સરોદ છેડે સેક્સી સૂર.

સરોદ છેડે સેક્સી સૂર.

નાટ્યાત્મક રહસ્ય વાર્તા

sarod

વિશ્વ વિખ્યાત સરોદવાદક પંડિત અલૌકિક શર્મા અમેરિકાથી એક અઠવાડિયા પહેલા જ અમેરિકાની કોન્સર્ટ ટૂરમાંથી પાછા ફર્યા હતા. ન્યુયોર્કથી બોમ્બે આવવાને બદલે દિલ્હી પહોંચી ત્રણ દિવસ મિત્ર જાગૃતિ મિશ્રાને ત્યાં રોકાયા હતા. એમની સાથેનું સહાયક ગ્રૂપ તો ન્યુયોર્કથી સીધું બોમ્બે પહોંચી સ્વસ્થાને વિખેરાઈ ગયું હતું.

સોમવારની સવારની ફ્લાઈટમાં પંડિતજી દિલ્હીથી બોમ્બે ઉતર્યા હતા. અને તે રાત્રે એમની લીવ ઈન પાર્ટનર શ્રુતિકાએ પોલિસને ફોન કરીને જણાવ્યું હતું કે પંડિતજી કાર ગરાજમાં કચડાયા છે. જ્યારે પોલિસ ત્યાં પહોંચી ત્યારે શર્માજીનો લોહીથી તરબોળ થયેલો દેહ વાનના આગળના બમ્પર અને ગરાજની કોંક્રેટ દિવાલની વચ્ચે દબાયલો હતો. કારનું એન્જિન ચાલુ હતું અને ડ્રાઇવિંગ સીટ પર એમનો ડ્રાયવર મનોજ હતો. તરત એમના યુવાન છવ્વીસી ડ્રાઈવર મનોજની ધરપકડ થઈ હતી. પંડિત શર્માજી દેશ-વિદેશમા પ્રસિધ્ધ સંગીતકાર હતા એટલે પહેલેથી જ એમનો કેસ રસપ્રદ બન્યો હતો. ટેલિવિઝન પર એ કેસ ના સમાચાર રોજનું કુતૂહલ બની ગયું હતું.

ડ્રાઈવર મનોજને બચાવ માટે સરકાર તરફથી મળેલ વકીલ શાહને કેસની વચ્ચે કોઈક જાતનું કેન્સર નીકળ્યું. એ કેસ મિસ જોગળેકરને સોંફાયો હતો.

પહેલાં પ્રોસિક્યુટરની રજુઆત પ્રમાણે મનોજ અઢી વર્ષથી ડ્રાઈવર તરીકે નોકરી કરતો હતો. શર્માજીની યુવાન પાર્ટનર શ્રુતિકાની સાથે મનોજના શારીરિક સંબંધોની કબુલાત પણ થઈ ગઈ હતી. એ બન્નેનો શર્માજીની ગેરહાજરીમાં શરીર સમાગમ થતો હતો. આગળની જુબાની માં એણે કબૂલ કર્યું હતું કે શર્માજીએ પરદેશ જતાં પહેલાં બન્નેને એમના બેડમાં પકડ્યા હતા અને મનોજને માર માર્યો હતો. ત્યારે મનોજે એને ઘમકી આપી હતી કે જો બીજીવાર હાથ ઉપાડશો તો તમારા હાથના હાડકાં તોડીશ અને સરોદ બરોદ તો ઠીક પણ ખાથે ખાવાના પણ ફાંફાં પડશે.

જેનો ચૂકાદો હાથ વેંતમાં હતો. તે કેસની બ્રીફ અધુરી લાગતાં ફરી જોગળેકરે વધુ સમયની માગણી કરી.  ફરી સાક્ષીઓની જુબાની શરુ થઈ.

શું તેં ખરેખર આવી ધમકી આપી હતી?’

હા, તે સમયે ગુસ્સામાં મારાથી એવું બોલાઈ ગયું હતું.’

શું તારો ખરેખર આવો ઈરાદો હતો?’

ના.

પોલિસ મેડિકલ રિપોર્ટ પ્રમાણે શર્માજીનું મૃત્યુ સાંજે થી ના સમયે થયું હતું તો એ સમયે તું ક્યાં હતો? એ સમયે ઘરમાં કોણ હતું?’

હું બંગલા પાછળની ઓરડીમાં ઊંધી ગયો હતો. શ્રુતિકાદીદી સાંજે ચાર વાગ્યે નિર્માતા દત્તાજીને મળવા જવાના હતા અને શર્માજીને કોઈ મળવા આવવાનું હતું. મને ખબર નથી કે દીદી ઘરમાં હતાં કે નહીં, કોઈ મળવા આવ્યું હતું કે નહીં. મને કશી ખબર નથી કે એ સમયે ઘરમાં કોણ હતું અને કોણ ન હતું. રાતે સવા આઠ વાગ્યે દીદીએ મારી ઓરડીની સાંકળ ખખડાવી જગાડ્યો અને જણાવ્યું કે શર્માજી  કચડાઈ ગયા છે. હું શર્માજીને બહાર કાઢવા કાર રિવર્સમાં લેવા જતો હતો ત્યારે પોલિસ આવી અને મને પકડી લીધો હતો.

ધેટ્સ ઓલ યોર ઓનર નાવ આઈ કોલ  શ્રુતિકા.’

આખો કોર્ટરૂમ ચિક્કાર હતો. ન્યુઝ રિપોર્ટરો આંખે દેખ્યો હેવાલ ટેલીવિઝન પર પ્રસારીત કરતા હતા.

