Category Archives: Uncategorized

ભીંતર ના વ્હેણ પ્રકરણ ૫૫

લેખકઃ સુરેંદ્ર ગાંધી

 પ્રકરણ:૫૫

વિનાયક, જોસેફ અને ત્રિશૂળના ડ્રાઈવરે, મળેલી બાતમીના આધારે રંગુનથી દૂર જંગલો 

ભણી પ્રયાણ કર્યું. નકશામાં બતાવેલી જગ્યાથી બે માઈલ દૂર જોસેફ અને વિનાયક 

કારમાંથી ઉતરીને પગપાળા આગળ વધ્યા. ડ્રાઈવર કાર પાર્ક કરીને એમની રાહ જોશે 

એમ નક્કી થયું. જોસેફ અને વિનાયક સાવચેતીથી આગળ વધ્યા. થોડુંક અંતર ચાલ્યા 

અને વિનાયક એકાએક અટક્યો. એક ઝાડ પર એક કરોળિયાનું મોટું જાળું જોયું, જે 

એને રહસ્યમય તો નહીં પણ કુતુહલપ્રેરક તો જરૂર લાગ્યું. એણે દૂરબીનથી જાળાનું 

નિરીક્ષણ કર્યું તો જાળાને એક છેડે દોરી દેખાઈ. દોરી ફરતી ફરતી એક ઘટાદાર 

ડાળીમાં અદ્રશ્ય થઇ.વિનાયકે ઝાડ પે ચઢીને તંત નો અંત આણવાનું નક્કી કર્યું. 

ઘડીકમાં તો ઘટાદાર ડાળીએ પહોંચ્યો અને જોયું કે દોરી વાસ્તવમાં એક 

વીજળીનો તાર હતી અને એક ખોખા સાથે જોડાયેલી હતી. ખોખાના માળખામાં 

એક ઘંટડી હતી. ઘંટડીની બાજુમાં એક ફોટો ઇલેક્ટ્રિક સેલ હતો, સૂર્યના 

અજ્વાળામાંથી વિદ્યુતનું ઉત્પાદન કરવા કાજે. જાળમાં ધ્વનિ પરખનો સરંજામ 

હતો. ધ્વનિ પારખીને જાળું ખોખાંમાંની ઘંટડીને ખબર કરે; અને ઘંટડીનો 

અશ્રાવ્ય અવાજ ચોકીદાર કુતરાઓને સાવધ કરે; એની ખબર તો વિનાયકને 

ત્યારે પડી જયારે બે ચોકીદાર કુતરા લઈને ઝાડ પાસે આવી પહોંચ્યા. જોસેફ પણ 

આવી અણધારીઅને  ઘટનાથી ચમક્યો. છતાંય સમયસૂચકતા વાપરીને પવનનીવિરુદ્ધ 

દિશામાં એક ઝાડીમાં અદ્રશ્ય થઇ ગયો, જે થી કુતરાઓને એની ગંધ ના આવે. 

અને ચોકીદારની નજરબહાર રહેવાય. ચોકીદારે વિનાયકને પડકાર્યો અને ઝાડ પરથી 

નીચે ઉતરવા ઈશારો કર્યો. વિનાયક પાસે બીજો કોઈ રસ્તો ન હોવાથી  એ નીચે ઉતર્યો કે તરત જ ચોકીદારે એને હાથકડી પહેરાવીને એક પગદંડી તરફ 

દોર્યો.વિનાયક મૌન રહ્યો. ચાઈનીઝ ચોકીદાર સાથે વાતચીત પણ કઈ ભાષામાં 

કરવી? જોસેફ માટે સમસ્યા ખડી થઇ.એણે ચુપકીદીથી સારું જેવું અંતર રાખીને 

વિનાયકને અનુસરવાનું નક્કી કર્યું. વીસેક મિનિટ ચાલ્યા બાદ પગદંડી એક પહોળા 

પટમાં ફેરવાઈ ગઈ. એક ચોકીદારે વિનાયકને પાર્ક કરેલી ટ્રકમાં ચઢવાનો ઈશારો 

કર્યો.વિનાયકે સૂચનાનું પાલન કર્યું એટલે ટ્રકનો દરવાજો બંધ કરીને તાળું મારીને ટ્રકને 

ગતિમાન કરી. બીજો ચોકીદાર કુતરાઓને લઈને એક કોટડી પાસે પહોંચ્યો. કુતરાઓને 

બહાર બાંધીને તે કોર્ટસીમાં પ્રવેશ્યો. જોસેફ જેવી રીતે આવ્યો હતો તેવી જ રીતે પાછો ફર્યો. 

થોડા થોડા અંતરે ઝાડના થડ પર ઓળખના એંધાણ રૂપે નિશાનીઓ કોતરી. જોસેફ 

પાર્ક કરેલી ત્રિશૂળની કાર પાસે આવ્યોઅને ચોંક્યો. ડ્રાઈવર લાપતા હતો.અને 

કારણ ચારે ચાર ટાયરોમાંથી હવા કાઢી નાખીને કારને નિરુપયોગી બનાવી દેવામાં 

આવી હતી. 

જોસેફને ચિંતા થઇ, ડ્રાઈવરનું શું થયું હશે? કારને કોણે નકામી કરી?

                       અન્સારીનું ગલ્ફ સ્ટ્રીમ જેટ વિમાન રંગુનના નિર્જન 

એરપોર્ટ પર લેન્ડ થયું. 

ઇમિગ્રેશનની વિધિ પતાવીને અન્સારી હોટેલ બ્રહ્મપુત્રા માં ચેક ઈન થયો. 

અલ્તાફ નસીમની મુલાકાતે આવે ત્યારે એને કઈ રીતે સકંજામાં લેવો 

એનો પેંતરો રચ્યો હતો. આયોજન એવું હતું કે મુલાકાત દરમ્યાન વેઈટર એલાન 

કરે કે “અલ્તાફ ડાઇનિંગ હોલમાં હોય  તો એના માટે ફોન કોલ છે અને એ બુથ 

નમ્બર ત્રણમાં જઈને વાત કરી શકે છે.” ફાઈવ સ્ટાર હોટેલમાં ગ્રાહકોની વાતચીત 

ખાનગી રાખવા માટે સાઉન્ડપ્રુફ બુથ બનાવવામાં આવ્યા હતા. 

અલ્તાફ બૂથમાં જઈને ફોન પડે તે પહૅલા અન્સારીના માણસો અણધાર્યો હુમલો કરીને 

અલ્તાફને બંદીવાન બનાવીને અન્સારી સમક્ષ ખડો કરે.અલ્તાફ પાસેથી બાતમી 

કઢાવવા માટે અજમાવવાના નુસ્ખાઓ પણ વિચારી રાખ્યા હતા.

               ઇઝરાયલી ઇન્ટેલિજન્સ ચીફ રંગુન પહોંચીને હોટેલ બ્રહ્મપુત્રામાં  

રેમન્ડ રાઉસના નામ હેઠળ ચેક ઈન થયા હતા. એમના અંગરક્ષકો ઇઝરાયલી 

વખારના સરનામે પહોંચી ગયા. 

વખરના ચોકીદારે બેન્જીની ઓફિસનો રસ્તો દેખાડ્યો. બેન્જીને ચીફના 

આગમનની ખબર અગાઉથી મળેલી હોવેથી એણે પૂર્વતૈયારીઓ કરી રાખી હતી. 

ચીફના અંગરક્ષકોએ બેન્જીને કાઈં પણ અણધારી હિલચાલ ન કરવાની ચેતવણી 

આપી. બ્રીફ કેઈસ ખોલીને ચીફે પૈસાની હેરાફેરીના દસ્તાવેજો બેન્જીના મોઢા 

પર માર્યા અને હિસાબ માંગ્યો! બેન્જીએ નિર્દોષ  હોવાનો ડોળ કર્યો.ચીફના ઈશારે 

એમના અંગરક્ષકોએ ઓફિસની જડતી લીધી.બેન્જીની અનિચ્છા હોવા છતાં મોસાદે 

એનો પાસવર્ડ શોધી કાઢ્યો. બધી વિગતો બહાર આવી. 

એક ભયાનક ષડ્યંત્ર ખુલ્લું થયું. બેન્જી અને ચાઈનીઝ ઇન્ટેલિજન્સના 

સહકારથી એક વિનાશકારી આયોજન આકાર લઇ રહ્યું હતું.એની ચોંકાવનારી 

વિગતોથી મોસાદના ચીફ પણ ચકિત થયા વગર ન રહી શક્યા કારણ કે મોસાદની

 જાણ બહાર ભાગ્યે જ કાઈં રહેતું. છતાંય આજે મોસાદની આંખમાં ધૂળ પડી હતી. 

કદાચ દિવા નીચે અંધારું આમ જ થતું હશે! બેન્જીને આવી દગાબાજીની આકરી 

કિંમત ચૂકવવી પડશે એ નિશ્ચિત હતું. અંગરક્ષકો બંદીવાન બેન્જીને બહાર 

દોરી ગયા.બેન્જી સાથીદારોને ચેતવી પણ ન શક્યો. મોસાદના ચીફ બેન્જીને 

ઇઝરાયલ ભેગો કરવાની વેતરણમાં પડ્યા. તે ઉપરાંત મોસાદના ચુનંદા 

એજન્ટોનું જૂથ ચોવીસ કલાકમાં રંગુન પહોંચીને બેન્જી ના સાથીદારોને આવરીલે, 

એનું  આયોજન કર્યું. સમગ્ર ષડ્યંત્ર સમેટાય ત્યાં સુધી ચીફ રંગુનમાં રહેવાના હતા.

                       અન્સારીના માણસો હોટેલ બ્રહ્મપુત્રા ના સ્ટાફનો યુનિફોર્મ 

પહેરીને ફરજ ઉપર હતા. અલ્તાફ નિર્ધારિત સમય કરતા સહેજ વહેલો આવ્યો. 

નસીમ આવી અને મોડા આવવા બદલ ક્ષમાયાચના કરતા બોલી  “રાહ જોવડાવીને 

તમારો કિંમતી સમય બરબાદ કરવા બદલ ક્ષમા ચાહું છું. અને હા, ફરી વાર  એવું 

નહીં થાય એની ખાત્રી આપું છું.” અલ્તાફ મંદ હાસ્ય વેરતા બોલ્યો “ક્ષમા આપવાવાળો 

હું કોણ? ફરી મળવાની તમે ઉદારતા બતાવી એને હું મારી ખુશનસીબી સમજીશ.” 

બેઉ રેસ્ટોરન્ટમાં પ્રવેશ્યા અને બેઠક લીધી. વેઈટર ઓર્ડર લઇ ગયો. 

અલકમલકની વાતો થઇ. નસીમનાં હાવભાવમાં નિખાલસતા હતી કે નિર્લજ્જતા, 

એનું અનુમાન બાંધવાનું અઘરું હતું. અલ્તાફ મૂંઝવણમાં પડ્યો. પહેલી મુલાકાતમાં 

એક સ્ત્રીની આવકાર આપતી આત્મીયતા શું સૂચવે છે? ચેત મછન્દર ગોરખ આયા, 

જેવો તો ઘાટ નથીને!અલ્તાફે પણ સલૂકાઈભર્યું વલણ અપનાવ્યું.

                થોડી વારમાં અલ્તાફ માટે ફોન કોલ આવ્યો છે એની ઉદઘોષણા 

થઇ. અલ્તાફ વિસ્મય પામ્યો કારણ કે નસીમ સાથેની મુલાકાતની કોઈને 

જાણ નહોતી.તો પછી આ બન્યું કેમ? કદાચ બીજો કોઈ અલ્તાફ હશે? રેસ્ટોરન્ટમાંથી 

ગણ્યાગાંઠ્યા લોકોમાંથી કોઈ સળવળ્યું નહીં. ફરી ઉદઘોષણા થઇ. નછૂટકે અલ્તાફ 

ઉભો થયો. વેઈટરે બુથ નંબર  ત્રણ ભણી દોર્યો.

 અલ્તાફ બૂથમાં પ્રવેશીને દરવાજો બંધ કરે તે  પહેલા જ એના માથા પર 

જોરદાર પ્રહાર થયો. અલ્તાફના પગ લથડ્યા અને અન્સારીના માણસના 

બાહુપાશમાં અનાયાસે જકડાયો. અન્સારીના રૂમમાં અલ્તાફના સત્કાર 

સમારંભની તૈયારીઓ થઇ ચુકી હતી. થોડા પ્રયત્નો બાદ અલ્તાફને કળ 

વળી અને એણે આંખો ખોલી. અન્સારી ઉપર નજર પડી અને એને કયામત 

નજદીક લાગી. બેભાન અલ્તાફના ખિસ્સામાંથી પાકીટ કાઢીને અન્સારીએ 

માહિતી મેળવી લીધી હતી. પાકીટ ખિસ્સામાં પરત મુકાઈ ગયું હોવાથી અલ્તાફને 

એનો સ્વપ્નેય ખ્યાલ નહોતો. અન્સારીએ અલ્તાફને કહ્યું ” યાદ છે, 

આપણે પહેલા પણ મળ્યા છીએ?” અલ્તાફે હકાર ભણ્યો, અન્સારીએ આગળ 

ચલાવ્યું ; “કોના કહેવાથી મને મળવા આવ્યો હતો?”  અલ્તાફે કહ્યું ” જેના 

કહેવાથી આવ્યો હતો એને મેં પ્રત્યક્ષ નીરખ્યો નથી, હું કોઈ જૂથનો સભ્ય નથી. 

છૂટક કામકાજ કરું છું.

          “કેટલા પૈસા મળ્યા આ કામના?” અન્સારીએ પૂછ્યું.

          ” પાંચ હજાર” અલ્તાફે જવાબ આપ્યો.  ” એ માણસનો સંપર્ક કઈ રીતે 

સાધવાનો?” અન્સારીના સવાલના જવાબમાં અલ્તાફ બોલ્યો 

“ખબર નથી.” અન્સારીએ શાંતિ થી કહ્યું કે “જે જાણતો હોય તે મને જણાવી દે .

આ છેલ્લી જ તક તને આપું છું.”

               અન્સારીએ એના માણસને ઈશારો કર્યો એટલે અલ્તાફના ડાબા 

હાથની ટચલી આંગળીમાં છરો ભોંકાયો. અસહ્ય પીડાનો માર્યો અલ્તાફ 

કરગરવા લાગ્યો અને બાતમી આપવા તૈયાર થયો. એણે સુલેમાન સૈયદનું 

નામ આપીને કહ્યું કે તે એની સાથે કામ કરે છે અને એ અહીં ઉસ્માનના નામે 

ઓળખાય છે. મોબાઈલ ફોનથી એનો કોન્ટેક્ટ કરી શકાય છે પણ એ વારંવાર 

ફોન નંબર બદલતો રહે છે એટલે એની ભાળ મેળવવી મુશ્કેલ છે. 

અન્સારીએ અલ્તાફને છુટ્ટો કર્યો અને જવાની રજા આપી. અલ્તાફ નચિંત તો 

ન થયો પણ છુટકારાનો દમ ખેંચ્યો.

                      અન્સારીને સ્વપ્નેય ખ્યાલ નહોતો કે સુલેમાન સૈયદ 

કાવત્રાબાજ હતો. અન્સારીની ઇન્ડિયાની જમીન-જાગીરની સંભાળ સુલેમાન 

સૈયદ જ રાખતો હતો. અન્સારી તરફથી એને અસંતોષનું કોઈ કારણ નહોતું. 

તો પછી આનો મકસદ શું? અન્સારીએ એના ઇન્ડિયા ખાતેના માણસોને 

સંદેશો મોકલ્યો. “ચોવીસ કલાકમાં સુલેમાન સૈયદને રંગુનમાં મારી સમક્ષ ખડો કરો.

  અલ્તાફ અન્સારી પાસેથી છૂટીને નસીમ ને મળવા રેસ્ટોરન્ટમાં પાછો ફર્યો 

પણ નસીમ નહોતી. 

નસીમનું શું થયું હશે,એની  કોઈ અટકળ બાંધી ન શક્યો. એક વેઈટર 

પાસેથી જાણવા મળ્યું 

નસીમ થોડીવાર રાહ જોઈને પછી જતી રહેલી. સાવચેતી ખાતર કોઈ 

પીછો કરતું હોય તો એને  ગેરરસ્તે દોરવવા એણે ફરતા ફરતા જવાનું નક્કી કર્યું. 

ઘરે પહોંચ્યો તો ખબર પડી કે એના ઘરની જડતી લેવામાં આવી હતી કારણકે 

બહાર જતી વખતે દરવાજામાં ચોંટાડેલા ત્રણ વાળ ખરી ગયા હતા,મામલો ગંભીર હતો એટલે એણે એના સાથીદારને બાંગ્લાદેશમાં 

ફોન કર્યો. અન્સારી સાથેની મુલાકાતની વાત કરીને સાવધ રહેવાની ભલામણ કરી.

               હવે આગળ શું પગલાં લેવા, એ બાબત અલ્તાફ વિચારી 

રહ્યો હતો. નસીમ પર વ્હેમ આવ્યો પણ અન્સારી સાથે મળેલી હોવાની 

શક્યતા મોળી લાગી. રંગુનથી પલાયન થવાના ઈરાદા થી કપડાં ભરવા બેગ 

ખોલી અને એક જબબર ધડાકાએ બેગની સાથે અલ્તાફનો પણ નાશ કર્યો. 

જીવનની અંતિમ ક્ષણોમાં અલ્તાફને સ્વપ્નેય ખ્યાલ નહીં હોય કે બેગ ખોલવાથી 

બૉમ્બ ફાટશે! સ્થાનિક પોલીસ અને ફાયર ડિપાર્ટમેન્ટ ના માણસો 

તાબડતોબ દોડી આવ્યા પણ માત્ર કાટમાળ જ હાથ આવ્યો. અલ્તાફના 

રહ્યા સહ્યા અવશેષો ઓળખાય એવા નહોતા છતાં એકઠા કરીને કોરોનરને હવાલે કર્યા.

ભીંતર ના વ્હેણ – પ્રકરણ ૫૪

  લેખકઃ શ્રી સુરેંદ્ર ગાંધી

ભીંતર ના વ્હેણ  

 પ્રકરણ:૫૪ 

જોસેફ,વિનાયક અને ત્રિશૂળ ના ડ્રાઈવરે મ્યાનમારના સ્થાનિક ત્રિશૂળના એજન્ટની 

મદદથી પરીક્ષિતે આપેલા ફોટાઓમાં બતાવેલી જગ્યાની શોધખોળમાં જવાનો પ્લાન 

કર્યો. રેહાના અને શુભાંગીને મુંબઈ પહોંચાડવાની વ્યવસ્થા કરી. રેહાનાએ આ બાબત 

ની જાણ એના બાપ ને કરવા માટે ફોન જોડ્યો.અન્સારીનાં જણાવ્યા મુજબ, એ એના 

પ્રાઇવેટ જેટમાં રંગુન આવી રહ્યો હતો. એણે રેહાનાને રંગુન રોકાઈ જવાનું જણાવ્યું. 

રેહાના સંમત થઇ. એણે અન્સારી આવી રહ્યો છે એ બધાને જણાવ્યું અને એ પણ 

કહ્યું કે “મારા બાપ ને મળ્યા બાદ હું મુંબઈ પછી ફરીશ.” શુભાંગી ને પણ રોકાઈ 

જવામાં વાંધો ન હતો.

                 ફ્લાઇટ દરમ્યાન અન્સારીએ રેહાનાના અપહરણ માટે  જવાબદાર 

માણસોને યોગ્ય શિક્ષા કરવાનો મનસૂબો ઘડ્યો. સહુ પ્રથમ એણે રંગુન થી શરૂઆત 

કરવાનું નક્કી કર્યું. કાબુલથી એના આદેશ મુજબ જે સ્ત્રી રંગુન પહોંચી હતી એનું નામ 

હતું નસીમ ફારુકી. અન્સારીએ નસીમને ફોન કરીને રંગુનના એરપોર્ટ પર એને સહાય 

કરનારની સાથે મુલાકાત ગોઠવવાની કામગીરી સોંપી. એ સહાયકનું નામ હતું અલ્તાફ. 

નસીમે અલ્તાફને ફોન જોડ્યો અને સહેજ શરમાળ, લાગણીભર્યું આમંત્રણ  આપ્યું.  “મારી માસીની તબિયત સુધારા પર છે અને ઘરમાં રહીને હું કંટાળી છું. તમારા સિવાય 

બીજા કોઈને ઓળખતી નથી. બહાર ફરવા નીકળવું છે. આપણી અનાયાસે થયેલી 

મુલાકાતમાંથી દોસ્તીના પુષ્પો પાંગરે તો મને ગમશે.”

            અલ્તાફનો પ્રત્યુત્તર આહલાદક નહોતો પણ એ આવી તક જવા દે એવો 

ગમાર પણ નહોતો. એણે કહ્યું તમારા દોસ્ત બનવાનું સૌભાગ્ય સાંપડશે એવી તો 

કલ્પના સ્વપ્નમાં પણ નહોતી કરી. 

તમને મેં રંગુન એરપોર્ટ ઉપર મદદ કરી હતી અને ઉપકારવશ તમે મને દોસ્ત બનવાનું  

આમંત્રણ આપો તો મને એ નામંજૂર છે.” નસીમ પણ અલ્તાફના કહેંણનો ભાવાર્થ 

સમજી અને લાવણ્યમય મૃદુતાથી બોલી, “સાચેજ તમારા એહસાનનો બદલો 

ચુકવવાની ઈચ્છા નથી. બલ્કે તમને મારે એવા લેણદાર બનાવવા છે કે એનું લેણું 

હું ચૂકવી જ ન શકું.” અલ્તાફને માટે નમતું જોખવા સિવાય કોઈ રસ્તો ન રહ્યો. 

એણે આમંત્રણ સ્વીકાર્યું અને ફાઈવ સ્ટાર હોટલ  ” બ્રહ્મપુત્ર” માં મળવાનું ઓઠવ્યું. 

                       પરીક્ષિત ત્રિશૂળની ઓફિસમાં પાછો ફર્યો  દિલ્હીથી. સૌ પ્રથમ 

એણે ઉર્વશીને ફોન જોડ્યો. અર્ધજાગૃત અને ચિંતાતુર ઉર્વશી પરીક્ષિતનો  અવાજ 

સાંભળીને સંપૂર્ણ જાગૃત બની ગઈ. પરીક્ષિતે ટૂંકાણમાં અગત્યના કામ માટે બહારગામ 

ગયો હોવાનું જણાવ્યું. હંમેશ મુજબ ઉર્વશી વધુ જાણકારીથી અલિપ્ત રહી. પરીક્ષિત 

સમય મળ્યે ઘેર આવવાનો હતો એનો આનંદ ક્ષણજીવી નીવડ્યો કારણ કે આજે 

એ વહેલી કામે જવાની હતી. ફોન પત્યો, ન પત્યો અને વારાંગનાએ મોકલાવેલા 

અદ્યતન  ફોટોગ્રાફની ફાઈલ પરીક્ષિતના ટેબલ પર આવી પહોંચી. એણે ફોટા 

જોયા. રંગુનથી પચાસ માઈલ દૂર ઉત્તર-પૂર્વના જંગલમાં રેડિએશનનું  પ્રમાણ 

અતિશય ઉગ્ર હતું. ગરુડના સ્વયંસંચાલિત કેમેરાએ સમગ્ર વિસ્તારના ઝીણવટભર્યા 

ફોટા ઝડપ્યા હતા. મકાનોથી થોડે દૂર એક તળાવ હતું; એ અસાધારણ તો નહીં 

લાગયું પણ અજુગતું જરૂર લાગ્યું. એક નાનો  રસ્તો રંગુનની દિશામાં જતો હતો. 

