો. આતંકવાદ અને ગુંડાગીરીમાં સામ્ય છે. ગુંડાગીરી એક ઘરેલુ આતંકવાદ જ છે ! રામરાજ્ય તો ન

સ્થપાયું પણ એક પ્રગતિશીલ અને પ્રતિષ્ઠિત લોકશાહી માં ભારત ની

ગણના થવા લાગી.