શ્રુતિકાએ કોર્ટ જુબાનીમાં જણાવ્યું હતું કે એ સોળ વર્ષની હતી ત્યારે ઘરકામની નોકરી માટે આવી હતી. શર્માજીના પત્ની મધુરાદેવીએ ઘરકામ માટે મને રાખી હતી. અને મને પગાર નહીં પણ રહેવા, ખાવા અને ભણવાની ફી આપવાનું નક્કી કર્યું હતું. તમે જોઈ શકો છો કે હું બ્યુટિફુલ છું. શર્માજીની કેટલીક શારીરિક ઈચ્છાઓ પૂરી પાડવાનો મારે કમને સ્વીકાર કરવો પડતો હતો. એના બદલામાં મને  હાથ ખર્ચી માટે થોડા પૈસા ખાનગીમાં મળ્યા કરતા હતા. એક દિવસ મધુરાદેવીને અમારા સંબંધની ખબર પડતાં શર્માજી સાથે મોટો ઝગડો થયો હતો. શર્માજીનો સ્વભાવ ક્રોધી હતો. એમણે મધુરાદેવીની મારપીટ કરી હતી અને એમના દેખતાં મને તેમની સાથે સૂવા ફરજ પાડી હતી. તેજ સમયે મધુરાદેવી ઘર છોડી ગયા હતાં. ત્યાર પછી જાણવા મળ્યું હતું કે તેઓ ઋષિકેશના કોઈ આશ્રમમાં રહે છે.

શ્રુતિકાએ વધુ પ્રશ્નોના ઉત્તરમાં જણાવ્યું હતું કે મધુરાદેવીના ચાલ્યા ગયા પછી શર્માજીના ઘર સંસારનો બોજો મારા પર આવી ગયો હતો. મેં ફરજ બજાવતાં બજાવતાં મારો અભ્યાસ ચાલુ રાખ્યો હતો. મેં એમના એમની આર્થિક મદદથી ઈકોનોમિક્સમાં માસ્ટર કર્યું હતું. પત્ની તરીકેના તમામ  અધિકાર ભોગવવા છતાં હું પત્ની ન હતી.  સાથીદાર હતી. એમની પાસે ઘણાં સ્ટુડન્ટ સંગીત શીખવા આવતાં હતાં. એમની બાહોંમા ક્યાંતો સરોદ કે ક્યાં તો કોઈ સુંદરી હોય એ મેં સ્વીકારી લીધું હતું.  રિયાઝ પૂરો થયા પછી તાનપૂરા પર સાથ આપતી સ્ટુડન્ટ છોકરી સાથે કોઈક વાર સૂઈ જતા.

મેં સંગીત શીખવામાં રસ લીધો નથી. મારે તો ભણવું હતું. કોઈક વાર મારે પણ વિદ્યાર્થીનીની સાથે સહશયનમાં કંપની આપવી પડતી. જે મારે માટે અસહ્ય હતું. જરા સાથ આપીને ઝટકી જતી.

શ્રુતિકાએ એની હાલની ઉમ્મર સાડત્રીસની જણાવી હતી. 

આ તે કઈ જાતની સોસાયટી છે?’ જોગળેકરના સવાલ ના જવાબમાં શ્રુતિકાએ જણાવ્યું હતું  ‘મેડમ, આખા વિશ્વમાં હાઈ પ્રોફાઈલ સોસાયટીમાં આવું ચાલતું   હોય છે.  ક્યાંતો ઈનફાયડાલિટી ઓપન હોય કે ક્લોઝેટમાં ક્લોઝ હોય. બટ ઈટ એક્સીસ્ટ એવ્રીવેર. આ હકીકત છે. શર્માજીને આમાં કશો છોછ પણ ન હતો. ઘણાં ટેબ્લોઇટસ એ બાબતમાં જાત જાતની ગોસીપ લખતા રહ્યા છે.

શ્રુતિકાએ જણાવ્યું હતું  ‘એક ઈવાન્ટ મેનેજરથી માંડી હાઉસકીપર કે હાઉસવાઈફ તરીકે બધી ફરજો બજાવી હતી. એમની આર્થિક વ્યવસ્થા પણ હું સંભાળતી હતી.

શર્માજીની સ્થાવર જંગમ મિલ્કતોની વેલ્યુ કેટલી?’

આશરે ત્રીસ કરોડ.

એક શાસ્ત્રીય સંગીતકાર આટલા બધા ધનિક? આટલી સમૃદ્ધિ તો ફિલ્મોના મ્યુઝિક ડાયરેક્ટરની પણ હોતી નથી.

ના મેમ, આ કંઈ આજના સમયના મુંબઈ માટે વધારે નથી. આજે તો એક નાના ફ્લેટની કિંમત કરોડોની થાય છે એ જાણીતી હકીકત છે. હું એમના કોન્સર્ટનું માર્કેટિંગ કરતી. આયોજન  કરતી. એમની આવકનું મેં કાળજી પુર્વક રિયલ એસ્ટેટ અને સ્ટોકમાં રોકાણ કર્યું હતું અને સંપત્તિ વધી હતી. અમેરિકાથી આવ્યા પછી કાયદેસરના લગ્ન કરવા વિચાર કરીશું એમ પણ નક્કી થયું હતું.’

જોગળેકરે કોર્ટમાં ધડાકો કર્યો કે જો શર્માજી વિચાર બદલે તો શ્રુતિકા અટવાઈ જાય. બેન્કમાંથી મેળવેલી માહિતી મુજબ શ્રુતિકાના એકલાને નામે ત્રેવીસ કરોડ જમા છે તેમાંના અગીયાર કરોડતો છેલ્લા મહિનામાં શર્માજીના એકાઉન્ટમાંથી શ્રુતિકાના એકાઉન્ટમાં ટ્રાન્સફર થયા છે. તમામ સંપત્તિની લાલચમાં શ્રુતિકા તેં અને તેં   અને તેં શર્માજીને પતાવી દીધા છે.

એમના સિવાય મારો કોઈ પરિવાર નથી. હું શું કરવા એમનું મૃત્યુ ઈચ્છું. હી ઇઝ ઓન્લી કંપેનિયન આઈ હેવકહેતાં કોર્ટમાં શ્રુતિકા બેભાન થઈને ઢળી પડી હતી. સુનાવણી એક અઠવાડિયા માટે મુલ્તવી રહી હતી.