બીજો રસ્તો પૂર્વમાં ચીનની સરહદ ઉપર અને પશ્ચિમમાં ઇન્ડિયાની સરહદ તરફ 

જતો હતો. બેઉં રસ્તા ઉપર  નહિવત ટ્રાફિક નજર આવતો હતો. બધીજ માહિતી 

જોસેફ અને વિનાયકને સિક્યોર ફેક્સ લાઈન પર મોકલાવી. પરીક્ષિત ઘેર પહોંચ્યો 

ત્યારે ઉર્વશી નીકળી ચુકી હતી.

              ઇઝરાયલી ઇન્ટેલિજન્સ ચીફની પ્રાઇવેટ ફોન લાઈનની ઘંટડીએ કલરવ 

કર્યો. ચીફે ફોન કાને ધર્યો અને કહ્યું ” જે કહેવું હોય તે ટૂંકાણમાં કહો.” જિન તાઓ 

મિન્હ બોલ્યો. ” આપણી દિલ્હીની દોસ્ત પાસેથી સંદેશો મળ્યો એટલે રંગુન આવીને 

તપાસ આદરી. 

અનાયાસે ચાઈનીઝ જાસૂસી ખાતાના ડ્રાઇવરનો ભેટો થયો.વાતમાંથી વાત 

નીકળી. ડ્રાઇવરના જણાવ્યા મુજબ ચાઈનીઝ ઇન્ટેલિજન્સ ચીફ મ્યનમારની 

મુલાકાતે આવ્યા હતા. ડ્રાઈવર એમની તહેનાતમાં હતો. ચાઈનીઝ ચીફ બે 

જગ્યાએ ગયા હતા. એક જગ્યા ગાઢ જંગલમાં હતી અને બીજી કોઈક વખારમાં. 

જંગલવાળી જગ્યા જરા વિચિત્ર હતી. કારણ કે ત્યાં ગાઈગર કાઉન્ટર કપડાં પર 

ભરાવીને ફરવું પડ્યું. બીજી જગ્યા જે વખારમાં હતી એ કોઈક ઇઝરાયલી કંપની 

હતી. એ કંપની મ્યાનમાર  સરકારને ઔદ્યોગિક વિકાસ અંગે માર્ગદર્શન આપતી 

હતી. કંપનીના કર્તાહર્તાનું નામ બેન્જી.”જિન તાઓએ કંપનીનું સરનામું આપ્યું. 

ઇઝરાયલી ચીફ બોલ્યા  “રંગુનમાં રોકઇ જાવ.હું ચોવીસ કલાકમાં ત્યાં પહોંચીશ. 

હોટેલ બ્રહ્મપુત્રમાં રેમન્ડ રાઉસના નામે રજીસ્ટ્રેશન કરાવું છું. ત્યાં મળીએ.”અને 

લાઈન કપાઈ ગઈ. તલ અવીવના બેન ગુરિયન એરપોર્ટ પરથી રંગુનનો ફ્લાઇટ 

પ્લાન ફાઈલ કરીને એક ચાર્ટર્ડ ફ્લાઇટ નીકળી. એરપોર્ટના એર ટ્રાફિક કન્ટ્રોલરે  

બેન્જી ને આ ફ્લાઇટ વિષે સચેત કર્યો.

                   જિન તાઓ મિન્હ એક કાઉન્ટર ઇન્ટેલિજન્સનો કર્તાહર્તા હતો. 

ચીનની રાજનીતિનો કટ્ટર વિરોધી. મહત્વાકાંક્ષી ચીનમાં પણ સુલેહશાંતિ 

ઝંખનારાઓની સંખ્યા સારી એવી હતી. આમ તો એ સરકારી કર્મચારી હતો. એનું કામ વહીવટીતંત્રમાંથી સડો નાબૂદ કરવાનું હતું. ચીનની લડાયક વૃત્તિને 

એ એક સડો સમજતો હતો. એ વૃત્તિ અટકાવવા માટે એ સદૈવ તતપર રહેતો. 

ઇન્ડિયામાંથી એન્રીચડ યુરેનિયમ ઉપાચત થવાની બાતમી મળી ત્યારે એણે ઇન્ડિયા 

જઈને તપાસ આદરી. બાંગ્લાદેશ હાઈકમિશનનો હાથ હોવાની શક્યતાની જાણ થઇ. 

કુરેશી અને ખતીજા ના સંપર્કમાં આવ્યો.

           ઇઝરાયલી ચીફ અને જિન તાઓની ઓળખાણ અસામાન્ય સંજોગોમાં 

થઇ હતી. ઇન્ડિયાએ અણુશસ્ત્રનું ઉત્પાદન કર્યું ત્યારે પાકિસ્તાનને ચીન અને 

નોર્થ કોરિયા તરફથી પ્રોત્સાહન મળ્યું. પાકિસ્તાનમાં માંગીભીખીને મેળવેલી 

સામગ્રીમાંથી અણુશસ્ત્ર વિકસ્યું. આ બાબત મોસાદની જાણમાં હતી. એટલું જ 

નહીં ,મોસાદને એ પણ ખબર હતી કે ખાનગીમાં ચીન અને નોર્થ કોરિયાને અમેરિકા 

તરફથી આ કામ માટે બહાલી મળી હતી! ઇઝરાયલી ચુપકીદી ચીનને સસ્તામાં 

મળે તેમ ન હતું. બેઉં દેશો સમન્વય વધ્યો , વાણિજ્ય વિકસ્યું, જિન તાઓએ 

અગત્યનો ભાગ ભજવ્યો. મોસાદ અને ચીની ઇન્ટેલિજન્સનો સંપર્ક વિકસ્યો 

એ પણ જિન તાઓને લીધે. ચીનની મહત્વાકાંક્ષા જિન તાઓને પસંદ નહોતી. જિન તાઓને મોસાદ માં પડેલી ફાટફૂટ ની ખબર મળી ત્યારે એણે મોસાદ ના 

અધ્યક્ષને ચેતવ્યા. ત્યારથી બન્ને વચ્ચે મિત્રાચારી ગાઢ બની અને એકમેકની 

પુઠ સાચવતા રહ્યા.

ભીંતર ના વ્હેણ પ્રકરણ ૫૩

ભીંતર ના વ્હેણ

 પ્રકરણ: ૫૩

ખતીજાની ખ્યાતનામ ભીંસમાં કુરેશીના હોશકોશ ઉડી ગયા! અર્ધબેભાન કુરેશી, 

ખતીજા ના ડ્રાઈવર ની મદદ થી ટ્રકમાં છુપાયેલી અણુકેન્દ્રની કારમાં ગોઠવાયો. 

ખતીજાએ ડ્રાઈવરને ટ્રક ગોલપીઠા વિસ્તારમાં મૂકી આવવાનું ફરમાન કર્યું અને 

સારા જેવા બદલાની ખાતરી આપી. પરંતુ કુરેશીના હાલ જોઈને ડ્રાઇવરના હાંજા 

ગગડી ગયા હતા. એ તો નિષ્કામ ભાવે કામ કરવા તૈયાર હતો! ઘડીભર તો ડ્રાઇવરના 

મઝહબે માઝા મૂકી, એને લાગ્યું કે કામાગ્નિની હોળી હવે એને જીવનભર નહીં રંજાડે. 

ડ્રાઈવરે ટ્રક ગોલપીઠા ને રસ્તે વળી. ટ્રકમાં છુપાવેલી કારની ચાલચલગતે ત્રિશૂળ ના 

કમ્પ્યુટરને સક્રિય કર્યું. કારનું ટ્પકુ કમ્પ્યુટર સ્ક્રીન પર ટપકતું ટપકતું ગોલપીઠા 

વિસ્તારમાં સ્થિર થયું.  જી.પી.એસ. ની મદદથી કારનું ચોક્કસ ઠેકાણું મળ્યું એટલે 

હરિહરન ના નેતૃત્વ હેઠળ ત્રિશૂળની મંડળી કબ્જો લેવા નીકળી. ટ્રક શોધતા 

વાર ન લાગી. હરિહરન નો એક સાથીદાર ટ્રક ડ્રાઈવ કરવાનો હતો, બીજો 

ટ્રકમાં છુપાયેલી કાર તરફ વળ્યો. કારમાં એક અર્ધબેભાન માણસને જોઈને 

ચોંક્યો અને એણે હરિહરનને જાણ કરી. હરિહરને કાર ડો. લાખાણીની 

લેબોરેટરી તરફ વાળી અને ત્રિશૂળને જાણ કરી. ખાડો ખોદે તે પડે, એ તો 

સાચું પણ ખાડો ખોદનારે બે ખાડા ખોદવા પડે; એક પાડવા માટે અને બીજો 

પડવા માટે! શમા અને પરવાનાનું પારસ્પરિક આકર્ષણ પણ અજોડ  છે ને! 

અસંખ્ય આહુતીઓમાં કુરેશીનું નામ પણ ઉમેરાયું. પણ એને તો ફક્ત ઝાળ 

જ લાગી હતી, ભડકે નહોતો બળ્યો! એ અભાગીયો ન સળગ્યો ન ખાખ થયો.

                         ટ્રક ડો. લાખાણી ને ત્યાં પહોંચી. કારમાં છુપાયેલ માણસને 

તત્કાળ સારવારની જરૂર નહોતી કારણ કે એની વાઈટલ સાઇન્સ સ્ટેબલ હતી. 

ડો. લાખાણીએ કુરેશીને ઓળખ્યો. એમણે કુરેશીનું શું કરવું તે જાણવા પરીક્ષિતને 

ફોન કર્યો. પરીક્ષિતે કહ્યું ” ફરી એના મગજનો ખૂણેખૂણો ફરી વળો.” અને એમ જ થયું. 

તેમને અગત્યની માહિતી પ્રાપ્ત થઇ. ખતીજા અને કુરેશી અણુકેન્દ્રની કાર દુરસ્ત 

કરાવીને રંગુન જવા માટે વાપરવાના હતા.બીજૂં એ પણ જાણવા મળ્યું કે કુરેશીને 

પાકો સશક હતો કે કોઈ શક્તિશાળી સંસ્થા અથવા જૂથની એમના પર દેખરેખ હતી. 

અને કુરેશી જિન તાઓ મિન્હ ની સિફારસથી ચાઈનીઝ જાસૂસી ખાતાને કાને આ 

વાત નાખશે. કુરેશીને આશા હતી કે ચાઈનીઝ જાસૂસી ખાતું યોગ્ય માર્ગદર્શન આપશે. 

કુરેશીની અફઘાનિસ્તાન ટ્રાન્સફર થવાની હતી, એ વાતની પણ જાણ થઇ.

                       પરીક્ષિતના અનુરોધ મુજબ કુરેશીને ડો. લાખાણીએ તબીબી સારવાર 

માટે સ્થાનિક હોસ્પિટલ માં ભરતી કરાવ્યો. પરીક્ષિતે પ્રાઈમ મિનિસ્ટર નરેશ નિત્યાનંદ 

નો અનલિસ્ટેડ સ્ક્રેમ્બલર ફોન નો નંબર જોડ્યો. તેઓ શ્રી કામકાજથી પરવારીને ઘરે 

જવાની તૈયારીમાં હતા. પરીક્ષિતે એનરિચ્ડ યુરેનિયમના મામલા બાબત જરૂરી વાર્તાલાપ 

માટે વહેલામાં વહેલી તકે મુલાકાત માટે સમય માંગ્યો. નિત્યાનંદે કહ્યું ” હું ઘરે જાઉં છું. 

અત્યારે રાતના આઠ વાગ્યા છે. કમર્શિયલ ફ્લાઈટની ગોઠવણમાં સમય બગાડવો 

અયોગ્ય છે. તમે કલાકની અંદર કોલાબા નૌકા સૈન્ય મથક પહોંચો. મુંબઈથી ગગનદુત 

એવિએશનનું ચાર્ટર્ડ વિમાન તમને દિલ્હી લાવશે. ત્યાંથી મારા માણસો તમને મારા 

નિવાસસ્થાને લાવશે.” અને ફોનની લાઈન કપાઈ ગઈ.

                      પરીક્ષિતે જરૂરી દસ્તાવેજો એકઠા કર્યા. વામન અને વિનાયકને 

લઈને પરીક્ષિત કોલાબા નૌકા મથક પહોંચ્યો. પરીક્ષિતની આંખો અને હાથના 

પંજા સ્કેન થયા અને વામન અને વિનાયકના દસ્તાવેજોની ચકાસણી બાદ એમની 

કાર એક મોટર સાઇકલ સવાર ની દોરવણી હેઠળ રનવે નજીક અટકી. પાંખો 

ફફડાવવા માટે તલપાપડ થઇ રહેલું વિમાન પેસેન્જર્સ  ગોઠવાયા એટલે ઊપડ્યું. 

જોતજોતામાં ચાલીસ હજાર ફૂટ ની ઊંચાઈ એ પહોંચ્યું અને કલાકના છસો 

માઈલની ઝડપે દોઢ કલાકમાં જ દિલ્હી પહોંચ્યું.ફ્લાઇટ દરમ્યાન પરીક્ષિતે 

મનોમનજ પ્રાઈમ મિનિસ્ટર સમક્ષ રજૂ કરવાની બાબતો ની યાદી બનાવીને 

એક કાગળ પર નોંધી લીધી.પરીક્ષિત પ્રાઈમ મિનિસ્ટરના આવાસમાં ઉપસ્થિત થયો.

                             પ્રાઈમ મિનિસ્ટરના અનુચરે ખાવાપીવાની વ્યવસ્થા કરી 

રાખી હતી. ખાવાનું પત્યું અને તરત ડાઇનિંગ ટેબલ પર જ વાતચીતનો પ્રારંભ 

થયો.પરીક્ષિતે વાતનો દોર સંભાળ્યો અને જણાવ્યું કે અણુકેન્દ્રની કારનો પત્તો 

મળ્યો હતો. એનરિચ્ડ યુરેનિયમ કેવી રીતે સનત હિરાવતના સહકારથી ઉપાચત 

કરવામાં આવી હતી, તેનો ઉલ્લેખ કર્યો. બાંગ્લાદેશ  હાઈકમિશનની મુંબઈ ખાતેની 

ઓફિસના માણસોએ પેંતરો રચ્યો હતો અને એમને ભ્રમ હતો કે એમણે મ્યાનમારના 

કોન્સલ જનરલની મદદ થી એનરિચ્ડ યુરેનિયમ રંગુન રવાના કર્યું હતું.ભાસ્કર 

ચૌહાણના ઇઝરાયલી મિત્રના કહેવા પ્રમાણે ત્યાં પહોંચ્યું નહોતું. જો કે કુરેશી 

પાસેથી ડો. લાખાણીએ કઢાવેલી બાતમી અનુસાર મ્યાનમારમાં ઘણી શકમંદ 

પ્રવૃતિઓ ચાલી રહી હતી.એના પુરાવામાં પરીક્ષિતે શુભાંગી અને રેહાનાના 

અપહરણનો ઉલ્લેખ કર્યો અને જણાવ્યું કે એ બન્ને સલામત હતા. ત્રિશૂળના 

માણસો પણ રંગુન પહોંચી ગયા હતા અને એમણે બજાવવાની કામગીરીનું 

સંકલન ચાલી રહ્યું હતું. નિત્યાનંદે સઘળી હકીકત એકાગ્રતાપપૂર્વક સાંભળી. 

શુભાંગી અને રેહાના સલામત હતા એ જાણીને નિરાંત અનુભવી. ડિફેન્સ 

મિનિસ્ટર યશપાલ મૈની અને હોમ મિનિસ્ટર કુશળ અગ્રસેનને પણ બધો 

અહેવાલ મળે એનો બંદોબસ્ત કરવાની ખાત્રી આપી.પરીક્ષિતની કામગીરીની 

પ્રસંશા પણ નિત્યાનંદે કરી. મુલાકાત બરખાસ્ત થઇ અને પરીક્ષિત વહેલી 

સવારે મુંબઈ પાછો ફર્યો.

                                  પરીક્ષિતે ગરુડ સેટેલાઇટની ભ્રમણકક્ષાના રિપોર્ટ 

જોયા હતા. આમ તો મ્યાનમારના જંગલો, ત્યાંની વસાહતો અને એવું જ નજરે 

આવ્યું હતું. ગાઢ વનરાજીનું નિરીક્ષણ કરવા કરતા હવામાન- થર્મલ અને રેડીઓ 

એક્ટિવિટી- કિરણોત્સર્ગ પ્રવૃત્તિ ઉપર ધ્યાન આપવાનું નક્કી કર્યું. ગરુડની તીક્ષ્ણ 

આંખો એ કામ કરવા માટે શક્તિમાન હતી.એની નજરમાં  જે આવે તે ડેટા 

વારાંગના ડાઉનલોડ કરીને તૈયાર કરેલા ફોટોગ્રાફ ત્રિશૂળને મોકલાવે તેવી કાયમી 

ગોઠવણ થયેલી હતી. પરીક્ષિતે ઇન્ડિયન સ્પેસ એજન્સીને સ્ક્રેમ્બલર ફોનથી ગરુડની 

કામગીરીમાં તે પ્રમાણે ફેરફાર કરવાનો અનુરોધ કર્યો.

ભીંતરના વ્હેણ પ્રકરણ ૫૧ અને ૫૨

લેખકઃ સુરેંદ્ર ગાંધી

ભીંતર ના વ્હેણ
પ્રકરણ: ૫૧
પરીક્ષિતના મ્યાન્મારને કર્મભૂમિ બનાવવાના પ્રસ્તાવને સમર્થન મળ્યું.

શુભાંગી અને રેહાનાની બાતમીએ બળતામાં ઘી હોમ્યું.માધવન
સાથે મંત્રણા કરવાનો નિરધાર કર્યો.Rને સૂચનાઓ આપી. શુભાંગી અને

રેહાનાની સલામતીનો બંદોબસ્ત કર્યો. ત્રિશૂળના ઓફિસરને
એની ધરપકડ કરનારાઓની બાતમી મેળવવાની કામગીરી સોંપી.
કુરેશી બાંગ્લાદેશ કોન્સલ જનરલની ઓફીડમાંથી બહાર નીકળ્યો.

કોન્સલ જનરલનો પુણ્યપ્રકોપ પ્રજ્વળી ઉઠ્યો જતો. એમના
આવાસમાં કોઈ પણ જાતની રુકાવટ વગર બહારના માણસો આવીને મનમાની

કરી ગયા ; કોન્સલ જનરલ જવાબ માંગતા હતા. કોણ હતા એ માણસો ? કોને

આટલી હિંમત કરી? શા માટે કરી? ટ્રક માં છુપાવેલી કાર કોની હતી? શા માટે

બાંગ્લાદેશ કોન્સ્યુલેટના કમ્પાઉંન્ડ માં હતી? પ્રશ્નોની ઝડી મુંબઈ ના વરસાદ

કરતા પણ વધારે મુશળધાર હતી.અંતમાં કોન્સલ જનરલે કુરેશીને રોકડું
પરખાવ્યું;ચોવીસ કલાકની અંદર બધી માહિતી એમના ટેબલ પર હોવી જોઈએ.
કુરેશી ધુંવાફુંવા થતો બહાર નીકળ્યો..રૂમમાં જઈને સિગરેટ સળગાવી. પીટરનો

સઁપર્ક સાધવાનો પ્રયત્ન કર્યો પણ નિષ્ફ્ળ ગયો. પીટરનો ફોન જ કપાઈ ગયો

હતો. ઓડ્રિને ફોન કર્યો ત્યારે ખબર પડી કે પીટર અચાનક બહારગામ ગયો

હતો. વાહીદ અને વઝીરનો પત્તો નહોતો. કુરેશીની વિમાસણ વધી. એના

આયોજનમાં કોઈ ખામી નહોતી;બધા માણસો વિશ્વાસુ હતા તો પણ બાજી
બગડી! એણે પદ્ધતિસર છણાવટ કરી. એનરિચ્ડ યુરેનિયમ સફળતાથી

ગાયબ થયું હતું, તો પછી ટ્રક નિયત સમયે મુકામે કેમ ન પહોંચી?
નક્કી કર્યા પ્રમાણે જહાજમાં રવાના કેમ ન થઇ? પીટરને કોણે બાંગ્લાદેશ

કોન્સ્યુલેટમાં ટ્રક લાવવાની રજા આપી? ખતીજા ને કોણે પકડી હતી?

બાંગ્લાદેશ કોન્સ્યુલેટમાંથી એમનું અપહરણ કરનારા કોણ હતા?શું

આશય હતો એમનો?ટ્રંકનું શું કરવું? ટ્રકમાં છુપાવેલી કાર નું શું?
કુરેશીએ બની ગયેલી બાબતોનું સરવૈયું કાઢ્યું. ખતીજાએ પીટરને

બાંગ્લાદેશ કોન્સ્યુલેટના કમ્પાઉંન્ડ માં ટ્રક લાવવાની રજા આપી હતી.

ખતીજાની ધરપકડ કરનારાઓની કોઈ માહિતી ન હતી. ટ્રકમાં છુપાવેલી

કારને રીપેર કરાવવી, ચોરાયેલી લાયસન્સ પ્લેટ લગાડવી અને ત્યારબાદ

એજ કારમાં કુરેશીએ રંગુન પહોંચવાનો પ્લાન ઘડ્યો. કુરેશી ઊંડા

વિચારોમાં ડૂબેલો હતો અને ત્યાં જ એના દરવાજે ટકોરા થયા અને રફીક

અંદર આવ્યો.ક્ષણભર તો કુરેશી ચોંક્યો કારણકે રફીક અચાનક જ

આવી પહોંચ્યો હતો.!
રફીકે કહ્યું” અગત્યની વાતચીત કરવા માટે આવ્યો છું.”
કુરેશીએ પૂછ્યું ” કઈ બાબત વિષે?”
રફીકેપણ ચાલાકી થી જવાબ આપ્યો. ” અજાણ હોવાનો ડોળ ન કરીશ.

તારું અને ખતીજાનું ધોળે દિવસે અહીંથી અપહરણ થયું,એ એક શરમજનક વાત છે.”
રફીકે કુરેશીને વધુ બોલવાનો મોકો ન આપતા કહ્યું ” ખતીજાની પ્રવૃત્તિઓનો

મને બહુ ખ્યાલ નથી પણ મામલો ગૂંચવણભર્યો લાગે
છે. આતંકવાદીઓ સાથે આડકતરા સઁબઁધ હોવાનો સંભવ છે.”
રફીકે વાતમાં હોંકારો ભણ્યો અને કુરેશીએ આગળ ચલાવ્યું ” વાહીદ

અને વઝીર નામના બે શખ્સો ખતીજાના સમાગમમાં હતા.એમણે કોઈક

જોખમી કામ હાથમાં લીધું હતું જે સફળ ના થયું.”
રફીક મૌન રહ્યો. કુરેશીએ કહ્યું ” ખતીજાએ મદદ માંગી અને મેં ઉગરવાનો

સલામત ઉપાય બતાવ્યો; છતાંય પગેરાં ઢંકાયાં નથી.”
રફીક બોલ્યો” મને બાંગ્લાદેશની સલામતીમાં રસછે.”
કુરેશી બોલ્યો ” મને પણ એમાં જ રસ છે. પણ ખતીજાના કરતૂતોની

ગંદકીના છાંટા મને, તમને, બધાને ઉડશે”
રફીકે કહ્યું કે ઝડપથી સફાઈ કરવી પડશે.

રફીકનાં સંમતિસૂચક વલણથી કુરેશીએ મનમાં હળવાશ અનુભવી.

રફીકે ખતીજની અવરજવરમાં પ્રભુકૃપાનો ઉલ્લેખ કર્યો.
ખતીજાની ધરપકડ કરનારા ની કોઈ માહિતી નહોતી પણ બાંગ્લાદેશના

કમ્પાઉન્ડમાંથી બન્નેનું અપહરણ કરનારા ગવર્મેન્ટ ઓફ ઇન્ડિયાના

અણુકેન્દ્રના માણસો હતા. રફીકે કુરેશીને હવે સીધો જ પ્રશ્ન કર્યો:”એ

લોકોને તમારી સાથે શું લાગે વળગે?” :” કુરેશીએ કહ્યું” મને કઈં જ ખબર નથી. મેં
પહેલા કહ્યું તેમ વાતને દાટી દેવામાં સહાય કરી હતી.”
જો કે રફીક એ વાત માનવ તૈયાર નહોતો.કુરેશીની પ્રવૃત્તિઓ અને

અવરજવરની બધી વિગતો એણે મેળવી હતી. કુરેશી સઁડોવાયેલો હતોએની

ખાત્રી થઇ ગઈ હતી. એણે ગંભીર ચેતવણી આપી. “શું છે અને શું નથી ,

એ મને ખબર છે.કોના કહેવાથી આ બધું થયું છે એનો પણ અંદાજ છે.”
કુરેશીએ કહ્યું” હું સમજ્યો નહીં.”
રફીકે એ જ ગંભીરતાથી કહ્યું :” મારી સમક્ષ નિર્દોષતાનો ડોળ કરવાની જરૂર

નથી.આપણા કમ્પાઉન્ડમાં છુપાયેલી અણુકેન્દ્રની કાર વિષે હું જાણું છું.”
હવે કુરેશીના ચહેરાનું હવામાન બદલાવા લાગ્યું.એના ચહેરા પર ચિંતા

અને ડર ડોકાયા, અસ્વસ્થતા પથરાઈ. રફીકની ચાલાક નજરે એ પારખી લીધું.

એણે આગળ ચલાવ્યું. ” અણુકેન્દ્રની કારનો તાત્કાલિક નિકાલ થવો જોઈએ. અને તને
અફઘાનિસ્તાન બ્રાન્ચમાં મોકલી આપવાની કોન્સલ જનરલે વ્યવસ્થા કરી દીધી છે.”
કુરેશી માટે બીજો કોઈ રસ્તો ન રહ્યો. એના રંગુન ભેગા થવાના મનોરથો કથળ્યા.

સ્વાભાવિક જ એને ગમ્યું નહીં. મ્યાનમારમાં ચીની જાસૂસી ખાતાની છત્રછાયામાં

એ સલામત તો. જિન તાઓ મિન્હ સાથે વાત કરવાનું કુરેશીએ નક્કી કર્યું

કારણ કે એને વિશ્વાસ હતો કે જરૂર કોઈ રસ્તો નીકળી આવશે.
પરીક્ષિતે ત્રિશૂળના કર્મચારીઓની મિટિંગ બોલાવી હતી. ઘણા અગત્યના

મુદ્દાઓ પર ચર્ચાવિચારણા કરવી અનિવાર્ય હતી. સૌ પ્રથમ મ્યાનમારમાં

ખાસ કરીને રંગુનની આસપાસના વિસ્તારમાં શું હિલચાલ થઇ રહી છે

તે જાણવું જરૂરી હતું. એના માટે ઇન્ડિયા ના જાસૂસી સેટેલાઇટ ગરુડની

ભ્રમણ કક્ષા માં ફેરફાર કરીને મ્યાનમારની પરિક્રમા કરવાનો પ્રબન્ધ થયો.

દર અઢી કલાકે મ્યાનમાર ઉપર ગરુડની જાસૂસી નજર ફરતી રહેશે ગરુડના

વિવિધ કેમેરામાં ઝડપાયેલા દ્રશ્યોને પ્રોસેસ કરીને , ત્રિશૂળના હેડ

ક્વાર્ટર્સમાં એક સ્ક્રીન ઉપર પ્રદર્શિત થતા રહે , એવી ગોઠવણ થઈ.
ત્યારબાદ અનસારી વિષે ભેગી કરાયલી માહિતીની છણાવટ થઇ.

હાલના તબક્કે અનસારીને અજ્ઞાત રહેવા દેવાનું નક્કી થયું. અનસારી

એના ખાનગી વિમાનમાં રંગુન જઈ રહ્યો હતો. વિમાન અફઘાનિસ્તાનની

દક્ષિણે અરબી સમુદ્ર અને હિન્દિ મહાસાગર પર ઉડીને , બઁગાળના

અખાતમાં થઈને રંગુન પહોંચવાનું હતું. આવી સીદીભાઈના ડાબા

કાન જેવી મુસાફરી નાછૂટકે કરવાની હતી કારણ કે ઇન્ડિયાની એર સ્પેસ

ઉપરથી ઉડવાની પરવાનગી માંગી શકાય તેમ નહોતું. વળી અનસારી

નું “ગલ્ફ સ્ટ્રીમ” જેટ પ્લેઇન દશ કલાક સુધી અટક્યા વગર કલાકના છસ્સો

માઈલ ની ઝડપે ઉડી શકતું હતું. ત્રિશૂલને આ માહિતી આસાનીથી મળી

ગઈ કારણકે અનસારી ના વિમાન નો પાયલોટ આઈ.આઈ.એ. સાથે

સંકળાયેલો હતો.

ભીંતર ના વ્હેણ

                                                         પ્રકરણ: ૫૨

જોસેફ અને વિનાયકને રંગુન મોકલવાનું નક્કી થયું. ત્રિશૂળના હેડ 

ક્વાર્ટર્સમાં પરીક્ષિત ની હાજરી જરૂરી હતી. વળી કટોકટીમાં પરીક્ષિતની 

હાલત કફોડી થઇ શકે. એક બાપના દ્ર્ષ્ટિબિંદુમાં અને ત્રિશૂળના દ્ર્ષ્ટિબિંદુમાં 

અસંગતતા ઉદભવી શકે કે વિસંવાદ જાગે તો નિર્ણાયક કોણ? સર્વોપરી કોણ? 

એક બાપ કે ત્રિશૂળ નો અધ્યક્ષ? એક બાપ સંતાન અને સંસ્થા ને એક 

ત્રાજવે તોલી શકે? તેવી જ રીતે એક સંસ્થાના અધ્યક્ષનું વલણ પણ 

પક્ષપાતી બની રહે. સર્વાનુમતે આ પ્રસ્તાવને મંજુર કરવામાં આવ્યો. જોસેફ 

અને વિનાયક પૂર્વતૈયારીઓમાં ગુંથાયા. કોઈ પણ પરિસ્થિતિને પહોંચી વળવામાં 

ઉણપ ન રહે તેવું આયોજન કરવું જરૂરી હતું. પરીક્ષિતની સાહજિક નિરાશા 

ઉપર અંતે સંમતિનું સામ્રાજ્ય વ્યાપી રહ્યું. ત્રિશૂળની પ્રવૃત્તિઓના સંકલનની, 

આયોજનની અને પ્રગતિની જવાબદારી એની જ હતી. ત્રિશૂળ હેડક્વાર્ટર્સમાં 

એની હાજરીની  અનિવાર્યતા પ્રતિત થતા વાર  ન લાગી.

                              વિનાયક અને જોસેફ માટે ડિપ્લોમેટિક પાસપોર્ટની 

વ્યવસ્થા થઇ ગઈ. તેઓ રંગુન ખાતેની ઇન્ડિયન એમ્બેસીના સિક્યુરિટી 

ડિપાર્ટમેન્ટમાં કામગીરી બજાવવા જઈ રહ્યા હતા. ત્યાંની સુરક્ષાને વધુ 

મજબૂત બનાવવાના ઉદ્દેશ થી. મુંબઈથી કલકત્તા થઈને રંગુન પહોંચવાનું હતું. 

વિનાયક અને જોસેફના ડિપ્લોમેટિક દરજ્જાના દસ્તાવેજો મ્યાનમાર 

સરકારના વિદેશી મઁત્રી ને મોકલવાની જવાબદારી રંગુન ખાતેના 

ઇન્ડિયન એમ્બેસડરે સંભાળવાની હતી.

                        અનસારી રંગુન પહોંચે ત્યારે એની હિલચાલ ઉપર દેખરેખ 

રાખવાનું કામ ત્રિશૂળ ના એજન્ટ આર ને સોંપાયું. ગરુડની મ્યાનમાર પર 

ફરતી તિક્ષ્ણ નજરની પહેલી પરિક્રમા પરિપૂર્ણ થઇ હતી. વારાંગનાએ 

ત્રિશૂળ ને આંખો દેખ્યો અહેવાલ અર્પણ કર્યો. ત્રિશૂળ ના નિષ્ણાતોએ  

એ અસંખ્ય તસ્વીરોનું બારીકાઈથી નિરીક્ષણ કર્યું.જેમાં રંગુનથી પચાસેક 

માઈલ દૂર ઉત્તરે જંગલમાં એક છુપી ઇમારત ધ્યાનમાં આવી.ઇમારત ઊંચી 

નહોતી પણ વિસ્તૃત હતી.ઇમારતથી થોડેક દૂર એક કાચી માટીની લેન્ડિંગ 

સ્ટ્રીપ નજરે આવી. ત્યાંથી સહેજ દૂર એક હેન્ગર પણ સ્પષ્ટ દેખાતું હતું. 

પરીક્ષિતને રિપોર્ટ મળ્યો. વિનાયક અને જોસેફને માટે હાર્ડ કોપી પ્રિન્ટ થઇ. 

ત્યારબાદ પરીક્ષિતે વિનાયક અને જોસેફને પ્રિન્ટ સુપરત કરી અને રંગુન 

પહોંચીને સહુ પ્રથમ એ જગ્યાની તપાસ કરવાની સૂચના આપી.

                             હોમ મિનિસ્ટર કુશલ અગ્રસેનના પર્સનલ અસિસ્ટન્ટની 

કામક્ષુધા પ્રજ્વળી એટલે એણે કન્યાકુમારીને ફોન જોડ્યો.અને હોટેલ 

જનપથની લોબી માં મળવાનો પ્રસ્તાવ મુક્યો.કન્યાકુમારી સંમત થઇ.

કન્યાકુમારી ના ટેલિફોન પર થતા સંવાદો ત્રિશૂળના કાને પડે એવી 

વ્યવસ્થા કરાયેલી હતી. કન્યાકુમારીએ બહાર જવાની પરવાનગી માંગી 

અને જે મંજુર થઇ. હોટેલ જનપથ સાથે ગોઠવણ થઇ. ત્રિશૂળનો માણસ તે 

દિવસે હોટેલનું કાઉન્ટર સંભાળશે અને કન્યાકુમારી માંગે તો ખાસ 

અલાયદો – વિવિધ ઇલેક્ટ્રોનિક સર્વેલન્સથી  સુસજ્જ – રૂમ આપવાની 

વ્યવસ્થા કરવામાં આવી.

                         બેન્જી બાર્ટલ્સટીનની  મ્યાનમારની પ્રવૃત્તિઓ મોસાદના 

અધ્યક્ષની જાણમાં અનાયાસે આવી ગઈ. આમ તો એમનું બજેટ નિરંકુશ હતું, 

છતાંય દુર્વ્યય અમાન્ય હતો.આગળ મહિનાના જમા ઉધારના નિરીક્ષણમાં 

એક હવાલો નજરે ચઢ્યો.રંગુનની એક બેન્કના ખાતામાં પૈસા ટ્રાન્સફર 

થયા હતા. ઇન્ટેલિજન્સ એજન્સીઓ માટે આવી બિનસત્તાવાર હેરાફેરી 

અજુગતી નથી. પૈસાની ધોલાઈ એટલે કે મની લોન્ડરિંગ માત્ર અંડરવર્લ્ડ, ડ્રગ 

કાર્ટેલ અથવા શ્રીમંતો જ કરી શકે એવું કોણે કહ્યું? તેમ છતાં ઇઝરાયલી 

ચીફના મનનું સમાધાન ન થયું. એમણે તપાસ આદરી. જુના હિસાબ 

કિતાબ તપસ્યા ત્યારે ખબર પડી કે આ હેરાફેરી નવી નહોતી. રંગુનની 

બેન્કમાંથી વિગતો મેળવી. ખાતું રંગુનના સરનામે કોઈ ઇઝરાયલી ટ્રેડ 

ગ્રુપના નામે હતું. ઇઝરાયલના બિનસત્તાવાર જૂથોની તપાસમાં આવા 

કોઈ ગ્રુપનું ઉલ્લેખ નહોતો! મોસાદની આંખોંમાં ધૂળ!!! આઅશક્ય, 

અસંભવ છતાંય હકીકતનો અનાદર ન થઇ શક્યો. કન્યાકુમારીની મારફત 

જિન તાઓ મિન્હને સંદેશો મોકલવાનું નક્કી કર્યું. જિન તાઓ રંગુન પહોંચીને 

આ ગ્રુપની તપાસ કરે, એક બિઝનેસમાં ની હેસિયત થી, વાણિજ્યના વિકાસાર્થે, 

અને જે બાતમી મળે એના આધારે આગળ ઉપર શું પગલાં લેવા તે નક્કી કર્યું.  

મોસાદના ફોન કોલ્સ ટ્રેઇસ કરવા સહેલા નથી હોતા. એટલે કન્યાકુમારીના 

કોઈ પુરુષમિત્રનો કોલ ત્રિશૂળ ના કાને પડ્યો ત્યારે કાન સરવા ન થયા. 

કન્યાકુમારીએ પુરુષમિત્રને આડકતરી  રીતે ચેતવ્યો. વાતનો વિષય બદલાયો.  

આવતીકાલના સમાચારપત્ર દિલ્હી ટાઈમ્સ નો ઉલ્લેખ થયોઅને ફોન 

કપાઈ ગયો.  આ સંવાદ ઉપર વિચારણા જરૂરી નહોતી. આવતીકાલનું 

દિલ્હી ટાઈમ્સ પહેલા ત્રિશૂળના હાથમાં આવશે અને ત્યારબાદ કન્યાકુમારીને મળશે.

           એક્સપ્રેસ ઇન્ટરનેશનલ ની ઓફિસમાં વિદેશથી એક ડિલિવરી 

પેકેટ આવ્યું.જે જી..પી.ઓ ના પોસ્ટ બોક્સના સરનામે ડિલિવર થયું. 

જી..પી.ઓ. ના પોસ્ટ બોક્સની સર્વેલન્સ વ્યવસ્થામાં ત્રિશૂળે ફેરફાર કર્યો  

હતો. પોસ્ટ ઓફિસના સહકારથી નક્કી થયું હતું કે આ પોસ્ટ ઓફિસના 

બોક્સના સરનામે આવતી ટપાલની ખબર ત્રિશૂળ ને આપવામાં આવે, 

ત્રિશૂલને ટપાલની વિગતો મળે પછી જ ટપાલ મેઈલ બોક્સમાં મુકવામાં 

આવે અને થયું પણ તેમ જ. એક ચાઇનીઝ માણસ આવ્યો , મેઈલ 

બોક્સમાંથી ટપાલ કાઢી, કવર ખોલ્યું અને એમાંથી એક પરબીડિયું 

કાઢ્યું . 

સાથે આણેલી બ્રીફકેસમાંથી એક પ્રિ-પેઇડ ઓવરનાઈટ ડિલિવરી 

કવરમાં મૂક્યું અને ટપાલમાં રવાના કર્યું.

ત્રિશૂળના માણસે ચાઈનીઝ શખ્સનો ફોટો સેલફોનમાં લઇ લીધો 

હતો એટલે એનો પીછો કરવો અનાવશ્યક હતો. એણે પોસ્ટ ઓફિસમાં 

જઈને તપાસ કરી. પ્રિ-પેઈડ કવર દિલ્હી ટાઈમ્સ ના સરનામે હતું . ત્રિશૂળના 

દિલ્હી ના એજન્ટને દિલ્હી ટાઈમ્સ ની મુલાકાતે જવાની સૂચના મળી. 

સૂચનાનો અમલ થયો. દિલ્હી ટાઇમ્સનો ટપાલ વિભાગ ત્રિશૂળની ચાંપતી 

નજર હેઠળ હતો.પ્રિપેઈડ પેકેટમાંથી નીકળેલું પરબીડિયું  હોમ ડિલિવરી 

મેનેજરના  ટેબલ પર પહોંચ્યું. મેનેજરે એક છાપાની પ્રતમાં પરબીડિયું 

સંતાડયુઅને છાપાના ઉપરના ભાગમાં જમણીબાજુએ શીર્ષક હેઠળ 

એક ટ્પકુ કર્યું. સવારે કન્યાકુમારીના બારણે ડિલિવર થયેલું છાપું 

ત્રિશૂળે આંતર્યું. સિફત થી પરબીડિયું ખોલીને કાગળ કાઢ્યો, એની 

ફોટોકોપી કરી અને કાગળને પાછો પરબીડિયામાં મૂકી દીધો. ફોટો કોપી  

ત્રિશૂળ હેડક્વાર્ટર્સ પહોંચી, રંગૂનનું સરનામું જોસેફ અને વિનાયકને 

પહોંચાડવાનો પ્રબંધ થયો.

ભીંતરના વ્હેણ પ્રકરણ ૪૯ અને ૫૦

લેખકઃ સુરેંદ્ર ગાંધી

ભીંતર ના વ્હેણ
પ્રકરણ: ૪૯
મ્યાનમારમાં કેદ થયેલો ત્રિશૂળનો , માણસ એક પ્રકારની નિષ્ક્રિયતા

અનુભવી રહ્યો હતો. હાલના સંજોગોમાં કેદખાનામાંથી છટકવા

માટે મનોમન યોજનાઓ ઘડતો હતો. ત્રિશૂળની તાલીમેશીખવ્યું
હતું કે માનસિક જાગૃતિ અને શારીરિક શિસ્તબદ્ધતા કોઈ પણ

સંજોગોનો સામનો કરવામાં મદદ રૂપ થઇ શકે છે. કેટલાક તર્ક વિતર્ક

લડાવ્યા પછી નક્કી કર્યું કે અહીં થી છટકવા કરતા અહીં શું ચાલી રહ્યું છે
, એ જાણવું જરૂરી છે. પેલી બે યુવતીઓ વારંવાર એના માનસપટ

ઉપર રિપ્લે થતી રહી. કોણ હતી એ યુવતીઓ? એ સવાલ સળવળતો

જ રહ્યો પણ એનો જવાબ શોધવામાં હાલ શાણપણ નથી એમ
એને લાગ્યું. વિચાર્યું કે આગે આગે દેખા જાયેગા. કાચી કેદ જેવા

પોતાના આવાસનું નિરીક્ષણ કર્યું, કદાચ કોઈ વિશિષ્ટતા કે ક્ષતિ

નજરે ચડી જાય. બારણાને અડોઅડ એક બારી હતી. એક ખૂણામાં
પાણીનો નળ હતો. રૂમમાં એક ખાટલો હતો જેના ઉપર હાડપિંજર

જેવી એક પથારી હતી.
બાથરૂમની વ્યવસ્થા એક ખૂણાની નાનકડી ઓરડીમાં હતી.આ

વ્યવસ્થાનો ફાયદો ઉઠાવવાનું એણે નક્કી કર્યું. સંધ્યાકાળ નછીનો

સમય યોગ્ય લાગ્યો. બાકીનો દિવસ શારીરિક વ્યાયામમાંગાળ્યો.
અંધકારના એંધાણ વર્તાયાં એટલે એણે બાથરૂમ તરફ પગલાં ભર્યા.

સામે ચાલીને ચોકીદારની પરવાનગી પણ માંગી. પણ જવાબની

રાહ ન જોઈ.બાથરૂમનો દરવાજો ખોલીને અંદર જવાનો અભિનય

કર્યો. વાસ્તવમાં બાથરૂમની બહાર રહીને દરવાજો વાસ્યો અને

એક તરફ સંતાઈને ઉભો રહ્યો.ચોકીદાર અસાવધ નહોતોઅને એની

નજર અવારનવાર બાથરૂમના દરવાજા પર પડતી રહી.વ્યાજબી

સમયબાદ ચોકીદારને અધીરાઈ થઇ આવી અને એણે બાથરૂમનો દરવાજો
ખટખટાવ્યો. અંદરથી જવાબ ન મળ્યો અને અચાનક એના માથા

પર એક જોરદાર પ્રહાર થયો. ચોકીદારના હોશ ઉડી ગયા. ત્રિશૂળના

માણસે ઝડપથી પોતાના અને ચોકીદારના વસ્ત્રો ની અદલાબદલી કરી.

પોતે ચોકીદારનો વેશ પહેર્યો અને ચોકીદારને પોતાના કપડાં પહેરાવી
દીધા.ચોકીદારના મોઢામાં કપડાનો ડૂચો ખોસીને એના જ બૂટની

દોરીથી એના હાથ પીઠ પાછળ બાંધ્યા. બીજી દોરી ડુચાને સલામત

રાખવા માટે વાપરી.ચોકીદારની રિવોલ્વર લઇ લીધી ને એને બાથરૂમ

માં ઢસડ્યો અને બહારથી દરવાજો બંધ કરી દીધો. ચકોર દ્રષ્ટિથી

અંધકારને ફંફોસીને ચુપકીદીથી પોતાની રૂમ પર પાછો ફર્યો.
ચાદરની અંદર ઓશીકું ગોઠવીને એવી રીતે ઢાંક્યું કે જાણે કોઈ

સૂતું હોય એમ લાગે.બહાર નીકળીને રૂમનો દરવાજો બંધ કર્યો.

સહુ પ્રથમ બે યુવતીઓને જે તરફ જતા જોઈ હતી તે તરફ વળ્યો.
ઘટાદાર વૃક્ષોની ઓથે છુપાઈને આગળ વધ્યો. થોડુંક ચાલ્યો અને

એક તરફ કોટડીઓની હરોળ દેખાઈ, બારીઓમાંથી આછોપાતળો

પ્રકાશ દેખાતો હતો. તાકીદની પરિસ્થિતિને પહોંચી વળવા
માટે ચોકીદાર પાસેથી છીનવેલી રિવોલ્વરની પકડ મજબૂત કરી.