શું શ્રુતિકાએ ખૂન કર્યું હતું?

 ***

આગળના કોન્સલથી એમની કથળતી તબિયતના કારણે આ કેઇસમાં પુરતું રિસર્ચવર્ક થઈ શક્યું નથી. નામદાર કોર્ટને વિનંતી કરું છું કે મને ત્રણ અઠવાડિયાનો સમય મળે.

આઈ ઓબ્જેટ. આ સીધા કેસમાં કોર્ટનો ઘણો સમય વેડફાઈ ચૂક્યો છે. કોઈ સંશોધન બાકી નથી રહ્યું. પોલિસ પ્રોસીક્યુટરે દલીલ કરી હતી

ઓબ્જેક્શન ઓવર્રૂલ. મોશન ઈઝ ગ્રાન્ટેડ.’

***

દિનેશસિંહજી આ જાગૃતિ મિશ્રા કોણ છે? શર્માજી એને ત્યાં ત્રણ દિવસ રોકાયા હતા. કોઈ જાતનું કનેક્શન?’  જોગળેકરે લો ફર્મના પ્રાઈવેટ ડિટેક્ટિવ દિનેશસિંહ જાડેજાને પૂછ્યું.

જાગૃતિ એના તબલાવાદક મિત્ર શંકર મિશ્રાની વિધવા છે. જાગૃતિને એઓ નિયમિત નાણાંકીય મદદ કરતા હતા. શર્માજીએ શંકર મિશ્રાના મૃત્યુ પછી પણ મૈત્રી સંબંધ જાળવી રાખ્યા હતા. જ્યારે દિલ્હીમાં રોકાવાનું થાય ત્યારે એઓ એને ત્યાં રોકાતા.’

એઓ ત્રણ દિવસ દિલ્હી કેમ રોકાયા હતા?’

ખરેખર તો શર્માજી શુક્રવારે બપોરે એરપોર્ટ પરથી ઉતરી જાગૃતીને ત્યાં ગયા હતા. શનિવારે જાગૃતિને લઈને ઋષિકેશ એમની પત્ની મધુરાદેવીને મળવા ગયા હતા.

બ્રીફ પ્રમાણે મધુરાદેવી અને જાગૃતિની જુબાની બન્ને પક્ષે લેવાઈ નથી. મધુરા અને જાગૃતિને સાક્ષી તરીકે બોલાવવી પડશે.’

***

મધુરાદેવી આપનું મૂળ નામ?’

મને મધુરાદેવી તરીકે બધા ઓળખે છે.

આપ સોગંદ પર કોર્ટમાં જુબાની આપી રહ્યા છો. લોકો તમને કયા નામે ઓળખે છે એ મેં નથી પૂછ્યું. મેં આપનું મૂળ નામ પુછ્યું છે.

મારું બાળપણનું નામ મુમતાઝબાનુ હતું.’

તો આપના લગ્ન બ્રાહ્મણ સંગીતકાર સાથે કેવી રીતે થયા?’

શર્માજી મારે ત્યાં રહી મારા અબ્બાજાન પાસે સંગીત શીખતા હતા. હું ચૌદ વર્ષની હતી ત્યારે દાઝી જવાથી મારો ચહેરો કદરૂપો થઈ ગયો હતો. એકવાર શર્માજીએ મારા પર બળાત્કાર કર્યો અને હું પ્રેગ્નન્ટ થઈ ગઈ. મારા વાલિદે શર્માજીને ખૂબ માર્યા હતા અને ઇસ્લામ અપનાવીને નિકાહ માટે દબાણ કર્યું. છેવટે મને હિન્દુ બનાવી લગ્ન કરવા તૈયાર થયા હતા. મને મૃત બાળક જન્મ્યું હતું. મારા અબ્બાજાન જન્નત નશીન થયા પછી એમણે મને મારપીટ કરવાનું શરૂ કર્યું હતું અને અમારી કામવાળી શ્રુતિકા સાથે વ્યભિચારી જીવન જીવવા માડ્યું હતું. એમના શારીરિક માનસિક ત્રાસથી કંટાળી હું એમના મિત્ર મિશ્રાજી પાસે મદદ માંગવા ગઈ હતી તેમણે મને એક સ્વામીજીના આશ્ર્મમાં રહેવાની વ્યવસ્થા કરી આપી હતી. હવે હું એકાકી જીવન જીવું છું.

તમે સંસાર છોડ્યો હતો તો શર્માજી સાથે  ડિવોર્સ કેમ નહોતા લીધા?’

મને એ જરૂરી નહોતું લાગ્યું.

તમને એ ખબર છે ને કે જો ડિવોર્સ વગર શર્માજીનું મૃત્યુ થાય તો પત્ની તરીકે એમની તમામ જાયદાદ તમને મળે?’

મને ખબર નથી.

ના મુમતાજ બાનુ તમને એ વાતની પૂરી ખબર  હતી અને છે કે એમની તમામ જાયદાદ તમને મળે. આ બાબતમાં બે વર્ષ પહેલા તમે દિલ્હીના સોલિસ્ટર ગુપ્તાની સલાહો લીધી હતી. તમને એ પણ ખબર હતી કે શ્રુતિકા ધીમે ધીમે વ્યવસ્થીત રીતે બેન્ક બેલેન્સ એના નામ પર કરતી જતી હતી. શર્માજી સાથેના તમારા લગ્ન પ્રેમભર્યા ન હતા પણ જોરજૂલ્મથી કરાયલા હતા. પણ પાછળથી કરોડોની મિલ્કતની લાલચ ઉમેરાઈ હતી. શ્રુતિકાના હાથમાં નાંણાંકીય વ્યવસ્થા હતી. જો ડિવોર્સ થાય કે શર્માજીની હાજરીમાં બધું શ્રુતિકા પચાવી પાડે તો મુમતાજ ને કશું ના મળે એટલે શર્માજીને જલ્દી પતાવી દેવામાં તમારો રસ હતો ખરું ને?’