એક બારીમાં ડોકિયું કર્યું તો બે મૂછાળા વાતો કરતા જણાયા. એક

મૂછાળો બોલ્યો “રેહાનાનું ભવિષ્ય એના બાપના હાથમાં છે
પણ બીજીનું ભવિષ્ય આપણે ઘડવું પડશે.” બીજાએ કહ્યું ” યુવતી

સુંદરને સુડોળ છે. જો સીધી રીતે તૈયાર નથાય તો બળાત્કાર કરવો પડશે.

એ પછી જિન-તાઓ ની મદદથી હોંગકોંગના વેશ્યાવાડામાં કે ઇઝરાયેલની

મદદથી કોઈ અમીર આરબ ના રણવાસમાં વેચીશું તો પૈસાય સારા
ઉપજશે.” થોડીકવાર મૌન છવાયું. પછી એક શખ્સ બોલ્યો ” અમીર

આરબને માલ શુદ્ધ હોવાની ખાત્રી આપીશું તો સારો ભાવ મળે ખરો!

” બીજાએ સુર પૂર્યો, “ચીનાઓ પણ ખાત્રી ના માલના સારા પૈસા

ચૂકવે છે!” બેઉં જણા એક સાથે બોલ્યા ” આવી બાબતમાં અકબંધ

સીલ વગરનો માલ પણ શુદ્ધ હોય છે.”
ત્રિશૂળના માણસના હાથની પકડ સખ્ત થઇ. ભવાં તંગ થયા પણ

કોઈ અવિચારી પગલું ભરવામાં નુકશાન હોવાનું ભારોભાર લાગ્યું.

હળવેકથી સરકીને બીજી બારીમાં ડોકિયું કર્યું. બે ચિંતાગ્રસ્ત યુવતીઓના

ચહેરાએ દેખા દીધી. શુભાંગી કહેતી હતી “રેહાના, આપણે
હિંમત હારવી નથી. પરિસ્થિતિનો મક્ક્મતાથી સામનો કરવાનો છે.

આપણું અહિત કરનારાઓને દ્રઢતાથી પડકારવા પડશે.” રેહાનાએ

જવાબ આપ્યો “શુભાંગી મારે લીધે તારે માથે પણ અગણિત
મુસીબતો આવી છે. લાગે છે કે મારા ફાથરના આ કહેવાતા મિત્રોની

દાનત બુરી છે. પણ એક વાત ધ્યાનમાં રાખજે કે મારી હયાતી

દરમ્યાન તારો વાળ પણ વાંકો નહીં થવા દઉં.” કોઈક હિલચાલનો

અણસાર આવતા શુભાંગીએ બારી તરફ નજર કરી. લાગ્યું કે
કોઈ જાનવર હશે પણ છતાંય ખાત્રી કરવા બારી પાસે ગઈ.

શુભાંગીને બારી પાસે જોઈને ત્રિશૂળનો માણસ બારી સામે આવ્યો

અને ચૂપ રહેવાનો ઈશારો કર્યો. શુભાંગી વધારે મુંઝવાય તે પહેલા
બોલ્યો, “મારી ઓળખ આપી શકું તેમ નથી પણ એટલું ચોક્કસ

કહીશ કે હું ગવર્મેન્ટ ઓફ ઇન્ડિયાનો એક ઉચ્ચ ઓફિસર છું. તમારી

જેમ જ મને પણ અહીં બળજબરીથી લાવવામાં આવ્યો છે. આપણે

છટકવા માટે એકબીજાને મદદકરીએ.”
શુભાંગીને આ માણસ પરિચિત લાગ્યો, ક્યાંક જોયો હોય તેમ

લાગ્યું. એનો અવાજ પણ કઈંક જાણીતો લાગ્યો. અવિશ્વાસને મનમાંજ

દબાવ્યો અને બોલી “તમારી વાત સાચી છે. અમને અહીં બળજબરીથી

લાવવામાં આવ્યા છે.” ત્રિશૂળના માણસે જવાબ આપ્યો, “
બે શખ્સો વચ્ચે તમારા ભવિષ્ય વિશે ચાલતી વાતો સાંભળી છે પણ

ગભરાશો નહીં કારણકે આપણે રસ્તો કાઢીશું.” રેહાનાએ પૂછ્યું,

” શું થયું શુભાંગી? કોની સાથે વાતો કરે છે?” શુભાંગીએ ચૂપ
રહેવાનો ઈશારો કર્યો અને બારી પાસે બોલાવી. રેહાના ત્રિશૂળના

માણસને જોઈને હેબતાઈ ગઈ.

શુભાંગીએ ટૂંકમાં એનો પરિચય આપ્યો.રેહાનાની અકળામણ

વધી. મારા બાપના કહેવાતા બે હિતેચ્છુઓ ઓછા હતા તે આ નવો

હિતેચ્છુ આવી પડ્યો! રેહાનાની શંકાશીલ માન્યતા એના
ચહેરા ઉપર સ્પષ્ટ વર્તાઈ આવી. શુભાંગીએ હળવેકથી એને

સમજાવવાનો પ્રયત્ન કરતા કહ્યું “બધાને એક ત્રાજવેથી ન તોલાય.

તેલ જોવું જોઈએ અને તેલની ધાર જોવી જોઈએ. કેવી રીતે માની
લેવાય કે આ માણસ પણ દગાબાજ જ હશે!” પેલા માણસે કહ્યું

“આ ચર્ચા વિચારણાનો સમય નથી. એક વાર અહીંથી છૂટ્યા પછી

હું તમને સહીસલામત તમારા ઠેકાણે પહોંચાડીશ.” શુભાંગી
અને રેહાના પલભર એકબીજાને જોતા રહ્યા અને છેવટે સંમત થયા.

ત્રિશૂળના માણસે જણાવ્યું ” હું તમારા રૂમમાં આવું પછી આપણે

ભેગા મળીને એક અસરકારક યોજના ઘડી કાઢીએ. કિંમતી
સમય ન બગડે તે જોવું જરૂરી છે.”

ત્રિપુટીએ ભેગા થઈને યોજના ઘડી કાઢી. રેહાના બે શખ્સો
પૈકીના એકને પટાવીને રૂમમાં લઇ આવે. બારણાની ઓથે છુપાયેલો

ત્રિશૂળનો માણસ એ શખ્સના માથે જોરદાર પ્રહાર કરશે. એને બેભાન

થતો જોઈને બેઉં યુવતીઓ ચીસાચીસ કરશે એટલે બીજો
શખ્સ પણ પરિસ્થિતિનો તાગ મેળવવા ત્યાં આવશે. પછી

એને પણ બેભાન બનાવી દેવાશે. બેભાન શખ્સોના કપડાં યુવતીઓ

પહેરી લેશે અને પછી એમને બાંધીને એમના મોઢામાં ડૂચા
ભરાવી દેવામાં આવશે. આ સઘળી કામગીરી દશ મિનિટમાં જ

પતાવવી પડે અને રૂમમાંથી બહાર નીકળવું પડે. ત્યારબાદ શક્ય

હોયતો પલાયન થવા માટે એક વાહનની સગવડ કરવી પડશે.
રેહાનાએ બીડું ઝડપ્યું અને શુભાંગી એક પલંગ પર ગાઢ નિંદ્રામાં

પોઢી ગઈ. ત્રિશૂળનો માણસ દરવાજા પાછળ સંતાઈ ગયો. રેહાનાએ

પેલા શખ્સોના બારણે હળવેકથી ટકોરા માર્યા.
અંદરથી પૂછવામાં આવ્યું “કોણ છે?” જવાબ મળ્યો “રેહાના

અનસારી એના બાપના મિત્રોનો આભાર માનવા ઈચ્છે છે.” દરવાજો

ખુલ્યો રેહાના અચકાતી હતી.દરવાજો ખોલનાર બોલ્યો ” અમે ફરજ

બજાવીને અનસારી ને આપેલું વચન પાળ્યું છે.” રેહાનાએ કહ્યું

” તમારી સહાય બદલ હું આભારી છું પણ મને મારી સાથીદારની

બીક લાગી છે. તે મારે લીધે મુશ્કેલીમાં આવી પડી છે, તેમ માને છે. મને

મારી સલામતી જોખમમાં લાગે છે.” પેલા માણસે કહ્યું “ચાલો હું

તમારી સાથીદારને સમજાવીશ.” રેહાનાએ ખુશ થવાનો દેખાવ

કર્યો; “ખરેખર તો તો ઘણું સરસ. તમને તકલીફ નહોતી એવી પણ

તમારી સજ્જનતાથી મને થોડીક રાહત મળશે.”

ભીંતર ના વ્હેણ
પ્રકરણ: ૫૦
રૂમમાં પ્રવેશીને પેલો માણસ શુભાંગીને ઢંઢોળવા વાંકો વળ્યો.. તરતજ

એના માથે પર રિવોલ્વરના હાથાનો જોરદાર પ્રહાર થયો.ખોપરીનું

હાડકું તૂટ્યું હોય એવો અવાજ આવ્યો અને એ માણસ ભોંયભેગો થયો.

રેહાનાની ચીસો સાંભળીને બીજો માણસ પણ એની રૂમમાંથી

હાંફળોફાંફળો ધસી આવ્યો. ત્રિશૂળના માણસે એના માથા પર

જોરદાર પ્રહાર કરીને એને પણ જમીનદોસ્ત કર્યો.યુવતીઓએ

ઝડપભેર એ શખ્સોના કપડાં પહેરી લીધા અને માત્ર અન્ડરવેરધારી

શખ્સોને ચાદરના ચિરાઓથી બાંધીને એમના મોઢા પર ડૂચા માર્યા,

શુભાંગીએ પહેરેલા પાટલુનના ખિસ્સામાં કઈંક અવાજ આવ્યો ,

જોયુંતો કારની ચાવી હતી. ત્રિપુટી ચુપચાપ અંધકારમાં સરકવા લાગી.

થોડેક દૂર પાર્ક કરેલી જીપ ત્રિશૂળના માણસે ઓળખી કાઢી ,

એ જીપમાં જ એને અહીં લાવવામાં આવ્યો હતો. જીપ સ્ટાર્ટ
થાય અને એના અવાજથી કોઈનું ધ્યાન દોરાય તે પરવડે તેમ ન’તું.

એટલે જીપનું ગિયર ન્યુટ્ર્લમાં શિફ્ટ કરીને ધક્કા મારીને થોડેક સુધી
દોરી ગયાને સલામત અંતરે પહોંચીને ત્રણે જણા જીપમાં પલાયન

થઇ ગયા.
એકાદ કલાકમાં તો સારું એવું અંતર કપાઈ ગયું.એક એસ.ટી.ડી.

ફોન બુથ પાસે જીપ અટકી.ત્રિશૂળના માણસે યુવતીઓને સાવધાન

રહેવાની તાકીદ કરી , બૂથમાં જઈને ત્રિશૂળની ઓફિસે કલેક્ટ કોલ

જોડ્યો. લાઈન મળી એટલે પોતાની ઓળખ આપતા ઓપરેટરે

સ્ક્રેમ્બલર ફોન થી પરીક્ષિતને ફોન કરીને લાઈન પર લીધો. પરીક્ષિતે

બધી વિગતો જાણીને એ માણસની કામગીરીને વખાણી અને એના

કુટુંબીજનોને એના ક્ષેમકુશળ પહોંચાડવાની ખાત્રી આપી.ત્રિશૂળના

રંગુન ખાતેના એજન્ટનો ફોન નમ્બર આપ્યો અને કોલ સમાપ્ત થયો.
પરીક્ષિત નિંદ્રાધીન ઉર્વશી તરફ ફર્યો અને હળવેકથી એનો હાથ

પંપાળ્યો , ઉર્વશી સળવળી અને પરીક્ષિતની સોડમાં સમાઈ
ગઈ. પરીક્ષિતના ચિંતિત મનનો ઉભરાયેલો ઉદ્વેગ શમી રહ્યો હતો.

શુભાંગીની ભાળ મળવાની આશાને અંકુર ફૂટ્યા. ઉર્વશીએ
અર્ધજાગૃત અવસ્થામાં પૂછ્યું ” કોનો ફોન હતો?” ઉર્વશી ભાગ્યે જ

એવો પ્રશ્ન કરતી. પરીક્ષિતના કામકાજમાં દખલ કરવાની એને
આદત નહોતી. શુભાંગીના વિચારમાં એના અશાંત મનની હાલત

ડોકાતી હતી . આંખતો અનાયાસે મળી ગઈ હતી. પરીક્ષિતે ઉર્વશીને
વધુ નજીક ખેંચીને કહ્યું ” શુભાંગી રંગુનમાં હોવાની શક્યતા છે.

” ઉર્વશી સફાળી બેઠી થઇ અને બોલી ઉઠી ” રંગુનમાં?” પરીક્ષિતે

માથું હકારમાં ધુણાવીને જવાબ આપ્યો , “વધુ વિગતો ઓફિસમાં

આવી રહી છે. મારે જવું પડશે.” પરીક્ષિતે વામનને ઉઠાડ્યો. ગઈ કાલથી
વામન અહીં જ રહેતો હતો.સદ્ભાગ્યે વામન અને પરીક્ષિત તૈયાર

થતા હતા તે દરમ્યાન વિશ્વનાથ પણ આવી પહોંચ્યો.ત્રિશૂળના
નિયમાનુસાર પરીક્ષિત એના બે અંગરક્ષકો સિવાય ક્યાંય ન જઈ શકે.
ત્રિશૂળનો રંગુન ખાતેનો ઓફિસર સુવાની તૈયારીમાં હતો

અને ત્યાં જ એનો ફોન રણક્યો. ત્રિશૂળ હેડક્વાર્ટર્સમાંથી ફોન હતો.
અને સવિસ્તર માહિતી આપવામાં આવ્યા બાદ ફોન કપાઈ ગયો.

સૂચના અનુસાર તૈયાર થઈને એ પેલા એસ.ટી.ડી. બુથ પર પહોંચી
ગયો. જીપના પેસેન્જર્સને મળ્યો.ઓળખવિધિ પત્યા બાદ યુવતીઓ

રંગુનના ઓફિસરની કારમાં ગોઠવાઈ અને જીપ એને અનુસરી.
વીસેક માઈલ દૂર જઈને બને વાહન એક બ્રિજ પર અટક્યા. જીપને

બ્રિજની નીચે વહેતી નદીમાં જળસમાધિ લેવડાવી અને ફરી કાર
ગતિમાન થઇ. ત્રિશૂળનો મ્યાનમાર ખાતેનો ઓફિસર રંગુનથી

થોડેક દૂર રંગુન અને બોગલની વચ્ચે ઈરાવદી નદીના કિનારે રહેતો હતો.
વિસ્તૃત વનરાજી અને લીલોતરીની ઓથે કોઈ પણ જાતની રોકટોક

વગર અવરજવર શક્ય હતી. ઇલેક્ટ્રોનિક સર્વેલન્સના લીધે એનું
રહેઠાણ સુરક્ષિત હતું. ઓફિસર આર R ના નામે સહું એને ઓળખતા.

ધોરી માર્ગ ને બદલે નાની, આડીઅવળી ગલીકૂંચીઓમાં થઈને
રસાલો મુકામે પહોંચ્યો. ખાવાપીવાની વ્યવસ્થા કરી તે દરમ્યાન

ત્રિશૂલને રિપોર્ટ મોકલ્યો. સાથે રેહાના અને શુભાંગીના ફોટા પણ

મોકલી આપ્યા. શુભાંગી અનરેહાનામાટેઓફિસર આરની પત્નીના

કપડાં કામ આવ્યા; એની પત્ની થોડાક સમય માટે ઇન્ડિયા ગઈ હતી.બન્ને
યુવતીઓની સુવાની વ્યવસ્થા પણ થઇ ગઈ. પરંતુ અનિશ્ચિત ભાવિની

ફિકરની તરફેણમાં નમેલું ત્રાજવું આંખો મીંચવાં દે તેમ નહોતું.
શુભાંગીએ મનઃચક્ષુનું રિપ્લેનું બટન દબાવ્યું. નાનો ભાઈ અનુરાગ

પ્રત્યક્ષ થયો પણ એ શું કરતો હશે , તે ન કલ્પી શકી.મમ્મી ચિંતાતુર

હશે પણ ભાંગી નહીં પડી હોય. ડેડી એમની રીતે શોધખોળમાં

રોકાયા હશે. શુભાંગીને એના ડેડી પર સંપૂર્ણ ભરોસો હતો. એના ડેડી

એને જમીન આસમાન એક કરીને પણ ઉગારી લેશે. એકાએક

કોલેજનો ચેરિટી પ્રોગ્રામ યાદ આવ્યો. ડેડી અચાનક પ્રોગ્રામ છોડીને

ચાલ્યા ગયા હતા તે યાદ આવ્યું.પ્રોગ્રામ બાદ હોલના પાછલા

દરવાજેથી ત્રિશૂળની કારમાં ઘરે પહોંચ્યા હતા તે યાદ આવ્યું. તરત

ઝબકારો થયો. તે દિવસે અને આજે પણ ડ્રાઈવર તો એ જ હતો!

શુભાંગીએ પડદો પડ્યો . સમજાયું કે આપ્તજનોની ગેરહાજરીમાં જ

એમનું ખરું મૂલ્યાંકન થાય છે. એમની ખોટ સાલે છે.
આમતો પરીક્ષિત-ઉર્વશીના કુટુંબમાં ગાઢ નિકટતા હતી. છતાં

વ્યક્તિ સ્વાતંત્ર્યનો અભાવ નહોતો. કોઈ પણ જાતની સીમાઓ

આંકવામાં આવી નહોતી આવી પણ લક્ષ્મણ રેખાનું અસ્તિત્વ

અકબંધ હતું. પોતાના કુટુંબ પ્રત્યે એક અહોભાવ શુભાંગીના
મનમાં પ્રગટ્યો. આવા સદ્ભાગ્ય બદલ એ મનોમન વઁદન કરી રહી.

શુભાંગીએ ત્રિશૂળના ડ્રાઈવરને આડકતરી રીતે પોતાની ઓળખ
આપી અને ચેરિટી પ્રોગ્રામનો ઉલ્લેખ કર્યો.ત્રિશૂળના ડ્રાઈવરને

તરત જ યાદ આવ્યું કે આ યુવતીને એણે સહીસલામત ઘરે પહોંચાડી
હતી.
એણે તરત આરના સ્ક્રેમ્બલર ફોનથી ત્રિશૂળનો ફોન જોડ્યો.

પરીક્ષિત હમણાં જ ત્રિશૂળ હેડક્વાર્ટર્સ પહોંચ્યો હતો. એણે
વાત કરી એટલે ખાત્રી થઇ ગઈ કે શુભાંગી ત્રિશૂળના સંરક્ષણ હેઠળ

સલામત છે. ઉર્વશીને ફોનથી ખબર આપી અને એ પણ નચિંત થઇ
ગઈ. પરીક્ષિતે કહ્યું ” મારે રંગુન જવું પડશે “. ઉર્વશીએ જવાબ આપ્યો :

” તારી સાથે જ છું એમ શી રીતે કહું? આપણે એકબીજામાં
એવા ઓતપ્રોત થઇ ગયા છીએ કે આપણી આપણી અલાયદી પહેચાન

પણ હવે રહી નથી”

ભીંતરના વ્હેણ – પ્રકરણ ૪૮

લેખકઃ સુરેંદ્ર ગાંધી

ભીંતર ના વ્હેણ

                                           પ્રકરણ: ૪૮

પંચશીલ, સહઅસ્તિત્વ, અહિંસા અને એવા તો કેટલાય આદર્શોના 

પૂજક અને પ્રચારક જેવા આપણે મોડું મોડું પણ શીખ્યા કે તટ્સ્થનીતિ 

અને દેશની સુરક્ષા એક સામર્થ્ય ઉપર નભે છે..ડંખ ન  મારવાની ઈચ્છા 

રાખનારે પણ ફૂંફાડો તો રાખવો જ રહ્યો! સ્વીત્ઝર્લેન્ડ ની એક 

તટસ્થ રાષ્ટ્ર તરીકે ગણના થાય છે છતાંય એ દેશ ના સંરક્ષણમાં 

કોઈ ક્ષતિ નથી, ઉણપ નથી કે કચાશ નથી. મજાલ છે કોઈ પણ 

દેશની કે સ્વીત્ઝર્લેન્ડ ઉપર હુમલો કરે! આપણે પણ કાશ્મીર  

પ્રશ્નનો સંતોષકારક ઉકેલ લાવવા માટે વાટાઘાટો કરી, યુનાઇટેડ 

નેશન્સ માં ધા નાખી પણ શું કાંદા કાઢ્યા? આંતરરાષ્ટ્રીય અદાલતમાં 

ન્યાયનું શોષણ થયુ. પરિણામે કાશ્મીરનો પ્રશ્ન હજી પ્રજ્વલિત છે. 

નિઝામ જેવા કંઈકને નમાવનાર  સરદાર પટેલ પાસે કાશ્મીરની શું 

વિસાત? આપણા નસીબે કાશ્મીર પ્રશ્નનો ઉકેલ લાવવામાં આપણે 

ધોખો ખાધો.

   તેવી જ રીતે ચીની આક્રમણનો જડબાતોડ જવાબ આપવાની 

આપણી અશક્તિનું કારણ શું હતું? ગેરરસ્તે દોરનારા આપણા 

નેતાઓ અને એમની પોકળ તટસ્થતાની વિદેશનીતિ અને આપણી 

પૂર્વતૈયારીઓની કમી. અહિંસા, શાંતિ અને સહચરો ઝંખનાર દેશ 

ઉપર આક્રમણ થાય ત્યારે સુરક્ષા માટે શત્રુનો ફરજીયાત સામનો 

કરવામાં કે શત્રુની હિંસા કરવામાં કોઈ બાધ ન હોઈ શકે! ચાવવાના 

અને બતાવવાના જુદા દંતશૂળ રાખનાર દેશો સાથેના વ્યવહારમાં 

નીતિમત્તા અસ્થાને હોય છે; એ વાત સતત ધ્યાનમાં રાખવી જ પડે. 

લાતોના ભૂતને વાતોથી ન મનાવાય! સશક્ત ભારતની આજે 

પ્રગતિશીલ અને પ્રતિષ્ઠિત દેશોમાં માનપૂર્વક ગણના થાય છે. 

એટલા માટે કે “હમ ભી કિસીસે કમ નહીં”….છતાંય આપણા 

આંતરિક દુષણો જેવા કે લાંચરુશવત, કોમવાદ, દલિત સમસ્યા, 

જુના રીતરિવાજોની શૃંખલા નહીં તોડીએ તો દેશનું ભાવિ 

અંધકારમય બની રહેશે. એક સચોટ ઉપાય છે; જુના ખાઇબદેલા , 

તકસાધુ અને મતલબી નેતાઓને કાયમી નિવૃત્તિ આપવી. 

અબજોની વસ્તીમાં શું  મુઠ્ઠીભર નૂતન, નવજાત નેતૃત્વ નહીં મળે? 

જેથી વારસાગત ઠેકેદાર નેતૃત્વ ની પકડમાંથી મુક્તિ મળે?

                     અન્સારીના આવાસમાંથી નીકળેલા મુલાકાતીઓ ની 

કાર કાબુલ જતી હતી. અન્સારીને એમનો પ્રત્યક્ષ પીછો કરવાની 

જરૂર ન’તી. અફીણના અમૂલ્ય પાકનું રક્ષણ ઠેરઠેર ગોઠવાયેલા 

વિડીયો કેમેરા સાથે સંકળાયેલા ક્લોઝડ સરકીટ ટેલિવિઝનના 

આયોજન હેઠળ હતું. અન્સારીનું સંદેશ વ્યવહાર અને સંરક્ષણ 

કેન્દ્ર અતિ આધુનિક હતું. અન્સારીની સર્વેલન્સ ટીમના અહેવાલ 

મુજબ પેલા શખ્સો જલાલાબાદને રસ્તે વળ્યાં હતા. અન્સારીની 

જલાલાબાદ ખાતેની ઓફિસને કાર અને એના મુસાફરોનો પીછો 

કરવાની સૂચના મળી ગઈ. જલાલાબાદનો વાહન વ્યવહાર હજુ  

પછાત હોવાને કારણે કામ સરળ બન્યું. અન્સારીના માણસોને 

ખૈબરઘાટ થી આવી રહેલી કારને ઓળખવામાં મુશ્કેલી ન પડી. 

ખુબ જ સાવધાનીપૂર્વક કારનો પીછો થયો. કાર એક મસ્જિદના 

ખંડેર પાસે અટકી અને કારમાંથી બે શખ્સો ઉતરીને ખંડેરમાં પ્રવેશ્યા. 

પરસાળને છેવાડે આવેલી રૂમ માં દાખલ થયા. અન્સારીના માણસો 

ચુપકીદીથી અનુસર્યા. રૂમ સંદેશવ્યવહારની અદ્યતન ઇલેક્ટ્રોનિક 

સામગ્રીઓથી સુસજ્જ હતો. એક શખ્સે માઈક્રોફોન લઈને સ્વીચ 

દબાવી, ટ્રાન્સમીટરનું ડાયલ ફેરવ્યુઅને સાંકેતિક સંદેશો વહેતો 

મુક્યો.જવાબમાં કાબુલ એરપોર્ટ જવાની સૂચના મળી.એક શખ્સને 

ઢાકા જવાનો અને બીજાને રંગુન જવાનો આદેશ મળ્યો.ટિકિટ 

એરપોર્ટ પરના બાંગ્લાદેશ વિમાનના કાઉન્ટર પર થી પીક અપ 

કરવાની હતી.

                  રૂમનું બારણું બઁધકરીને બન્ને શખ્સો કાબુલને રસ્તે 

પડ્યા. અન્સારીને વિગતવાર અહેવાલ મળ્યો,.એણે કહ્યું “સંદેશ 

વ્યવહાર ના નિષ્ણાતને ખંડેરની તપાસ કરવા મોકલું છું. એની 

રાહ જુઓ અને દરમ્યાનમાં ખંડેરની  દેખરેખ વ્હાલું રાખો.” 

અન્સારીએ પોતાના કાબુલ ના જનાનખાનાને ફોન જોડ્યો. 

મેનેજરને કાબુલ એરપોર્ટ આવી રહેલા બે શખ્સોની વિગતો 

જણાવી. એક આકર્ષક સ્ત્રી ઢાકા જનાર શખ્સનો સંગાથ કરે અને 

બીજી રંગુન જનારની સંગાથે જાય. તેની તાબડતોબ વ્યવસ્થા 

કરવાનો હુકમ કર્યો.

            જલાલાબાદથી નીકળેલા બે શખ્સો કાબુલ પહોંચ્યા. 

બે બુરખાધારી સ્ત્રીઓ નજર આવી એટલે નવાઈ પામ્યા કારણકે 

કાબુલ એરપોર્ટમાં એકલવવાયી સ્ત્રીઓ ભાગ્યે જ જોવા મળતી. 

સ્ત્રીઓનો સામાન એમના ઊંચા ઘરાનાની સાક્ષી પૂરતો હતો. 

સ્ત્રીઓએ બાંગ્લાદેશ વિમાન ના કાઉન્ટર પર ચેક ઈન વિધિ પતાવી.

બેગ ચેક ઈન કરીને કેરી ઓન હાથમાં લઈને સ્ત્રીઓએ ઢાકાની 

મલમલ જેવી આછીપાતળી સિક્યુરિટી ક્લિયરન્સ પાર કરીને 

ડિપાર્ચર લાઉન્જની શોભામાં અભિવૃદ્ધિ કરી. પેલા બે શખ્સો 

પાસે પણ કેરી ઓન બેગ હતી. ચેક ઈન અને સિક્યુરિટી ક્લિયરન્સ 

પતાવીને તેઓ પેલી સ્ત્રીઓથી  થોડા અંતરે બેઠા. વાતચીત દરમ્યાન  

ગણ્યાગાંઠ્યા પેસેન્જરોની હાજરીમાં એમના સ્ત્રીઓ તરફ મીટ 

માંડવાના પ્રયત્નો નિષ્ફ્ળતાને વર્યા. પાણી પર ફેલાતી આગની 

જેમ બુરખાની જાળીમાંથી ડોકાઈ રહેલી નમણી નજરો સાથે 

આહલાદક અથડામણો થતી  રહી. વર્ષોથી  ખંડિત થયેલી 

અફઘાન ધરા પર શેખચલ્લીઓના કામણકીલ્લા ચણાયા!

        ફ્લાઇટ એનાઉન્સ થઇ. પેસેન્જર બોર્ડિંગ નિર્વિઘ્ને પત્યું. એક 

સ્ત્રીના ઓવરહેડ બિનમાં બેગ ચઢાવવાના અસફળ પ્રયત્ન જોઈને 

એક શખ્સ એની વ્હારે આવ્યો. ફ્લાઇટ ફૂલ નહોતી એટલે પેસેન્જરોએ 

મનપસઁદ સીટ લીધી.પેલા બે શખ્સોથી બે હરોળ પાછળ સ્ત્રીઓ 

ગોઠવાઈ. ફ્લાઇટ કાબુલથી ઢાકા અને રંગુન થઈને કૌલાલુમ્પુર 

જવાની હતી. ફ્લાઇટ ઢાકા પહોંચી એટલે એક શખ્સ ઉતર્યો અને 

એની પાછળ એક સ્ત્રી પણ ઉતરી ગઈ.અડધા કલાબાદ વિમાન 

રંગુન જવા ઉપડયુઅને સમયસર રંગુન પહોંચ્યું. બીજો શખ્સ અને 

સ્ત્રી ત્યાં ઉતરીને ઇમિગ્રેશનની લાઈનમાં સાથે થઇ ગયા.

                       ઇમિગ્રેશન પતાવીને અબળાએ બેગેજ ક્લેઇમની 

દિશામાં ડગ મંડ્યા. એકાએક એનો પગ લથડ્યો. એની દર્દનાક 

આહટ સાંભળીને પેલો શખ્સ મદદે આવ્યો અને એને ટેકો આપીને 

પડતા બચાવી.બેગ ક્લેઇમ કરવામાં મદદ કરી. આભારવશ નારીના 

શબ્દોની સુંવાળપ એને સ્પર્શી ગઈ અને એ ધન્ય બન્યો હોય તેમ 

લાગ્યું! બહાર નીકળતી વખતે વાતવાતમાં જાણી લીધું કે એ સ્ત્રી 

એની બીમાર માસીની સેવાચાકરી કરવા આવી હતી. માસીનું 

સરનામું જાણીને પેલા શખ્સની સ્ત્રીદાક્ષિણ્યની ભાવના સળવળી 

અને સ્ત્રીને કહ્યું ” મારે એ તરફ જ જવાનું છે. જો તમને વાંધો ન હોય 

તો તમને ઉતારતો જઈશ.” ઔપચારિક આનાકાની બાદ એ સ્ત્રી 

કબૂલ થઇ. રસ્તે થયેલ સ્વાભાવિક વાતો દરમ્યાન સ્ત્રીએ પેલા 

શખ્સનું નામ સરનમું મેળવી લીધું. અજાણ્યા મુલ્કમાં સદ્દભાવી 

સહાયક સાથે થયેલી ઓળખાણમાં ઓટ ન આવે તે ધ્યાનમાં 

રાખીને સ્ત્રીએ કહ્યું “તમારા અહેસાનનો બદલો ચૂકવવાનું સદ્ભાગ્ય 

મને આપો. ઠરીઠામ થાઉં પછી આપણે જરૂરથી મળીએ. મારી 

એકલતા પણ દૂર થશે.” પેલા શખ્સે એની અનાવશક્યતા ઉપર 

ભાર મુક્યો. પેલી સ્ત્રીએ લગણીસભર જવાબ આપ્યો; “એ તમારી 

સજ્જનતા છે. તમારી નિખાલસતાએ મારા મનમાં તમારા માટે 

અહોભાવ પ્રગટાવ્યો છે. મને નિરાશ ન કરો એ મને ગમશે.” પેલા 

શખ્સના હૈયામાં હર્ષની હેલી આવી અને એણે એટલું જ કહ્યું કે 

” તમે મને જરૂરતથી વધારે સન્માનિત કરીને ન શરમાવો.” પેલી 

સ્ત્રીનો મુકામ આવ્યો અને એ વિદાય થઇ. સામાન ઠેકાણે કરીને 

થોડોક આરામ કરીને એક પબ્લિક ફોન પરથી અન્સારીએ આપેલો 

નમ્બર જોડ્યો. સામી પાર્ટીએ ફોન ઉપાડ્યો સાંકેતિક વિધિ બાદ 

વિગતોની આપ- લે થઇ. પેલા શખ્સ સાથેના સંબન્ધો ગાઢ 

બનાવવાની સૂચના મળી. અન્સારીના રંગુન ખાતેના માંણસો પેલા 

શખ્સની હિલચાલ ઉપર દેખરેખ રાખશે એ પણ નક્કી થયું. 

ભીંતર ના વ્હેણ પ્રકરણ:૪૭

લેખકઃ શ્રી સુરેંદ્ર ગાંધી
ભીંતર ના વ્હેણ     પ્રકરણ:૪૭

વિનાયકે “એક્સપ્રેસ ઇન્ટરનેશનલ” 
ની યાદીમાંથી મળેલા સાત નામો પૈકી બે ચીની નામોના સરનામાં 
ટાંક્યા અને એમની અણધારી મુલાકાતે જવાનું વિચાર્યું.  સહુ પ્રથમ 
બેઉં સરનામે  ત્રિશૂળની સર્વેલન્સ ટીમના માણસો ગોઠવીને એમની 
હિલચાલ ઉપર નજર રાખવી. ત્યારબાદ અનુકૂળ સંજોગોમાં એમના 
રહેઠાણ ઉપર છાપો મારવો. જિન તાઓ મિન્હ વિષે વધુ જાણકારી 
મળવાની સંભાવના, વિનાયકને પ્રેરી રહી હતી. પરીક્ષિતને રૂબરૂમાં 
આ  વિષે ઉલ્લેખ કર્યો. વધુમાં એ પણ જણાવ્યું કે આ બિનસત્તાવાર 
તપાસમાંથી કઈં નીપજે તો સત્તાવાર કોર્ટની મંજૂરી મેળવીને વધુ 
ઊંડાણમાં ઉતરવું. વિનાયક જાણતો હતો પરીક્ષિત કાનૂનની 
પરિસીમાની આમન્યા જાળવતો , એટલે એના પ્રસ્તાવ સાથે કદાચ 
સંમત ન થાય . થયું પણ તેમ જ. ચોવીસ કલાકમાં સત્તાવાર કોર્ટ 
ઓર્ડર મેળવવાના ચક્રો ગતિમાન કર્યા. વિનાયકનેઓર્ડર મળ્યા 
પછી જ આગળ વધવાની તાકીદ કરી. વિનાયક ના મનમાં ચાલી 
રહેલી ગડમથલ ને ઉદ્દેશીને પરીક્ષિત બોલ્યો ” મારી જગ્યાએ 
કોઈ અન્ય વ્યક્તિ હોય તો એના માટે આ જ પગલું સુગમ છે.” 
વિનાયકને પરીક્ષિતના દ્ર્ષ્ટિબિંદુનો મહાવરો હતો જ, એટલે 
એણે નિઃસંકોચ સંમતિસૂચક પ્રત્યુત્તર  વાળ્યો.                       
 જોસેફ સુલેમાન સૈયદ વિષે આડકતરી રીતે તપાસ કરી રહ્યો હતો. 
ઇન્ડિયન બાર કાઉન્સિલ ની વેબ સાઈટ માંથી એણે માહિતી તારવી.
સુલેમાન સૈયદ નામચીન વકીલ નહોતો. અલીગઢ યુનિવર્સીટી નો 
સ્નાતક હતો.લખનૌ અને અલ્લાહાબાદમાં એની ઓફિસો હતી. 
સૈયદના અસીલોની યાદી નોંધનીય હતી. મોટાભાગના અસીલો 
પરદેશનાવસાહતીઓ હતા. સૈયદ એમની સ્થાવર માલમિલ્કતનો 
વહીવટી હતો. સૈયદની કાર્યવાહી વિષે તપાસવા માટે એણે કોર્ટ 
કચેરીઓના રેકર્ડ તપસ્યા. સૈયદની પ્રત્યેક કાર્યવાહી ઉપર 
ઝીણવટભરી નજર નાખી. ત્યારબાદ સૈયદ ની અવરજવર ની તપાસમાં 
અવારનવાર અફઘાનિસ્તાન, મ્યાનમાર, અને બાંગ્લાદેશની મુસાફરી 
નો ઉલ્લેખ હતો. છતાંય અટકળે આતંકવાદી હોવાનો સંશય ટાળવા
 માટે જોસેફે  ઇન્ટરપોલ વેબ સાઈટ નો આશ્રય લીધો.સૈયદના 
પાસપોર્ટ ફોટોની કોપી મોકલી આપી. ઇન્ટરપોલમાંથી વિલંબિત 
પ્રત્યુત્તર માં આવેલી અસાધારણ માહિતીમાં સૈયદના ત્રણ હમશકલ 
શખ્સોની વિગતો હતી. એક પેલેસ્ટિનનો રહેવાસી હતો . બીજો 
મલયેશિયા નો અને ત્રીજો બાંગ્લાદેશી. જોસેફને નવાઈ લાગી . 
ત્રિશૂળના એક અફસરને છાજતી પ્ર્ણાલીકામાં તંત નો અંત આણવો 
જ રહ્યો. સંભવિત શક્યતાઓના ખંડેરમાંથી ઉપસતી ઇમારતો નું 
દિશાસૂચન અગત્યનું હતું. જોસેફ પરીક્ષિતની ઓફિસમાં ડોકાયો. 
પરીક્ષિતના  ફોનકોલની પુર્ણાહુતી થવામાં જ હતી. એણે જોસેફને 
આંખના ઈશારે અંદર બોલાવ્યો. ફોનકોલ પત્યો. જોસેફે સુલેમાન 
સૈયદની વિગતોની ફાઈલ સુપ્રત કરી. પરીક્ષિતે ફાઈલ વાંચી 
ધ્યાનપૂર્વક, તત્ક્ષણ નિર્ણય લીધોસુલેમાન સૈયદ ઉપર દેખરેખ રાખવાનો. 
ત્રિશૂળની અલ્લાહાબાદ ખાતેની ઓફિસને ગોઠવણ કરવાનો આદેશ 
આપ્યો. જરૂર પડ્યે જોસેફને અલ્લાહાબાદ જવા માટે તૈયાર રહેવા 
જણાવ્યું.          
મ્યાન્મારમાંથી અનસારીને મળવા માટે બે શખ્સો આવ્યા. મુલાકાતનો 
વિષય હતો અફીણ ઉત્પાદનમાં વધારો. એમના હિસાબે ચીનમાં 
આબાદીના ફેલાવા સાથે મોજશોખમાં ઉછાળો આવ્યો હતો. 
ચીનાઓના હાથમાં અફીણ નું ઉત્પાદન સલામત નહોતું.વધી રહેલી 
માંગને પહોંચી વળવા માટે ચીનમાં અફીણનું ઉત્પાદન અનસારી 
માટે હાનિકારક હતું. આ શખ્સોની અનસારીના આશીર્વાદથી ચીનમાં  
પગપેસારો કરવાની ધારણા હતી. અનસારીના માણસોએ આ બેઉં 
શખ્સો વિષે મેળવેલી માહિતી પ્રમાણે એક નાના પાયાના દાણચોરો 
હતા. મુલાકાત દરમ્યાન અનસારીએ યોજનાને મંજૂરી આપવાની 
અનિચ્છા દર્શાવી.ચીની અફીણના સોદાગરો સાથે ચકમક માં શાણપણ 
નહોતું. અનસારી એમનો આભાર માનીને મુલાકાત બરખાસ્ત કરવામાં 
હતો ત્યાં એનો સેલફોન રણક્યો. ફોન કાને ધર્યો. સામાપક્ષે 
ઔપચારિકતાહીન સંદેશો પરખાવ્યો. ” તારી મુલાકાતે આવેલા 
શખ્સોની માંગણીનો અસ્વીકાર રેહાનાની જિંદગી માટે હાનિકારક છે.” 
અનસારી આ અણધારી ધમકીથી ગભરાય તેમ નહોતો. એણે 
વિચારવિનિમય માટે સમય માંગ્યો. સામ પક્ષે તત્ક્ષણ જવાબમાં હા 
કે ના ની માંગણી કરી. અને એ પણ જણાવ્યું કે મળવા આવેલા શખ્સની 
જવાબદારી અનસારીના શિરે હતી. એમનો વાળ પણ વાંકો થયો તો 
એની સજા રેહાના ભોગવશે.અનસારીએ રેહાના સાથે વાત કરવાની 
માંગણી કરી. ક્ષણભરમાં રેહાનાનો અવાજ અનસારીના કાન માં 
ગુંજ્યો.અનસારીએ રેહાનાની ખબરઅંતર પૂછી. રેહાનાએ જણાવ્યું 
એ સલામત હતી. પિતા પુત્રીનો સંવાદ ટૂંકાવતો અવાજ આવ્યો “હવે 
તો ખાતરી થઇ ને?” અનસારીએ હકાર ભણ્યો. એણે પ્રસ્તાવ મંજુર 
કર્યો. સામ માણસે તરતજ કહ્યું “યોજનાની નક્કી કરેલી શરતો મુલાકાતે 
આવેલા માણસો પાસેથી મળશે,એમાં કોઈ બાંધછોડને અવકાશ નથી.” 
અને ફોનકપાઈ ગયો. મુલાકાતીઓએ શરતો નો સંક્ષિપ્ત અહેવાલ 
આપ્યો અને જવા માટે પગ ઉપાડ્યો. જિંદગીમાં ભાગ્યે જ અસહાયતા
અનુભવનાર અનસારી શુન્યસમ્સ્ક બન્યો. થોડીક ક્ષણો બાદ હોશમાં 
આવ્યો. અનસારીના સંદેશ વ્યવહાર ની દેખરેખ રાખનાર માણસ 
આવ્યો અને બોલ્યો “બાંગ્લાદેશ અને મ્યાન્મારનોઆપણી સાથે 
કોન્ફરન્સ કોલ હતો.” રેહાના ક્યાં હશે? અનસારી પળભરવિચારી 
રહ્યો.બાંગ્લાદેશ માં કે મ્યાનમાર માં?     પરીક્ષિતનું મગજ અસાધારણ 
ઝડપે કામ કરતું હતું. અણુકેન્દ્રમાંથી ઉપાચત થયેલ એનરિચ્ડ યુરેનિયમ 
નું શું થયું? એ પ્રશ્ન હજુ પણ એક જક્કી ઘેટાં ની જેમ ઉભો જ હતો. 
હોમ મિનિસ્ટર કુશલ અગ્રસેનના  પર્સનલ આસિસ્ટન્ટનો ઉર્વશીના 
રચેલા પ્રોગ્રામમાં અનધિકૃત પ્રવેશ  કેવી રીતે થયો? કન્યાકુમારીની 
લાગવગ અને પહોંચ ક્યાં સુધી ફેલાયેલા હતા? જિન– મિન્હ કોણ 
હતો? ક્યાં હતો? રેહાના અન્સારીનો બાપ સીધી કે 
આડકતરી રીતે એમાં સંકળાયેલો હોઈ શકે? રંગુન રહસ્યમય બનતું 
હતું. કુરેશીના બયાનમાં પણ રંગુનનો ઉલ્લેખ હતો! ફ્લાઈંગ ક્લબના 
વિમાનનો ફ્લાઇટ પ્લાન રંગુન માટે ફાઈલ થયો હતો. પરીક્ષિતની 
અટકળ હતી કે આ બધા બનાવો સીધી યા આડકતરી રીતે સંકળાયેલા 
હતા પણ વેરવિખેર થઇ ગયેલી કડીઓનું અર્થસભર જોડાણ થતું નહોતું. 
રંગુન પરીક્ષિત ના મગજ ઉપર શિલાલેખની જેમ કંડારાઈ ગયું . 
એણે રંગુનને કર્મભૂમિ બનાવવાનો નિશ્ચય કર્યો.   ચાઈનીઝ ઇન્ટેલિજન્સ 
ચીફની મુલાકાત અલ્પજીવી હતી. ઇન્ટેલિજન્સ ચીફ મિતભાષી હતા 
અને જરૂર પૂરતું જ બોલતા. એમણે ટૂંકમાં વોરોસિલોવને જણાવ્યું 
કે ચાઈનીઝ અણુકેન્દ્રથી આવી રહેલ એનરિચ્ડ યુરેનિયમના 
શિપમેન્ટમાંથી એક અણુશસ્ત્રનું નિર્માણ બનતી ઝડપે કરવાનું હતું. 
ઈન્ડિયાથી આવેલા એનરિચ્ડ યુરેનિયમ માં થી એક અણુશસ્ત્રનું 
નિર્માણ  કરવા બદલ વોરોસિલોવની પ્રસંશા પણ કરી. વોરોસિલોવને 
આ નવા પ્રકારનું આયોજન ન સમજાયું. સમજવાની જરૂર પણ ન 
હતી. ચાઈનીઝ અને ઇઝરાયેલલી જૂથો તરફથી એને સારું એવું 
મહેનતાણું મળતું હતું.સાવચેતી ખાતર એણે ચાઇનીઝને જણાવ્યું 
“જેટલું  બને એટલું જલ્દી હું અણુશસ્ત્ર અવશ્ય નિર્માણ કરીશ પણ 
કામ એવું છે કે એમાં નાની અમસ્તી ખામી પણ શસ્ત્રને નકામું બનાવે.
” જવાબમાં ઇન્ટેલિજન્સ ચીફ બોલ્યા ” એ સમજી શકાય એવું છે  
છતાંય ઝડપ અને કાળજી વચ્ચેનું સગપણ ક્ષીણ ન બને અને વિલંબ 
ના થાય એ પણ એટલું જ અગત્યનું છે.” બન્ને પક્ષે હસ્તધૂનન કર્યા 
અને મિટિંગ બરખાસ્ત થઇ.  ચાઈનીઝ ઇન્ટેલિજન્સ ચીફ ત્યાંથી 
એક વખારમાં ગયા. વખાર ઇઝરાયેલી કંપનીની માલિકીની હતી. 
એ કંપની વિષે આછી પાતળી બાતમી હતી. આમેય મ્યાનમારની 
સરકારનું શાસન પારદર્શક નહોતું. લોકવાયકા એવી હતી કે મ્યાનમારની 
સરકાર અને ઇઝરાયેલી કંપનીએ ઔદ્યોગિક વિકાસના  કરારનામા 
પર પર સહીસિક્કા  કર્યા હતા. વાસ્તવમાં ઇઝરાયેલી સરકાર પણ 
ઇઝરાયેલી ઇન્ટેલિજન્સના બળવાખોર જૂથના આ કરતૂતથી અજાણ 
હતી.  આ બળવાખોર જૂથનો અધ્યક્ષ હતો બેન્જામિન બાર્ટલ્સટીન 
જે બેન્જી ના  હુલામણા નામે ઓળખાતો. ઇઝરાયેલી ઇન્ટેલિજન્સ 
એજન્સી “મોસાદ” ને એક સર્વશક્તિશાળી અને અસરકારક સંસ્થા 
બનાવવામાં એનો ફાળો મહત્વનો હતો. વાયકા હતી કે અમેરિકા 
ની સી.આઈ.એ. પણ  મોસાદ” ની સરખામણીમાં વામણી લાગે.
વખત જતા ઇઝરાયેલ અને પાડોશી આરબ રાજ્યોમાં સુલેહશાંતીની 
સમજ ઉભી થઇ હતી. છતાંય અપવાદરૂપે બન્ને પક્ષે ધર્મઝનૂની જૂથો 
હજી પણ વૈમનસ્યના દાવાનળ  જીવંત રાખતા હતા. બેન્જી પણ અપવાદ જ હતો.એની મોસાદની કારકિર્દી ચાઈનીઝ ઇન્ટેલિજન્સ સાથેના સંપર્કો વિકસાવવામાં ફળીભૂત થઇ હતી. બેન્જી એ ચાઈનીઝ ઇન્ટેલિજન્સ ચીફને આવકાર્યો. આડીઅવળી વાતો બાદ ચીફ મુદ્દાની વાત પર આવ્યો. જેનો સારાંશ હતો, બે શસ્ત્રોનું નિર્માણ કરવાનો. એકમાં ઇન્ડિયાનું યુરેનિયમ વાપરવાનું અને બીજા  પાકિસ્તાન માટે બનાવવામાં આવેલ શસ્ત્રમાં ચાઈનીઝ બનાવટનું એનરિચ્ડ યુરેનિયમ વાપરવાનું. અણુશસ્ત્રનો ઉપયોગ કરીને બે પડોશી રાજ્યોમાં ખળભળાટ મચાવવાનો આશય હતો. જેથી કોઈ પણ અણુશસ્ત્રની બનાવટમાં વપરાયેલું એનરિચ્ડ યુરેનિયમ ક્યાં, ક્યારે કોણે અને કેવી રીતે ઉત્પાદન કર્યું છે એ સહેલાઈથી શોધી શકાય. એ પુરાવાના આધારે આક્રમક કોણ છે એ નિઃશંક સાબિત કરી શકાય. આક્રમક રાજ્યો એક્મેકનું અસ્તિત્વ મીટાવવા માટે કમર કસે અને એને લીધે થતી ભયાનક ખુવારીમાંથી ઉગરવામાં અનેક દાયકાઓ વીતી જાય. કાચીમાટીના બનેલા માનવીઓ પણ નારદવિદ્યામાં પારંગત હોય છે. એકલા નારદમુનિ જ શું કામ , માનવીઓ પણ એકબીજાને લડાવી મારે!                                               
અત્રે એક વાત યાદ રહે.ઇન્ડિયાએ પોખરણમાં ભૂગર્ભ અણુધડાકો 
કર્યો અને અણુશસ્ત્રો ધરાવતા દેશોની હરોળમાં સ્થાન લીધું. 
શક્તિશાળી ચીન અને પશ્ચિમના દેશોને આ કઈં પરવડે? એમણે 
પેંતરો રચ્યો અને પાકિસ્તાને નોર્થ કોરિયા ની સીધી અને ચીનની 
આડકતરી  સહાયથી અણુશસ્ત્ર વિકસાવ્યું. અલબત્ત, પશ્ચિમના 
દેશોના આશીર્વાદ પણ હતા! ભારતવર્ષના ભાગલા પડ્યા ત્યારે 
રોપાયેલા વેરઝેર અને દુશમનાવટના બીજ સુકાઈ ન જાય તેની 
તકેદારી રાખવામાં આવતી હતી. પાકિસ્તાન કોઈની પણ સહાય 
વગર આપમેળે જ અણુશસ્ત્રનું ઉત્પાદન કરી શકે એ તો સ્વપ્નમાં 
પણ સિદ્ધ ન કરી શકાય. ઇન્ડિયાનું અહિત ઈચ્છનારાઓએ દીર્ઘ દ્રષ્ટિના 
અભાવે પાકિસ્તાનને મહત્તા આપી તો  ખરી પણ દૂધ પાઈને સાપ 
ઉછેર્યો છે; એ પ્રતીતિ પણ થઇ જયારે અલ-કાયદા અને તાલિબાન 
જેવા ધર્મઝનૂની જૂથો અસ્તિત્વમાં આવ્યા અને પાકિસ્તાનમાં અડ્ડો 
જમાવ્યો. મૂળ આશય કઈં અને થયું કઈં બીજું જ. બે દેશો વચ્ચેની 
દુશમનાવટ વધુ સંગીન બની. પરંતુ નસીબજોગે થયું એવું કે બે 
બિલાડીઓમાં ઝઘડો ન થયો કે વણનોંતર્યો વિનાશ વિક્સ્યો પરિણામે 
ઝઘડાની ઈચ્છા રાખતો  વાંદરો હાથઘસતો રહી ગયો.        ReplyForward