યોર ઓનર, ખરેખર તો શર્માજી મધુરાને ડિવોર્સ માટે સમજાવવા ગયા હતા. શર્માજીના મોતને માટે કોઈક રીતે મુમતાજ જવાબદાર છે.

શું મુમતાજે શર્માજીને મોતને ઘાટ ઉતાર્યા? ના તે તો તે દિવસે હરદ્વારમાં હાજર હતી.

***

ત્યાર પછી  દિલ્હીની જાગૃતીની જુબાની લેવાઈ હતી.

જાગ્રુતિજી આપ કેટલા સમયથી શર્માજીને ઓળખતા હતા?’

એ મારા પતિના મિત્ર હતા. મારા પતિ સંગીતકાર અને તબલા વાદક હતા. મેં પણ સંગીતનું શિક્ષણ લીધું છે. અમે ત્રણ એક સાથે રિયાઝ કરતા હતા. હું તાનપુરા પર સાથ આપતી.’

તમારા પતિનું અવસાન કયા કારણે થયું હતું?’

મારા પતિનું મૃત્યુ અલ્હાબાદમાં ગંગામાં ડૂબી જવાથી થયું હતું.’

એ એકલા ન્હાવા ગયા હતા?’

ના સાથે શર્માજી પણ હતા. 

પતિના મૃત્યુ પછી તમારા સંબંધ કેવા હતા?’

મૈત્રીપૂર્ણ.’

મૈત્રીથી વિશેષ?’

મેં કહ્યુ ને કે મૈત્રીપૂર્ણ. હું પતિના મૃત્યુ પછી બે વાર એમની સાથે યુરોપ કોન્સર્ટમાં ગઈ હતી. પછી જવાનું બંધ થયું હતું.’

યોર ઓનર આ મારી પાસે જૂનો રેકોર્ડ છે તે પ્રમાણે જર્મની અને ઈંગ્લેન્ડના પ્રવાસ દરમ્યાન શર્માજી અને જાગૃતીએ હોટલનો એક રૂમમાં પ્રેમી તરીકે રહ્યા હતા. શ્રુતિકાએ શર્માજી સાથે વિદેશ જવા માંડ્યુ ત્યારથી જાગૃતિનું પત્તુ કપાઈ ગયું હતું. તબલા વાદક મિશ્રાજીના મોત બદલ પણ સગીત ક્ષેત્રમાં ચડભડ પણ ચાલી હતી કે એને માટે શર્માજી અને જાગૃતીનું પ્રેમ પ્રકરણ જવાબદાર હતું. આ ઉપરાંત જાણવા મળ્યું હતું કે જાગૃતી અનેક વખત શર્માજી ને વિનંતી કરતી હતી કે શ્રુતિકાને કાઢી મૂકો. શ્રુતિકાની જગ્યા લેવા માંગતી હતી. અને મુંબઈમાં એમની સાથે રહેવા માંગતી હતી પણ શર્માજીએ જાગૃતિમા રસ ગુમાવી દીધો હતો.

જાગૃતી અમારી માહિતી પ્રમાણે તમે તરત શર્માજીની પાછળની ફ્લાઈટમાં મુંબઈ આવ્યા હતા અને તે રાત્રે તમે પાછા ટ્રેઈન દ્વારા ખૂન કરી દિલ્હી ચાલ્યા ગયા હતા ખરું ને?’

ના ના ના ના. મેં ખૂન કર્યું નથી. હું શર્માજીની સાથે મુંબઈ આવવાની હતી પણ મને તેમની ફ્લાઈટમાં બુકિંગ ના મળ્યું એટલે મારે એમની પાછળની ફ્લાઈટમાં આવવું પડ્યું. અમે મુંબઈમાં મારી કાયમી રહેવાની ગોઠવણ અંગે વધુ ચર્ચા કરવાનાં તાં. હું આશરા હોટલમાં રોકાઈ હતી. હું એમને પાછી મળુ, તે પહેલા ટીવી પર સમાચાર સાંભળ્યા કે શર્માજી મૃત્યુ પામ્યા છે. હવે મુંબઈમાં રોકાવાનો કોઈ અર્થ ન હતો એટલે ટ્રેઇન મારફતે દિલ્હી ચાલી ગઈ હતી.

બચાવ પક્ષના વકીલ મીસ જોગળેકરે તેની દલીલમાં જણાવ્યું હતું આ ત્રણે મહિલાઓ એક કે બીજા કારણસર શર્માજીનું મોત ઈચ્છતી હોવાની સંભાવના છે. જે મોટિવ માલિક નોકરના ઝગડા કરતાં વધુ મજબુત છે.  આ કેસમાં માત્ર અત્યાર સૂધી સ્ટીયરિંગ પર આરોપી મનોજના ફિંગર પ્રીન્ટ અને અને મહિનાઓ પહેલાના ઝગડાને કલ્પીત અદાવતને મોટિવ ઘણીને મનોજને આરોપી ઠરાવવાનો પ્રયત્ન થઈ રહ્યો છે. અમારી ડિટેક્ટિવ ટીમ પાસે કેટલીક નવી વિગતો આવી છે. મારે સમાપન માટે માત્ર બે દિવસનો સમય જોઈએ છે.

કોન્સોલ, અત્યાર સૂધીમાં આરોપીની નિર્દોષતા પૂરવાર કરવાને બદલે થર્ડ પાર્ટીના મોટિવને લક્ષીને દલીલો થઈ છે. કાલના પૂરતો સમય આપું છું અને પ્રોસીક્યુટરની ફાયનલ ક્લોઝિંગ શરૂ થશે. કોર્ટ એડજર્ન ફોર ધ ડે.’