ભીંતરના વ્હેણ પ્રકરણ ૪૪, ૪૫ અને ૪૬

લેખકઃ સુરેંદ્ર ગાંધી

ભીંતર ના વ્હેણ
પ્રકરણ: ૪૪
વાહીદ અને વઝીરને લઈને બાંગ્લાદેશ હાઈકમિશન ની એક કાર
એરપોર્ટ જવા નીકળી. હાઈકમિશન ઉપર નજર રાખી રહેલા
ત્રિશૂળના માણસો પણ સાવધાનીપૂર્વક થોડુંક અંતર રાખીને
અનુસર્યા. ત્રિશૂળને આ બાબતની જાણ કટી. જોસેફ અને
વિનાયક પણ એરપોર્ટ જવા રવાના થયા હતા. કૈં અણધાર્યું
બનવાની શક્યતા નહિવત હોવા છતાં ત્રિશૂળના ઓફોસરો
સાવચેત હતા. એકાએક બાંગ્લાદેશ હાઈકમિશનની કાર દિશા
બદલીને બોમ્બે-પુણે હાઇવે તરફ વળી ગઈ. ત્રિશૂળના
માણસોએ પણ આશ્ચર્ય સાથે દિશા બદલી ને ત્રિશૂળને જાણ
કરી. જોસેફ અને વિનાયકને આ માહિતી એસ.એમ.એસ. કરાઈ.
એમની વિમાસણ વધી કારણકે એમની પાસે કાર નહોતી એટલે
ક્યાંય જવાય તેમ નહોતું. જોસેફે તોડ કાઢ્યો અને પરીક્ષિતને
વાત કરી અને ત્રિશૂળનું હેલિકોપ્ટર વાપરવાની પરવાનગી માંગી.
પરીક્ષિતની સંમતિથી ત્રિશૂળનું હેલિકોપ્ટર એરપોર્ટના કારગો
સેક્શનમાં વીસ જ મિનિટમાં લેન્ડ થયું.કોઈનું ધ્યાન ન દોરાય તે
મુખ્ય આશય હતો. કન્ટ્રોલ ટાવરને ત્રિશૂળ તરફથી હેલિકોપ્ટરને
ઇમરજન્સી ક્લિયરન્સ આપવાનો આદેશ મળ્યો હતો. જોસેફ
અને વિનાયક પણ ત્યાં પહોંચ્યા અને હેલિકોપ્ટર એમને લઈને
બોમ્બે-પુણે હાઇવે ઉપર છવાયેલા આકાશ ની દિશામાં ઉડવા
લાગ્યું. રેહાના અને શુભાંગીને લઈને રંગૂન જવા નીકળેલ
વિમાનને મિકેનિકલ ખામીને લીધે ફરજીયાત પાછા ફરવું પડ્યું.
જે મેદાનમાંથી એ વિમાન ઊપડ્યું હતું એ એક ખાનગી એરપોર્ટ
હતું.ક્રોપ-ડસ્ટીંગ એટલે કે ખેતરો ઉપર દવા છાંટનાર વિમાનો
સિવાય બીજી અવરજવર નહોતી. જવલ્લેજ દાણચોરી માટે
વપરાતા વિમાન, ચારસો ફીટની ઊંચાઈએ ઉડીને રેડાર સ્ક્રીન પર

દેખાયા વગર, સત્તાવાળાઓની નજરમાંથી છટકવા માટે આ
એરપોર્ટનો ઉપયોગ કરતા. નસીબજોગે આ વિમાનનો ફ્લાઇટ
પ્લાન ફાઈલ થયો હતો. યાંત્રિક ખરાબીને લીધે ફ્લાઇટ અટકી
હતી. પેલા બે મુસ્લિમ શખ્સ આ અણધારી આફ્તથી અકળાયા
પણ નાસીપાસ ન થયા . એમણે જિન તા મિન્હ નો સંપર્ક સાધ્યો
અને સઘળી હકીકત જણાવી. જિન તાઓએ કહ્યું ” અડધા કલાક
પછી ફોન કરો . બીજી વ્યવસ્થા થઇ જશે.”
જોસેફ અને વિનાયકની સૂચના મુજબ
ત્રિશૂળના હેલિકોપ્ટરે ત્રિશૂળની કાર પર નજર માંડી હતી.
વિનાયકે પાઇલોટનું બાયનોકયુલર લઈને હાઇવે પરની અગણિત
કારો પર નજર ફેરવી.કદાચ ચાસના પૂળામાં ખોવાયેલી સોય
આસાનીથી મળે પણ ટ્રાફિકમાં ખોવાયેલી કાર શોધવી સહેલી
નથી. જોસેફે ત્રિશૂળની કારનો સંપર્ક સાધવાનો પ્રયત્ન કર્યો પણ
હેલિકોપ્ટરના રોટરના ભારે અવાજના કારણે વાતચીત સાંભળી
શકાય તેમ નહોતી. એટલે એણે એસ.એમ.એસ. મોકલ્યો.
ત્રિશૂળની કારે એસ.એમ.એસ. ના પ્રત્યુત્તર માં જણાવ્યું કે હજી
થાણા સુધી પહોંચ્યા નથીઅને ઉઘાડા ન પડી જવાય એ માટે
સાયરન જેવી ઇમરજન્સી વસ્તુનો ઉપયોગ પણ નહીં કરવામાં
આવે. વાહીદ અને વઝીરને ખબર પડી જાયકે એમનો પીછો થઇ
રહ્યો છે તો પણ બાજી બગડી જાય.
જિન તાઓ મિન્હ પણ અણધારી આફતથી કળાયો
હતો.છતાંય પરિસ્થિતિનું ઝીણવટપૂર્વક પૃથ્થકરણ કર્યું. સમયની
કટોકટી હતી.રેહાના અને શુભાંગીની ગેરહાજરીથી કોઈ પણ
જાતના સવાલ ઉપસ્થિત થાય એ પહેલા એમને રંગૂન પહોંચાડી
દેવા. જિન તાઓએ ચાઈનીઝ એમ્બેસીના ઇન્ટેલિજન્સ ના
ચીફનો સંપર્ક સાધ્યો અને જણાવ્યું કે રેહનાનું અપહરણ કરનારા
તકલીફમાં હતા. એમનું વિમાન બગડ્યું હતું. જવાબમાં ચીફ

બોલ્યા ” અડધો કલાક માં ફોન કરો કોઈક રસ્તો મળી આવશે,”
ઇન્ટેલિજન્સ ચીફને કુરેશીનો નંબર શોધતા વાર ન લાગી.
કુરેશીનો અવાજ સંભળાયો એટલે બોલ્યા ” મારા માણસો
નેરળના ખાનગી એરપોર્ટ પર એમનું વિમાન બગડ્યું હોવાથી
અસહાય અવસ્થામાં છે. એમનું ઇન્ડિયા બહાર નીકળી જવું
ખુબજ જરૂરી છે.” કુરેશીએ થોડોક વિચાર કરીને કહ્યું ” કામ થઇ
જશે. મારા માણસોને હું રવાના કરું છું અને તેઓ ત્યાં પહોંચીને
તમારા માણસોને વહેલામાં વહેલી તકે ઇન્ડિયા બહાર નીકળી
જવામાં મદદ કરશે.” ત્યારબાદ એણે વાહિદ અને વઝીરની
કારની વિગતો આપી જેથી ખોરંભે ચઢેલી પાર્ટી કારને ઓળખી
શકે.
ચાઈનીઝ ચીફે તરત જ જિન તાઓને થઇ રહેલ ગોઠવણ
સમજાવી. વાહીદ અને વઝીરની કારનું વર્ણન આપ્યું અને
સાવધાન રહેવાની તાકીદ કરી. કુરેશીએ વાહીદને ફોન કર્યો અને
નવી કામગીરી સોંપી. નેરળ ના એક ખાનગી એરપોર્ટ પરથી ચાર
વ્યક્તિઓને લઈને થાણાની ખાડી જવાનું અને ત્યાંથી એમને
ઇન્ડિયા બહાર જવાની સગવડ કરી આપવી. વાહિદે ડ્રાઈવરને
નેરળના ખાનગી એરપોર્ટનો રસ્તો લેવાનો નિર્દેશ કર્યો.
બાંગ્લાદેશ હાઈકમિશનનો ડ્રાઈવર પીછો કરનારને
ગેરરસ્તે દોરવાની તાલીમ પામી ચુક્યો હતો. આ તાલીમનો
ઉપયોગ કરવાનો મોકો મળવાથી એ ખુશ હતો. એણે મેઈન
હાઇવે છોડીને કારને ગલીકૂંચીઓમાં ફેરવી. રિયર વ્યુ મિરરમાં
જોવાનું પણ સતત ચાલુ રાખ્યું. થોડીક વારમાં એના ધ્યાનમાં
આવ્યું કે એક કાર સેઇફ અંતરે પીછો કરતી હતી. ડ્રાઈવરે પીછો
છોડાવવાની યોજના વિચારી લીધી. એણે અચાનક કાર થોભાવી
એટલે પીછો કરનાર કારને આગળ નીકળી જવા સિવાય કોઈ
ઉપાય ન રહ્યો. બાંગ્લાદેશના ડ્રાઈવરે હવે કારને વિરુદ્ધ દિશામાં

ફેરવીને પાછો હાઈવેનો રસ્તો લીધો.એ પોતાની કુશળતા ઉપર
વારી જવા જેવી છોકરમત કરે એવો નહોતો. પીછો છોડાવ્યો
એટલે કઈં ઈડરિયો ગઢ તો નહોતો જીતી લીધો. ડિપ્લોમેટિક
લાયસન્સપ્લેટવાળી કાર ઉજ્જડ ગામના એરંડા પ્રધાનની જેમ
દીપી ઉઠે. થોડેક દૂર જઈને એણે કારના ડેશબોર્ડ ઉપરની એક
સ્વીચ દબાવી અને કારની લાયસ્નસપ્લેટ બદલાઈ ગઈ!
ઇન્ટેલિજન્સની આ લાક્ષણિક ટોળામાં ભળી જવાની તરકીબ
અજમાવવાથી ઓળખાઈ જવાની શક્યતા નહિવત બની.
ડ્રાઈવરે હવે કારને ટ્રાફિકમાં વહેતી કરી. નેરળના
ખાનગી એરપોર્ટ પહોંચતા કલાક થઇ ગયો. રનવેના છેડે એક
વિમાન નજર આવ્યું. વિમાનથી થોડેક દૂર ગાડી પાર્ક કરી.
વિમાનમાંથી બે શખ્સો બહાર આવ્યાને વાહીદ અને વઝીર
સાથે વાત કરી. ત્યારબાદ વિમાનમાંથી બે યુવતીઓને લઈને
પાછા
ફર્યા. બધા કારમાં ગોઠવાયા અને થાણાની ખાડી તરફ પ્રયાણ કર્યું.
કુરેશીએ થાણાની ખાડી ઉપર થયેલી ગોઠવણ અનુસાર બધાને
લઈને દાણચોરોની પાવરફુલ બોટ આંતરરાષ્ટ્રીય પાણીમાં ધસી
ગઈ. એક એમ્ફિબિયન વિમાન પાણી પર ઉતર્યું અને બોટના
પેસેન્જરો એ વિમાનમાં ગોઠવાયા. પછી વિમાન પાંખો
ફફડાવીને રંગુનની દિશામાં ઉડ્યું. આમેય વાહીદ અને વઝીરને
રંગુન તો જવાનું જ હતું ને!
મહાલક્ષ્મી રેસકોર્સ ના દરવાજેથી ત્રિશૂળના માણસને
લઈને નીકળેલી ટ્રક આતંકવાદીઓની માલિકીની હતી.
મિલિટરીની ટ્રકને કોઈ રોકટોક નડે નહીં અને એની જાંચપડતાલ
પણ ભાગ્યેજ થાય! આતંકવાદીઓની આ ગણતરી ખોટી
નહોતી. પરિણામે ટ્રક અત્યંત સરળતાથી મ્યાનમાર સરહદ પર
પહોંચી ગઈ. ત્યાંથી ત્રિશૂળના માણસને લઈને મ્યાનમારની

સરકારી ડિપ્લોમેટિક લાયસન્સ પ્લેટવળી કાર સરહદ પાર કરી
ગઈ.

ભીંતર ના વ્હેણ
પ્રકરણ:૪૫
એક કાચી જેઈલ ત્રિશૂળના માણસનું કામચલાઉ રહેઠાણ બની

અને શેષ ભાવિ અનિશ્ચિત રહ્યું. આમેય સાધનસામગ્રીના અભાવે

ત્રિશૂળના માણસની બધી છટકબારીઓ હાલ પૂરતી બઁધ થઇ ગઈ હતી.

બીજે દિવસે ત્રિશૂળનો માણસ પ્રાતઃકર્મથી પરવારીને એની રૂમમાં
પુરાયેલા સિંહની જેમ ફરી રહ્યો હતો. ત્યાં એણે એક કારમાંથી

વાહીદ,વઝીર, અને બે અજાણ્યા શખ્સો અને બે યુવતીઓને ઉતરતા

જોયા.વાહીદ અને વઝીર તો ઓળખાઈ ગયા અને શુભાંગીને ક્યાંક

જોઈ હોય તેમ લાગ્યું! પણ વધારે કૈં સમજ ન પડી.રેહાના વિષે તો કોઈ
અટકળ કરવા પણ એ તૈયાર નહોતો. એનું મન ચગડોળે ચડ્યું એના

મનઃચક્ષુઓ સમક્ષ ઘણા ચહેરાઓ તરવરી ઉઠ્યા. શુભાંગીને ક્યાંક

જોઈ છે એ માન્યતાએ વેગ પકડ્યો. પણ ક્યાં? ક્યારે? પ્રશ્નાર્થોનો

જવાબ ન મળ્યો.કદાચ “ન માંગે દોડતું આવે” એ વિશ્વાસે એણે હાલ
પૂરતું વિચારવાનું માંડી વળ્યું.
શુભાંગી એની વ્હારે આવી અને મુશ્કેલીમાં મુકાઈ ગઈ, મનોમન

રેહાના એ બાબતનો વસવસો કરી રહી હતી. અશ્રુભીની આંખો

સાથે રેહાનાએ દિલગીરી વ્યક્ત કરીઅને શુભાંગીની માફી માંગી.

શુભાંગીએ કહ્યું ” મારી જગ્યાએ તું હોતતો તું પણ મારી મદદે ચોક્કસ
આવતજને! શુભાંગીએ રેહાનાને હિંમત આપવાનો આછોપાતળો

પ્રયાસ કર્યો. પરિસ્થિતિનું મનોમન અવલોકન કર્યું. તારણ એ

નીકળ્યું કે રેહાનાને ખૈબરઘાટ પહોંચાડવાની હતી તો પછી
રંગુન શા માટે લાવ્યા? રેહાનાના હિતેચ્છુઓ અને કહેવાતા

કૌટુંબિક સ્વજનો વાસ્તવમાં એનું અહિત તો નથી કરી રહ્યાને!

આવા શખ્સોનો કેટલો વિશ્વાસ કરી શકાય? એમના ઈરાદામાં
નેકીનો અભાવ વર્તાયો. શુભાંગીને આ માણસો ખતરનાક લાગ્યા.

એમની સાથે શીંગડા લડાવવાનું વ્યર્થ હતું. શુંભાગીએ બે ધ્યેય

નક્કી કર્યા. એક તો આ લોકોની પકડમાંથી છટકવાનું અને બીજું,

કોઈ પણ હિસાબે પરીક્ષિતનો સંપર્ક કરવો.એને વિશ્વાસ હતો કે

એના ડેડી જરૂર કોઈ રસ્તો કાઢશે.
પરીક્ષિત અને ઉર્વશીની મૂંઝવણ અપાર હતી. કોલેજના પર્યટનના

આયોજકો તરફથી મળેલી બાતમીમાં કોઈ ભલીવાર નહોતો. એમને

તો એ પણ ખબર નહોતી કે શુભાંગીનું શું થયું છે! રેહાનાને

અચાનક ફેમિલી ઇમર્જન્સીને લીધે પાછા ફરવું પડ્યું હતું. એક
શખ્સ રેહાનાનો સમાન લેવા આવ્યો હતો એના જણાવ્યા મુજબ

રેહાનાના બાપની તબિયત બગડી હતી. રેહાનાને તાબડતોબ ઘરે

પહોંચાડવાની વ્યવસ્થા કરવામાં આવી હતી. એ માણસે શુભાંગીનો

ઉલ્લેખ પણ ન કર્યો.શુભાંગી નો સમાન હોટેલની રૂમની સફાઈ

કરનારે સ્ટોરેજમાં ખડક્યો.શુભાંગીની ગેરહાજરી પર્યટનના

આયોજકોના ધ્યાનમાં આવી એટલે એમણે શોધખોળ આદરી.

પૂછપરછ કરતા એટલું જાણવા મળ્યું કે ઘોડેસવારી દરમ્યાન શુભાંગીને
રેહાના મુશ્કેલીમાં હોવાનો અણસાર આવ્યો એટલે એ એની

મદદે ગઈ. ત્યારબાદ શુભાંગી અને રેહાનાના કોઈ વાવડ નહોતા.

રેહાનાનો સમાન લઇ જનાર માણસ વિષે પણ કોઈ ખાસ
માહિતી ન હતી.
ત્રિશૂળના કરતા હર્તા ની હેસિયતથી પરિસ્થિતિનો સામનો

કરવા પરીક્ષિત કટિબદ્ધ થયો. પરંતુ અન્ય પિતાઓમાં પરીક્ષિત

અપવાદ નહોતો. એક પિતાની જેમ જ એના મનમાં પણ કુશંકાઓના

વાદળ ઘેરાયા. એ પણ ચિંતિત હતો. કોઈ પ્રકારની અસહાયતા ઘેરી
વળે એ પાલવે તેમ નહોતું.ઉર્વશીની બાહ્ય વર્તણુક ભીંતરના

સંઘર્ષોને સલુકાઈથી આવરી રહી.એનો પરીક્ષિત પ્રત્યેનો વિશ્વાસ

હાલ પૂરતો આકબંધ હતો પણ જો સમસ્યાનો ઉકેલ વિલંબમાં

પડયોતો? તેમ છતાં હાલ ના સંજોગોમાં તો હકારાત્મક અભિગમ

જાળવી રાખવાનું જ યોગ્ય લાગ્યું.
પરીક્ષિત એના અંગરક્ષકો અને ત્રિશૂળના ચુનંદા સદસ્યોને લઈને

માથેરાન પહોંચ્યો તે પહેલા કામગીરીની ઝીણવટભરી છણાવટ કરી.

એક વ્યૂહ રચના એ આકાર લીધો.ઉપલબ્ધ માહિતીના આધારે

ઘોડેસવારી માટે ઘોડા પુરા પાડનાર તબેલાથી શરૂઆત કરવી.

ઘોડા ભાડે કરનાર વ્યક્તિઓની માહિતી મેળવવી. રેહાના વિષે

વધુ જાણકારી મેળવવાનો પ્રયત્ન કરવો. રેહાનાના બાપ અનસારીની

કામગીરીની કામગીરીથી ત્રિશૂળ અપરિચિત ન હતુંપણ એક વિગતવાર

રેખાચિત્ર બનાવવામાં આવ્યું. અનસારી અફીણ નો ઉત્પાદક હતો.

ભારત સરકાર અનસારીની ધરપકડ કરવા આતુર હતી. ભારતમાં

ગેરકાયદે અફીણની બદી ફેલાવવાનો આરોપ હતો.એમાંથી છટકવા

માટે અનસારીએ સ્વૈચ્છીક દેશવટો અપનાવ્યો હતો.માથેરાનની

તમામ હોટેલો ના ગેસ્ટલિસ્ટ ના પ્રત્યેક ગેસ્ટની માહિતી મેળવવી.

શકમંદ લગતા ગેસ્ટની યાદી બનાવવી અને એમની હિલચાલની

નોંધ રાખવી. જરૂર પડ્યે એમને પૂછપરછ માટે બોલાવવા.
પરીક્ષિતના પડછાયા સમાન એના અંગરક્ષકો વામન અને વિશ્વનાથ

માટે આ ફરજ તો હતી જ પણ સાથે સાથે એક અંગત બાબત પણ

હતી. તેઓ પરીક્ષિતના કુટુંબનો એક હિસ્સો બની ચુક્યા હતા.

શુભાંગીનો પત્તો મેળવવાના પ્રયત્નોમાં કોઈ કમી હોવાની તો

શક્યતા ન જ હતી.વિશ્વનાથ પરીક્ષિતના રૂમમાં પ્રવેશ્યો અને

કહ્યું ” ઘોડાના તબેલાના માલિકને હું મળવા જઈશ અને વામન

અહીં રહેશે'” પરીક્ષિત સહેજ ખચકાયો એ વિશ્વનાથની નજર

બહાર ન રહ્યું. વિશ્વનાથે કહ્યું” કદાચ હું તટસ્થભાવે નિઃસ્પૃહયતાથી

માહિતી મેળવવામાં વધુ અસરકારક નીવડીશ.” વાત તો સાચી હતી.

પરીક્ષિતની ડહોળાયેલી મનોદશાનો સામા માણસને અંદાજ આવી

જાય કે પરીક્ષિત અને શુભાંગીના સગપણનો અણસાર આવે તો

એ શુભાંગી માટે જોખમકારક સાબિત થઇ શકે. હાલ ના સંજોગોમાં

શુભાંગી એક કોલેજીયન યુવતી હતી અને એનું અપહરણ કરનાર

એનાથી કૈં વધુ ન જાણે તે જરૂરી હતું. ઇન્ટેલિજન્સનો એક નિયમ

છે કે અજ્ઞાત બાબતો વિશે અટકળ બાંધનારાઓ નક્કર બાતમીના

અભાવે, પુરાવા વગર કોઈ જોખમકારક પગલાં ભરવાનું સાહસ

ના કરે. બને ત્યાં સુધી જેટલા એ લોકો અંધારામાં રહે તેટલું શુભાંગીનું

ભાવિ ઉજ્જવળ બને તેમ હતું. એકમેકની વિચારધારાથી અજાણ એવા
પરીક્ષિત અને વિશ્વનાથ વ્યૂહરચનાની એક જ પગદંડીના સાથી

હતા. બન્ને એ મનોમન આ બનાવનો ત્રિશૂળ ના અફસરને છાજે

તેવી પ્રણાલીમાં, કોઈ પણ ખામી વગર ઉકેલાવવાનો નીર્ધાર કર્યો.

અર્જુનની જેમ આખું પક્ષી નહીં પણ માત્ર તેની આંખ જ લક્ષ્યમાં

રાખવાની. શુભાંગી અને રેહાના ક્યાં છે , એ સવાલ પર સમગ્ર

ધ્યાન કેન્દ્રિત કરવાનું.

ભીંતર ના વ્હેણ
પ્રકરણ: ૪૬
કન્યાકુમારી ની ઉપર દેખરેખ રાખવાથી ફાયદો થયો કે નહીં તે

જણાયું નહીં એના જ ઘર માં એને કેદ રાખવામાં ત્રિશૂળની

મુત્સદ્દીગીરી હતી. એના ઘરે આવતા ફોન કોલનું રેકોર્ડિંગ થતું રહ્યું.

પણ એવા કોઈ અગત્યના કોલ આવતા નહીં. છતાંય આ કાર્યક્રમ

ચાલુ રહ્યો. જિન તાઓ મિન્હ દ્વિધા માં પડ્યો હતો. એને રેહાનાના

અપહરણ માં હિસ્સો લીધો હતો. આડકતરો, પણ વાતનું વતેસર

થયું. નાદુરસ્ત વિમાનને કારણે વાહીદ અને વઝીર સઁડોવાયા-
અધૂરામાં પૂરું રેહાનાની સહાધ્યાયી પણ સકંજામાં હતી. આ બધી

હકીકત એને ચાઈનીઝ ઇન્ટેલિજન્સ તરફથી મળી હતી.બે શખ્સ

જે રેહાના અનસારીના મિત્રો હોવાનો દાવો કરતા હતા, એ હકીકતમાં

તો ઇન્ડિયન ઇન્ટેલિજન્સ એજન્સી , આઈ.આઈ.એ. ના
કાર્યકર્તાઓ હતા. જે કોઈ જાણતું નહોતું.જિન તાઓ મિન્હ ની

સઘળી પ્રવૃત્તિઓ આઈ.આઈ.એ. ની ચાંપતી નજર હેઠળ હતી
શુભાંગીની કોલેજ ના પર્યટન આયોજકો પાસેથી મળેલી માહિતીના

આધારે વિશ્વનાથ ઘોડાના તબેલાના મેનેજર ને મળ્યો. છેલ્લા દશ

દિવસમાં ઘોડા ભાડે કરનાર ગ્રાહકોની વિગતો માગી. મેનેજરનું વલણ

અસહકારી નહોતું પણ એણે સર્ચ વોરન્ટ માગ્યું. વિશ્વનાથે તરતજ
એક વોરન્ટ મેનેજરને સુપ્રત કર્યું. છેલ્લા દશ દિવસ માં બધા

મળીને ૧૧૭ ગ્રાહકો એ ઘોડા ભાડે લીધા હતા. મોટાભાગના બે

કલાક થી ચાર કલાક માટે હતા. પર્યટન ના આયોજકોએ દશ ઘોડા

પાંચ દિવસ માટે ભાડે લીધા હતા. વિશ્વનાથે ટૂંકા સમય માટે ઘોડા

ભાડે કરનાર ગ્રાહકોની વિગતો ધ્યાનથી તપાસવા મંડી. એમનું

સરનામું સ્થાનિક હોટેલ અથવા કોઈ રહેઠાણ હતું. બે ગ્રાહકો ના

સરનામાં નહોતા. મેનેજરને આ બાબત વિષે વિશ્વનાથે પૂછ્યું.
મેનેજરે જ્વાબમાંકહ્યું કે” આ લોકો સવારના પહેલી ગાડી માં

સહેલગાહે આવ્યા હતા અને સાંજે નેરળ પાછા ફરવાના હતા.

” મેનેજરે વધુમાં એ પણ જણાવ્યું કે “એમાં કશું અજુગતું
નહોતું.ઘણા લોકો એવીરીતે આવતા જતા હોય છે.” વિશ્વનાથે

એ બે માણસોનું વર્ણન માગ્યું મનેજર પાસેથી પણ કૈં ખાસ જાણવા

ન મળ્યું.વિશ્વનાથ પાછો ફર્યો. રસ્તામાં વિચારે ચઢ્યો.
નેરળ જઈ તપાસ કરવાનો ઈરાદો પરીક્ષિતનેજણાવ્યો. પરીક્ષિતને

યાદ હતું કે જોસેફ અને વિનાયક હૅલીકૉપ્ટર માં બોમ્બે પુના રોડ

પર બાંગ્લાદેશની ડિપ્લોમેટિક લાઇસન્સ પ્લેટ વાળી કારનો પીછો

કરવામાં સફળ નહોતા થયા.તદુપરાંત પીછો કરી રહેલી ત્રિશૂળની

કારને પણ થાપ આપીને બાંગ્લાદેશી કાર ગાયબ થઇ ગઈ હતી.

એ બાંગ્લાદેશી કારનું શું થયું? કારનો પત્તો મળ્યો? આ પ્રશ્નોની હાર

મુંબઈના ટ્રાફિકની જેમ સ્થગિત થઇ હતી. ખડકાઈ હતી.

જોસેફ અને વિનાયક ત્રિશૂળની કાર ના સંપર્કમાં હતા.બાંગ્લાદેશની

કાર થાપ આપીને છટકી ગઈ એ અશક્ય પણ અસંભવ ન’તું. જોસેફે

હેલિકોપ્ટરના પાયલોટને પૂછ્યું “અહીં કોઈ જગ્યાએ આ હેલિકોપ્ટર

લેન્ડ કરી શકાય?” પાયલોટે જવાબ વાળ્યો “હું તપાસ કરીશ.”

પાયલોટે સિવિલ એવિએશન ઇન્ફોર્મેશન સાથે વાત કરી. અને

નેરળના ખાનગી એરપોર્ટનું નામ મેળવ્યું. અને જોસેફને વાત કરી

” દશ મિનિટ દૂર નેરલમાં એક ખાનગી એરપોર્ટ છે.” જોસેફ અને

વિનાયકે ત્વરિત નિર્ણય લીધો ત્યાં લેન્ડ થવાનો અને પીછો કરવામાં

અસફળ રહેલી ત્રિશૂળની કારનેપણ ત્યાં પહોંચવાનો સંદેશો

એસ.એમ.એસ થી મોકલ્યો.હેપિકોપ્ટર લેન્ડ થયું અને જોસેફ અને

વિનાયક બહાર આવ્યા.હેલિકોપ્ટર ત્રિશૂળની કાર આવે ત્યાં સુધી

રોકાણ કરવાનું હતું.એરપોર્ટને બીજે છેડે એક વિમાન જોયું એટલે

વિનાયક અને જોસેફ ત્યાં ગયા, સાવધાનીપૂર્વક.વિમાનમાં કોઈ

નહોતું. વિમાનનો રજીસ્ટ્રેશન નંબર સિવિલ એવિએશનને આપ્યો

અને તપાસ કરવા જણાવ્યું. થોડીવારમાં જવાબ આવ્યો
“વિમાન બોમ્બે ફ્લાઈંગ ક્લબની માલિકીનું હતું. અને એક અરબી

બિઝનેસમેને ભાડે કર્યું હતું.” એ પણ જણાવ્યું કે ફ્લાઇટ પ્લાન

રંગુન નો ફાઈલ થયો હતો. બે દિવસ ના સમય માટે વિમાન ભાડે

કરવાની ગોઠવણ એ બિઝનેસમેનના વકીલે કરી હતી. એ વકીલની

વિગતો પુરી પાડવા માટે ફ્લાઈંગ ક્લબના મેનેજરે સત્તાવાર

દસ્તાવેજોની આવશ્કયતા ઉપર ભાર મુક્યો.
વિનાયક અને જોસેફ હેલિકોપ્ટરમાં માથેરાન પહોંચ્યા પરીક્ષિત

ને મળવા. પરીક્ષિતે વિશ્વનાથ, વામન,જોસેફ અને વિનાયક સાથે

બની ચૂકેલા બનાવોની સમીક્ષા કરી. માથેરાનમાંથી શક્ય તેટલી

માહિતી મળી ગઈ હતી અને ત્યાં વધુ રોકાણ અર્થહીન હતું.
ત્રિશૂળના હેડક્વાર્ટર પાછા ફરવાનો નિર્ણય લીધો. ઘોડા ભાડે

કરનાર બે ગ્રાહકોની સમસ્યા અણઉકલી રહી.
મુંબઈ પહોંચીને જોસેફ ફ્લાઈંગ ક્લબની મુલાકાતે જાય વધુ તપાસ

અર્થે અને વિનાયક કન્યાકુમારીના રેકોર્ડ થયેલા સંદેશ વ્યવહારનું

પૃથ્થકરણ કરે તેમ નક્કી થયું. એના સંદેશ વ્યવહાર ના થઇ રહેલા

રેકોર્ડિંગ વિષે એ અજ્ઞાત હોવાની શક્યતા રઝળપાટે હતી.વિનાયક

ડૂબ્યો કન્યાકુમારીના સંદેશ વ્યવહારમાં અને જોસેફ ફ્લાઈંગ

ક્લબ ના મેનેજરને આપવાના દસ્તાવેજોની વ્યવસ્થામાં રોકાયો.
ઘરે જતા પહેલા પરીક્ષિત દિવાકર માધવનને મળ્યો. પરીક્ષિતનો

ચેહરો જોઈને માધવન મામલાની ગંભીરતા સમજી ગયો. સમગ્ર

બીના જાણ્યા પછી વિચારમગ્ન માધવને પરીક્ષિતને નચિંત કરવાનો

પ્રયત્ન કર્યો અને કહ્યું ” આરબ વ્યાપારી અને એના વકીલની

માહિતી એકઠી કરવી જરૂરી છે. આ પ્રશ્નનો ઉકેલ લાવવામાં એની

ફાળવણી મહત્વની છે.” પરીક્ષિતે હુંકાર ભણ્યો અને ઘરે જવા નીકળ્યો.

વામન અને વિશ્વનાથ સાથે હતા. ઉર્વશી જરૂરી કામ પતાવીને ઘરે

જતી રહી. ઉર્વશી અનેક કટોકટીનો સામનો કરી ચુકી હતી. પણ

આજના જેવી અસામાન્ય કટોકટી ક્યારે ય સર્જાઈ ન’યિ. તેમ છતાં

જીવનની ક્ષણભંગુરતા થી એ પરિચિત હતી. કદાચ દરેક જીવન

કમ્પ્યુટરના પ્રોગ્રામ સોફ્ટવેર કે હાર્ડવેરમાં “ગ્લિચ” ની ઉદ્ભવના

અપવાદરૂપે નહોતી.ફર્ક એટલો જ હતો કે જીવન કમ્પ્યુટરના

પ્રોગ્રામમાં રીસેટ નો પ્રબંધ ન’તો. ઈરેઇઝ અને ડીલીટ ની વ્યવસ્થા

હતી. કોણ ક્યારે ઈરેઇઝ–ડીલીટ થઇ જશે એ કળવું અશક્ય હતું.

ઉર્વશી નીકાર પોર્ચમાં અટકી એટલે બાગકામ કરી રહેલ એકનાથ

કાર તરફ વળ્યો. પેસેન્જર સાઈડ નો પાછલો દરવાજો ખોલીને
આદતમુજબ સામાન કાઢવા ગયો. ઉર્વશીએ કહ્યું ” આજે હું કૈં

લાવી નથી.” એકનાથ મૌન રહ્યો અને પાછો કામે વળગ્યો. જાનકી

પણ ઉર્વશીને જોઈને સમજી ગઈ અને ઉર્વશીને સાંજના જમણ

વિષે પૂછવામાં શાણપણ ન લાગ્યું. ઉર્વશી સ્વસ્થ થાય એટલામાં

જાનકીએ ચા નો કપ લાવીને ટેબલ પર મુક્યો. ઉર્વશીએ મનોમન

જાનકીનો આભાર માન્યો. પરીક્ષિત ઘરમાં પ્રવેશ્યો. વિશ્વનાથ

અને વામન વચ્ચે વાત થઇ ચુકી હતી. હાલના સંજોગોમાં વામન

પરીક્ષિત ની સાથે જ રહે એમ નક્કી કર્યું.વિશ્વનાથ ઘરે ગયો.
જાનકી પરીક્ષિત માટે ચા લાવી. ચા પીવાની અનિચ્છા ચિંતિત

માબાપના ચેહરા ઉપર દિવા જેવી સ્પષ્ટ હતી.પરીક્ષિતે ઉર્વશીને

બધું સવિસ્તર જણાવ્યું. ઉર્વશી હંમેશ મુજબ એકાક્ષરી પ્રત્યુત્તર

વળતી રહી. અને પરીક્ષિતની ગહનતાને નાણવાનો પ્રયત્ન કરતી રહી.
એકાએક અત્યારસુધી કાબુમાં રાખેલ અશ્રુધારાએ એના મ્લાન

મુખડાને આવરી લીધું. અન્ય, અસંખ્ય માતૃહૃદયોની જેમ ઉર્વશીનું

હૃદય પણ શુભાંગી માટે વલોવાઈ રહ્યું હતું. પરીક્ષિતે ઉર્વશીના

વણકથ્યા શબ્દોમાં શુભાંગીને કોઈ પણ હિસાબે હેમખેમ પાછી

લાવવાની યાચના પારખી. પરીક્ષિતે ઉર્વશી સાથે આંખ મિલાવી,

એની સ્થિર નેત્રજ્યોત ઉર્વશીને દ્રઢતાપૂર્વક વિશ્વાસ દઈ રહી હતી.

એની વર્તણુક માં ઉર્વશીની મનોવ્યથા પડઘાતી હતી. યુગાંતરોથી
એકમેકના અંતર્યામી હતા. પરીક્ષિતના અલ્પ લાગતા આચરણમાં

વ્યક્ત દ્રઢ નિશ્ચયને ઉર્વશી નીરખી રહી અને એના ચહેરા પર છવાયેલી

ગ્લાનિમાં પણ આછીપાતળી આશાની સુરખીઓ લહેરાઈ.
વિનાયક કન્યાકુમારીના રેકોર્ડ થયેલા ટેલિફોન કોલ સાંભળી રહ્યો

હતો. અને અવારનવાર એક નોટ પેડ પર જરૂરી નોંધણી કરતો હતો.

જિન તાઓ મિન્હ અને કન્યાકુમારી ની વાતચીતે એનું ધ્યાન દોર્યું.

જિન તાઓ મિન્હ કહી રહ્યો હતો “રેહાના અનસારી ની બાતમી માટે

આભાર. અને હા, આપણા યહૂદી હિતેચ્છુ ની સેવા ના બદલામાં

એના સ્વિસ બેન્ક એકોઉંટ માં રાબેતા મુજબ ની રકમ જમા થઇ

જશે.” વિનાયકને તાજ હોટલ રૃમ નંબર ૬૧૨માં ઉતારો લેનાર

જિન તાઓ મિન્હ અદ્રશ્ય થઇ ગયો હતો એ યાદ આવ્યું. વિનાયકે

વધુ તપાસ કરવાનું નક્કી કર્યું. દિલ્હી ના ત્રિશૂળ અફસરને જીન

તાઓ ના ફોન કોલની વિગતો આપી અને ટેલિફોન કંપની માં

તપાસ કરવા મોકલ્યો. જોસેફ ફ્લાઈંગ ક્લબના મેનેજરને જઈ મળ્યો.

સાથે આણેલા દસ્તાવેજો આપ્યા અને અરબ વ્યાપારી અને એના

વકીલની વિગતો રજૂ કરવાનું જણાવ્યું. વકીલનું નામ હતું સુલેમાન

સૈયદ. એની ઓફિસ નું સરનામું જોસેફે ડાયરીમાં લખી લીધું અને

અરબ વ્યાપારીની બાબતમાં મેનેજરને પૂછ્યું.ત્યારે મેનેજરે કહ્યું

“સુલેમાને સિક્યુરિટી- સલામતી ખ્યાલમાં રાખીને એના ક્લાયન્ટ

વિષે માહિતી આપવાનો ઇન્કાર કર્યો હતો.” આભારવશ
જોસેફ તરતજ ત્રિશૂળ હેડક્વાર્ટર્સ પાછો ફર્યો.
દિલ્હી ટેલોફોન તપાસનો રિપોર્ટ વિનાયકને મળ્યો. જિન તાઓ

મિન્હ ચાલાક હતો. એણે ચંદનીચોક વિસ્તાર નો એક પબ્લિક

ફોન વાપર્યો હતો કન્યાકુમારી સાથે વાત કરવા માટે. વિનાયકે

કન્યાકુમારી ના સઁદેશ વ્યવહાર નો રિપોર્ટ પરીક્ષિતને મોકલ્યો.
વિનાયક દિશાશૂન્ય બને તે પહેલા એણે “એક્સપ્રેસ ઇન્ટરનેશનલ”

ફાઈલ તપાસી. કમ્પ્યુટર ત્રિશૂળનું એક અનિવાર્ય અંગ હતું.

પ્રકાશની ગતિએ કોઈ પણ દસ્તાવેજ, ફાઈલ, અટવા ધંધાકીય

વિશેની બાતમી ની વિનાવિલંબે શોધી કાઢે. પરશુરામે જેમ પૃથ્વીને

નક્ષત્રી કરી હતી તેમ કમ્પ્યુટરે ઓફિસમાંથી કાગળનું નામોનિશાન

નાબૂદ કર્યું હતું. દક્ષિણા, રૃશ્વતના બંધાણી પટાવાળા, ચપરાશીઓ

અને કારકુનો ને કમ્પ્યુટરે સદાચારી તો નહોતા બનાવ્યા પણ

એમની આવકમાં ધરખમ ઘટાડો થવાને કારણે એમને સાદાઈ

અપનાવવી પડી હતી.