ત્યાર પછીના કલાકોમાં; ટીવી, રેડિયો, ઈન્ટર્નેટ અને ન્યુઝ પેપર શર્માજીની જાત જાતની સેક્સ લાઈફની મસાલેદાર ગોસીપોમાં વ્યસ્ત હતું. શર્માજી વિશ્વભરમાં જાણીતા સંગીતકાર હતા. એમની આંગળીઓના સ્પર્શ માત્રથી સરોદના એક તારથી આખા ઑડિટોરિયમનો શ્વાસ થંભી જતો. જ્યારે એમને સ્ત્રીસંગના પ્રશ્ન પૂછવામાં આવતા ત્યારે માત્ર સ્મિત વેરતા અને કહેતા હું શું નવું કરું છું જે વિશ્વના દરેક સ્ત્રી પુરુષો નથી કરતાં. શૃંગાર અને સેક્સ એ પણ જીવનનો એક રાગ છે.તમે એ રાગ  પત્નીરૂપી એકતારા પર આખી જિંદગી વગાડો છો. મારા જીવનમાં બહુતારી સરોદ છે. વિવિધ રાગો છે. જ્યારે શ્રુતિકા વિશે પુછવામાં આવતું ત્યારે એમનો એક્નો એક જવાબ મળતો. શ્રુતિકા મારા જીવનસરોદની એક સહાયક અને અગત્યની ડ્રોન સ્ટ્રિંગ છે. એ તો સદા મારી સાથે વાગતી રહેશે.’

કેસ અંગે જેમ જેમ રસપ્રદ માહિતી આવતી તેમ તેમ અટળકો પણ વધતી હતી. કોણ ખૂની હશે?  કેસ તો મનોજ પર ચાલે છે પણ જોગળેકર તો ત્રણ ત્રણ સ્ત્રીઓને શર્માજી સાથે સેક્સ અને સંપત્તિ સાથે સાંકળી રહી છે કોણ હશે ત્રણમાંની ગમેતે એક કે બીજું કોઈ? જૂદા જૂદા નામો પર સટ્ટો રમાતો હતો. કેસના દિવસે કોર્ટરૂમ ચિક્કાર હતો. શર્માજીના મિત્રો અને સાજીંદાઓથી કોર્ટરૂમ ભરાઈ ગયો હતો. એમાં દેશી વિદેશી પ્રસંસકો પણ હતા.

કોર્ટમાં સુનાવણી પહેલાં જોગળેકરે થોડા કાગળો જજને આપ્યા. જજ અને પ્રોસીક્યુટર સાથે કંઈક લાંબી મંત્રણા થઈ. કોર્ટ ક્લાર્કે જાહેર કર્યું કે આજની સુનાવણી દરમ્યાન કોઈ પણ વ્યક્તિ ઉઠીને બહાર જઈ શકશે નહીં અને કોઈપણ નવી વ્યક્તિ આ રૂમમાં આવી શકશે નહી. જેને બહાર જવું હોય તે અત્યારે બહાર નીકળી જઈ શકે છે. કોર્ટમાં જરા ગણગણાટ થયો પણ કોઈ પણ બહાર ગયું નહિ.  કોર્ટ માર્શલે કોર્ટરૂમના દરવાજા બંધ કર્યા અને કાર્યવાહી શરુ થઈ.

ઈન્સ્પેકટર રામચંદ્રને બોલાવવામાં આવ્યા. જોગળેકરે રજુ થયેલા પોલિસ પુરાવાઓમાંથી એક હાથમાંનું મોજું બતાવી પૂછ્યું.

ઈનસ્પેક્ટર, આપને કારના આગળ બમ્પર પાસેથી માત્ર આ એક હેન્ડ ગ્લોવ્ઝ મળ્યું હતું?’

યસ મેમ. એક હતું.’

આ હાથમોજું મેનનું છે કે લેડિઝનું છે?’

લેડિઝનું છે.

ક્યાંની બનાવટ છે?’

એના પર કોઈ કન્ટ્રી લેબલ નથી એટલે ખરેખર કહી શકાય એમ નથી પણ મહિલા ઓફિસરના અંગત અભિપ્રાય પ્રમાણે એ અમેરિકન બ્રાન્ડ છે.

ત્યાર પછી કોર્ટ દર્ક્ષક તરીકે આવેલા તિવારીને બોલાવવામાં આવ્યા.

તિવારીજી માફ કરજો અગાઉથી સમન્સ વગર આપને સાક્ષી તરીકે બોલાવવા પડ્યા છે. આપ કેટલા સમયથી શર્માજી સાથે તબલા પર સંગત કરી રહ્યા છો?’

મિશ્રાજીના દેવલોક પામ્યા પછી મેં શર્માજીને હંમેશ માટે સાથ આપવા માંડ્યો હતો.  

એનો અર્થ એ કે આપ એમને વર્ષોથી ઓળખતા હતા. અમારી પાસે શર્માજીના ડાબા હાથના પંજાના પહેલાના ફોટોગ્રાફસ છે. અને શર્માજી ના કચડાયેલા શરીર અને ઉંચા થયેલા હાથના પંજાના છેલ્લા ફોટામાં શું ફેર છે તે કહી શકશો?’

કંઈ સમજાતું નથી.

બરાબર ધ્યાનથી જૂઓ.’

હા હા, બરાબર છે. એના મૃત શરીરના હાથના પંજાની વચલી આંગળીની વીંટી નથી. એઓ ડાબા હાથમાં એક વીંટી અને જમણાં હાથની ચારે આંગળીમાં વીંટી પહેરતાં. ડાબા હાથની વચલી આંગળીની વીંટી અમેરિકાના એક ઈન્ડિયન ઝવેરીએ એને ઘેર પ્રાઈવેટ સંગીત પાર્ટી રાખી હતી ત્યારે એ ગિફ્ટમાં આપી હતી. એની કિમત તે વખતે આશરે પાંત્રીસ હજાર ડોલરની થતી હતી.