ભીંતર ના વ્હેણ – પ્રકરણ૪૩

સુરેંદ્ર ગાંધી

ભીંતર ના વ્હેણ
પ્રકરણ;૪૩


શુભાંગી કોલેજ આયોજિત પ્રવાસમાં એક સપ્તાહ માટે માથેરાન

ગઈ હતી. આમ તો એ ઘણી વાર દેશાટન કરવા જતી અને

હેમખેમ પાછી ફરતી હોવા છતાં ઉર્વશી પણ પ્રમાણસર


ભાંગીની સુખાકારી માટે ચિંતિત રહેતી. અને શુભાંગી ને હમ્મેશા

સાવધાન રહેવાની તાકીદ કરતી. શુભાંગીના માબાપે એને

આત્મનિર્ભરતા શીખવી હતી, આત્મવિશ્વાસ કેળવવાની
તાલીમ આપી હતી.અસાધારણ સંજોગોમાં બેકાબુ બનતી

પરિસ્થિતિની શિસ્તબદ્ધ સામનો કરવામાં ધીરજ અને

હિંમતની અગત્યતા અને આવશ્કયતાની સમજ આપી હતી. સંતાનો
દેવના દીધેલ હોય કે નહીં પણ પ્રત્યેક માબાપ માટે મહામુલા જ

હોય છે અને ઉર્વશી પણ એમાં અપવાદ ન હતી.
શુભાંગીના સહયાત્રીઓમાં એક અંડરવર્લ્ડના ખ્યાતનામ શખ્સની

પુત્રી રેહાના અનસારી પણ હતી.રેહાનાનો બાપ સ્વૈચ્છીક દેશવટો

ભોગવીને ખૈબરઘાટમાં સ્થાયી થયો હતો. ત્યાં મૉટે પાયે અફીણનું

ઉત્પાદન કરીને માલેતુજાર બન્યો હતો. આમ તો એના અફીણ
ના સામ્રાજ્યને સીમાઓ ન હયી કે એનો કોઈ સત્તાવાર ભૌગોલિક

પ્રદેશ નહોતો. કદાચ એક જાતની રિયાસત હતી. એક સૈન્ય પણ

હતું જેનો કોઈ સત્તાવાર ગણવેશ કે ઓળખ નહોતી. એ સૈન્ય

એનો પડ્યો બોલ ઝીલવા તત્પર રહેતું. મદાંધ અન્ડરવર્લ્ડની

જમાતમાં અનસારી એક અપવાદ હતો. અનસારી એના માણસોનો

માન-મરતબો જાળવતોઅને એમને સંપૂર્ણપણે સંતુષ્ટ રાખતો.

નફાખોરીમાં માનતો ખરો પણ પણ પોતાના માણસોને વ્યાજબી

હિસ્સો આપતો. એક કુટુંબીજન બનીને એમની કૌટુંબિક યાતનાઓ

હળવી કરતો. આવા વાતાવરણમાં વફાદારીના વટવૃક્ષની

વડવાઈઓ સઘન થઇ હતી. મહત્વાકાંક્ષી ચીની અફીણ

સોદાગરોને અનસારી સાથે કોઈ અણબનાવ નહોતો પણ સમગ્ર

અફીણ-સામ્રાજ્ય ઉપર વર્ચસ્વ જમાવવાની અન્સારીની

મહત્વાકાંક્ષા એમને ક્યારેક અકળાવતી. જિન તાઓ મિન્હ એમનો

બિનસત્તાવાર પ્રતિનિધિ હતો.
ભારતમાં ગેરકાયદે પ્રવેશીને એણે સફળ કામગીરી બજાવી હતી.

કન્યાકુમારીના પાવક કામાગ્નિની જ્વાળાઓથી જિન તાઓ પણ

પવિત્ર થયો હતો. એમની મુલાકાત અસાધારણ સંજોગોમાં થઇ હતી.

દિલ્હીમાં એક આંતરરાષ્ટ્રીય કોમર્સ કોન્ફરન્સ માં ઇઝરાયેલી

ઇન્ટેલિજન્સના ચીફ ભાગ લઇ રહ્યા હતા. કન્યાકુમારી ઇઝરાયેલી

ચીફ સાથે પણ સંકળાયેલી હતી અને એમના સૂચનથી જ એણે

જિન તાઓ મિન્હ સાથ સબંધ કેળવ્યો હતો. ઇઝરાયેલ અને ચીન

વચ્ચેના સગવડિયા સબંધોનો આશય એક જ હતો કે હિન્દૂ-મુસ્લિમ

એકતામાં ફાચર મારવી, પરિણામે મ્યાનમારમાં એમનો સહકાર

સાકાર થયો હતો. રેહાનાના પર્યટનની માહિતી ઇઝરાયેલી

ઇન્ટેલિજન્સ ચીફ ના સૌજન્યથી જિન તાઓ મિન્હ મારફતે એના
હિતેચ્છુ ચીની અફીણના સોદાગરોને પહોંચી હતી. અને આમ

અનસારીને નમાવવાની તક મળી ગઈ. એમણે રેહનાનું અપહરણ

કરવાની યોજનાને આકાર આપ્યો. રેહાનાને સુખરૂપ પાછી

મેળવવા માટે અનસારીને અમુક શરતોનું પાલન કરવાનું હતું.
રેહાનાના બાપની વિનંતીને માન આપીને બે મુસ્લિમ શખ્સો પણ
અનસારીનાકુટુંબના મિત્રો બનીને રેહાનાની દેખભાળ કરવા

માથેરાન પહોંચ્યા હતા.
અનસારીને નિરંતર રેહાનાની ફિકર રહેતી.આ કહેવાતા મિત્રો

પોતાની ઓળખ આપીને રેહાનાને મળ્યા પણ ખરા અને એનો

વિશ્વાસ સંપાદન કર્યો. જરૂર પડ્યે સંપર્ક સંપર્ક સાધવા
માટે જે હોટેલ માં ઉતર્યા હતા એનો ફોન નંબર પણ આપ્યો.
બે દિવસો તો નિર્વિઘ્ને પસાર થઇ ગયા. ત્રીજે દિવસે રેહાના

મિત્રો સાથે ઘોડેસવારી કરવા નીકળી.થોડુંક અંતર કાપ્યું ત્યાં બે

ઘોડેસવાર ધસી આવ્યા અને રેહાનાનો રસ્તો રોક્યો. રેહાના

હેબતાઈ ગઈ , ઘોડાને થોભવ્યો અને હોશ સંભાળે તે પહેલા એક
ઘોડેસવારે રેહાનાના ઘોડાની લગામ હસ્તગત કરી. રેહાનાને

ચેતવણી આપી કે , ‘અમારી આજ્ઞાનું પાલન નહીં કરવાનો અંજામ

ખરાબ હશે.” સાવચેતી ખાતર બેઉં ઘોડેસ્વારો રેહાનાને ઘેરી વળ્યાં.

થોડેક દૂર જઈને ત્રિપુટી એકાએક અદ્રશ્ય થઇ ગઈ. ત્રિપુટીની

પાછળ થોડા અંતરે શુભાંગી એના મિત્ર સાથે આવતી હતી.

વીજળીની ઝડપે બનેલા બનાવને સમજતા શુભાંગીને ખાતરી,

થઇ ગઈ હતી કે કોઈ અજાણ્યા શખ્સોએ રેહાનાને બળજબરીથી

છૂટી પડી દીધી હતી. શુભાંગીએ ત્રિપુટીનો પીછો કર્યો. રેહાનાની

વ્હારે કોઈના આવવાની શક્યતા અપહરણ કરણનારની ગણતરી

બહારની નહોતી. આ કોઈ અણઘડ કે કાચાપોચા માણસો ન હતા;
રેહાના જેવી વ્યક્તિઓના અપહરણ તો એમની એશારામભરી

જીવનચર્યાની જીવાદોરી હતા.
ત્રિપુટી એક ઝાડની ઓથે અટકી.રેહાના છલાંગ મારીને ઘોડા પર થી
ઉતરી અને બન્ને ઘોડેસ્વારો પણ એટલીજ ચપળતાથી ઉતર્યા

અને રેહાનાને ઘેરી લીધી. તેમણે જણાવ્યું કે તેઓ અનસારીના મિત્રો

હતા અને રેહનાનું રક્ષણ કરવા આવ્યા હતા.અનસારીની સૂચના

પ્રમાણે રેહાનાને સહીસલામત ખૈબરઘાટ પહોંચાડવાની હતી.

રેહાના એમનો વિશ્વાસ કરવા તત્પર નહોતી.પુરાવાને અભાવે એ

શંકાસ્પદ બની. જો કે એણે અણસાર તો આવી જ ગયો હતો કે

સહકારી વલણ અપનાવ્યા વગર છૂટકો નહોતો. એણે પેલા બે

શખ્સો પાસેથી સવિસ્તર માહિતીની માંગણી કરી કે ક્યાંથી, ક્યારે

અને કેવી રીતે મુસાફરીની વ્યવસ્થા થઇ છે.
જવાબમાં એક શખ્સે જણાવ્યું કે અડધા કલાકમાં માથેરાનથી

જઈ રહેલી ટ્રેઈનમાં નેરળ પહોંચવાનું અને ત્યાંથી એક પ્રાઇવેટ

વિમાનમાં કાબુલ થઈને ખૈબરઘાટ પહોંચવાનું. હજી તો
વાક્ય પૂરું થાય ત્યાં ઘોડા ના ડાબલા સંભળાયા અને એક યુવતી

દેખાઈ. શુભાંગી રેહાના તરફ વળી અને પૂછ્યું “ઇઝ એવરીથીંગ

ઓલ રાઈટ?” રેહાનાનો પ્રત્યુત્તર ખચકાયો અને બોલી “
આ મારા પિતાના મિત્રો છે અને મારી સલામતી ખાતર મને અહીંથી

લઇ જવા આવ્યા છે.”
રેહાનાના ચહેરા પર છવાયેલા મૂંઝણવના ઘેરાં વાદળ સ્પષ્ટ હતા.

શુભાંગીએ કહ્યું “જતા પહેલા હોટેલ પરથી સમાન લેતીજા અને

આયોજકોને પણ જણાવી દે કે તું જઈ રહી છે.” એક શખ્સે તરત

જણાવ્યું કે “સમયની કટોકટીનો એકજ ઉપાય છે . મારો સાથીદાર

એ બધી વિધિઓ પતાવીને ટ્રેઈન સ્ટેશને મળશે. જો ટ્રેઈન ચુકી

જઈશું તો આવતીકાલ પહેલા બીજી ટ્રેઈન નહીં મળે.”
ઝડપથી બનેલા બનાવોથી ઊડતી અસ્પષ્ટતાની ડમરીમાં

વિચારશક્તિ ઝાંખી પડી. પ્રસ્તાવ વ્યાજબી હતો અને શુભાંગી પણ

એટલી જ ચબરાક હતી. રેહાના તરફ જોઈને એ બોલી ” વાંધો

નહીં હું તારી સાથે રહીશ.” રેહાનાને સહેજ ટાઢક વળી. પેલા

શખ્સે પણ શુભાંગીના પ્રસ્તાવને અનુમોદન આપ્યું. અંતે બધા

નેરળ પહોંચ્યા અને એમની રાહ જોઈ રહેલી કારમાં ગોઠવાઈને

રવાના થયા. શુભાંગીએ પોતાનું સરનામું આપીને કારને એ તરફ
લેવાનો નિર્દેશ કર્યો.થોડીવાર પછી શુભાંગીએ ફરી ટકોર કરી પણ

મૌનનું સામ્રાજ્ય અતૂટ રહ્યું.હવે શુભાંગી ચિંતાતુર થઇ પણ મન

પર કાબુ મેળવ્યો.એની સાવધાનીની માત્રામાં વધારો થયો. આગળ

શું કરવું એ વિચારની દિશામાં પગલાં ભરવા મંડ્યા. કારની ગતિ

મંદ પડી એક મેદાન નજરે ચઢ્યું.મેદાનને છેડે એક વિમાન હતું

જેમાં બેઉં યુવતીઓને બેસી જવાની ધમકી મળી. યુવતીઓ વિમાનમાં

ગોઠવાઈ અને વિમાનના એન્જીન ચાલુ થયા. વિમાને ગતિ પકડી
અને ધરતી સાથેની સગાઈ તોડી. વિમાન યોજના પ્રમાણે રંગુન

જઈ રહ્યું હતું.

ભીંતરના ભેદ પ્રકરણ ૪૨

સુરેંદ્ર ગાંધીં

ભીંતર ના વ્હેણ

પ્રકરણ: ૪૨
જોસેફે પરીક્ષિતને વિગતોથી માહિતગાર કરવા માટે ફોન કર્યો હતો.

પરીક્ષિત જાણીને ખુશ થયો. પણ જોસેફને સાવધ રહેવાની તાકીદ

કરી.જોસેફે વધુમાં જણાવ્યું “અમે કબૂતર અને ખિસકોલી પણ

સાથે લીધા છે.” પરીક્ષિતે સૂચવ્યું કે ” કટોકટીમાં કબૂતરનો

ઉપયોગ કરજો.” ફોન ની પુર્ણાહુતી થઇ. વાત એમ હતી કે

ઉર્વશીની કંપનીએ ડિફેન્સ ડિપાર્ટમેન્ટના સંદેશ વ્યવહાર ની

સલામતી ખાતર એક નવી યોજના ઘડી હતી. ટેલીફોન અને

લેખિત સંદેશ વ્યવહાર આંતરવામાં આતંકવાદીઓ સફળ થયા

તા અને એ કોઈની જાણ બહાર નહોતું.આતંકવાદીઓને ગેરરસ્તે

દોરવા માટે પોકળ સંદેશવ્યવહાર ચાલુ રાખવામાં આવ્યો હતો.

અગત્યના અને મહત્વપૂર્ણ સંદેશવ્યવહારની આપ-લે ઉર્વશીની

કંપનીના બનાવેલા કૃત્રિમ કબુતરો કરતા. વાસ્તવમાં કબૂતર એક

નાનકડું ડ્રોન યાનેકે પાયલોટવિહોણું વિમાન હતું.રેડીઓ કંટ્રોલ

અને કબુતરના માળખામાં ગોઠવેલા કમ્પ્યુટરની મદદથી કબૂતરને

કોઈ પણ નિયત સ્થળે મોકલી શકાય એવો પ્રોગ્રામ ડિઝાઇન

કરવામાં આવ્યો હતો.જી. પી.એસ. ગ્લોબલ પોઝિશનિંગ

સેટેલાઇટની મદદથી કબુતરની પ્રત્યેક હિલચાલ ઉપર નજર

રાખવામાં આવતી. જયારે કબૂતર લેન્ડ થાય ત્યારે માલસામાન

કાઢી લેવાય અને કબૂતર પાછું ફરે. કબૂતર ચારસો ફૂટની ઊંચાઈથી

નીચે ઉડતું હોવાથી કોઈ પણ જાતની રોકટોક ન થતી, કારણકે કોઈના
રેડાર સ્ક્રીન પર એ દેખાય નહીં. સદ્ભાગ્યે વર્ષભરના ઉડ્ડ્યનો

દરમ્યાન કબૂતરે નિર્વિઘ્ને કોઈ પણ જાતની અથડામણ વગર

કામગીરી બજાવી હતી. અને કબુતર કમનસીબે કોઈ વિમાન
સાથે અથડાય અને હોનારતનું કારણ બને તો એમાં કોઈ અજુગતું

તો નહોતું. વિમાન અને વિહંગની અથડામણ જવલ્લે જ થવાની

શક્યતા નકારી શકાય તો નહીં ને!
નોર્થ કોરિયન રેડક્રોસ ઓફિસમાં આમ તો બહુ અવરજવર નહોતી

કારણ કે જરૂરતમંદોની જરૂરિયાતો ભાગ્યે જ પુરી થતી. ઇન્ટનેશનલ

રેડક્રોસ તરફથી સહાયમાં આવતી ચીજ વસ્તુઓનું કુપાત્રે જ

દાન થતું. બોડી બામણીના ખેતરના ખેડનારાઓ જગતના તાત
ખેડૂત જેવા દરિયાદિલ નહોતા. સર્વત્ર બને છે તેમ લાંચિયા

કાર્યકર્તાઓ અને લાગતાવળગતાઆઆઓને ઘી-કેળા હતા અને

સામાન્ય જનોને રોજા રાખવાના!તાજેતરમાં આવેલા આવા જ

એક શિપમેન્ટમાં એક સામાન્ય, નાનું પણ વજનદાર પેકેટ હતું. પેકેટ
જોઈને સમાન ગોઠવનાર નું કુતુહલ વધ્યું અને એણે ઉપરી

અધિકારીને એ પેકેટ વિષે જાણ કરી. ઉપરી અધિકારીએ કહ્યું ”

એ પેકેટ હમણાં બાજુ પર રાખો. બધું પતી ગયા પછી જોઈશું.”

ઉપરીના કહેવા પ્રમાણે પેકેટ બાજુ પર રાખવામાં આવ્યું. થોડીવાર

પછી ઉપરીએ ફોનનું રીસીવર ઉઠાવ્યું અને એક નંબર જોડ્યો,

સામેથી પ્રત્યુત્તર મળ્યો ત્યારે ઉપરીએ જણાવ્યું, “પરોણા પધાર્યા છે.”

સામેથી જવાબ આવ્યો કે ” એમને ઉતારો આપવા માટે
ધર્મશાળાની જોગવાઈ થઇ ગઈ છે. થોડીવારમાં સાજન મહાજન

પરોણાને આવકારવા આવશે.” અને ફોન કપાઈ ગયો.
નોર્થ કોરિયા ખાતેના ચાઈનીઝ એમ્બેસેડરની ઓફિસના જાસૂસી

ખાતાનો એક માણસ બૌદ્ધ ભિક્ષુકનો વેશ ધારણ કરીને રેડક્રોસની

ઓફિસે પહોંચ્યો. ઉપરીને મળ્યો. ત્યાંથી પેકેટનો કબ્જો લઈને

પ્યોંનયોન્ગ રેલવે સ્ટેશને પહોંચ્યો અને અડધા કલાક પછી બેઇજિંગની

ટ્રેઈન પકડી. ત્યાં પહોંચીને બૌદ્ધ સાધુએ બેંગકોકની ફ્લાઇટ પકડી.ત્યાંથી
ભાડાની કારમાં મ્યાનમાર સરહદનો રસ્તો પકડ્યો.કોઈ પણ જાતની

રોકટોક વગર એ બૌદ્ધ સાધુ સરહદ પાર કરીને રંગુન પહોંચ્યો. રંગુનથી

લગભગ પચાસ માઈલ દૂર જંગલમાં આવેલી પ્રયોગશાળામાં પહોંચ્યો.

પ્ર્યોગશાળાનો બાહ્ય દેખાવ સામાન્ય હતો પણ અંદર સાધન
સામગ્રીથી સુસજ્જ હતી. સાવચેતીપૂર્વક એનરિચ્ડ યુરેનિયમ

પેકેટમાંથી કાઢીને ચકાસવામાં આવ્યું. માલ ખત્રીનો હતો.

પ્રયોગશાળાના ડિરેક્ટર ભૂતપૂર્વ સોવિયેટ યુનિયનના
કઝાખસ્તાનના અણુકેન્દ્રના મેનેજર હતા. સોવિયેટ

રશિયાના વિભાજન બાદ વોરોસિલોવ માટે કઝાખસ્તાનમાં

બેકારી સિવાય કૈં નહોતું. અણુશસ્ત્રોના ઉત્પાદનનો બહોળો

અનુભવ મેળવી ચૂકેલા વોરોસિલોવને ઇઝરાયેલી જૂથની લાગવગથી

મ્યાનમારમાં અણુશક્તિ સંશોધન કેન્દ્ર ના ડિરેક્ટરની કામગીરી

મળી હોવાથી એ ઇઝરાયેલ નો ઋણી હતો. ઇઝરાયેલ અને
ચાઈનીઝ જાસૂસી ખાતાના સગવડિયા સગપણથી સાવ

અજ્ઞાત તો નહોતો. વોરોસિલોવની જવાબદારી ટૂંક સમયમાં

એક અણુશસ્ત્ર તૈયાર કરી આપવાની હતી.
અણુશસ્ત્ર બનાવવું એટલું મુશ્કેલ નહોતું. કારણકે કમ્પ્યુટર અને

આધુનિક ટેક્નોલોજી ની સગવડોથી એ કામ સરળ બન્યું હતું.

ઝીણવટ અને ચોક્સાઈભર્યું કામ કરવા માટે દાંતના ચોકઠાં

બનાવનાર ડેન્ટલ લેબોરેટરીના ટેક્નિશિયનોને એકઠા કર્યા
હતા.વોરોસિલોવની ગણતરી હતી કે આ ટેકનીશીયનો ચાર

મહિનામાં જ એક અણુશસ્ત્ર બનાવી શકશે.અણુશસ્ત્રનું માળખું

તૈયાર થઇ ગયું હતું; માત્ર યુરેનિયમ ગોઠવીને બાકીનું કામ
પૂર્ણ કરવાનું હતું. વોરોસિલોવ એનરિચ્ડ યુરેનિયમ મળી જવાથી

ખુબ ખુશ થયો. એણે ઇઝરાયેલી જાસૂસી ખાતાને સાંકેતિક સંદેશો

મોકલ્યો:” મૂર્તિ તૈયાર છે.” નોધારું ઘરબાર વગર રઝળપાટ કરી

રહેલા વાદળ સમાન પેકેટ આખરે મંઝિલે પહોંચ્યું હતું.
ત્રિશૂલને થાપ આપી શકે એવા અપવાદોની સંખ્યા નહિવત હતી.

પરીક્ષિતની મૂંઝવણ વધી. એનરિચ્ડ યુરેનિયમનું શું થયું? જનરલ

પોસ્ટ ઓફિસની મુલાકાતે કોઈ ફરક્યું નહોતું. પેકેટ નોર્થ કોરિયા પહોંચ્યું

કે નહીં તે પણ શંકાસ્પદ હતું.

પરીક્ષિતના માનસપટ પર તર્ક-વિતર્ક ના ચિત્રચારસા ઊપસ્યાં.

નોર્થ કોરિયાને એનરિચ્ડ યુરેનિયમની આવશ્યકતા તો
હતી પણ એને પહોંચી વળવા માટે ત્યાંની સરકાર બહારવટું ખેડે

એટલી નપાવટ તો નહોતી. વળી ચીનની સરકાર એમની બધી

જરૂરિયાતો પુરી પડતી હતી. મોસાળમાં જમવાનું હોય અને માં

પીરસનારી હોય તો પછી એવું જોખમકારક પગલું તો કોઈ

મૂર્ખશિરોમણી પણ ન ભરે!ભારત સરકાર અને નોર્થ કોરિયાની

સરકાર વચ્ચેના સંબંધો આંતરરાષ્ટ્રીય ધારા ધોરણ

મુજબ સ્થપાયા હતા. તો પછી એનો અર્થ શું? એનું રહસ્ય શું?

પરીક્ષિત પ્રચલિત માન્યતાઓને બહાલી ન આપી શક્યો.

અસંગત અને અસાધારણ દ્રષ્ટિકોણથી એક વિમુખ નિરીક્ષક

બનીને આ કોયડાનું મૂલ્યાંકન કર્યું.એનરિચ્ડ યુરેનિયમની માંગ

અદભુત હતી, અણુશક્તિના ઉગ્ર ઉપાસકોને હસ્તગત આ દ્રવ્ય

વિનાશ નોતરે એ નકારી શકાય એમ ન હોતું.
અણુશક્તિના આવા ઉપાસકો તો કોઈ પણ દેશમાં મળી આવે!

છતાંય અણુશશ્ત્રોનો છડેચોક ઉપયોગ કરવા જેટલી મૂર્ખતા તો

કોઈ પણ દેશની સરકાર ન દાખવે.