આજે કોર્ટની સુનાવણીમાં આપના કેટલા સાથીદાર હાજર છે? જરા આંગળી ચીંધીને બતાવી શકશો?’

એક તો હું. બીજા શ્રીવાસ્તવજી જેઓ હંમેશાં હાર્મોનિયમસૂરનો સાથ આપે છે. એઓ પ્રજ્ઞાચક્ષુ છે. આસમાની રંગની સાડીમાં બેઠેલા ભારતીબેન યાદવ અમેરિકાના છે અને એઓ અમારા ગ્રુપની સાથે જોડયા છે. શર્માજી પાસે કંઠસંગીત શીખવાની શરૂઆત કરી છે. છેક પાછલી હરોળમાં બેઠેલા અમેરિકન બેન જેનેટ સિમ્પસન, આમ તો સિમ્ફોની ઓર્કેસ્ટ્રામાં વાયોલિન વગાડે છે પણ અમેરિકાના છેલ્લા ત્રણ પ્રવાસથી અમારી સાથે રહે છે. શર્માજી પાસે સરોદ શીખે છે. અમારા બધા કોન્સર્ટમાં તાનપૂરા પર સાથ આપે છે.

તિવારીજી, હાજર રહેલા તમામ સાથી મિત્રનો પરિચય આપવા બદલ આપનો ઘણો આભાર.

હું શ્રુતિકાને વીટનેશ સ્ટેન્ડમાં ફરી હાજર થવા વિનંતી કરું છું.’

શ્રુતિકા આ હાથમોજું તમારું છે?’

ના આ મારું નથી, હું મોજા પહેરતી નથી.

જરા આ પહેરી જૂઓને આ ફીટ થાય છે?’

ના ફીટ નથી થતું. આ મારા હાથ માટે મોટું છે.

જાગૃતિ, આપ આ પહેરી જોશો?’

જાગૃતિએ બધાની હસાહસ વચ્ચે કહ્યું. ચોક્કસ; મને આવશે તો વેચાતું લઈ લઈશ.’

પ્લીઝ આ ગંભીર વાત છે. પહેરી બતાવો.’

ના મેમ, આ મને આવતું નથી.

ભલે. હવે મધુરાદેવી આપ પહેરી જૂઓ.’

ના હું ઋષિકેશની ઠંડીમાંયે કોઈ જાતના મોજા પહેરતી નથી અને કોઈના પહેરેલા વસ્ત્રો સન્યસ્ત ધારણ કર્યા પછી મેં પહેર્યા નથી. જજ સાહેબને વિનંતી કરું છું કે મને ફોર્સ કરવામાં ન આવે.

ના, વકીલ કહે તેમ તમારે પહેરવું પડશે.’

મધુરાએ ધ્રૂજતા હાથે પહેરવાની કોશિશ કરી પણ આંગળા ગયા નહીં.

નાવ આઈ રિક્વેસ્ટ મિઝ જેનેટ સિમ્પસન ટુ કમ ઈન ધ વીટનેશ સ્ટેન્ડ એન્ડ ટ્રાય ધીસ ગ્લોઝ.’

નો. આઈ એમ અમેરિકન સીટીઝન એન્ડ યુ કેન નોટ ફોર્સ મી ટુ ટેસ્ટીફાય ઈન ધ કોર્ટ વિધાઉટ માય એટર્ની.

મેમ, એઝ પર ઈન્ડિયન સિવિલ એન્ડ ક્રિમીનલ કોડ એની વીટનેસ મે બી કમ્પેલ્ડ, ઓલધો ઈફ વીટનેસ ઇસ વીલિંગ ટુ ગો ટુ જૈલ, ઈફ હી ઓર સી મે રિફ્યુઝ. વી હેવ ઓલરેડી ઈન્ફોર્મ અમેરિકન કોન્સ્યુલેટ એબાઉટ ધીસ પ્રોસીડિંગ એન્ડ ધે વીલ હેલ્પ યુ ઈન ફ્યુચર ઇફ યુ નીડ એની. વી હેવ એરેન્જ ઓફિસીયલ ઈન્ટરપ્રીટર ફોર યુ. નાવ પ્લીઝ ટ્રાય ધીસ ગ્લોવ.’

નો ઈટ વોન્ટ ફીટ.

પ્લીઝ ટ્રાય.’

અને જેનેટે એ હાથ મોજું પહેર્યું. પર્ફેક્ટ ફીટ થઈ ગયું.

મીઝ જેનેટ, જ્યારે શ્રુતિકા મ્યુઝિક ડાયરેક્ટરને મળવા ગઈ હતી અને મનોજ એની રૂમ પર સૂતો હતો ત્યારે તમે શર્માજીની મુલાકાત લીધી હતી. તમે સારી ક્વોલિટીનું સરોદ શર્માજીની સલાહથી ખરીદવા ઈન્ડિયા આવ્યાં હતાં. તમને ખબર ન હતી પણ શર્માજીએસૂરબહારસાથે તમારે માટે એપોઈન્ટમેન્ટ નક્કી કરી હતી અને સવા વાગ્યે સરોદ જોવા જવાના હતા. મનોજને જગાડવા તમે ના કહી અને તમે ડ્રાઈવ કરવા સ્વીકાર્યું. તમે ડ્રાઈવર સીટ પર બેઠા. શર્માજી આગળથી પેસેન્જર સીટ પર બેસવા ગયા, તેજ સમયે તમે કાર ડ્રાઈવમાં મૂકીને શર્માજીને કચડી નાંખ્યા. એમના ઊંચા હાથમાંની હીરાની વીંટી પર તમારી દાનત બગડી. એટલે ગ્લોવ કાઢીને વીંટી એમના હાથ્માંથી કાઢી લીધી. વીંટીને લીધે હાથમાં ગ્લોવ પહેરાયું એટલે વિચાર્યા વગર ફેંકીને ત્યાંથી ચાલતી પકડી. બોલો એ વીંટી ક્યાં છે? બોલો એ વીંટી ક્યાં છે? વ્હેર ઈઝ ધ રિંગ. યુ કીલ શર્માજી, યોર લવર શર્માજી, યોર ટિચર શર્માજી. વ્હાઈ?’

આ બધી કલ્પિત વાતો છે ભલે આ ગ્લોવ મને ફીટ થતું હોય તો પણ મારું નથી. મેં શર્માને કચડ્યા નથી મારી પાસે કોઈ રીંગ નથી.

બરાબર છે એ રીંગ તમારી પાસે નથી. તમે એ રીંગ ચાર દિવસ પહેલાં શૃંગાર જ્વેલર્સને ત્યાં વેચી અને આજે સાંજે પચ્ચીસ હજાર ડોલરનો ડ્રાફટ લેવા જવાના છો. સ્ટોરના સીસીટીવી પર આપની મુલાકાતની વિડિયો અમારી પાસે હાજર છે. શૃંગાર જ્વેલર્સના માલિક સુરેશ શાહ રીંગ અને તમારી સહી સાથેના ડોક્યુમેન્ટ સાથે પેલી ખુરસી પર વિરાજમાન છે. બસ હવે મહેરબાની કરીને બાકીની વાત તમે પૂરી કરો. કે જેથી એક નિર્દોષ ગરીબ ડ્રાયવરનો છૂટકારો થાય.

કોર્ટમાં સંપૂર્ણ સન્નાટો હતો. જેનેટ ધ્રૂસકે ધ્રૂસકે રડતી હતી. એની આજુબાજુ મહિલા ઓફિસર ગોઠવાઈ ગઈ હતી. એણે શરું કર્યું.

હા મેં નરાધમને કચડ્યો છે. હું એની પાસે સરોદ શીખતી હતી. એની પાસે શીખવાની શારીરિક કિંમત પણ મેં ચૂકવી છે. મને તેનો પણ અફસોસ નથી. ન્યુ ઓર્લિન્સમાં હોટલમાં રહેવાને બદલે એ મારે ત્યાં રહ્યા હતા. હું બહાર ગઈ હતી. આવીને જોયું તો એ મારી દીકરી સાથે સૂતો હતો. હું ક્રોધથી સળગી ઉઠી હતી. સરોદ ખરીદવાને બહાને હું ઈન્ડિયા આવી હતી. અને એને ઠેકાણે પાડવા તક શોધતી હતી. એ તક મળી પણ હું પ્રોફેશનલ મર્ડરર નથી કે એવો ચોક્કસ પ્લાન કર્યો ન હતો. વીંટીનો લોભ ના કર્યો હોત તો હું આજે ન્યુ ઓરલિન્સમાં હોત.

સમાપ્ત.

પૂર્વ પ્રકાશીતઃ મધુ રાય સંપાદિત “મમતા” માસિક

Advertisements

21 ટિપ્પણીઓ (+add yours?)

  1. aataawaani
    સપ્ટેમ્બર 17, 2016 @ 08:58:08

    પ્રિય પ્રવીણકાન્ત શાસ્ત્રી ભાઈ
    બહુજ રસદાયક વાર્તા હતી .એટલેજ આપણા રામતો
    हसिनोसे साहब सलामत दूरकी अच्छी
    न उनसे दोस्ती अच्छी न उनसे दुश्मनी अच्छी . और यारो मुझेतो मेरी माशूक़ने
    तड़पता छोड़ दिया नीली आँख वालिने
    दिलको बर्बाद किया संग दिल वालिने .

    Liked by 1 person

    જવાબ આપો

  2. સુરેશ
    સપ્ટેમ્બર 17, 2016 @ 12:16:17

    ઘણા વખત પછી પેરી મેસન અને ડેલા સ્ટ્રીટ તાજાં થઈ ગયાં. તમારી કલ્પના શક્તિ અને સંવાદ કળા લાજવાબ છે.

    Liked by 1 person

    જવાબ આપો

  3. aataawaani
    સપ્ટેમ્બર 17, 2016 @ 13:15:54

    બહુ ગમી ગયેલી વાત હતી એટલે વાંચવી ઘણી ગમી કંટાળો જરાય નો આવ્યો .

    Liked by 1 person

    જવાબ આપો

  4. Vinod R. Patel
    સપ્ટેમ્બર 17, 2016 @ 16:51:37

    પ્રવીણભાઈ તમે રહસ્યમય વાર્તાઓમાં પણ એટલા જ માહિર છો એનું રહસ્ય આ રહસ્ય વાર્તા વાંચીને જાણ્યું.

    ખૂન કોણે કર્યું ? એનું રહસ્ય વાર્તાને અંતે ખબર પડી એ દરમ્યાન વાર્તા લાંબી હોવા છતાં વાંચવાનો રસ છેવટ સુધી જળવાઈ રહ્યો , કંટાળો ના આવ્યો . વાર્તાકારની એ જ ખૂબી છે જે ધ્યાન ખેંચે એવી છે. મમતા મેગેઝીનમાં આ વાર્તા સ્વીકારાઈ એ જ વાર્તાની ગુણવત્તાનું દ્યોતક છે.સુંદર વાર્તા માટે અભિનંદન.

    Liked by 1 person

    જવાબ આપો

    • pravinshastri
      સપ્ટેમ્બર 17, 2016 @ 17:47:16

      વિનોદભાઈ, વાર્તા જરૂર કરતાં વધારે લાંબી થઈ ગઈ. લખતી વખતે ખ્યાલ ના રહ્યો. કરેખર વાર્તા એ જ મને ખેંચે રાખ્યો. ૨૦૦૦+/-૫૦૦ ની મર્યાદા બહારની જ વાર્તા છે. આપને ગમી તે મને ગમ્યું.

      Like

      જવાબ આપો

  5. Chiman Patel
    સપ્ટેમ્બર 17, 2016 @ 17:58:24

    આતાજી, સુરેશભાઈ અને વિનોદભાઈ સાથે સંમત! કોર્ટનો કેટલો અનુભવ છે? શિર્ષક સહુંને પકડી રાખી વાંચનમાં ડૂબાડૅ છે એ કલા હવે હાથવગે થઈ ગઈ છે. ઘન્યવાદ.

    Liked by 1 person

    જવાબ આપો

  6. Amrut Hazari.
    સપ્ટેમ્બર 17, 2016 @ 19:30:16

    રહસ્ય…..તમે તો રહસ્ય ખોલતાં ખોલતાં કેટલા સંબંઘોને જાહેર કરી દીઘા. !!!!!!….અને વાચકને કેટ કેટલી ભ્રમણાઓના શિકાર બનાવી દીઘા !!!!!!!
    મારના હો તો કોઇ આપસે શીખે……શરીર….મગજ….હૃદય….અને બદલાની ભાવના…બઘા જ…. .હોરમોન્સના ગુલામ…….
    અભિનંદન.
    અમૃત હઝારી.

    Liked by 1 person

    જવાબ આપો

  7. harnishjani52012
    સપ્ટેમ્બર 17, 2016 @ 21:48:53

    ખૂબ સરસ રહસ્યમય વાર્તા. આવી જ વાર્તાઓ આપો. આજકાલ આવી વાર્તાઓ લખાતી નથી. હાથના મોજાની વાત વાંચીને ઓ.જે. સિમ્પ્સનનો કેસ યાદ આવી ગયો મમતામાં લેવા બદલ મધુરાયને પણ અભિનંદન.

    Liked by 1 person

    જવાબ આપો

  8. mhthaker
    સપ્ટેમ્બર 19, 2016 @ 09:14:23

    pravinbhai,
    this is your birthday gift to all of us..
    murder mystery- with all indian triveni – ane neekaly American chaturvedi..
    magaj ne tar kari didhu..Manoj Fankado- bachi gayo..
    jenet bene kharo badalo lidho..dikari no- pan Kanchan vacche aavi gai…
    kamini ane kanchan..jenet ane Sharmaji no bhog lidho..
    guru-o ne badale Sangeet Guru no sunder Upyog karyo…
    Shamaji na Pavitra Atma ne Swarga Ma Shanti nee Prarthana sathe- viramu

    Liked by 1 person

    જવાબ આપો

    • pravinshastri
      સપ્ટેમ્બર 19, 2016 @ 10:58:54

      મહેન્દ્રભાઈ આમાં સત્ય કશું જ નહિ હોં. માત્રનવરા બેઠાની કલ્પના જ. મને તો બે ચાર મિત્રોને ગમે એટલે આનંદ આનંદ. બે દિવસ પહેલાં હું કહેતો હતો ૭૬ પૂરા, હવે કહેવું પડે ૭૭ પૂરા. ઘરવાળાં તો વાત વાતમાં કહે છે કે તારા મગજનું ઠેકાણું નથી, મિત્રો પાસે જ સારા પ્રમાણપત્રની આશા રાખવી રહી.

      Like

      જવાબ આપો

  9. Tushar Bhatt
    સપ્ટેમ્બર 27, 2016 @ 07:42:24

    Kalakaro ni kundali ma shukra grah powerful hoy chhe,em jyotishio kahe chhe.Shukra kala ma parangatata aape ne sathe sathe sex ma pan.Etle banne ne sathe, game ke na game, swikarvu j rahyu.Pan, aajna Jayendra Ashara na Status na sandarbhe,Vivek thi kahevu hoy to etlu chokkas kahi shakay ke ‘je te vyakti sathe sex manavu e nari padshuta j chhe..ene swair vihar kahevu e nadani chhe.Ne ene chokkas vyabhichar j kahevay.ek,be sabandh ne openness tarike swikaray,pan jyan tya mathu marnar to vyabhichari j.
    Chelle, any way,Varta par tamari pakad sari j chhe.

    Liked by 1 person

    જવાબ આપો

  10. aataawaani
    ઓક્ટોબર 10, 2016 @ 07:15:39

    પ્રિય પ્રવીણકાન્ત શાસ્ત્રી ભાઈ
    તમે વાર્તાના કસબી છો .અને તમે તમારા આળસ અને કઁ ટા ળા ઉપર વિજય મેળવ્યો છે . મને આ તમારી વાર્તા બહુજ ગમે છે . હું એટલે જ વધારે વખત વાંચું છું . હું તમને શાહબાશી આપું છું . વાર્તાના જાદુગર

    Liked by 1 person

    જવાબ આપો

  11. Satish Parikh
    જાન્યુઆરી 15, 2017 @ 10:28:01

    અદ્ભુત દાદા વાર્તા ઘણી લાંબી જરુર છે પણ સસ્પેન્સ એટ્લુ બધુ અદ્ભુત છે કે વાચક ને પુરુ કરવુ જ પદે અને તો જ મઝા આવે. ઘણા લાંબા સમયે આટ્લી સરસ વાર્તા વાંચવા મળી. તમે સળી કરનારા નટ્ખટીયા છો એવુ લેબલ પાછુ ખેંચી લેવુ પડ્શે. ખુબ ખુબ અભિનનન્દન અને આભાર.

    Liked by 1 person

    જવાબ આપો

    • pravinshastri
      જાન્યુઆરી 15, 2017 @ 20:51:55

      સતિષભાઈ વાર્તા સામાન્યરીતે ૨૦૦૦+/- ૫૦૦ શદોની હોય આ લગભગ ૩૩૦૦ શબ્દની છે. મમતા મેગેઝિને અપવાદરૂપ પ્રગટ કરી હતી. આપને ગમી તેનો આનંદ અને વાંચવા બદલ આભાર.

      Like

      જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

Enter your email address to follow this blog and receive notifications of new posts by email.

Join 1,141 other followers

Please Enter your email address to follow this blog and receive notifications of new posts by email.

Join 1,141 other followers

%d bloggers like this: